भुवाली  हिन्दी देवनागरी में पढ़ें।

bhuvali nainital men sthit ek prasiddh paryatan sthal hai. jyolikot se jaise hi gethiya pahunchate hain to chid ke ghane vanon ke darshan ho jate hain. gethiya se ti. bi. senitoriyam ka aspatal hai. mukhy aspatal gethiya se age pahadi ki or choti par sthit hai. sanh 1912 men bhuvali ke ti. bi. senitoriyam kahalata hai. gethiya senitoriyam isi aspatal ki shakha hai. chid ke pedon ki hava ti. bi. ke rogiyon ke lie labhadayak bataee jati hai. isilie yah aspatal chid ke ghane van ke madhy men sthit kiya gaya. bharat ke pratham pradhanamntri pndit javaharalal neharoo ki patni kamala neharoo ka bhi isi aspatal men ilaj hua tha.

kaise pahunchen

nainital se bhuvali ki doori keval 11 kinomitar hai. nainital aye hue sailani bhuvali ki or avashy ate hain. kuchh paryatak kainchi ke mandir tak jate hain to kuchh 'gagarhnchal' pahad ki choti tak pahunchate hain. kuchh paryatak 'lali qabr' ya lalli ki chhatari ko dekhane jate hain. kuchh padarohi ramagadh ke phalon ke bag dekhane pahunchate hain. kuchh jigyasu log 'kaphal' ke mausam men yahan 'kaphal' namak phal khane pahunchate hain. bhuvali senitoriyam ke phatak se jaise hi age badhana hota hai, vaise hi marg dhalan ki or agrasar hone lagata hai. kuchh der bad ek sundar nagari ke darshan hote hain. yah bhuvali hai. bhuvali chid aur vans ke vrikshon ke madhy aur pahadon ki talahati men 1680 mitar ki oonchaee men basa hua ek chhota sa nagar hai. bhuvali ki jalavayu atyant svasthyavarddhak hai. shant vatavaran aur khuli jagah hone ke karan 'bhuvali' kumaoon ki ek shanadar nagari hai. yahan par phalon ki ek mandi hai. yah ek aisa kendr bindu hai jahan se kathagodam haldvani aur nainital, almoda - ranikhet, bhimatal - satatal aur ramagadh - mukteshvar adi sthanon ko alag-alag motar marg jate hain.

visheshata

bhuvali men oonche-oonche pahad hain. sidhinima khet hai. sarphile akar ki sadaken hain. charon or hariyali hi hariyali hai. ghane bans - buransh ke ped hain. chid vrikshon ka yah to ghar hi hai. aur parvatiy anchal men milane vale phalon ki mandi hai. 'bhuvali' nagar bhale hi chhota ho parantu usaka mahatv bahut adhik hain. bhuvali ke najadik kee aise aitihasik sthal hain, jinaka apana mahatv hai. yahan par kumaoon ke prasiddh gold devata ka prachin mandir hai, to yahin par ghodakhal namak ek sainik skool bhi hai. 'sher ka danda' aur 'rehad ka danda' bhi bhuvani se hi mila hua hai. parvatarohiyon ko bhuvali ana hi padata hai. bhimatal, naukuchiyatal, mukteshvar, ramagadh, almoda aur ranikhet adi sthanon men jane ke lie bhi kathagodam se ane vale paryatakon, sailaniyon evn paharohiyon ke 'bhuvali' ki bhoomi ke darshan karane hi padate hain. atah 'bhuvali' ka mahatv jahan bhaugolik hai vahan prakritik sushama bhi hai. isilie is shant aur prakriti ki sundar nagari ko dekhane ke lie saikadon - hazaron prakriti - premi prativarsh ate rahate hain. 'bhuvali' 1680 mitar par sthit ek aisa nagar hai jahan maidani log adoo; seb, poolam (aloobukhara) aur khumani ke phalon ko kharidane ke lie door - door se ate hain.

'bhuvali' nagar ke bas adde se ek marg chadhaee par nainital, kathagodam aur haldvani ki or jata hai. doosara marg dhalan par ghati ki or kainchi hokar almoda, ranikhet aur karnaprayag ki or badh jata hai. tisara marg bhuvali ke bazar ke bich men hokar doosari or ke pahadi par chadhane lagata hai. yah marg bhi age chalakar do bhagon men vibhajit ho jata hai. dayin or ka marg ghodakhal, bhimatal aur naukuchiyatal ki or chala jata hai aur bayin or ko mudane vala marg ramagadh mukteshvar anchal ki or badh jata hai.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. bhuvali (hindi) www.ignca.nic.in. abhigaman tithi: 20 navambar, 2014.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah