शर्मिष्ठा  हिन्दी देवनागरी में पढ़ें।

sharmishtha daityon ke raja vrishaparva ki kanya jo shukrachary ki kanya devayani ki sakhi thi.

sharmishtha se judi kathaen

ek bar daityaraj vrishaparva ki putri sharmishtha apani sakhiyon ke sath apane udyan men ghoom rahi thi. unake sath men guru shukrachary ki putri devayani bhi thi. sharmishtha ati manini tatha ati sundar rajapootri thi kintu roop lavany men devayani bhi kisi prakar kam nahin thi. ve sab ki sab us udyan ke ek jalashay men, apane vastr utar kar snan karane lagin. usi samay bhagavan shnkar parvati ke sath udhar se nikale. bhagavan shnkar ko ate dekh ve sabhi kanyaen lajjavash se se daud kar apane-apane vastr pahanane lagin. shighrata men sharmishtha ne bhoolavash devayani ke vastr pahan liye. is par devayani ati krodhit hokar sharmishtha se boli, "re sharmishtha! ek asur putri hokar toone brahman kanya ka vastr dharan karane ka sahas kaise kiya? toone mere vastr dharan karake mera apaman kiya hai." devayani ne sharmishtha ko is prakar se aur bhi anek apashabd kahe. devayani ke apashabdon ko sunakar sharmishtha apane apaman se tilamila gee aur devayani ke vastr chhin kar use ek kuen men dhakel diya.

devayani ko kuen men dhakel kar sharmishtha ke chale jane ke pashchath daivavash raja yayati shikar khelate huye vahan par a pahunche. apani pyas bujhane ke liye ve kuen ke nikat gaye aur us kuen men vastrahin devayani ko dekha. unhonne devayani ke deh ko dhnkane ke liye apana dupatta us par dal diya aur usaka hath pakadakar use kuen se bahar nikala. is par devayani ne premapoorvak raja yayati se kaha, "he ary! apane mera hath pakada hai atah main apako apane pati roop men svikar karati hoon. he virashreshth! yadyapi main brahman putri hoon kintu vrihaspati ke putr kach ke shap ke karan mera vivah brahman kumar ke sath nahin ho sakata. isaliye ap mujhe apane prarabdh ka bhog samajh kar svikar kijiye." yayati ne prasann hokar devayani ke is prastav ko svikar kar liya.


raja yayati ki rajadhani amaravati thi . shukrachary ki beti devayani ko byahane ke bad yayati ne use apane mahal ke ant:pur men pratishthit kiya . sharmishtha tatha dasiyon ke lie devayani ki ray se ashok vatika men sthan banavaya aur ann-vastr ki vyavastha ki . kuchh samay bad devayani ko garbh raha aur ek sundar putr paida hua .

ek din yayati ashok vatika ke pas pahunch gaye aur vahan sharmishtha ko dekh kar thithak ge . yayati ko akela dekh sharmishtha bhi unake nikat ayi aur boli, he rajanh ! jaise chndrama, indr, vishnu, yam aur varun ke mahal men koee stri surakshit rah sakati hai , vaise hi main apake yahan surakshit hoon. yahan meri or kaun drishti dal sakata hai ? ap mera roop , kul aur shil janate hain. yah mere ritu ka samay hai. main apase usaki saphalata ke lie prarthana karati hoon. ap mujhe ritudan dijie.

yayati ne sharmishtha ka nivedan svikar kiya aur ashok vatika men hi usaki ichchha poori ki . lekin yayati ne yah snbndh banae rakha aur usake sahachary ka sukh bhogate rahe . ant:pur men rah rahi devayani se unhen do putr hue - yadu aur turvasu , aur sharmishtha ke sahachary se tin putr hue - duhy , avu aur puroo . is prakar yayati ka samay anndapoorvak bitane laga. ek din devayani bhi vihar ke lie yayati ke sath ashok vatika men gee .

usane dekha ki tin sundar kumar khel rahe hain . usane poochha , aryaputr ! ye sundar kumar kisake hain ? inaka saundary to ap jaisa hi maloom padata hai. phir devayani ne un bachchon se poochha , tum logon ke nam kya hain ? kis vnsh ke ho ? tumhare man - bap kaun hain ? bachchon ne apani totali bhasha men kaha , hamari man hain sharmishtha aur raja ki or snket kiya, ye hamare pita hain . aisa kah ve prem se yayati ke pas daud ge.

devayani sara rahasy samajh gee. usane sharmishtha se kaha , sharmishthe ! meri dasi ho kar bhi mera apriy karane men too dari nahin ? sharmishtha ne kaha, he madhurahasini ! mainne rajarshi ke sath jo samagam kiya hai , vah dharm aur nyay ke anusar hai . phir main kyon daroon ? jab tumhari dasi ban kar mujhe unhin ke ashray men rahana tha, to tumhare sath hi mainne bhi unhen apana pati man liya. isake bad devayani ne sharmishtha ko kuchh nahin kaha . vah palati aur yayati ki shikayat apane pita shukrachary se ki . shukrachary ne bhi sharmishtha ko kuchh nahin kaha , par naraz ho yayati ka yauvan chhin liya.


panne ki pragati avastha
adhar
prarambhik
madhyamik
poornata
shodh

snbndhit lekh



varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah