सुदामा  हिन्दी देवनागरी में पढ़ें।

sudama ke charan dhulate shrikrishn

sudama ek daridr brahman the, jinhonne bhagavan shrikrishn aur balaram ke sath sndipan rishi ke ashram men shiksha paee thi. vivah ke bad se hi sudama pray: nity hi shrikrishn ki udarata aur unase apani mitrata ki patni sushila se charcha kiya karate the. janm se sntoshi svabhav ke sudama kisi se kuchh mangate nahin the. jo kuchh bina mange mil jay, usi ko bhagavan ko arpan karake apana tatha patni ka jivan nirvah karate the. pray: pati-patni ko upavas hi karana padata tha. unake din badi hi daridrata men vyatit hote the.

krishn se bhent

bhagavan krishn jab avanti men maharshi sndipan ke yahan shiksha prapt karane ke liye gaye the, tab sudama bhi vahin padhate the. vahan krishn se sudama ki bhent huee, aur bad men unamen gahari mitrata ho gayi. krishn to bahut thode dinon men apani shiksha poorn karake chale gaye. jab bad men sudama ji ki shiksha poorn huee, tab gurudev ki agya lekar ve bhi apani janmabhoomi ko laut gaye aur vivah karake grihasthashram men rahane lage.

dvaraka agaman

daridrata to jaise sudama ji ki chirasngini hi thi. ek tooti jhopadi, do-char patr aur lajja dhakane ke liye kuchh maile aur chithade vastr, sudamaji ki kul itani hi grihasthi thi. sudamaji pray: nity hi bhagavan shrikrishn ki udarata aur unase apani mitrata ki patni se charcha kiya karate the. ek din darate-darate sudama ki patni ne unase kaha- "svami! brahmanon ke param bhakt sakshat lakshmipati shrikrishnachandr apake mitr hain. ap ek bar unake pas jayn. ap daridrata ke karan apar kasht pa rahe hain. bhagavan shrikrishn apako avashy hi prachur dhan denge." brahmani ke agrah ko svikar kar shrikrishn darshan ki lalasa man men snjoye hue sudama kee dinon ki yatra karake dvaraka pahunche. chithade lapete kngal brahman ko dekhakar dvarapal ko ashchary hua. brahman janakar usane sudama ko pranam kiya. jab sudama ne apane-apako bhagavan ka mitr batalaya, tab vah ashcharyachakit rah gaya. niyamanusar sudama ko dvar par thaharakar dvarapal bhitar adesh lene gaya. dvarapal shraddhapoorvak prabhu ko sashtang pranam karake bola- "prabho! chithade lapete dvar par ek atyant din aur durbal brahman khada hai. vah apane ko prabhu ka mitr kahata hai aur apana nam 'sudama' batalata hai."

krishn-sudama milan

dvarapal ke mukh se 'sudama' shabd sunate hi bhagavan shrikrishn ne jaise apani sudh-budh kho di aur vah nnge panv hi daud pade dvar ki or. donon bahen phailakar unhonne sudama ko hriday se laga liya. bhagavan ki dinavatsalata dekhakar sudama ki ankhen baras padi. unase ashru ki dhara lagatar bahe ja rahi thi. tadanantar bhagavan shrikrishn sudama ko apane mahal men le gaye. unhonne bachapan ke priy sakha ko apane palng par baithakar unaka charan dhona prarambh kiya. sudama ki din-dasha ko dekhakar charan dhone ke liye rakhe gaye jal ko sparsh karane ki avashyakata hi nahin padi. karuna sagar ke netron ki varsha se hi mitr ke pair dhul gaye.

narottam kavi likhate hain-

"dekhi sudama ki din dasa, karuna karike karunanidhi roye.
pani parat ko hath chhuyo nahin, nainan ke jalason pag dhoye."

tandul bhakshan

snan, bhojan adi ke bad sudama ko palng par bithakar shrikrishn unaki charanaseva karane lage. gurukul ke dinon ki bat hai. donon mitr samidha lene ge the. us samay moosaladhar varsha hone lagi thi. donon mitron ne ek vriksh ka asara liya. sudama ke pas khane ke lie kuchh chane the, jo gurumata ne donon ko raste men khane ke lie die the, kintu vriksh par sudama akele hi chane khane lage. chane khane ki avaj sunakar krishn ne kaha ki "kya kha rahe hain." sudama ne socha sach-sach kah doonga to kuchh chane krishn ko bhi dene padenge. so bole- "khata nahin hoon, yah to thnd ke mare mere dant baj rahe hain." akele khane vala daridr ho jata hai. sudama ne apane parivar ke bare men to bataya par apani daridrata ke bare men kuchh bhi nahin bataya. jab krishn sudama ki seva kar rahe the, tabhi ve bole- "bhabhi ne mere lie kuchh to bheja hoga." sudama snkoch vash potali chhipa rahe the. bhagavan man men hnsate hain ki us din chane chhipae the aur aj tandul chhipa raha hai. jo mujhe kuchh deta nahin hai, main bhi use kuchh nahin deta. so mujhe chhinana hi padega. unhonne tandul ki potali chhin li aur sudama ke prarabdh karmon ko kshin karane ke hetu tandul bhakshan kiya. sudama ko batae bina tamam aishvary usake ghar bhej diya. ab sudama ji sadharan garib brahman nahin rahe. unake anajan men hi bhagavan ne unhen atul aishvary ka svami bana diya. ghar vapas lautane par dev durlabh sampatti sudama ki pratiksha men taiyar mili, kintu sudama ji aishvary pakar bhi anasakt man se bhagavan ke bhajan men lage rahe. karuna sindhu ke dinasakha sudama brahmatv ko prapt hue.

shrimadbhagavat men ullekh

  • shrimadbhagavat men sudama nam ke ek mali ka bhi varnan hua hai. isake anusar, mathura pahunchane ke bad kns ke utsav men bhag lene se poorv krishn tatha balaram nagar ka saundary dekhate rahe. bal-gopalon sahit ve 'sudama' namak mali ke ghar gaye. sudama se anek malaen lekar unhonne apani saj-sajja ki tatha use var diya ki usaki lakshmi, bal, vayu aur kirti ka nirntar vikas ho.[1]
  • shrikrishn aur balaram jab gurukul men rahakar guru sndipan se vidyadhyayan kar rahe the, un dinon unake sath sudama namak brahman bhi padhata tha. vah nitant daridr tha. kalantar men krishn ki kirti sab or phail gayi to sudama ki patni ne sudama ko kah-sunakar krishn ke pas jane ke lie taiyar kiya. usake man men yah ichchha bhi thi ki krishn ke pas jane se daridray se mukti mil jayegi. sudama atynt snkoch ke sath ghar se chale. unaki patni ne krishn ko bhentasvaroop dene ke lie as-pas ke brahmanon se do mutthi chivada manga. sudama pahunche to krishn ne usaki poorn tanmayata se avabhagat ki. krishn ke aishvary ko dekhakar sudama chivade ki bhent nahin de pa rahe the. rat ko krishn ne unase balapoorvak potali chhin li aur chivada khakar prasann hue. unhonne sudama ko sundar shayya par sulaya, kintu usake chalane par use kuchh bhi nahin diya. sudama sochate ja rahe the, ki unhen isi karan se dhan nahin diya gaya hoga ki kahin vah madamatt n ho jayen. vicharamagn brahman sudama jab ghar pahunche to dekha, unaki kutiya ke sthan par vaibhavamndit mahal hai. unaki patni svarnabhooshanon se ladi huee tatha sevikaon se ghiri huee hain. krishn ki kripa se abhibhoot hokar sudama apani patni sahit unaki bhakti men lag gaye.[2]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. shrimadh bhagavat, 10.41
  2. shrimadh bhagavat, 10.80-81.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah