तुंगनाथ मन्दिर  हिन्दी देवनागरी में पढ़ें।

tunganath mandir

tunganath mandir uttarakhnd ke gadhaval ke chamoli zile men sthit hai. yah mandir bhagabhan shiv ko samarpit hai aur tunganath parvat par avasthit hai. himalay ki khoobasoorat prakritik sundarata ke bich bana yah mandir tirthayatriyon aur paryatakon ke lie akarshan ka kendr hai. mukhy roop se charadham ki yatra ke lie ane vale yatriyon ke lie yah mandir bahut mahattvapoorn hai.

sthiti tatha nirman

yah mandir samudr tal se lagabhag 3,680 mitar ki oonchaee par bana hua hai. mandir svayn men kee kathaon ko apane men samete hue hai. kathaon ke adhar par yah mana jata hai ki jab kurukshetr ke maidan men pandavon ke hathon kafi badi snkhya men narasnhar hua, to isase bhagavan shiv pandavon se rusht ho gaye. bhagavan shiv ko manane v prasann karane ke lie pandavon ne is mandir ka nirman karaya. is mandir ko 1000 varsh se bhi adhik purana mana jata hai. yahan bhagavan shiv ke 'pnchakedar' roop men se ek ki pooja ki jati hai. grenait pattharon se nirmit is bhavy mandir ko dekhane ke lie pratyek varsh badi snkhya men hazaron tirthayatri aur paryatak yahan ate hain.[1]

manyataen

is mandir se judi ek manyata yah prasiddh hai ki yahan par shiv ke hriday aur unaki bhujaon ki pooja hoti hai. is mandir ki pooja ka dayitv yahan ke ek sthaniy vyakti ko hai. samudratal se is mandir ki oonchaee kafi adhik hai, yahi karan hai ki is mandir ke samane pahadon par sada barph jami rahati hai. any char dhamon ki tulana men yahan par shradvaluon ki bhid kuchh kam hoti hai, parantu phir bhi yahan apani mannaten poori hone ki ichchha se ane valon ki snkhya kuchh kam nahin hai.
tunganath mandir
ek any manyata ke anusar bhagavan ram ne jab ravan ka vadh kiya, tab svayn ko brahmahatya ke shap se mukt karane ke liye unhonne yahan shiv ki tapasya ki. tabhi se is sthan ka nam 'chndrashila' bhi prasiddh ho gaya.[2]

prakritik sundarata

tunganath mandir kedaranath aur badrinath mandir ke lagabhag bich men sthit hai. yah kshetr gadhaval himalay ke sabase sundar sthanon men se ek hai. varsh ke janavari aur faravari ke mahinon men amataur par barph ki chadar odhe is sthan ki sundarata julaee-agast ke mahinon men aur bhi adhik badh jati hai. in mahinon men yahan milon tak phaile ghas ke maidan aur unamen khile phoolon ki sundarata manabhavan hoti hai.

mandir ka marg

tunganath mandir

mandir tak jane ke lie ve yatri jo ukhimath ka rasta apanate hain, unhen alakannda ke bad mndakini ghati men pravesh karana hota hai. is marg par atynt lubhavane aur sundar nazare dekhane ko milate hain. age badhane par agasty muni namak ek chhota-sa qasba padata hai, jahan se himalay ki nndakhat choti ke darshan hote hain.[1]

prachin mandiron ke darshan

tunganath mandir ke pravesh dvar par chopata ki or badhate hue raste men bans ke vrikshon ka ghana jngal aur manohari drishy dikhaee padata hai. chopata se tunganath mandir ki doori matr tin kilomitar hi rah jati hai. chopata se tunganath tak yatriyon ko paidal hi saphar tay karana hota hai. paidal yatra ke dauran bugyalon ki sundar duniya se sakshatkar karane ka avasar milata hai. is dauran bhagabhan shiv ke kee prachin mandiron ke darshan bhi hote hain. yahan se dedh kilomitar ki oonchaee chadhane ke bad 'moon maunten' ke nam se prasiddh 'chndrashila' namak choti ke darshan hote hain.

devahiraya tal

chopata se lagabhag ath kilomitar ki doori tay karane ke bad 'devahiraya tal' bhi pahuncha ja sakata hai, jo tunganath mandir ke dakshin disha men sthit hai. yah ek paradarshi sarovar hai. is sarovar men chaukhnbha, nilaknth adi himachchhadit chotiyon ke pratibinb dikhayi dete hain.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 khare, prachi. ek roop tunganath mndir (hindi). . abhigaman tithi: 09 mee, 2012.
  2. tunganath mandir (hindi). . abhigaman tithi: 09 mee, 2012.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah