रुक्मिणी  हिन्दी देवनागरी में पढ़ें।

krishn aur rukmini ka vivah
  • dvaraka men rahate hue bhagavan shrikrishn aur balaram ka nam charon or phail gaya. bade-bade nripati aur sattadhikari bhi unake samane mastak jhukane lage. unake gunon ka gan karane lage.
  • balaram ke bal-vaibhav aur unaki khyati par mugdh hokar raivat namak raja ne apani putri revati ka vivah unake sath kar diya. balaram avastha men shrikrishn se bade the. atah niyamanusar sarvapratham unhin ka vivah hua. un dinon vidarbh desh men bhishmak namak ek param tejasvi aur sadguni nripati rajy karate the. kundinapur unaki rajadhani thi. unake panch putr aur ek putri thi. usake sharir men lakshmi ke sharir ke saman hi lakshan the. atah log use lakshmisvaroopa kaha karate the.
  • rukmini jab vivah yogy ho gee, to bhishmak ko usake vivah ki chinta huee. rukmini ke pas jo log ate-jate the, ve shrikrishn ki prashnsa kiya karate the. ve rukmini se kaha karate the, shrikrishn alaukik purush hain. is samay snpoorn vishv men unake sadrish any koee purush nahin hai.
  • bhagavan shrikrishn ke gunon aur unaki sundarata par mugdh hokar rukmini ne man hi man nishchay kiya ki vah shrikrishn ko chhodakar kisi ko bhi pati roop men varan nahin karegi. udhar, bhagavan shrikrishn ko bhi is bat ka pata ho chuka tha ki vidarbh naresh bhishmak ki putri rukmini param roopavati to hai hi, param sulakshana bhi hai.
  • bhishmak ka bada putr rukmi bhagavan shrikrishn se shatruta rakhata tha. vah bahan rukmini ka vivah shishupal se karana chahata tha, kyonki shishupal bhi shrikrishn se dvesh rakhata tha. bhishmak ne apane bade putr ki ichchhanusar rukmini ka vivah shishupal ke sath hi karane ka nishchay kiya. usane shishupal ke pas sndesh bhejakar vivah ki tithi bhi nishchit kar di.
  • rukmini ko jab is bat ka pata laga, to vah badi dukhi huee. usane apana nishchay prakat karane ke lie ek brahman ko dvarika shrikrishn ke pas bheja. usane shrikrishn ke pas jo sndesh bheja tha, vah is prakar tha—‘he nnd-nndan! apako hi pati roop men varan kiya hai. mai apako chhodakar kisi any purush ke sath vivah nahin kar sakati. mere pita meri ichchha ke viruddh mera vivah shishupal ke sath karana chahate hain. vivah ki tithi bhi nishchit ho gee. mere kul ki riti hai ki vivah ke poorv hone vali vadhu ko nagar ke bahar girija ka darshan karane ke lie jana padata hai. main bhi vivah ke vastron men saj-dhaj kar darshan karane ke lie girija ke mndir men jaoongi. main chahati hoon, ap girija mndir men pahunchakar mujhe patni roop men svikar karen. yadi ap nahin pahunchenge to main ap apane pranon ka parityag kar doongi.
  • rukmini ka sndesh pakar bhagavan shrikrishn rath par savar hokar shighr hi kundinapur ki or chal die. unhonne rukmini ke doot brahman ko bhi rath par bitha liya tha. shrikrishn ke chale jane par poori ghatana balaram ke kanon men padi. ve yah sochakar chintit ho uthe ki shrikrishn akele hi kundinapur ge hain. atah ve bhi yadavon ki sena ke sath kundinapar ke lie chale.
  • udhar,bhishmak ne pahale hi shishupal ke pas sndesh bhej diya tha. phalatah shishupal nishchit tithi par bahut badi barat lekar kundinapur ja pahuncha. barat kya thi, poori sena thi. shishupal ki us barat men jarasndh, paundrak, shalv aur vakranetr adi raja bhi apani-apani sena ke sath the. sabhi raja krishn se shatruta rakhate the.
  • vivah ka din tha. sara nagar bndanavaron aur toranon se sajjit tha. mngal vady baj rahe the. mngal git bhi gae ja rahe the. poore nagar men badi chahal-pahal thi. nagar-nagaravasiyon ko jab is bat ka pata chala ki shrikrishn aur balaram bhi nagar men ae hue hain, to ve bade prasann hue. ve man-hi man sochane lage, kitana achchha hota yadi rukmini ka vivah shrikrishn ke sath hota, kyonki ve hi usake lie yogy var hain.
  • sandhya ke pashchath ka samay tha. rukmini vivah ke vastron men saj-dhajakar girija ke mndir ki or chal padi. usake sath usaki saheliyan aur bahut-se angarakshak bhi the. vah atyadhik udas aur chintit thi, kyonki jis brahman ko usane shrikrishn ke pas bheja tha, vah abhi lautakar usake pas nahin pahuncha tha. rukmini ne girija ki pooja karate hue unase prarthana ki— 'he man. tum sare jagat ki man ho! meri abhilasha poorn karo. main shrikrishn ko chhodakar kisi any purush ke sath vivah nahin karana chahati.'
  • rukmini jab mndir se bahar nikali to use vah brahman dikhaee pada. yadyapi brahman ne rukmini se kuchh kaha nahin, kintu brahman ko dekhakar rukmini bahut prasann huee, use yah samajhane men snshay nahin raha ke shrikrishn bhagavan ne usake samarpan ko svikar kar liya hai.
  • rukmini apane rath par baithana hi chahati thi ki shrikrishn ne vidyut tarng ki bhanti pahunchakar usaka hath pakad liya aur use khinchakar apane rath par bitha liya aur tivr gati se dvaraka ki or chal pade.
  • kshan bhar men hi snpoorn kundinapur men khabar phail gee ki shrikrishn rukmini ka haran karake use dvarakapuri le ge. shishupal ke kanon men jab yah khabar padi to vah kruddh ho utha. usane apane mitr rajaon aur unaki senaon ke sath shrikrishn ka pichha kiya, kintu bich men hi balaram aur yaduvnshiyon ne shishupal adi ko rok liya. bhaynkar yuddh hua. balaram aur yaduvnshiyon ne badi virata ke sath ladakar shishupal adi ki sena ko nasht kar diya. phalatah shishupal adi nirash hokar kundinapur se chale ge.
  • rukmi yah sunakar krodh se kanp utha. usane bahut badi sena lekar shrikrishn ka pichha kiya. usane pratigya ki ki vah ya to shrikrishn ko bndi banakar lautega, ya phir kundinapur men apana munh nahin dikhaega.
  • rukmi aur shrikrishn ka ghanaghor yuddh hua. shrikrishn ne use yuddh men harakar apane rath se bandh diya, kintu balaram ne use chhuda liya. unhonne shrikrishn se kaha, 'rukmi ab apana snbndhi ho gaya hai. kisi snbndhi ko is tarah ka dnd dena uchit nahin hai.'
  • rukmi apani pratigya ke anusar punah lautakar kundinapur nahin gaya. vah ek naya nagar basakar vahin rahane laga. kahate hain, rukmi ke vnshaj aj bhi us nagar men rahate hain.
  • bhagavan shrikrishn ne rukmini ko dvaraka le jakar unake sath vidhivat vivah kiya. pradyumn unhin ke garbh se utpann hue the, jo kamadev ke avatar the.
  • shrikrishn ki pataraniyon men rukmini ka mahattvapoorn sthan tha. unake prem aur unaki bhakti par bhagavan shrikrishn mugdh the. unake prem aur unaki kee kathaen milati hain, jo badi prerak hain.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah