भीमशंकर ज्योतिर्लिंग  हिन्दी देवनागरी में पढ़ें।

(भीमशंकर se punarnirdeshit)
bhimashnkar mandir

bharatavarsh men prakat hue bhagavan shnkar ke barah jyotirling men shri bhimashnkar jyotirling ka chhatha sthan hain. is jyotirling men kuchh matabhed hain. dvadash jyotirling stotr men ‘dakinyan bhimashnkaramh’ aisa likha hai, jisamen ‘dakini’ shabd se sthan ka spasht ullekh nahin ho pata hai. isake anusar bhimashnkar jyotirling mumbee se poorab aur poona se uttar bhima nadi ke tat par avasthit hai.

shiv puran ke anusar

shiv puran ke anusar bhimashnkar jyotirling asam prant ke kamaroop janapad men guvahati ke pas brahmaroop pahadi par sthit hai. kuchh log to uttarakhnd pradesh ke nainital zile men ‘ujjanak’ sthan par sthit bhagavan shiv ke vishal mandir ko bhi bhimashnkar jyotirling kahate hain. shri shiv mahapuran ke koti rudr snhita men shri bhimashnkar jyotirling ke sambandh men is prakar likha hai–

‘lok hit ki kamana se bhagavan shnkar kamaroop desh men jyotirling ke roop men prakat hue. unaka vah kalyanakarak svaroop bada hi sukhadayi tha. poorvakal men bhim namak ek mahabalashali aur parakrami rakshas utpann hua tha. vah atyachari rakshas jagah-jagah dharm ka nash karata hua sampoorn praniyon ko sataya karata tha. bhaynkar balashali vah rakshas kumbhakarn ke viry aur karkat ki putri karkati ke garbh se utpann hua tha. bhim apani mata karkati ke sath hi ‘sahy’ namak parvat par nivas karata tha. usane apane jivan men apane pita ko kabhi nahin dekha tha. ek din usane apani mata se poochha- ‘man! tum is parvat par akeli kyon rahati ho? mere pitaji kaun hain aur kahan rahate hain? mujhe ye sab baten janane ki badi ichchha hai, isalie tum sach-sach batao’–

mat me k: pita kutr kathn vaikakini sthita.
gyatumichchhami tatsarvn yatharthn tvn vadadhuna..[1]

tadanantar usaki mata karkati ne use vistar se bataya ki tumhare pita ka nam kumbhakarn tha, jo ravan ke chhote bhaee the. mahabalashali aur parakrami us vir ko bhaee sahit shriram ne mar dala tha. mere pita arthath tumhare nana ka nam karkat aur nani ka nam pushkasi tha. mere poorv pati ka nam ‘viradh’ tha, jinhen pahale hi shriram ne mar dala tha. main apane priy svami viradh ke mare jane par apane mata-pita ke pas akar rahane lagi thi, kyonki mera sahara any koee nahin tha. ek din mere mata-pita ahar ki khoj men nikale aur unhonne agasty muni ke param shishy tapasvi sutikshn ko apana ahar banana chaha, kintu ve rishi mahanh tapasvi aur mahatma the. isalie unhonne kupit hokar apane tapobal se mere mata-pita ko bhasm kar dala. ve donon vahin mar gaye aur main akeli anath ho gee. mujh par charon taraph se du:kh ka pahad toot pada aur main du:khi hokar akeli is parvat par rahane lagi. mera is duniya men koee avalamban kya sahara bhi n raha aur main atur hokar ekaki hi kisi prakar apana jivan ji rahi thi. ek din is sunasan pahad par rakshasaraj ravan ke chhote bhaee mahabal aur parakram se yukt kumbhakarn a gaye. unhonne mere sath balatkar kiya aur samagam ke bad ve mujhe yahin chhodakar pun: lnka men chale gaye. usake bad samay poora hone par tumhara janm hua. beta! tum apane pita ke saman hi sakshat mahabali aur parakrami ho. tumhen hi dekh-dekhakar, tumhare hi sahare ab main apana jivan chala rahi hoon aur kisi tarah samay bit raha hai.

apani mata karkati ke bat sunakar bhayanak parakrami rakshas kupit ho utha. usane vichar kiya ki vishnu ke sath kaisa vyavahar kiya jana chahie, unase pratirodh (badala) lene ka kya upay hai? vah chintit hokar apani man ki baton par gambhiratapoorvak vichar karane laga- ‘vishnu ne mere pita ko mar dala. mere nana-nani bhi unake hi bhakt ke hathon mare gaye. itana hi nahin viradh ko bhi unhonne hi mar dala. nishchit hi shrihari ne mujh par bahut hi atyachar kiya hai, atyadhik kasht diya hai. usane nishchay kiya ki hari dvara kiye gaye krity ka badala vah avashy lega. usane apani mata ke samane kaha ki yadi main apane pita ka putr hoon, to shri hari se avashy hi badala lekar rahoonga, unhen bhari kasht doonga.

is prakar nishchay kar vah balavan rakshas apani shakti ko aur adhik badhane ke lie tapasya karane chala gaya. usane snkalp lekar brahmaji ko prasann karane hetu ek hazar varshon tak tap kiya. vah manasik roop se apane ishtadev ke dhyan men hi magn rahata tha. usaki tapasya, dhyan aur archana-vandana se lokapitamah brahma ji prasann ho uthe. brahma ji ne use var dene ki ichchha se kaha- ‘bhim! main tumhari tapasya aur dhairy se bahut prasann hoon aur tumhen var dena chahata hoon. isalie tum apana abhisht var mango.' tadanantar us rakshas ne kaha– ‘deveshvar! yadi ap mere oopar sach men prasann hain aur mera bhala karana chahate hain, to ap mujhe atulaniy bal pradan kijie. mujhe itana bal aur parakram prapt ho, jisaki tulana kahin bhi n ho sake.’ is prakar bolate hue rakshas bhim ne bar-bar brahma ji ko pranam kiya.

usaki tapasya se prabhavit brahma ji use atulaniy bal-prapti ka var dekar apane dham chale gaye. brahma ji se atulaniy bal prapt karane ke karan vah rakshas atyant prasann ho gaya. usane apane nivas par akar apani mata ji ko pranam kiya aur atyant ahnkar ke sath usase kaha– ‘man! ab tum mera bal aur parakram dekho. ab main indr ityadi devataon ke sath hi inaka sahayog karane vale mahanh shri hari ka bhi snhar kar daloonga. apani man se is prakar kahane ke bad vir rakshas bhim ne indradi devataon par chadhaee kar di. usane un sabako jit liya aur unake sthan se unhen bhaga diya. usake bad to usane ghor yuddh karake devataon ka paksh lene vale shrihari ko bhi parajit kar diya.

bhimashnkar mandir

usake bad bhim ne prasannatapoorvak sampoorn prithvi ko jitane ka abhiyan chalaya. vah sarvapratham kamaroop desh ke raja sudakshin ko jitane ke lie pahuncha. usane us raja ke sath bhnyakar yuddh kiya. kyonki brahma ji ke varadan se bhim ke pas atulaniy shakti prapt thi, isalie mahavir aur shiv ke param bhakt sudakshin yuddh men parast ho gaye. usane raja ka rajy aur unaki sampoorn sampatti ko apane adhikar men le liya. itane par bhi us parakrami rakshas bhim ka krodh shant nahin hua, to usane dharm premi aur shiv ke anany bhakt raja sudakshin ko kaid kar liya. sudakshin ke pairon men bedi dalakar unhen ekant sthan men niruddh (band) kar diya. us ekant sthan ka labh uthate hue shiv bhakt raja sudakshin ne bhagavan shiv ki uttam parthiv moorti banakar unaka bhajan-poojan prarambh kar diya.

gnga ji ko bhi prasann karane ke lie raja ne dher sari stuti ki aur vivashata ke karan manasik snan kiya. usake bad unhonne shastr vidhi se parthiv ling men bhagavan shiv ki archana ki. usake bad ve vidhipoorvak bhagavan shiv ka dhyan karate hue pnchakshar mantr arthath 'Om nam: shivay' ka jap karane lage. raja sudakshin isi dinacharya ko apanakar rat-din shiv ji ki bhakti men lage rahate the. unaki sadhvi dharmapatni rani dakshina bhi raja ka anukaran karati huee shraddha-bhakti poorvak parthiv poojan men jut gayin. ve pati-patni akaran karunavarunalay bhagavan shiv ko prasann karane hetu anany bhav se unaki bhakti men lin rahate the.

rakshas bhim brahma ji ke varadan ke karan atyant ahnkar men doob gaya. abhiman men mohit hokar vah ygyon ka vidhvns karane laga aur tamam dharmik krityon men badha dalane laga. usane janata men aisi ghoshana karava di ki snsar ka sab kuchh use hi manen aur samajhen. is prakar us dusht rakshas ne ek vishal sena ikatthi karake sampoorn prithvi ko apane adhikar men kar liya. usake bad usake duracharon ki sima n rahi.

rakshas bhim ke atyachar se pidit sabhi devata aur rishigan mahakoshi nadi ke kinare jakar bhagavan shiv ki aradhana aur stuti karane lage. unaki samoohik stuti aur prarthana se bhagavan shnkar ne devataon se kaha–‘devagan tatha maharshiyon! main ap logon par atyant prasann hoon, bolie, ap logon ka kaun-sa abhisht kary (priyakary) siddh karoon?’ devataon ne devadhidev se kaha ki ‘ap antaryami hain, isalie sabake man ki bat janate hain. apase koee bhi rahasy chhipa nahin rah sakata hai.’ devataon ne age kaha– ‘maheshvar! rakshas kumbhakarn se utpann karkati ka mahabalashali putr rakshas bhim, brahma ji se var prapt kar atyant shaktishali aur abhiman men a gaya hai tatha devataon ko anavarat kasht pahuncha raha hai. bhagavan! bina deri kiye ap us du:khadayi rakshas ka shighr hi nash kar dalie. ham sabhi devagan usase atyant kshubdh hokar apaki sharan men aye hain.’

bhagavan shiv ne un devataon ko ashvast karate hue bataya ki kamaroop desh ke raja sudakshin unake shreshth bhakt hain. ap log unake pas mera ek sandesh suna do. usake bad ap logon ka sara abhisht kary poora ho jaega. unase bolana – kamaroop ke adhipati maharaj sudakshin! tum shiv ke param bhakt ho. isalie tum unaka premapoorvak bhajan karo. dusht rakshas bhim brahma ji ka var prapt kar hi abhimani ban gaya hai aur isilie vah tumhara apaman kar raha hai. apane bhakt ke kasht ko nahin sahan karane vale bhagavan shiv shighr hi us dusht rakshas ka nash karane vale hain. is vani men kisi bhi prakar ka sandeh nahin hai.’ usake bad bhagavan shnkar ki vani se atyant prasann un devataon ne maharaja sudakshin ke pas pahunchakar sari ghatana bataee. raja ko shiv ka kalyanakarak sandesh dene se devataon aur rishiyon ka hit karane vale bhagavan shnkar apane ganon ke sath us raja ke nikat jakar gopaniy roop men vahin thahar gaye. raja sudakshin vidhipoorvak parthivapoojan karake bhagavan shiv ke dhyan men lin ho gaye.

kisi vyakti ne jakar rakshas se bataya ki raja parthiv poojan karake tumhare lie anushthan kar rahe hain. samachar pate hi rakshas krodh se ag – baboola ho utha. vah raja ka vadh karane hetu hath men nngi talavar lekar chal pada. dhyan men magn raja ko dekhakar usaka chehara krodh se tamatama raha tha. usane poojan samagri, parthiv shivaling, vatavaran ko dekhakar tatha usake prayojan aur svaroop ko samajhakar man liya ki raja usake anisht ke lie hi kuchh kar raha hai. us mahakrodhi rakshas ne aisa vichar kiya ki in sab poojan samagriyon sahit is naresh ko bhi main shighr hi nasht kar deta hoon. usane raja ko dant-phatakar lagate hue poochha ki ‘tum yah kya kar rahe ho?’ raja bhagavan shnkar ke samarpit bhakt the. isalie unhonne nirbhayatapoorvak kaha ki ‘main charachar jagath ke svami bhagavan shiv ki pooja kar raha hoon.’

yah sunakar mad men matavale us rakshas ne bhagavan shiv ke prati bahut se durvachan bole aur unaka apaman kiya tatha parthiv ling par talavar ka prahar kiya. usaki talavar ling ko chhoo nahin payi, tabhi bhagavan rudr (shiv) tatkal prakat ho gaye. unhonne kaha–‘dekho, main bhimeshvar shiv apane bhakt ki raksha ke lie prakat hua hoon. isalie rakshas! ab too mere bal aur parakram ko dekh.’ is prakar bolate hue bhagavan shiv ne apane pinak se usaki talavar ke tukade-tukade kar diya. usake bad us rakshas ne shiv ji par apana trishool chala diya, kintu unhonne usake bhi anek tukade kar dale. tadannntar us rakshas ne shiv ji ke sath ghor yuddh kiya, jisase sara jagath kshubdh ho utha. us sthiti men muni narad vahan pahunch gaye aur unhonne bhagavan shnkar se prarthana ki ‘maheshvar! snsar ko bhramit karane vale mere nath! ab ap kshama karen. samany tinake ko katane hetu kulhadi chalane ki kya avashyakata hai? ab to isaka snhar shighr kar dalie–

kshamyatan kshamyatan nathatvaya vibhramakarak.
trine kashch kuthare vai hanyatan shighramev hi..
iti snprarthit: shambhu: sarvan rakshogananprabhu:.
hunkarenaiv chastren bhasmasatkritavanstada..[2]

bhimashnkar mandir

is prakar jab narad ji ne bhagavan shiv ki prarthana ki, unhonne apani hunkar matr se bhim sahit samast rakshason ko bhasm kar dala. un rakshason ko shnkar ji ke dvara jala diye jane ke bad samast devataon aur rishiyon ne rahat ki sans li tatha lok men shanti ki sthapana ho saki. rishiyon ne devadhidev bhagavan shiv ki vishesh stuti aur prarthana ki. unhonne kaha–‘bhootabhavan shiv! yah kshetr bahut hi nindit mana jata hai, isalie lok kalyan ki bhavana se ap sada ke lie yahin nivas karen. pray: aisa dekha gaya hai ki jo vyakti yahan ata hai, use kasht hi milata hai, kintu apake darshan karane se pratyek ane vale ka kalyan hoga. bhagavan! apaka yah jyotirling sarvatha poojaniy tatha sabhi prakar ke snkaton ko talane vala hai. ap yahan bhimashnkar ke nam se prasiddh honge aur sabake manorathon ko siddh karenge. is prakar devataon tatha rishiyon ki prarthana par prasann bhaktavatsal shiv ne unaka agrah svikar kar liya aur prasannatapoorvak vahin sthit ho gaye. is prakar ki katha ka pramanik ullekh shri shiv puran men vistar se kiya gaya hai

ayn vai kutsito desh ayodhyalokadu:khad:.
bhavantn ch tada drishtva kalyann sambhavishyati..
bhimashnkaranama tvn bhavita sarvasadhak:.
etalling sada poojyn sarvapadvinivarakamh..
ityevn prarthit: shambhulokanan hitakarak:.
tatraivasthitavanpritya svatantro bhaktavatsal:..[3]

janashrutiyan

  • janashrutiyon tatha maharashtr men bahane vali bhima nadi ko adhar banakar kuchh log bhimashnkar jyotirling ka sthan mumbee se poorv aur poona se uttar bhima nadi ke kinare manate hain. vahan par bhagavan shiv sahyadri parvat par avasthit hain. dvadvash jyotirling stotr men ‘dakinyan bhimashnkaramh’ aisa likha hai, kintu is ‘dakini’ sthan ka kahin ata-pata nahin hai. ho sakata hai, prachinakal men vahan koee basti rahi ho, jo kalantar men nasht ho gee ho. sahyadri parvat jis par bhagavan bhimashnkar virajaman hain, usi se bhima nadi nikal kar pravahit hoti hai. is lingamoorti se kinchit jal risata hua girata hai. isake samip hi jal ke do kund bhi hain aur as-pas logon ki basti hai. un nivasiyon ke anusar bhagavan shnkar ne tripurasur ka vadh karane ke bad usi sthan par vishram kiya tha.
  • us samay avadh ke nivasi kisi sooryavnshi raja ne us parvat par jakar kathor tapasya ki thi. usaki bhakti aur tapasya se bhagavan shnkar ativ prasann hue the. batate hain ki us raja ka bhi nam ‘bhim’ tha. prasann hokar bhagavan shiv ne unhen darshan diya tha, usi samay se yah jyotirling bhimashnkar ke nam se prasiddh hua. aisa pratit hota hai ki avadh naresh raja bhim aur bhima nadi ke karan sahyadri parvat ka vah bhag aur shivaling shri bhimashnkar jyotirling ke nam se vikhyat hua.
  • ukt shri bhimashnkar sthan mumbee se poona jane vale relamarg par kalyan jnkashan se lagabhag 30 kilomitar ki doori par neral relave steshan hai aur yahan se poorab disha men lagabhag 25 kilomitar par avasthit hai. yahan se bas, taiksi adi ka sadhan upalabdh hota hai. taleganv relave steshan se bhimashnkar ki doori lagabhag 36 kilomitar hai. yahan se bhi motaramarg ki achchhi suvidha hai.
  • yadyapi jyotirling ke sthan ke sambandh men kshetr vishesh ke adhar par matantar dikhata hai, kintu adhyatmik drishti se in shivalingon ka mahattv kam nahin hota hai. ye sabhi siddh sthan hain, jahan darshan-poojan karane se bhagavan shiv prasann hokar apane bhakton ki manokamana ko poorn karate hain. hindoo dharm men janashrutiyon ki apeksha shastron ka vishesh mahattv hai. shri shiv mahapuran hamara shastr hai aur usake anusar asam pradesh ke kamaroop zile men guvahati ke pas sthit bhimashnkar mandir hi shri bhimashnkar jyotirling ka sthan ho sakata hai. mukhy roop se shiv ke upasakon ko vahan jakar bhagavan shri bhimashnkar jyotirling ka darshan avashy karana chahie.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. shiv puran koti rudr snhita 20/8
  2. shiv puran koti rudr snhita 21/42-43
  3. shiv puran koti rudr snhita 21/52-54

snbndhit lekh

suvyavasthit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah