कुमारसम्भव  हिन्दी देवनागरी में पढ़ें।

kumarasambhav
'kumarasambhav' ka avaran prishth
lekhak kalidas
mool shirshak 'kumarasambhav'
desh bharat
prakar mahakavy
vishesh manyata hai ki kalidas ne ath sargon tak hi is mahakavy ki rachana ki thi. 9 sarg kisi paravarti kavi ke dvara rache hue hain.

kumarasambhav satrah sargon ka mahakavy hai. paramparagat manyata hai ki kalidas ne ath sargon tak hi is mahakavy ki rachana ki thi. avashisht 9 sarg kisi paravarti kavi ke dvara rache hue hain. vallabhadev, mallinath adi prachin vishrut tikakaron ne ath sargon tak hi is mahakavy par apani tikaen likhi hain tatha kavyashastr ke prachin grnthon men bhi kumarasambhav se jitane uddharan milate hain, ve athaven sarg tak ke hi hain.

kumarasambhav ka arth

kumarasambhav ka arth hai kumar[1] ka janm. parvati ke janm se lekar shiv se usake vivah tak ka kathanak hi athaven sarg tak varnit hai aur kumar ke janm ki katha isamen samavisht nahin hai, at: ise apoorn manakar paravarti kisi kavi ne poora kiya hoga - yah sambhav hai. ek paramparagat manyata yah bhi hai ki athaven sarg men uma - maheshvar ke sambhogasukh ka chitran karane ke karan kalidas ko shapagrast hona pada aur phir is kavy ko ve poorn n kar saken. adhunik vidvanon men se kuchh ka yah bhi mat hai ki kalidas ki drishti men athaven sarg men hi kavy poora ho jata hai: shiv aur parvati ke atoot prem aur mangalik dampaty men kumar ke janm ki sambhavana nirdeshit hai.

vishayavastu

kumarasambhav ka arambh himalay ke varnan ke sath hota hai. poorv aur pashchim ke sagaron ka avagahan kar yah himalay sari dharati ko napate ke liye manadand ki bhanti khada hua hai. apsaraen usaki us dhaturashi se shrringar karati hain, jo badalon ke tukadon par lal rng arpit karane vali akal sandhya si usake shikharon par phaili huee hai. kirat is himalay par mrigaya men mare gaye hathiyon ke marg ko tushar se dhul jane par bhi unake nakharandhr se gire muttphaphalon se pahachan lete hain. vidyadhar sundariyan usake bhojapatron par premapatr likha karati hain. hathi us himalay ke saral vrikshon par khujali mitane ko jab apane kapol ragadate hain, to un vrikshon se nikale kshir[2] se himalay ke shikhar door-door tak surabhit ho jate hain.

parvataraj himalay

bhagirathi ke nirjharon ki phuharen lekar bahane val pavan devadaruon ko knpata jata hai aur mayooron ke pichchhon ko bikhara deta mrigon ko khojate kirat us vayu ka sevan karate hai. devataon ne us himalay ko devatuly man kar ygy bhag ka adhikari ghoshit kiya hai, vah sari dharati ko dharan kiye hue hai, isalie prajapati ne use sare parvaton ka raja bhi bana diya hai. aise us parvataraj himalay ne muniyon ke liye bhi mananiy pitaro ki manasi kanya maina se vivah kiya tha. aur usase mainak namak putr himalay ko prapt hua tha. phir daksh ke ygy men pati ke apaman se khinn hokar deh ka tyag karane vali sati ne bhi maina ki kukshi se parvati ke roop men avatar liya. balyakal se parvati himalay ki vishesh ladali thi. dhire-dhire vah badi hone lagi, to udit hone par chandrajyotsna ki kalaen jaise badhati hain, vaise hi usamen abhivriddhi huee. himalay us kanya se aise hi vibhooshit hue jaise dipashikha se dipak, tripathaga se svarg ka path ya snskaravati vani se manishi vyakti. phir navayauvan ne parvati ke deh men padarpan kiya, to usaka deh toolika se unmilit chitr ki bhanti ya soory ki kiranon se khila diye gaye kamal ki bhanti chaturastrashobha se yukt ho utha.

narad ki bhavishyavani

ek din narad vicharan karate-karate himalay ke pas pahunche. pita ke pas baithi parvati ko dekh kar unhonne yah bhavishyavani kar di ki unaki priy putri shiv ki arddhangini ban kar rahegi. is kathan se vishvast himalay ne parvati ko himalay ke hi ek shikhar par tapolin shnkar ki pooja - archana ke lie prerit kiya. unhin dinon tarak namak asur se trast devon ne brahma se paritran ki prarthana ki. brahma ne kaha - mahadev ke viry se utpann putr tarakasur ke nash men samarth hoga at: ayasapoorvak shnkar ka man parvati ki or akrisht karen; kyonki shiv ke viry ko dharan karane ki samarthy keval parvati men hai. indr ne indralok pahunch kar kamadev ka smaran kiya, vah pushpadhnva tatkal, amramanjari roopi ban grahan kie hue mitr vasnt ke sath upasthit ho gaya. indr ne use apana abhipray bataya.

basnt ki roopashri

shiv ke samadhisthal par pahunch kar vasnt ne apani roopashri ka jo pradarshan kiya, usase kavi ko prakriti ke manjul roop ke varnan-kaushal ka avasar mil gaya hai. patni rati ke sath kamadev ke upasthit hone par jad-chetan sabhi kamatur ho sambhog ke lie lalayit ho uthe - kashthagatasneharasanuviddhn dvandvani bhavn kriyaya vivabru:॥[3] shnkar ki samadhi bhng huee, parvati ne kamal ke bijon ki mala gale men dal di, kintu kam vikar ke prabhav ke poorv hi snyami mahadev ne 'sammohan' ban chadhae kamadev ko netragni se bhasm kar diya aur antardhan hue. parvati pita ke manorath aur roopashri ki avahelana se tatha patihina rati navavaidhavy ki jvala se dagdh huee. pati ki rakh ko dekhakar rati ne vilap ki, jo karun nishyandini pravahit ki, vah keval ajavilap ki marmikata se hi tulaniy ho sakati hai. parvati ne apane roop ke garv se mukt ho tapasya ka snkalp kiya, kyonki jo priy ko n rijha sake us roop se kya labh - priyeshu saubhagyaphala hi charuta.[4]

parvati ki tap sadhana

parnabhojan ka bhi parityag kar apargi parvati ne apane komalangon ko kathor tap sadhana se kathorata kar liya. tadanntar ek tejasvi brahmachari ne upasthit hokar shnkar ke amangalik vesh aur shmashan roop ashubh vasasthan ka ullekh kar unhen unake lakshy se vimukh karane ka prayas kiya. priy ke dosh-shravan men asamarth parvati ne brahmachari ke samaksh khada rahana uchit n samajha, kintu ve hatatin isake poorv hi brahmachari roop shnkar apane vastavik roop men prakat hue. aradhy priy ko sannikat dev parvati pulakit-chakit huee aur shilakhand dvara badhit nadi ke pravah ki bhanti ruk gee- margachalavyatikarakulitev sindhu: shailadhirajatanaya n yayau n tasthau.[5]

vivah sandesh bhejane ka agrah

pranayotsuk shnkar se unhonne sakhi ko madhyam bana pita ke pas vivah sandesh bhejane ka agrah kiya. shnkar ne saptarshiyon se himaraj ko vivah prastav pahunchane ka nivedan kiya. saptarshiyon ke charcha karate samay lajja namramukhi parvati lila kamal ki pnkhudiyan gin rahi thi -

evn vadini devarshon parshven pituradhomukhi.
lilakamalapatrani ganayamas parvati॥[6]

vivah

vivahollas prarambh hua, parvati ne navavadhoo ka shrringar kiya, var mandali ne prasthan kiya. bhootanath shnkar ki apoorv barat himalay pahunchi, rajadhani ki samagr nagarikayen akulata poorvak var-darshan ko umad padin, vivah sampann hua. ab kamadev ka avirbhav avashyak tha, shnkar ne use punarjanm ki anumati di. alaukik divy koti ke dampati samany pranayi ki bhanti kam-keliyon men chirakal ke lie magn hua. itani katha athaven sarg tak varnit hai.

kartikey ka janm

ek din sambhogakal men shiv ne dekha ki shayanakaksh men ek shubhravarn kabootar baitha hai. us agni roop kabootar ko devadoot janakar unhonne apana krodh shant kiya evn surat-krida ke pashchath apana viry use diya. shivaviry ke prachand tap ko sahane men asamarth agni ne shitalata hetu gnga men snan kiya, viry gnga men pravahit hua, gnga ne use sadar svikar kiya, kintu gnga bhi viryatap se ubal uthi. vah viry gnga men snan karati chh: krittikaon men samahit ho garbharoop ho gaya. tap aur laj se vyakul krittikaon ne use vetas ke van men chhod diya. tejasvi bhroon gngamrit pan kar krittikaon ke snrakshan men varddhit hone laga. tabhi viman se jate samay shiv - parvati ki drishti shishu par padi aur ve us anupam shanmukh balak ko svasntan janakar sath le ae. keval chh: dinon men kumar sharir aur buddhi se paripakv ho yuva ho gaya. indradi devon ke anurodh par shnkar ne kumar kartikey ko devasena ka senapati niyukt kiya. kumar ne apane adbhut shaury se bhaynkar yuddh karate hue tarakasur ka vadh kar tinon lokon ko sukh pahunchaya.

kumarasambhav ki vilakshanata

kumarasambhav ki sarvatishayini vilakshanata hai- pranay ki gambhir gahanata jisamen roop paryavasit ho jata hai, jisamen vasana dagdh ho jati hai tab jo navanit bachata hai vah samany hokar bhi samany nahin hota, apitu yug-yug tak vishuddh, pavitrata aur mngal ke pratik roop men sthayi rahata hai. vishvandy kavi ravindr ke shabdon men 'kalidas ne anahoot prem ke us unmatt saundary ki upeksha nahin ki hai, use tarun lavany ke samujjval rngon se chitrit kiya hai. kintu isi ujjvalata men unhonne apana kavy samapt nahin kiya. mahabharat ke sare karmon ka ant jaise mahaprasthan men hua, vaise hi 'kumarasambhav' ke sare prem ka veg mngal-milan men samapt hua hai.'


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. kartikey
  2. doodh
  3. kumarasambhav, 3.35
  4. kumarasambhav, 5.1
  5. kumarasambhav, 5.85
  6. kumarasambhav,6.84

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah