दधीचि  हिन्दी देवनागरी में पढ़ें।

snkshipt parichay
dadhichi
dadhichi se unaki asthiyon ka dan mangate devata
kul brahman
pita atharva
vivah gabhastini
sntan pippalad
yashakirti devataon ke kalyan aur asuron ke vadh ke lie dadhichi ne vajr ke nirman hetu apani asthiyan dan kar di thin.
snbndhit lekh indr, ashvinikumar, vajr
vishesh dadhichi dvara deh tyag dene ke bad devataon ne unaki patni ke sati hone se poorv unake garbh ko pipal ko saunp diya tha, jis karan balak ka nam 'pippalad' hua tha.
any janakari yask ke matanusar dadhichi ki mata 'chitti' aur pita 'atharva' the, isilie inaka nam 'dadhichi' hua tha. kisi puran ke anusar yah kardam rishi ki kanya 'shanti' ke garbh se utpann atharva ke putr the.

dadhichi prachin kal ke param tapasvi aur khyatiprapt maharshi the. unaki patni ka nam 'gabhastini' tha. maharshi dadhichi ved shastron adi ke poorn gyata aur svabhav ke bade hi dayalu the. ahnkar to unhen chhoo tak nahin paya tha. ve sada doosaron ka hit karana apana param dharm samajhate the. unake vyavahar se us van ke pashu-pakshi tak sntusht the, jahan ve rahate the. gnga ke tat par hi unaka ashram tha. jo bhi atithi maharshi dadhichi ke ashram par ata, svayn maharshi tatha unaki patni atithi ki poorn shraddha bhav se seva karate the. yoon to 'bharatiy itihas' men kee dani hue hain, kintu manav kalyan ke lie apani asthiyon ka dan karane vale matr maharshi dadhichi hi the. devataon ke mukh se yah janakar ki matr dadhichi ki asthiyon se nirmit vajr dvara hi asuron ka snhar kiya ja sakata hai, maharshi dadhichi ne apana sharir tyag kar asthiyon ka dan kar diya.

parichay

lok kalyan ke liye atm-tyag karane valon men maharshi dadhichi ka nam bade hi adar ke sath liya jata hai. yask ke matanusar dadhichi ki mata 'chitti' aur pita 'atharva' the, isilie inaka nam 'dadhichi' hua tha. kisi puran ke anusar yah kardam rishi ki kanya 'shanti' ke garbh se utpann atharva ke putr the.[1] any purananusar yah shukrachary ke putr the. maharshi dadhichi tapasya aur pavitrata ki pratimoorti the. bhagavan shiv ke prati atoot bhakti aur vairagy men inaki janm se hi nishtha thi.

katha

kaha jata hai ki ek bar indralok par 'vritrasur' namak rakshas ne adhikar kar liya tatha indr sahit devataon ko devalok se nikal diya. sabhi devata apani vyatha lekar brahma, vishnu v mahesh ke pas ge, lekin koee bhi unaki samasya ka nidan n kar saka. bad men brahma ji ne devataon ko ek upay bataya ki prithvi lok me 'dadhichi' nam ke ek maharshi rahate hain. yadi ve apani asthiyon ka dan kar den to un asthiyon se ek vajr banaya jaye. us vajr se vritrasur mara ja sakata hai, kyonki vritrasur ko kisi bhi astr-shastr se nahin mara ja sakata. maharshi dadhichi ki asthiyon men hi vah brahm tez hai, jisase vritrasur rakshas mara ja sakata hai. isake atirikt aur koee doosara upay nahin hai.[2]

indr ka snkoch

devaraj indr maharshi dadhichi ke pas jana nahin chahate the, kyonki indr ne ek bar dadhichi ka apaman kiya tha, jisake karan ve dadhichi ke pas jane se katara rahe the. mana jata hai ki brahm vidya ka gyan poore vishv men keval maharshi dadhichi ko hi tha. maharshi matr vishisht vyakti ko hi is vidya ka gyan dena chahate the, lekin indr brahm vidya prapt karane ke param ichchhuk the. dadhichi ki drishti men indr is vidya ke patr nahin the. isalie unhonne indr ko is vidya ko dene se mana kar diya. dadhichi ke inkar karane par indr ne unhen kisi any ko bhi yah vidya dene ko mana kar diya aur kaha ki- "yadi apane aisa kiya to main apaka sir dhad se alag kar doonga". maharshi ne kaha ki- "yadi unhen koee yogy vyakti milega to ve avashy hi brahm vidya use pradan karenge." kuchh samay bad indralok se hi ashvinikumar maharshi dadhichi ke pas brahm vidya lene pahunche. dadhichi ko ashvinikumar brahm vidya pane ke yogy lage. unhonne ashvinikumaron ko indr dvara kahi gee baten bataeen. tab ashvinikumaron ne maharshi dadhichi ke ashv ka sir lagakar brahm vidya prapt kar li. indr ko jab yah janakari mili to vah prithvi lok men aye aur apani ghoshana ke anusar maharshi dadhichi ka sir dhad se alag kar diya. ashvinikumaron ne maharshi ke asali sir ko phir se laga diya. indr ne ashvinikumaron ko indralok se nikal diya. yahi karan tha ki ab indr maharshi dadhichi ke pas unaki asthiyon ka dan mangane ke lie ana nahin chahate the. ve is kary ke lie bada hi snkoch mahasoos kar rahe the.

dadhichi dvara asthiyon ka dan

devalok par vritrasur rakshas ke atyachar din-pratidin badhate hi ja rahe the. vah devataon ko bhanti-bhanti se pareshan kar raha tha. antatah devaraj indr ko indralok ki raksha v devataon ki bhalaee ke lie aur apane sinhasan ko bachane ke lie devataon sahit maharshi dadhichi ki sharan men jana hi pada. maharshi dadhichi ne indr ko poora samman diya tatha ashram ane ka karan poochha. indr ne maharshi ko apani vyatha sunaee to dadhichi ne kaha ki- "main devalok ki raksha ke lie kya kar sakata hoon." devataon ne unhen brahma, vishnu v mahesh ki kahin huee baten bataeen tatha unaki asthiyon ka dan manga. maharshi dadhichi ne bina kisi hichakichahat ke apani asthiyon ka dan dena svikar kar liya. unhonne samadhi lagaee aur apani deh tyag di. us samay unaki patni ashram men nahin thi. ab devataon ke samaksh ye samasya aee ki maharshi dadhichi ke sharir ke mans ko kaun utare. is kary ke dhyan men ate hi sabhi devata saham ge. tab indr ne kamadhenu gay ko bulaya aur use maharshi ke sharir se mans utarane ko kaha. kamadhenu ne apani jibh se chat-chatakar maharshi ke sharir ka mans utar diya. ab keval asthiyon ka pinjar rah gaya tha.[2]

gabhastini ki jid

maharshi dadhichi ne to apani deh devatao ki bhalaee ke lie tyag di, lekin jab unaki patni 'gabhastini' vapas ashram me aee to apane pati ki deh ko dekhakar vilap karane lagi tatha sati hone ki jid karane lagi. tab devatao ne unhen bahut mana kiya, kyonki vah garbhavati thi. devataon ne unhen apane vnsh ke lie sati n hone ki salah di. lekin gabhastini nahin mani. tab sabhi ne unhen apane garbh ko devataon ko saunpane ka nivedan kiya. is par gabhastini raji ho gee aur apana garbh devataon ko saunpakar svayn sati ho gee. devataon ne gabhastini ke garbh ko bachane ke lie pipal ko usaka lalan-palan karane ka dayitv saunpa. kuchh samay bad vah garbh palakar shishu hua to pipal dvara palan poshan karane ke karan usaka nam 'pippalad' rakha gaya. isi karan dadhichi ke vnshaj 'dadhich' kahalate hain.

devataon ki vijay

indr rishi dadhichi ki asthiyon ko lekar vishvakarma ke pas gaye. vishvakarma ne un asthiyon se vajr ka nirman kiya aur indr ko de diya. ab ek bar phir se devataon aur daityon men bhaynkar yuddh hua. hajaron ki snkhya men daity, danav, yaksh adi ladane ko samane aye. us vajr se sab rakshas aur danav mare gaye. vritrasur ne apana trishool phenka aur gada se devaraj indr ke vahan airavat par akraman kiya. airavat ke sir par chot aee, parntu indr ne apani vidya se airavat ke mathe ki chot ko thik kar diya. phir vritrasur par akraman kiya. kuchh samay bad indr ke hath se chhootakar vajr yuddh bhoomi men gir gaya. vritrasur bola− "jis prakar tumane vishvaroop ka sir kata tha, usi tarah main tera sir katakar apane bhaee ka badala loonga. bhootanath par tumhare sir ko chadhaoonga." indr ne kaha ki- "yuddh ek prakar ka jua hai. isamen pranon ki baji lagati hai. ban pase ka kam karate hain aur vahan hi chausar hai. isalie isamen yah pata nahin chalata ki kaun vijayi hoga?" is prakar indr ne adarabhav se vritrasur ko baton men lagakar mauka pakar apana vajr utha liya aur vritrasur ka sir kat kar usaki ih lila samapt kar di. usake mare jane par devataon ne prasannata prakat karate hue indr par phoolon ki varsha ki. vritrasur ki jyoti usake sharir se nikal kar bhagavan men lin ho gee.[3]


panne ki pragati avastha
adhar
prarambhik
madhyamik
poornata
shodh

tika tippani aur sandarbh

  1. pauranik kosh |prakashak: gyanamandal limited, varanasi |snpadan: rana prasad sharma |prishth snkhya: 215 |
  2. 2.0 2.1 asthiyon ke dani maharshi dadhichi (hindi). . abhigaman tithi: 29 julaee, 2013.
  3. sabase oopar maharshi dadhichi ka tyag (hindi). . abhigaman tithi: 29 julaee, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah