लकुलीश  हिन्दी देवनागरी में पढ़ें।

Disamb2.jpg lakulish ek bahuvikalpi shabd hai any arthon ke lie dekhen:- lakulish (bahuvikalpi)

lakulish hindoo dharm ke pramukh devataon men se ek bhagavan shiv ke 24ven avatar mane gaye hain. inhonne pashupat shaiv dharm ki sthapana ki thi. anuman kiya jata hai ki inaka avirbhav doosari shatabdi men badauda ke dabhoee zile ke kayavarohan[1] men hua tha. mana jata hai ki 'lakulish sampraday' ki lokapriyata ke sath-sath yogishvar shiv ke svaroop ka baithe hue lakulish men rupantaran ho gaya. isamen lakulish ki do bhujaen, jinamen ek men 'lakut' tatha doosare men 'matuling' phal ankit kiya jata hai.

pura vivaran

'lakulish' ke mandir ka sabase prachin udaharan 'chandrabhaga'[2] ke shitaleshvar mndir ke lalatabimb par utkirn lakulish moorti men dikhaee deta hai. is tathy ke adhar par yah kaha ja sakata hai ki lakulish ki moortiyon ka ankan evn poojan satavin shatabdi se prarambh ho gaya tha, tatha lakulish shaiv mandiron men pramukh dev ke rup men mane jate the. halanki garbhagrih ka pramukh pooja pratik abhi bhi ling hi tha. rajasthan ke udayapur kshetr men lakulish ki pooja dasavin shatabdi men bhi prachalan men rahi thi. ekaling mndir ke 971 ee. tatha 1274-1276 ee. ke abhilekh, udayapur ke 'vameshvar mandir' ka 1116 ee. ka abhilekh tatha ekaling, chittaudagadh men paye ge athavin shatabdi ki lakulish pratimaen adi yah sabit karane ke lie kafi hain ki athavin shatabdi men lakulish ki pooja prachalit thi. itihasakar bhndarakar ne anek lakulish mandiron ka bhi varnan kiya hai.[3]

moorti svaroop

nauvin shatabdi ki shuruat men lakulish ki moortiyon men lakulish tatha yogishvar shiv donon ke svaroopon ko ankit kiya jata tha. lakulish char bhujaon, shrivats lanchhan, jatamukut tatha padmasan mudra men baithe hue utkirn kie jate the. gyaharavin shatabdi ke prarambh tak lakulish ka pratima vaigyanik vidhan nishchit rup ko prapt ho chuka tha. ab unaki pratima tapasvi ke rup men utkirn ki jati thi, jo buddh tatha tirthnkar ki moortiyon se samanata dharan kiye rahati thi.

bhagavan shiv ke yogishvar rup ka ankan lakulish ke rup men rajasthan ke moortikaron men bhi prachalit tha. nagada ke sas mndir men ek shiv ki pratima yogasan men baithi huee, oopari do bhujaon men trishool, sarp lie hue aur nichali bhujaon men ek men akshamala tatha doosari men matuling phal liye hue pradarshit hai. padmasan ke pas donon or do brihadodar akritiyan baithi huee mudra men hai, yah sambhavatah lakulish ke do shishy hon. yah moorti yogishvar svaroop ka lakulish men parivartan ke snkraman ki avastha ki digdarshika hai. rajasthan men buddh tatha jin ke saman mude hue balon vale sir ke sthan par jatamukoot se yukt lakulish moortiyon ki prapti bhi is dharana ko siddh karane men madadagar hai. is prakar lakulish tatha yogishvar svaroopon ki samyata evn pahachan ke lie hi lakulish jatamukut yukt ankit hone lage the.[3]

pramukh poojy kendr

lakulish ki pooja ke pramukh kendr rajasthan men 'ekaling', udayapur; 'badoli', kota tatha 'chandrabhaga', jhalarapatan the, lekin pashchimi rajasthan ke kuchh bhagon men bhi lakulish ki moortiyan mili hain. belar, nana, chhotan tatha aboo ke mandiron men lakulish ki pratimaen garbhagrih ke dvaron par utkirn prapt hoti hain. nan[4] tatha chhotan[5] se prapt moortiyan abhilekh se yukt hain, is karan ye pramanit karati hain ki lakulish ki pooja is kshetr men 13vin shatabdi tak prachalit thi. badoli ke ek dhvast dvar ke siradal par lalat-bimb ke sthan par lakulish ki pratima ankit hai. is pratima men baithe hue lakulish ke donon parshvon men bhagavan brahma evn vishnu ki moortiyan hain. in moortiyon ki char bhujaen dikhaee gayin hain, lekin bhujaon ke astr-shastrh adi ke nishan nasht ho ge hain.[3]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. adhunik karavan
  2. jhalarapatan, 7vin shatabdi eesvi
  3. 3.0 3.1 3.2 kumar, amitesh. moortikaran ki prakriya (hindi) (ech.ti.em.el.). . abhigaman tithi: 28 march, 2012.
  4. 1290 vikram snvat, 1233 ee.
  5. 1365 vikram snvat, 1308

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah