दक्ष  हिन्दी देवनागरी में पढ़ें।

prajapati daksh mahabharat ke anusar jisaki utpatti brahma ke angoothe se huee thi. usi angoothe se ygy-patni bhi paida huee. daksh ki ganana un prajatiyon men hoti hai, jinamen devata utpann hue the. daksh, adityavarg ke devataon men se ek mane jate hain. kaha jata hai ki aditi ne daksh ko tatha daksh ne aditi ko janm diya. yahan aditi srishti ke stritattv evn daksh purushatattv ka pratik diya hai. daksh ko balashali, buddhishali, antardrishti-yukt evn ichchhashakti sampann kaha gaya hai. usaki tulana varun ke utpadanakary, shakti evn kala se ho sakati hai. skand puran men daksh prajapati ki vistut pauranik katha di huee hai. daksh ki putri sati shiv se byahi gayi thi. daksh ne ek ygy kiya, jisamen any devataon ko nimantran diya kintu shiv ko nahin bulaya. sati animntrit pita ke yahan gayi aur ygy men pati ka bhag n dekhakar usane apana sharir tyag diya. is ghatana se kuddh ho-kar shiv ne apane ganon ko bheja jinhonne ygy ka vidhvns kar diya. shiv sati ke shav ko kndhe par lekar vikshipt ghoomate rahe. jahan-jahan sati ke sharir ke ang gire vahan-vahan vividh tirth ban gaye.[1]

pauranik ullekh

daksh ek srishti nirmanakarta devata evn rishi the. rigved men, srishti ki utpatti bhoo, vriksh, asha, aditi, daksh, aditi is kram se huee.[2] aditi se daksh utpann hua evn daksh se aditi utpann huee, yon paraspar virodhi nirdesh rigved men hai. is virodh parihar, ‘ye sari devon ki katha hain (devadharm), yon kah kar nirukt men kiya gaya hai[3]. puranon men di gayi ‘dakshakatha’ ka udbham uparinirdisht rigvediy katha se hi hua hai. puranon men, daksh prajapati brahmadev ke dakshin angoothe se utpann hua.[4] svaynbhuv manvntar men yah paida hua tha. svaynbhuv manu ki kanya prasooti isaki patni thi. isase daksh ko solah kanyaen huee. unamen se shraddha, maitri, daya, shanti, tushti, pushti, kriya, unnati, buddhi, medha, titiksha, tatha moorti ye terah kanyaen isane prajapati ko bharyaroop men di. svaha agni ko, svadha agnishvatton ko tatha solahavi sati shnkar ko di gayin.[5] brahmadev ke dahine angoothe se janmi huee stri daksh ki patni thi. use kul 500 kanyaen huee.[6]ek bar srishti nirman karane vale prajapati ygy kar rahe the. daksh prajapati vahan aya. us samay shnkar tatha brahmadev ko chhod, any sab dev khade ho gaye. isase yah krodhit hua, evn isane shnkar ko shap diya. nndikeshvar ne bhi ise shap diya. daksh ke shap ko anumati dene ke karan, rishiyon ko shap mila, ‘janm maranon ka du:kh anubhav karate hue tumhen grihasthi ke kasht uthane padenge’. isi samay bhrigu rishi ne bhi shnkar ke shishyon ko durdhar shap diya.[7]is prakar daksh tatha shnkar in shvasur-damad men shatrutv badhane laga. brahmadev ne daksh ko prajapatiyon ke adhyaksh pad ka abhishek kiya. usase garvandh hokar, shnkar adi sab brahmanishthon ko nimntrit n karate hue, ygy prarnbh kiya. pratham vajapey ygy kar, bad men brihasaptisav prarnbh kiya. is ygy men daksh ne sare brahmarshi devarshi tatha pitaron ka unaki patniyon sahit samman kiya evn unhen dakshina dekar sntusht kiya. daksh ke ghar men ho rahe ygy ki varta, dakshakanya sati ne suni. tab vahan chalane ki prarthana usane shnkar se ki. kintu unhonne vah prarthana amany ki. majabooran sati ko akele jana pada. isake sath nndikeshvar, yaksh, tatha shivagan bhi bheje gaye. ygymndap men mata tatha bhaginiyon ke siva, anyu kisi ne sati ka svagat nahin kiya. svayn daksh ne usaka anadar kiya. is karan sati ne pita ki khoob nirbhatsana ki, tatha krodhavash vah svayn ag men dagdh ho gayi. yah sab sunakar, shnkar ne virabhadr ka nirman kiya evn use daksh vadh karane ki agya di. mahabharat ke anusar, virabhadr shnkaragya ke anusar daksh ygy men gaya. usane daksh se kaha ki main tumhare ygy ka nash karane aya hoon. tatkal daksh shnkar ki sharan men aya. phir bhi unhonne daksh vadh kiya. daksh vadh ke bad brahmadev ne shnkar ka stavan kiya. tab daksh ko bakare ka sir laga kar jivit kiya gaya. tatkal daksh ne shnkar se kshama mangi.[8] vayu puran men daksh ka arth ‘pran’ diya hai. [9] daksh ka ygy do bar hua. tatha rishi do bar mare gaye. pratham ygy, svaynbhuv manvntar men hua. doosara ygy chakshush manvnntar men snpann hua.[10][11]

daksh ki 84 putriyon aur unake patiyon ke nam

puranon ke anusar daksh prajapati paramapita brahma ke putr the jo unake dahine pair ke angoothe se utpann hue the. prajapati daksh ki do patniyan thi- prasooti aur virani. prasooti se daksh ki chaubis kanyaen thin aur virani se sath kanyaen. un sabhi ka varnan niche diya hai aur sath hin sath unake patiyon ka nam bhi diya gaya hai-

prasooti se daksh ki 24 putriyan aur unake pati
  1. shraddha (dharm)
  2. lakshmi (dharm)
  3. dhriti (dharm)
  4. tushti (dharm)
  5. pushti (dharm)
  6. medha (dharm)
  7. kriya (dharm)
  8. buddhi (dharm)
  9. lajja (dharm)
  10. vapu (dharm)
  11. shanti (dharm)
  12. siddhi (dharm)
  13. kirti (dharm)
  14. khyati (maharshi bhrigu)
  15. sati (roodr)
  16. sambhooti (maharshi marichi)
  17. smriti (maharshi angiras)
  18. priti (maharshi pulasty)
  19. kshama (maharshi pulah)
  20. sannati (kritu)
  21. anusooya (maharshi atri)
  22. urja (maharshi vashishth)
  23. svaha (agni)
  24. svadha (pitris)
virani se daksh ki 60 putriyan aur unake pati
  1. maruvati (dharm)
  2. vasu (dharm)
  3. jami (dharm)
  4. lnba (dharm)
  5. bhanu (dharm)
  6. arundhati (dharm)
  7. snkalp (dharm)
  8. mahoort (dharm)
  9. sndhya (dharm)
  10. vishva (dharm)
  11. aditi (maharshi kashyap)
  12. diti (maharshi kashyap)
  13. danu (maharshi kashyap)
  14. kashtha (maharshi kashyap)
  15. arishta (maharshi kashyap)
  16. surasa (maharshi kashyap)
  17. ila (maharshi kashyap)
  18. muni (maharshi kashyap)
  19. krodhavasha (maharshi kashyap)
  20. tamara (maharshi kashyap)
  21. surabhi (maharshi kashyap)
  22. sarama (maharshi kashyap)
  23. timi (maharshi kashyap)
  24. kritika (chndrama)
  25. rohini (chndrama)
  26. mrigashira (chndrama)
  27. adra (chndrama)
  28. punarvasu (chndrama)
  29. sunrita (chndrama)
  30. pushy (chndrama)
  31. ashlesha (chndrama)
  32. megha (chndrama)
  33. svati (chndrama)
  34. chitra (chndrama)
  35. phalguni (chndrama)
  36. hasta (chndrama)
  37. radha (chndrama)
  38. vishakha (chndrama)
  39. anuradha (chndrama)
  40. jyeshtha (chndrama)
  41. mula (chndrama)
  42. ashadh (chndrama)
  43. abhijit (chndrama)
  44. shravan (chndrama)
  45. sarvishth (chndrama)
  46. satabhishak (chndrama)
  47. proshthapadas (chndrama)
  48. revati (chndrama)
  49. ashvayuj (chndrama)
  50. bharani (chndrama)
  51. rati (kamadev)
  52. svaroopa (bhoot)
  53. bhoota (bhoot)
  54. svadha (angira)
  55. archi (krishashva)
  56. dishana (krishashva)
  57. vinita (tarkshy kashyap)
  58. kadroo (tarkshy kashyap)
  59. patngi (tarkshy kashyap)
  60. yamini (tarkshy kashyap)[12]

daksh ki putri sati ka vivah

daksh ki putri sati ka vivah shiv ke sath hua tha. shiv sada bhabhoot lagae, sarp lapete aur mundamala pahane rahate the. unaka yah vichitr vesh dekhakar daksh unase asntusht rahate the. usane ek bar ygy ka ayojan kiya. unamen apane any sabhi jamataon ko amntrit kiya, kintu shiv ko nahin bulaya. shiv ki patni sati bina bulae hi vahan pahunch gee. usane dekha ki any sab devataon ka praptansh ygy men rakha gaya hai, par shiv ka ansh nahin rakha gaya. vah apane pati ka yah apaman n sah saki aur usane ygykund men koodakar apani jan de di. is par shiv ke ganon ne ygy vidhvns kar dala. shiv sati ka shav lekar unmat ki bhanti bhraman karane lage. unaka moh bhng karane ke lie vishnu ne apane chakr se sati ki mrit deh ko kat-kat kar girana arambh kiya ve ang 51 sthanon par gire jo devi ke shaktipith kahalate hain.[13]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. pustak- hindoo dharmakosh |lekhak- daau. rajabali pandey| prakashan- uttar pradesh hindi snsthan | prishth- 309
  2. rigved 10.72.4-5
  3. nirukt. 11.23
  4. vishnu puran 1.15; harivnsh puran 1.2; bhagavat puran 3.12.23
  5. bhagavat 4.1
  6. mahabharat adi parv 60.8-10
  7. bhagavat puran 4.2; brahmand puran 1.1.64
  8. bhagavat 4.3-7
  9. vayu puran 10.18
  10. brahmand puran 2.13.45,65-72
  11. daksh prajapati (hindi) transliteral.org. abhigaman tithi: 13 aktoobar, 2016.
  12. daksh prajapati ki putriyon aur unake patiyon ke nam (hindi) dharmasnsar. abhigaman tithi: 09 aktoobar, 2016.
  13. pustak- bharatiy snskriti kosh | prakashan- yoonivarsiti pablikeshan nee dilli | prishth- 404

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah