कल्पेश्वर मन्दिर  हिन्दी देवनागरी में पढ़ें।

kalpeshvar mandir
kalpeshvar mandir
vivaran 'kalpeshvar mandir' uttarakhand men sthit hai, jo bhagavan shiv ko samarpit hai. yah mandir 'pnchakedar' tirth yatra men panchaven sthan par ata hai.
rajy uttarakhand
bhaugolik sthiti yah mandir urgam ghati men samudr tal se lagabhag 2134 mitar ki oonchaee par sthit hai.
havaee adda jaauli grant (deharadoon)
relave steshan ramanagar, rishikesh
bas adda rishikesh, deharadoon aur haridvar se bas seva upalabdh hai.
snbndhit lekh shiv, durvasa, kalp vriksh
vishesh kalpeshvar mandir men 'jata' ya tridevon men se ek bhagavan shiv ke ulajhe hue balon ki pooja ki jati hai.
any janakari shivapuran ke anusar, rishi durvasa ne isi sthan par varadan dene vale kalp vriksh ke niche baithakar tapasya ki thi, tab se yah 'kalpeshvar' kahalane laga. kedar khnd puran men bhi aisa hi ullekh hai.

kalpeshvar mandir uttarakhand ke pramukh dharmik sthalon men se ek hai. yah mandir urgam ghati men samudr tal se lagabhag 2134 mitar ki oonchaee par sthit hai. is mandir men 'jata' ya hindoo dharm men many tridevon men se ek bhagavan shiv ke ulajhe hue balon ki pooja ki jati hai. kalpeshvar mandir 'pnchakedar' tirth yatra men panchaven sthan par ata hai. varsh ke kisi bhi samay yahan ka daura kiya ja sakata hai. is chhote-se patthar ke mandir men ek gufa ke madhyam se pahuncha ja sakata hai.

sthiti

kalpeshvar mandir kafi oonchaee par sthit hai. bhagavan shiv ko samarpit yah sthan pavitr dham mana jata hai. kalpeshvar uttarakhand ke mahatvapoorn tirth sthalon me se ek hai. yah uttarakhand ke asim prakritik saundary ko apane me samae himalay ki parvat shrinkhalaon ke madhy men sthit hai. kalpeshvar sanatan hindoo snskriti ke shashvat sndesh ke pratik roop me sthit hai. ek katha ke anusar, ek lokapriy rishi araghya mandir men kalp vriksh ke niche dhyan karate the. yah bhi mana jata hai ki unhonne apsara urvashi ko is sthan par banaya tha. kalpeshvar mandir ke purohit dakshin bharat ke nnboodiri brahman hain. inake bare men kaha jata hai ki ye adiguru shnkarachary ke shishy hain.

kund tatha pavitr jal

mukhy mandir 'anadinath kalpeshvar mahadev' ke nam se prasiddh hai. is mandir ke samip ek 'kalevarakund' hai. is kund ka pani sadaiv svachchh rahata hai aur yatri log yahan se jal grahan karate hain. is pavitr jal ko pi kar anek vyadhiyon se mukti pate hain. yahan sadhu log bhagavan shiv ko arghy dene ke lie is pavitr jal ka upayog karate hain tatha poorv pran ke anusar tapasya bhi karate hain. tirth yatri pahad par sthit is mandir men pooja-archana karate hain. kalpeshvar ka rasta ek gufa se hokar jata hai. mandir tak pahunchane ke lie gufa ke andar lagabhag ek kilomitar tak ka rasta tay karana padata hai, jahan pahunchakar tirthayatri bhagavan shiv ki jataon ki pooja karate hain.[1]

katha

kalpeshvar men bhagavan shnkar ka bhavy mandir bana hai. kalpeshvar ke bare men pauranik grnthon men vistar poorvak ullekh kiya gaya hai. is pavan bhoomi ke sndarbh men kuchh rochak kathaen bhi prachalit hain, jo isake mahatv ko vistar poorvak darshati hain. mana jata hai ki yah vah sthan hai, jahan mahabharat ke yuddh ke pashchath vijayi pandavon ne yuddh men mare ge apane snbndhiyon ki hatya karane ki atmaglani se pidit hokar is kshobh evn pap se mukti pane hetu vedavyas se prayashchit karane ke vidhan ko janana chaha. vyas ji ne kaha ki kulaghati ka kabhi kalyan nahin hota hai, parntu is pap se mukti chahate ho to kedar jakar bhagavan shiv ki pooja evn darshan karo. vyas ji se nirdesh aur upadesh grahan kar pandav bhagavan shiv ke darshan hetu yatra par nikal pade. pandav sarvapratham kashi pahunche. shiv ke ashirvad ki kamana ki, parntu bhagavan shiv is kary hetu ichchhuk n the.

pandavon ko gotr hatya ka doshi manakar shiv pandavon ko darshan nahin dena chahate the. pandav nirash hokar vyas dvara nirdeshit kedar ki or mud gaye. pandavon ko ate dekh bhagavan shnkar guptakashi men antardhan ho gaye. usake bad kuchh door jakar mahadev ne darshan n dene ki ichchha se 'mahish' yani bhaisen ka roop dharan kiya v any pashuon ke sath vicharan karane lage. pandavon ko isaka gyan akashavani ke dvara prapt hua. at: bhim ne vishal roop dharan kar do pahadon par pair phaila diye, jisake niche se any pashu to nikal ge, par shiv roopi mahish pair ke niche se jane ko taiyar nahin hue. bhim balapoorvak bhainse par jhapat pade, lekin bail daladali bhoomi men antardhyan hone laga. tab bhim ne bail ki pith ko pakad liya. bhagavan shnkar ki bhainse ki pith ki akriti pind roop men kedaranath men pooji jati hai. aisa kaha jata hai ki jab bhagavan shiv bhainse ke roop men prithvi ke garbh men antardhyan hue to unake dhad ka oopari bhag kathamandoo men prakat hua, jahan par 'pashupatinath' ka mandir hai. shiv ki bhujaen 'tunganath' men, nabhi 'madhyameshvar' men, mukh 'rudranath' men tatha jata 'kalpeshvar' men prakat hue. yah char sthal pnchakedar ke nam se vikhyat hain. in char sthanon sahit shri kedaranath ko 'pnchakedar' bhi kaha jata hai.[1]

puran katha

shivapuran ke anusar rishi durvasa ne isi sthan par varadan dene vale kalp vriksh ke niche baithakar tapasya ki thi, tab se yah 'kalpeshvar' kahalane laga. kedar khnd puran men bhi aisa hi ullekh hai ki is sthal men durvasa rishi ne kalp vriksh ke niche baithakar ghor tapasya ki thi, tabhi se yah sthan 'kalpeshvaranath' ke nam se prasiddh ho gaya. isake atirikt any kathanusar devataon ne asuron ke atyacharon se trast hokar kalpasthal men narayanastuti ki aur bhagavan shiv ke darshan kar abhay ka varadan prapt kiya tha.

kalpagnga

kalpeshvar kalpagnga ghati men sthit hai. kalpagnga ko prachin kal men hiranyavati nam se pukara jata tha. isake dahine sthan par sthit tat ki bhoomi 'durabasa' bhoomi kahi jati hai. is jagah par dhyanabadri ka mandir hai. kalpeshvar chattan ke pad men ek prachin guha hai, jisake bhitar garbh men svaynbhoo shivaling virajaman hai. kalpeshvar chattan dikhane men jata jaisi pratit hoti hai. devagram ke kedar mandir ke sthan par pahale kalp vriksh tha. kahate hain ki yahan par devataon ke raja indr ne durvasa rishi ke shap se mukti pane hetu shiv-aradhana kar kalpataru prapt kiya tha.[1]

kaise pahunchen

yahan ka sabase najadiki relave steshan ramanagar hai, jo yahan se 233 kilomitar ki doori par hai. rishikesh relave steshan 247 kilomitar ki doori par hai. najadiki havaee adda deharadoon ka jaauli grant hai, jo lagabhag 266 kilomitar ki doori par sthit hai. kalpeshvar tak pahunchane ke lie rishikesh, deharadoon aur haridvar se bas seva bhi upalabdh hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 kalpeshvar mandir (hindi). . abhigaman tithi: 07 agast, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah