कश्यप  हिन्दी देवनागरी में पढ़ें।

kashyap nam ke kee rishi hue hain jinamen se ek ki ganana prajapatiyon men hoti hai. is rishi ne daksh ki diti, aditi, danu adi nam ki gyarah kanyaon se vivah kiya tha. aditi ke garbh se devata utpann hue. diti ne daityon ko aur danu ne danavon ko janm diya. kashyap ek gotr ka nam bhi hai. yah gotr itana vyapak hai ki jisake gotr ka pata nahin chalata, usaka gotr kashyap man liya jata hai kyonki sabhi jiv-dhariyon ki utpatti kashyap se hi mani jati hai.[1]

pauranik ullekh

  • prachin vaidik rishiyon men pramukh rishi, jinaka ullekh ek bar rigved men hua hai. any snhitaon men bhi yah nam bahuprayukt hai. inhen sarvada dharmik evn rahsyatmak charitr vala batalaya gaya hai evn ati prachin kaha gaya hai.
  • aitarey brahman ke anusar unhonne 'vishvakarmabhauvan' namak raja ka abhishek karaya tha. aitarey brahmanon ne kashyapon ka sambandh janamejay se bataya gaya hai.
  • shatapath brahman men prajapati ko kashyap kaha gaya haiah

"s yatkurmo nam. prajapatiah praja asrijat.
yadasrijath akaroth tadh yadakaroth tasmath koormah kashyapo vai koormstasmadahuah sarvaah prajaah kashyapah."

  • mahabharat evn puranon men asuron ki utpatti evn vnshavali ke varnan men kaha gaya hai ki brahma ke chhah manas putron men se ek 'marichi' the jinhonne apani ichchha se kashyap namak prajapati putr utpann kiya.
  • kashyap ne daksh prajapati ki 17 putriyon se vivah kiya. daksh ki in putriyon se jo santan utpann huee usaka vivaran nimnankit hai -
  1. aditi se adity (devata)
  2. diti se daity
  3. danu se danav
  4. kashtha se ashv adi
  5. anishtha se gandharv
  6. surasa se rakshas
  7. ila se vriksh
  8. muni se apsaragan
  9. krodhavasha se sarp
  10. surabhi se gau aur mahish
  11. sarama se shvapad (hinstr pashu)
  12. tamra se shyen-gridhr adi
  13. timi se yadogan (jalajantu)
  14. vinata se garud aur arun
  15. kadru se nag
  16. patngi se patng
  17. yamini se shalabh
  1. diti
  2. aditi
  3. danu
  4. vinata
  5. khasa
  6. kadru
  7. muni
  8. krodha
  9. rishta
  10. ira
  11. tamra
  12. ila
  13. pradha.
  • inhin se sab srishti huee.
  • kashyap ek gotr ka bhi nam hai. yah bahut vyapak gotr hai. jisaka gotr nahin milata usake lie kashyap gotr ki kalpana kar li jati hai, kyonki ek parampara ke anusar sabhi jivadhariyon ki utpatti kashyap se huee.[2]
  • ek bar samast prithvi par vijay prapt kar parashuram ne vah kashyap muni ko dan kar di. kashyap muni ne kaha-'ab tum mere desh men mat raho.' at: guru ki agya ka palan karate hue parashuram ne rat ko prithvi par n rahane ka snkalp kiya. ve prati ratri men man ke saman tivr gamanashakti se mahendr parvat par jane lage. [3]
  • sat yug men daksh prajapati ki do kanyaen thi- kadru tatha vinata. un donon ka vivah maharshi kashyap ke sath hua. ek bar prasann hokar kashyap ne un donon ko manachaha var mangane ko kaha. kadru ne saman parakrami ek sahastr nag-putr mange tatha vinata ne usake putron se adhik tejasvi do putr mange. kalantar men donon ko kramash: ek sahastr, tatha do ande prapt hue. 500 varsh bad kadru ke andon ke nag prakat hue. vinata ne eershyavash apana ek anda svayn hi tod dala. usamen se ek avikasit balak nikala jisaka oordhvabhag ban chuka tha, adhobhag ka vikas nahin hua than usane kruddh hokar man ko 500 varsh tak kadru ki dasi rahane ka shap diya tatha kaha ki yadi doosara anda samay se poorv nahin phoda to vah poornavikasit balak man ko dasitv se mukt karega. pahala balak arun banakar akash men soory ka sarathi ban gaya tatha doosara balak garud banakar akash men ud gaya.
  • vinata tatha kadru ek bar kahin bahar ghoomane gayin. vahan uchchaishrava namak ghode ko dekhakar donon ki shart lag gayi ki jo usaka rng galat batayegi, vah doosari ki dasi banegi. agale din ghode ka rng dekhane ki bat rahi. vinata ne usaka rng safed bataya tha tatha kadru ne usaka rng safed, par poonchh ka rng kala bataya tha. kadru ke man men kapat tha. usane ghar jate hi apane putron ko usaki poonchh par lipatakar kale balon ka roop dharan karane ka adesh diya jisase vah vijayi ho jay. jin sarpon ne usaka adesh nahin mana, unhen usane shap diya ki ve janamejay ke ygy men bhasm ho jayen. is shap ka anumodan karate hue brahma ne kashyap ko bulaya aur kaha-'tumase utpann sarpon ki snkhya bahut badh gayi hai. tumhari patni ne unhen shap dekar achchha hi kiya, at: tum usase rusht mat hona.' aisa kahakar brahma ne kashyap ko sarpon ka vish utarane ki vidya pradan ki. vinata tatha kadru jab uchchaishrava ko dekhane agale din gayin tab usaki poonchh kale nagon se dhaki rahane ke karan kali jan pad rahi thi. vinata atynt dukhi huee tatha usane kadru ki dasi ka sthan grahan kiya. [4]
  • garud ne sarpon se poochha ki kaun-sa aisa kary hai jisako karane se usaki mata ko dasitv se chhutakara mil jayega? usake nag bhaiyon ne amrit lakar dene ke lie kaha. garud ne amrit ki khoj men prasthan kiya. usako samast devataon se yuddh karana pada. sabase adhik shaktishali hone ke karan garud ne sabhi ko parast kar diya. tadanntar ve amrit ke pas pahuncha. atynt sookshm roop dharan karake vah amritaghat ke pas nirntar chalane vale chakr ko par kar gaya. vahan do sarp pahara de rahe the. un donon ko marakar vah amritaghat uthakar le uda. usane svayn amrit ka pan nahin kiya tha, yah dekhakar vishnu ne usake nirlipt bhav par prasann hokar use varadan diya ki kah bina amrit piye bhi ajar-amar hoga tatha vishnu-dhvaja par usaka sthan rahega. garud ne vishnu ka vahan banana bhi svikar kiya. marg men indr mile. indr ne usase amrit-kalash manga aur kaha ki yadi sarpon ne isaka pan kar liya to atyadhik ahit hoga. garud ne indr ko bataya ki vah kisi uddeshy se amrit le ja raha hai. jab vah amrit-kalash kahin rakh de, indr use le le. indr ne prasann hokar garud ko varadan diya ki sarp usaki bhojan samagri honge. tadanntar garud apani man ke pas pahuncha. usane sarpon ko soochana di ki vah amrit le aya hai. sarp vinata ko dasitv se mukt kar den tatha snan kar len. usane kushasan par amrit-kalash rakh diyan jab tak sarp snan karake laute, indr ne amrit chura liya tha. sarpon ne kusha ko hi chata jisase unaki jibh ke do bhag ho ge, at: ve dvijivh kahalane lage [5].
  • indr ko balakhily maharshiyon se bahut eershya thi. rusht hokar balakhily ne apani tapasya ka bhag kashyap muni ko diya tatha indr ka mad nasht karane ke lie kaha. kashyap ne suparna tatha kadru se vivah kiya. donon ke garbhini hone par ve unhen sadachar se ghar men hi rahane ke lie kahakar anyatr chale gaye. unake jane ke bad donon patniyan rishiyon ke ygyon men jane lagin. ve donon rishiyon ke mana karane par bhi havishy ko dooshit kar deti thin. at: unake shap se ve nadiyan (apaga) ban gayin. lautane par kashyap ko gyat hua. rishiyon ke kahane se unhonne shivaradhana ki. shiv ke prasann hone par unhen ashirvad mila ki donon nadiyan gnga se milakar pun: nari-roop dharan karengi. aisa hi hone par prajapati kashyap ne donon ka simantonnayan snskar kiya. ygy ke samay kadru ne ek ankh se snket dvara rishiyon ka upahas kiya. at: unake shap se vah kani ho gayi. kashyap ne pun: rishiyon ko kisi prakar prasann kiya. unake kathananusar gnga snan se usane pun: purvaroop dharan kiya. [6]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. pustak- bharatiy snskriti kosh | prakashan- yoonivarsiti pablikeshan nee dilli | prishth- 191
  2. hindoo dharmakosh |lekhak: daau rajabali pandey |prakashak: uttar pradesh hindi snsthan |snkalan: bharat diskavari pustakalay |prishth snkhya: 170 |
  3. balmiki ramayan, bal kand, sarg 76, shlok 11-16
  4. mahabharat, adiparv, adhyay 16, 20 . a0 23 shlok 1 se 3 tak bha0 2.11.12.–
  5. mahabharat, adiparv, adhyay 28, a0 29 shlok 1 se 14 tak, a0 30, shlok 32 se 52 tak adhyay 32, 33, 34
  6. brahm puran, 100.-

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah