पुलोमा  हिन्दी देवनागरी में पढ़ें।

Disamb2.jpg puloma ek bahuvikalpi shabd hai any arthon ke lie dekhen:- puloma (bahuvikalpi)

puloma hindoo manyataon aur pauranik mahakavy mahabharat ke ullekhanusar vaishvanar namak daity ki char putriyon men se ek thi, jo rishi bhrigu ki patni thi. any mat se yah kashyap[1]ki patni thi.[2] puloma ke putr maharshi chyavan the.

ashram men rakshas ka agaman

puloma apane pati bhrigu ko bahut hi pyari thi. usake udar men bhrigu ke viry se utpann garbh pal raha tha. unaki kukshi men us garbh ke prakat hone par ek samay dharmatmaon men shreshth bhrigu ji snan karane ke liye ashram se bahar nikale. us samay ek rakshas, jisaka nam bhi puloma hi tha, unake ashram par aya. ashram men pravesh karate hi usaki drishti maharshi bhrigu ki pativrata patni par padi aur vah kamadev ke vashibhoot ho apani sudh-budh kho baitha. sundari ne us rakshas ko abhyagat atithi manakar van men phal-mool adi se usaka satkar karane ke liye use nyota diya. vah rakshas kam se pidit ho raha tha. us samay usane vahan puloma ko akeli dekh bade harsh ka anubhav kiya, kyonki vah sati-sadhvi puloma ko har le jana chahata tha. man men us shubh lakshana sati ke apaharan ki ichchha rakhakar vah prasannata se phool utha. pavitr musakan vali puloma ko pahale us puloma namak rakshas ne varan[3] kiya tha.[4] kintu pichhe usake pita ne shastr vidhi ke anusar maharshi bhrigu ke sath usaka vivah kar diya. usake pita ka vah aparadh rakshas ke hriday men sada kante sa kasakata rahata tha. yahi achchha mauka hai, aisa vichar kar usane us samay puloma ko har le jane ka pakka nishchay kar liya.

agnidev aur rakshas ki varta

itane men hi rakshas ne dekha, agnihotr grih men agnidev prajvalit ho rahe hain. tab puloma rakshas ne us samay prajvalit pavak se poochha- "agnidev! main saty ki shapath dekar poochhata hoon, batao, yah kisaki patni hai? pavak! tum devataon ke mukh ho. atah mere poochhane par thik-thik batao. pahale to mainne hi is sundari ko apani patni banane ke liye varan kiya tha. kintu bad men asaty vyahar karane vale isake pita ne bhrigu ke sath isaka vivah kar diya. yadi yah ekant men mili huee sundari bhrigu ki bharya hai to vaisi bat sach-sach bata do; kyonki main ise is ashram se har le jana chahata hoon. vah krodh aj mere hriday ko dagdh sa kar raha hai. is sumadhyama ko, jo pahale meri bharya thi, bhrigu ne anyayapoorvak hadap liya hai." is prakar vah rakshas bhrigu ki patni ke prati, yah meri hai ya bhrigu ki. aisa snshay rakhate hue prajvalit agni ko sambodhit karake bar-bar poochhane laga- "agnidev! tum sada sab praniyon ke bhitar nivas karate ho. sarvgy agne! tum puny aur pap ke vishay men sakshi ki bhanti sthit rahate ho; atah sachchi bat batao. asaty bartav karane vale bhrigu ne, jo pahale meri hi thi, us bharya ka apaharan kiya hai. yadi yah vahi hai to vaisi bat thik-thik bata do. sarvgy agnidev! tumhare mukh se sab baten sunakar bhrigu ki is bharya ko tumhare dekhate-dekhate is ashram se har le jaoonga; isaliye mujhase sachchi bat kaho."

rakshas ki yah bat sunakar jvalamayi sat jihvaon vale agnidev bahut du:khi hue. ek or ve jhooth se darate the to doosari or bhrigu ke shap se; atah dhire se is prakar bole- "danavanandan! isamen sndeh nahin ki pahale tumhin ne is puloma ka varan kiya tha, kintu vidhipoorvak mantrochcharan karate hue isake sath tumane vivah nahin kiya tha. pita ne to yah yashasvini puloma bhrigu ko hi di hai. tumhare varan karane par bhi isake mahayashasvi pita tumhare hath men ise isaliye nahin dete ki unake man men tumase shreshth var mil jane ka lobh tha. danav! tadanantar maharshi bhrigu ne mujhe sakshi banakar vedokt kriya dvara vidhipoorvak isaka panigrahan kiya tha. yah vahi hai, aisa main janata hoon. is vishay men main jhooth nahin bol sakata. danavashreshth! lok men asaty ki kabhi pooja nahin hoti hai."[5]

rakshas ka bhasm hona

agni ka yah vachan sunakar us rakshas ne varah ka roop dharan karake man aur vayu saman veg se sundari puloma ka apaharan kiya. us samay vah garbh jo apani mata ki kukshi men nivas kar raha tha, atyant rosh ke karan yog bal se mata ke udar se chyut hokar bahar nikal aya. chyut hone ke karan hi usaka nam chyavan hua. mata ke udar se chyut hokar gire hue us soory ke saman tejasvi garbh ko dekhate hi vah rakshas puloma ko chhodakar gir pada aur tatkal jalakar bhasm ho gaya.[6]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

pauranik kosh |lekhak: rana prasad sharma |prakashak: gyanamandal limited, varanasi |snkalan: bharat diskavari pustakalay |prishth snkhya: 317 |

  1. marich
  2. bhagavat puran 6-6-33-4; brahmand puran 3.6.25; matsy puran 6.22; vayupuran 68.23; vishnu puran 1.21.8-9)
  3. balyavastha men puloma ro rahi thi. usake roodan ki nivritti ke liye pita ne darate hue kaha- "re rakshas ! too ise pakad le." ghar men puloma rakshas pahale se hi chhipa hua tha. usane man hi man varan kar liya- "yah meri patni hai." bat keval itani hi thi. isaka abhipray yah hai ki hnsi khel men bhi ya dantane dapatane ke liye bhi balakon se aisi bat nahin kahani chahiye aur rakshas ka nam bhi nahin rakhana chahiye.
  4. mahabharat adi parv adhyay 5 shlok 1-19
  5. mahabharat adi parv adhyay 5 shlok 20-34
  6. mahabharat adi parv adhyay 6 shlok 1-14

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah