कण्वाश्रम  हिन्दी देवनागरी में पढ़ें।

kanvashram uttarakhand sthit ek prasiddh dharmik sthan hai. gadhaval janapad men kotadvar se 14 ki.mi. ki doori par shivalik parvat shreni ke pad pradesh men hemakoot aur manikoot parvaton ki god men stith 'kanvashram' aitihasik tatha puratatvik drishti se atynt mahattvapoorn paryatan sthal hai. mana jata hai ki yahi kanv rishi ka ashram tha.

doosari or kanvashram ko roohelakhnd ka vah bhag mana jata hai, jahan ajakal bijanaur ki basti hai.[1]

pauranik ullekh

kotadvar bhabar kshetr ki pramukh etihasik dharoharon men 'kanvashram' sarvapramukh hai, jisaka puranon men vistrit ullekh milata hai. hazaron varsh poorv pauranik yug men jis malini nadi ka ullekh milata hai, vah aj bhi usi nam se pukari jati hai tatha bhabar ke bahut bade kshetr ko sinchit kar rahi hai. kanvashram shivalik ki talahati men malini ke donon taton par sthit chhote-chhote ashramon ka prakhyat vidyapith tha. yahan matr uchch shiksha prapt karane ki suvidha thi. isamen ve shiksharthi pravisht ho sakate the, jo samany vidyapith ka pathyakram poorn kar aur adhik adhyayan karana chahate the. kanvashram charon vedon, vyakaran, chhand, nirukt, jyotish, ayurved, shiksha tatha karmakand in chh: vedangon ke adhyayan-adhyapan ka prabandh tha. ashramavarti yogi ekant sthanon men kuti banakar ya gufaon ke andar rahate the.[2]

"es kanv khalu kuladhipati ashram"
  • prachin kal se hi manasakhnd tatha kedarakhnd ki yatraen shraddhaluon dvara paidal snpann ki jati thin. haridvar, gngadvar se kanvashram, mahavagadh, byasaghat, devaprayag hote hue charadham yatra anek kasht sahakar poorn ki jati thi. 'skand puran' kedarakhnd ke 57ven adhyay men is puny kshetr ka ullekh nimn prakar se kiya gaya hai[3]-

kanvashram samaramy yav nnda giri bhavet.
yavat kshetram param puny mukti pradayak॥

kanv rishi se sambandh

'kanvashram' kanv rishi ka vahi ashram hai, jahan hastinapur ke raja dushyant tatha shakuntala ke pranay ke pashchath bharat ka janm hua tha, kalantar men isi gadhavali khas nari shakuntala putr bharat ke nam par hamare desh ka nam 'bharat' pada. shakuntala rishi vishvamitr v apsara menaka ki putri thi.

prachinata

is kshetr ki prachinata ke snbandh men any pauranik prasngon ka bhi ullekh hai. pandavon ke poorvaj shakuntala aur bharat tatkalin kulind janapad ke nivasi the. yahan ke kulindaraj raja subahu se pandavon ki vishesh maitri thi. kanvashram ke kuchh oopar 'kanndee' namak ek gram ke pas aj bhi ek prachin gufa vidyaman hai, jisamen 30-40 vyakti ek sath nivas kar sakate hain. eeda gram ke pas shoony shikhar par aj bhi sannyasiyon ka ashram hai. chaukighat se kuchh doori par 'kimasera' (kanvasera) ki choti par bhagnavashesh kisi ashram ya gadh ka snket dete hain.[2]

mela ayojan

har varsh 'basnt pnchami' ke avasar par kanvashram men tin din tak mela chalata hai. mahakavi kalidas dvara rachit 'abhigyan shakuntalam' men kanvashram ka jis tarah se jikr milata hai, ve sthal aj bhi vaise hi dekhe ja sakate hain.

jirnoddhar

san 1955 men uttar pradesh ke tatkalin mukhyamntri sampoornand ke prayason se kanvashram ka jirnoddhar kiya gaya tha. vartaman men 'gadhaval mndal vikas nigam', 'kanvashram vikas samiti' tatha shasakiy prayason se is sthal ki uchit dekh-rekh hoti hai. bharat smarak ke sath-sath yahan puratatvik mahattv ki anek moortiyan surakshit hain.

kaise pahunchen

kanvashram, uttarakhand ke kotadvar se 14 ki.mi. ki doori par sthit hai tatha bas, taiksi tatha any sthaniy yatayat ki suvidhayen yahan upalabdh hain. yahan ka nikatatam relave steshan kotadvar 14 ki.mi. door hai tatha nikatatam havaee adda bhi kotadvar men hi hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  • aitihasik sthanavali | prishth snkhya= 129| vijayendr kumar mathur | vaigyanik tatha takaniki shabdavali ayog | manav snsadhan vikas mntralay, bharat sarakar
  1. pauranik kosh |lekhak: rana prasad sharma |prakashak: gyanamandal limited, varanasi |snkalan: bharat diskavari pustakalay |prishth snkhya: 556, parishisht 'k' |
  2. 2.0 2.1 kanvashram, kotadvar (hindi) uttarakhand ke mndir. abhigaman tithi: 24 janavari, 2015.
  3. kanvashram, kotadvar, uttarakhand (hindi) merapahadforum.com. abhigaman tithi: 24 janavari, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah