देवप्रयाग  हिन्दी देवनागरी में पढ़ें।

devaprayag
alakannda tatha bhagirathi nadiyon ka sngam sthal
vivaran 'devaprayag' hinduon ke prasiddh dharmik sthalon men se ek hai. yahan alakannda tatha bhagirathi nadiyon ka sngam hua hai.
rajy uttarakhand
zila tihari gadhaval
bhaugolik sthiti samudr ki satah se 830 mitar ki oonchaee par sthit.
prasiddhi hindoo dharmik sthal
kab jaen janavari se joon aur sitnbar se disnbar
havaee adda jauli grant, deharadoon
relave steshan rishikesh
kya dekhen 'raghunath mndir', 'danda nagaraj mndir', 'chndrabadani mndir' adi.
vishesh devaprayag ko 'sudarshan kshetr' bhi kaha jata hai. yahan kauve dikhayi nahin dete, jo ki ek ashchary ki bat hai.
any janakari dev sharma namak ek brahman ki kathin tapasya se prasann hokar bhagavan vishnu ne use varadan diya tha. dev sharma ke nam par hi devaprayag nam prachalan men aya.

devaprayag uttarakhand men kumayoon himalay ke kendriy kshetr men tihari gadhaval zile men sthit ek prasiddh tirth sthan hai. yah alakannda tatha bhagirathi nadiyon ke sngam par sthit hai. isi sngam sthal ke bad se nadi ko 'gnga' ke nam se jana jata hai. sngam sthal par sthit hone ke karan tirtharaj prayag ki bhanti hi devaprayag ka bhi dharmik mahattv atyadhik hai. hinduon ke sarvashreshth dharmik sthalon men se devaprayag ek hai.

sthiti

devaprayag samudr ki satah se 830 mitar ki oonchaee par sthit hai. isaka sabase nikatatam shahar rishikesh hai, jo yahan se 70 kilomitar door hai. yah sthan uttarakhand rajy ke pnch prayagon men se ek mana jata hai.

namakaran

devaprayag bhagavan shriram se juda vishisht tirth hai. devaprayag ko lekar ek badi prachin katha hai, jisake anusar- sat yug men dev sharma namak ek brahman ne yahan bada kathor tap kiya, isase prasann hokar bhagavan vishnu ne use varadan diya ki yah sthan kalantar men tumhare nam se prasiddh hoga. tabhi se ise 'dev prayag' kaha jane laga.

katha

donon or oonche pahadon se ghira yah sngam bhagavan shriram ki hazaron sal purani smritiyon ko aj bhi apane men samete hue hai. katha hai ki jab lnka vijay kar ram laute to jahan rakshasi shakti ke snhar ka yash unake sath juda tha, vahin ravan vadh ke bad brahman hatya ka prayashchit dosh bhi unhen laga. rishi-muniyon ne unhen sujhaya ki devaprayag men bhagirathi aur alakannda ke sngam tat par tapasya karane se hi unhen brahman hatya ke dosh se mukti mil sakati hai. shriram maryada purushottam the, nishkalnk jivanavrati. ve brahman hatya ka kalnk lekar kaise ji sakate the. isalie unhonne rishi-muniyon ka adesh shirodhary kar is sthan ko apani sadhana sthali banaya aur yahin ek shila par baithakar dirgh avadhi tak tap kiya. pnde-purohit us shila ko dikhate hain. is vishal shila par aj bhi aise nishan bane hain, jaise lnbe samay tak kisi ke vahan palathi marakar baithane se ghisakar bane hon. ek shila par charanon ki si akriti bani hai, jo bhagavan ram ke charan chinh batae jate hain.[1]

akarshak sthal

isake bare men kaha jata hai ki jab raja bhagirath ne gnga ko prithvi par utarane ko raji kar liya to 33 karod devi-devata bhi gnga ke sath svarg se utare. tab unhonne apana avas devaprayag men banaya, jo gnga ki janm bhoomi hai. gadhaval kshetr me manyatanusar bhagirathi nadi ko 'sas' tatha alakannda nadi ko 'bahoo' kaha jata hai. yahan ke mukhy akarshan men sngam ke alava ek shiv mndir tatha raghunath mndir hain, jinamen raghunath mndir dravid shaili se nirmit hai. devaprayag prakritik snpada se paripoorn hai. yahan ka saundary advitiy hai. isake nikat danda nagaraj mndir aur chndrabadani mndir bhi darshaniy hain. devaprayag ko 'sudarshan kshetr' bhi kaha jata hai. yahan kauve dikhayi nahin dete, jo ki ek ashchary ki bat hai.[2]

sngam

baen se alakannda tatha daen se bhagirathi ka sngam

yahan pahad ke ek taraf se alakannda aur doosari or se bhagirathi akar jis bindu par milati hain, vah drishy adbhut hai. lagata hai ghnton apalak niharate rahen. yah sngam 'sas-bahoo' ke milan sthal ke roop men bhi prasiddh hai. 'sas' yani bhagirathi aur 'bahoo' yani alakannda. bhagirathi jis tarah haraharakar, uchhalati koodati, tandav-sa karati yahan pahunchati hai, use sas ka pratiroop mana gaya hai aur alakannda shant, sharamati-si mano lokalaj men bndhi bahoo ka roop dhar apane astitv ko samarpit kar deti hai. donon ki dharaen milate hue saph dekhi ja sakati hain. alakannda ka jal thoda matamaila-sa, jabaki bhagirathi ka nirabhr akash jaisa nila jal.

vyavasay

devaprayag men chaval, gehoon, jau, sarason, raee aur aloo ka vyavasay hota hai.

kab jaen

janavari se joon aur sitnbar se disnbar ka samay devaprayag jane ke lie uchit hai.

kaise pahunchen

devaprayag pahunchane ke lie uttarakhand parivahan ki bas seva li ja sakati hai. sath hi yatri apani niji gadi se bhi yahan pahunch sakate hain. isaka nikatatam relave steshan rishikesh hai aur nikatatam havaee adda jauli grant hai, jo deharadoon men sthit hain. desh ki rajadhani dilli se is sthan ki doori lagabhag 300 kilomitar hai.


panne ki pragati avastha
adhar
prarambhik
madhyamik
poornata
shodh

vithika

tika tippani aur sndarbh

  1. ravan vadh ke bad devaprayag men shriram ne ki thi tapasya-ram ne kiya prayashchit (hindi). . abhigaman tithi: 27 julaee, 2014.
  2. pnchaprayagon men ek devaprayag (hindi) shri nyooj. abhigaman tithi: 27 julaee, 2014.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah