पुराण  हिन्दी देवनागरी में पढ़ें।

bhagavan vishnu
God Vishnu

puranon ki rachana vaidik kal ke kafi bad ki hai,ye smriti vibhag men rakhe jate hain. puranon men srishti ke arambh se ant tak ka vishad vivaran diya gaya hai . puranon ko manushy ke bhoot, bhavishy, vartaman ka darpan bhi kaha ja sakata hai . is darpan men manushy apane pratyek yug ka chehara dekh sakata hai. is darpan men apane atit ko dekhakar vah apana vartaman snvar sakata hai aur bhavishy ko ujjval bana sakata hai . atit men jo hua, vartaman men jo ho raha hai aur bhavishy men jo hoga, yahi kahate hain puran. inamen hindoo devi-devataon ka aur pauranik mithakon ka bahut achchha varnan hai. inaki bhasha saral aur katha kahani ki tarah hai. puranon ko vedon aur upanishadon jaisi pratishtha prapt nahin hai.

puran mahima

puran shabd ‘pura’ evn ‘an’ shabdon ki sndhi se bana hai, jisaka shabdik arth -‘purana’ athava ‘prachin’ hota hai . ‘pura’ shabd ka arth hai - anagat evn atit .
Puran-1.png
‘an’ shabd ka arth hota hai -kahana ya batalana arthath jo puratan athava atit ke tathyon, siddhanton, shikshaon, nitiyon, niyamon aur ghatanaon ka vivaran prastut kare. mana jata hai ki srishti ke rachanakarta brahmaji ne sarvapratham jis prachinatam dharmagrnth ki rachana ki, use puran ke nam se jana jata hai. hindoo sanatan dharm men, puran srishti ke prarambh se mane gaye hain, isalie inhen srishti ka prachinatam grnth man liya jata hai kintu ye bahut bad ki rachana hai. soory ke prakash ki bhanti puran ko gyan ka srot mana jata hai. jaise soory apani kiranon se andhakar hatakar ujala kar deta hai, usi prakar puran apani gyanaroopi kiranon se manav ke man ka andhakar door karake saty ke prakash ka gyan dete hain. sanatanakal se hi jagath puranon ki shikshaon aur nitiyon par hi adharit hai.

vishayavastu

prachinakal se puran devataon, rishiyon, manushyon - sabhi ka margadarshan karate rahe hain. puran manushy ko dharm evn niti ke anusar jivan vyatit karane ki shiksha dete hain. puran manushy ke karmon ka vishleshan kar unhen dushkarm karane se rokate hain. puran vastutah vedon ka vistar hain. ved bahut hi jatil tatha shushk bhasha - shaili men likhe ge hain. vedavyas ji ne puranon ki rachana aur punarrachana ki. kaha jata hai, "poornat puran." jisaka arth hai, jo vedon ka poorak ho, arthath puran.[1] vedon ki jatil bhasha men kahi gee baton ko puranon men saral bhasha men samajhaya gaya hain. puran-sahity men avataravad ko pratishthit kiya gaya hai. nirgun nirakar ki satta ko manate hue sagun sakar ki upasana karana in grnthon ka vishay hai. puranon men alag-alag devi-devataon ko kendr men rakhakar pap-puny, dharm-adharm aur karm-akarm ki kahaniyan hain. prem, bhakti, tyag, seva, sahanashilata aise manaviy gun hain, jinake abhav men unnat samaj ki kalpana nahin ki ja sakati. puranon men devi-devataon ke anek svaroopon ko lekar ek vistrit vivaran milata hai. puranakaron ne devataon ki dushpravrittiyon ka vyapak vivaran kiya hai lekin mool uddeshy sadbhavana ka vikas aur saty ki pratishtha hi hai.

puranon ki snkhya

bhagavan shiv ki moorti, rishikesh
Lord Shiva Statue, Rishikesh
narad muni
Narad Muni

18 vikhyat puran hain :

vishnu puran brahma puran shiv puran
vishnu puran brahm puran shiv puran
bhagavat puran brahmand puran ling puran
narad puran brahm vaivart puran skand puran
garud puran markandey puran agni puran
padm puran bhavishy puran matsy puran
varah puran vaman puran koorm puran
agnidev
Agni Deva

yah soochi vishnu puran par adharit hai. matsy puran ki soochi men shiv puran ke sthan par vayu puran hai.

puranon men shlok snkhya

koorm avatar
Kurma Avatar
varah avatar
Varaha Avatar
matsy avatar
Matsya Avatar

snsar ki rachana karate samay brahma ne ek hi puran ki rachana ki thi. jisamen ek arab shlok the. yah puran bahut hi vishal aur kathin tha. puranon ka gyan aur upadesh devataon ke alava sadharan janon ko bhi saral dhng se mile ye sochakar maharshi ved vyas ne puran ko atharah bhagon men bant diya tha. in puranon men shlokon ki snkhya char lakh hai. maharshi vedavyas dvara rache gaye atharah puranon aur unake shlokon ki snkhya is prakar hai :

vaman avatar
Vamana Avtar
garud
Garuda
sukhasagar ke anusar
puran shlokon ki snkhya
brahmapuran das hazar
padmapuran pachapan hazar
vishnupuran teis hazar
shivapuran chaubis hazar
shrimadbhavatapuran atharah hazar
naradapuran pachchis hazar
markandeyapuran nau hazar
agnipuran pandrah hazar
bhavishyapuran chaudah hazar panch sau
brahmavaivartapuran atharah hazar
lingapuran gyarah hazar
varahapuran chaubis hazar
skandhapuran ikyasi hazar ek sau
koormapuran satrah hazar
matsayapuran chaudah hazar
garudapuran unnis hazar
brahmandapuran barah hazar
manapuran das hazar

puranon ki snkhya atharah kyon ?

  • anima, laghima, prapti, prakamy, mahima, siddhi, eeshitv ya vashitv, sarvakamavasayita, sarvgytv, doorashravan, srishti, parakayapravesh, vakasiddhi, kalpavrikshatv, snharakaranasamarthy, bhavana, amarata, sarvanyay - ye attharah siddhiyan mani jati hain.
  • sankhy darshan men purush, prakriti, man, panch mahabhoot ( prithvi, jal, vayu, agni aur akash ), panch gyanedri ( kan, tvacha, chakshu, nasika aur jihva) aur panch karmendri (vak, pani, pad, payu aur upasth ) ye atharah tattv varnit hain.
  • chhah vedang, char ved, mimansa, nyayashastr, puran, dharmashastr, arthashastr, ayurved, dhanurved aur gndharv ved ye atharah prakar ki vidyaen mani jati hain .
  • ek snvatsar, panch rituen aur barah mahine - ye sab milakar kal ke atharah bhedon ko batate hain .
  • shrimadh bhagavat gita ke adhyayon ki snkhya bhi atharah hai .
  • shrimadh bhagavat men kul shlokon ki snkhya atharah hazar hai .
  • shriradha, katyayani, kali, tara, kooshmanda, lakshmi, sarasvati, gayatri, chhinnamasta, shodashi, tripurabhairavi, dhoomavati, bagalamukhi, matngi, parvati, siddhidatri, bhagavati, jagadamba ke ye atharah svaroop mane jate hain .
  • shrivishnu, shiv, brahma, indr adi devataon ke ansh se prakat huee bhagavati durga atharah bhujaon se sushobhit hain .

up puran

nrisinh avatar
Narsingh Avatar

maharshi vedavyas ne atharah puranon ke atirikt kuchh up-puranon ki bhi rachana ki hai. up-puranon ko puranon ka hi sararoop kaha ja sakata hai . up-puran is prakar hain:

  1. sanatkumar puran
  2. kapil puran
  3. samb puran
  4. adity puran
  5. nrisinh puran
  6. ushanah puran
  7. nndi puran
  8. maheshvar puran
  9. durvasa puran
  10. varun puran
  11. saur puran
  12. bhagavat puran
  13. manu puran
  14. kalikapuran
  15. parashar puran
  16. vasishth puran

tika tippani aur sndarbh

  1. jo vedon ki tika hain

snbndhit lekh

shrutiyan

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah