प्रद्युम्न  हिन्दी देवनागरी में पढ़ें।

pradyumn kamadev ke avatar mane jate hain. ye bhagavan shrikrishn ki pramukh patni rukminiji ke putr the. inaka jivan-charitr atyant vichitr hai.

katha

kamadev ko jab bhagavan shnkar ne bhasm kar diya, tab usaki patni rati bhagavan shiv ke pas jakar karun vilap karane lagi. ashutosh bhagavan shiv ne us par daya karake use varadan diya ki dvapar men jab sachchidanand bhagavan shrikrishn ka avatar hoga, tab tumhara pati unake putr ke roop men utpann hoga.


pati se milane ki asha men rati bhagavan shrikrishn ke avatar ki utkantha ke sath pratiksha karane lagi. usi samay shambarasur nam ka ek balavan daity hua. usane rati ko apane ghar men rakh liya. vah shambarasur ke adhin rahakar atyant du:khi rahati thi. kalantar men rukmini ji ke garbh se pradyumn ka janm hua. shambarasur ko yah gyat tha ki rukmini ke garbh se utpann hone vale bhagavan shrikrishn ke pratham putr ke hathon usaki mrityu hogi. isiliye janm ke bad chhathi ke din usane apani maya se pradyumn ka apaharan kar liya aur use mritak samajhakar lavan sagar men dal diya. pradyumn ko ek matsy ne nigal liya. machhuon ne jal dalakar us matsy ko pakad liya aur use shambarasur ko bhent kar diya. shambarasur ne use pakane ke liye apane rasoiyon ko diya. rasoiyon ne jab matsy ka pet chira to usase ek atyant sundar jivit balak nikala. un rasoiyon ki svamini rati thi, jisaka nam us samay mayavati tha. vah pakakala men atyant nipun thi. rasoiyon ne balak ko lakar mayavati ko diya. mayavati us advitiy balak ko dekhakar mugdh ho gayi. usi samay devarshi narad ne akar mayavati ko pradyumn ke janm ke rahasy se parichit karaya aur savadhanipoorvak unaka palan karane ka nirdesh diya. mayavati yatnapoorvak pradyumn ka lalan-palan karane lagi. thode hi dinon men pradyumn ji yuva ho gaye. mayavati ke vyavahar men matritv ke sthan par patnitv ka bhav tha. pradyumn ke karan poochhane par usane bataya ki ap mere janm-janmantar ke pati hain. is dusht shambarasur ko marakar ap mujhe shighr dvarakapuri le chaliye.


mayavati ki sahayata se pradyumn ji ne shambarasur ka vadh kar dala. usaki mrityu par devataon ne pradyumn par akash se pushpavarsha ki tatha unaki bhoori-bhoori prashnsa ki. tadanantar mayavati ke sath viman par chadhakar pradyumn ji dvarakapuri pahunche. ve akar-prakar men shrikrishn ki hi pratimoorti the. unhen dekhakar rukmini ji ka matrisneh umad aya, unake stanon se svayn dugdh bahane laga. rukmini ji soch rahi thin ki yadi mera putr kahin jivit ho to itana hi bada hoga. itane men hi vahan apani vina ki madhur dhvani par bhagavannamon ka snkirtan karate hue devarshi narad padhare. unhonne pradyumn ka vrittant batate hue kaha- 'devi! yah tumhara hi putr hai. yah apane apaharanakarta shambarasur ka vadh karake yahan aya hai aur yah stri isake poorvajanm ki patni rati hai.' devarshi narad ki bat ka anumodan bhagavan shrikrishn ne bhi kiya. rukmini ji ne apane chirakal se bichhade hue putr ko hriday se laga liya. pradyumn ji bhagavan ke chaturvyuh men dvitiy sthan par pariganit hain.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah