एक हथिया देवाल  हिन्दी देवनागरी में पढ़ें।

baltir ka abhishapt devalay

ek hathiya deval ek abhishapt devalay ka nam hai. yah simant janapad pithauragadh (uttarakhnd) ke kasbe thal se lagabhag chhah kilomitar door gram sabha baltir men sthit hai.

kinvadnti

is devalay ke vishay men kinvadnti hai ki is gram men ek moortikar rahata tha, jo pattharon ko kat-kat kar moortiyan banaya karata tha. ek bar kisi durghatana men usaka ek hath kharab ho gaya. ab vah moortikar ek hath ke sahare hi moortiyan banana chahata tha, parantu ganv ke kuchh logon ne use yah ulahana dena shuroo kar diya ki ab ek hath ke sahare vah kya kar sakega? lagabhag sare ganv se ek jaisi ulahana sun-sunakar moortikar khinn ho gaya. usane pran kar liya ki vah ab us ganv men nahin rahega aur vahan se kahin aur chala jayega. yah pran karane ke bad vah ek rat apani chheni, hathaudi aur any aujaron ko lokar ganv ke dakshini chhor ki or nikal pada. ganv ka dakshini chhor prayah gramavasiyon ke liye shauch adi ke upayog men ata tha. vahan par ek vishal chattan thi.

agale din pratahkal jab ganvavasi shauch adi ke lie us disha men gaye to paya ki kisi ne rat bhar men chattan ko katakar ek devalay ka roop de diya hai. kautoohal se sabaki ankhen phati rah gayin. sare ganvavasi vahan par ekatrit huye, parantu vah karigar nahin aya jisaka ek hath kata tha. sabhi ganvavalon ne ganv men jakar use dhoondha aur apas men ek-doosare se usake bare men poochha, paranttu moortikar ke bare men kuchh bhi pata n chal saka. vah ek hath ka karigar ganv chhodakar ja chuka tha.

jab sthaniy pnditon ne us devalay ke andar ukere ge bhagavan shnkar ke ling aur moorti ko dekha to yah pata chala ki ratri men shighrata se banaye jane ke karan shivaling ka aragha viparit disha men banaya gaya hai, jisaki pooja phaladayak nahin hogi balki doshapoorn moorti ka poojan anishtakarak bhi ho sakata hai. isi ke chalate raton rat sthapit huye us mndir men virajaman shivaling ki pooja nahin ki jati. pas hi bane jal sarovar men, jinhe sthaniy bhasha men 'naula' kaha jata hai, mundan adi snskar ke samay bachchon ko snan karaya jata hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah