वामन अवतार  हिन्दी देवनागरी में पढ़ें।

Disamb2.jpg vaman ek bahuvikalpi shabd hai any arthon ke lie dekhen:- vaman (bahuvikalpi)


snkshipt parichay
vaman avatar
vaman avatar
avatar bhagavan vishnu ke das avataron men panchaven avatar
pita maharshi kashyap
mata aditi
dharm-snpraday hindoo dharm
prakritik svaroop balak
shatru-snhar daityaraj bali
sndarbh grnth vaman puran
jaynti bhadrapad men shukl paksh ki dvadashi

vaman avatar hindoo dharm grnthon ke anusar bhagavan vishnu ke das avataron men se panchaven avatar hain jo bhadrapad men shukl paksh ki dvadashi ko avatarit hue.

vaman avatar ki katha

shri hari jis par kripa karen, vahi sabal hai. unhin ki kripa se devataon ne amrit-pan kiya. unhin ki kripa se asuron par yuddh men ve vijayi hue. parajit asur mrit evn ahaton ko lekar astachal chale gaye. asuresh bali indr ke vajr se mrit ho chuke the. achary shukr ne apani snjivani vidya se bali tatha doosare asuron ko bhi jivit evn svasth kar diya. raja bali ne achary ki kripa se jivan prapt kiya tha. ve sachche hriday se achary ki seva men lag gaye. shukrachary prasann hue. unhonne ygy karaya. agni se divy rath, akshay tron, abhedy kavach prakat hue. asuri sena amaravati par chadh daudi. indr ne dekhate hi samajh liya ki is bar devata is sena ka samana nahin kar sakenge. bali brahmatej se poshit the. devaguru ke adesh se devata svarg chhodakar bhag gaye. amar-dham asur-rajadhani bana. shukrachary ne bali ka indratv sthir karane ke liye ashvamedh ygy karana prarambh kiya. sau ashvamedh karake bali niyam sammat indr ban jaynge. phir unhen kaun hata sakata hai.

janm

'svami, mere putr mare-mare phirate hain.' devamata aditi atyant dukhi thin. apane pati maharshi kashyap se unhonne prarthana ki. maharshi to ek hi upay janate hain- bhagavan ki sharan, un sarvatma ki aradhana. aditi ne phalgun ke shukl paksh men barah din payovrat karake bhagavan ki aradhana ki. prabhu prakat hue. aditi ko varadan mila. unhin ke garbh se bhagavan prakat hue. shnkh, chakr, gada, padmadhari chaturbhuj purush aditi ke garbh se jab prakat hue, tatkal vaman brahmachari ban gaye. maharshi kashyap ne rishiyon ke sath unaka upanayan snskar sampann kiya. bhagavan vaman pita se agya lekar bali ke yahan chale. narmada ke uttar-tat par asurendr bali ashvamedh-ygy men dikshit the. yah unaka antim ashvamedh tha.

bhagavan vishnu ka vaman avatar

tin pad bhoomi

chhatr, palash, dand tatha kamandalu liye, jatadhari, agni ke saman tejasvi vaman brahmachari vahan padhare. bali, shukrachary, rishigan, sabhi us tej se abhibhoot apani agniyon ke sath uth khade hue. bali ne unake charan dhoye, poojan kiya aur prarthana ki ki jo bhi ichchha ho, ve mang len.
'mujhe apane pairon se tin pad bhoomi chahiye!' bali ke kul ki shoorata, udarata adi ki prashnsa karake vaman ne manga. bali ne bahut agrah kiya ki aur kuchh manga jay; par vaman ne jo mangana tha, vahi manga tha.
'ye sakshat vishnu hain!' achary shukr ne savadhan kiya. samajhaya ki inake chhal men ane se sarvasv chala jayaga.
'ye koee hon, prahlad ka pautr dene ko kahakar asvikar nahin karega!' bali sthir rahe. achary ne aishvary-nash ka shap de diya. bali ne bhoomidan ka snkalp kiya aur vaman virat ho gaye. ek pad men prithvi, ek men svargadi lok tatha sharir se samast nabh vyapt kar liya unhonne. unaka vam pad brahmalok se oopar tak gaya. usake angushth-nakh se brahmand ka avaran tanik toot gaya. brahmadrav vahan se brahmand men pravisht hua. brahma ji ne bhagavan ka charan dhoya aur charanodak ke sath us brahmadrav ko apane kamandalu men le liya. vahi brahmadrav gnga ji bana.
'tisara pad rakhane ko sthan kahan hai?' bhagavan ne bali ko narak ka bhay dikhaya. snkalp karake dan n karane par to narak hoga.
'ise mere mastak par rakh le!' bali ne mastak jhukaya. prabhu ne vahan charan rakha. bali garud dvara bandh liye gaye.
'tum agale manvantar men indr banoge! tab tak sutal men nivas karo. main nity tumhare dvar par gadapani upasthit rahoonga.' dayamay dravit hue. prahlad ke sath bali sab asuron ko lekar svargadhik aishvaryasampann sutal lok men padhare. shukrachary ne bhagavan ke adesh se ygy poora kiya.
mahendr ko svarg prapt hua. brahma ji ne bhagavan vaman ko 'upendr' pad pradan kiya. ve indr ke rakshak hokar amaravati men adhishthit hue. bali ke dvar par gadapani dvarapal to ban hi chuke the. treta yug men digvijay ke liye ravan ne sutal-pravesh ki dhrishtata ki. bechara asureshvar ke darshan tak n kar saka. bali ke dvarapal ne pair ke angoothe se use phenk diya. vah prithvi par sau yojan door lnka men akar gira tha.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah