महेश्वर  हिन्दी देवनागरी में पढ़ें।

maheshvar
ahilya ghat, maheshvar
vivaran 'maheshvar' madhy pradesh rajy men sthit ek aitihasik nagar tatha prasiddh paryatan sthal hai. yah nagar apani maheshvari sadiyon ke lie purane samay se hi prasiddh raha hai.
rajy madhy pradesh
zila kharagaun
bhaugolik sthiti indaur se 91 kilomitar ki doori par sthit.
prasiddhi mndir, aitihasik imaraten tatha maheshvari sadiyan
kab jaen julaee se march
havaee adda indaur
relave steshan badavah
bas adda badavah
kya dekhen 'maheshvar qila', 'kaleshvar mndir', 'rajarajeshvar mndir', 'vitthaleshvar mndir', 'ahilyeshvar mndir', 'vanchoo paauint' tatha ghat adi.
kahan thaharen gest haus, rest haus tatha dharmashalaen
es.ti.di. kod 07283
vahan pnjikaran snkhya MP-10
vishesh devi ahilyabaee ne haidarabad se bunakaron ko amntrit karake maheshvar men basaya tha. yahan ki maheshvari sadiyan apani sundarata aur akarshit kar lene vale shilp se duniya bhar men prasiddh hain.
any janakari maheshvar qile ke andar ahilyabaee ka pooja sthal hai, jahan par anekon dhatu ke tatha patthar ke alag-alag akar ke shivaling, kee sare devi-devataon ki pratimaen aur ek sone ka bada-sa jhoola hai, jo yahan ka mukhy akarshan hai.

maheshvar madhy pradesh ke kharagaun zile men sthit ek aitihasik nagar tatha prasiddh paryatan sthal hai. yah narmada nadi ke kinare par basa hai. prachin samay men yah shahar holkar rajy ki rajadhani tha. maheshvar dharmik mahattv ka shahar hai tatha varsh bhar log yahan ghoomane ate rahate hain. yah shahar apani 'maheshvari sadiyon' ke lie bhi vishesh roop se prasiddh raha hai. maheshvar ko 'mahishmati' nam se bhi jana jata hai. maheshvar ka hindoo dharmik grnthon 'ramayan' tatha 'mahabharat' men bhi ullekh milata hai. devi ahilyabaee holkar ke kalakhnd men banaye ge yahan ke ghat bahut sundar hain aur inaka pratibimb narmada nadi ke jal men bahut khoobasoorat dikhaee deta hai. maheshvar indaur se sabase najadik hai.

sthiti tatha namakaran

maheshvar shahar madhy pradesh ke kharagaun zile men sthit hai. yah rashtriy rajamarg snkhya 3 (agara-munbee rajamarg) se poorv men 13 kilomitar andar ki or basa hua hai tatha madhy pradesh ki vyavasayik rajadhani indaur se 91 kilomitar ki doori par sthit hai. yah nagar narmada nadi ke uttari tat par sthit hai. shahar azadi se pahale holkar vnsh ke maratha shasakon ke indaur rajy ki rajadhani tha. is shahar ka nam 'maheshvar' bhagavan shiv ke hi ek any nam 'mahesh' ke adhar par pada hai. atah maheshvar ka shabdik arth hai- "bhagavan shiv ka ghar".[1]

itihas

maheshvar prasiddh nagaron men se ek raha hai. nimad evn maheshvar ka itihas lagabhag 4500 varsh purana hai. ramayan kal men maheshvar ko 'mahishmati' ke nam se jana jata tha. us samay 'mahishmati' haihay vnsh ke balashali shasak sahasrarjun ki rajadhani hua karata tha, jisane balashali lnka ke raja ravan ko bhi parast kiya tha. mahabharat kal men yah shahar anoop janapad ki rajadhani banaya gaya tha. sahasrarjun dvara rishi jamadagni ko pratadit karane ke karan unake putr bhagavan parashuram ne sahastrarjun ka vadh kiya tha. kalantar men yah shahar holkar vnsh ki mahanh maharani devi ahilyabaee ki rajadhani raha.

prachin nam 'mahishmati'

maheshvar ko prachin samay men 'mahishmati' kaha jata tha. tab mahishmati chedi janapad ki rajadhani[2] hua karati thi, jo narmada nadi ke tat par sthit thi. mahabharat ke samay yahan raja nil ka rajy tha, jise sahadev ne yuddh men parast kiya tha[3]-

'tato ratnanyupaday purin mahishmatin yayau. tatr nilen ragya s chakre yuddhn nararshabh:.'[4]

raja nil mahabharat ke yuddh men kauravon ki or se ladata hua mara gaya tha. bauddh sahity men mahishmati ko dakshin avnti janapad ka mukhy nagar bataya gaya hai. buddh kal men yah nagari samriddhishali thi tatha vyaparik kendr ke roop men vikhyat thi. tatpashchath ujjayini ki pratishtha badhane ke sath-sath is nagari ka gaurav kam hota gaya. phir bhi gupt kal men 5vin shati tak mahishmati ka barabar ullekh milata hai. kalidas ne 'raghuvnsh' men indumati ke svaynvar ke prasng men narmada tat par sthit mahishmati ka varnan kiya hai aur yahan ke raja ka nam 'pratip' bataya hai-

'asyankalakshmibhavadirghabaho mahishmativapranitnbakanchimh prasad-jalairjalaveni ramyan reva yadi prekshitumastikam:.'[5]

choli maheshvar

maheshvar ko 'choli-maheshvar' bhi kaha jata hai, prachin sthal maheshvari par sthit yah sthan haihay raja arjun kartaviry (lagabhag 200 ee.poo.) ki rajadhani tha, jisaka ullekh ramayan aur mahabharat aur kuchh puranon men bhi milata hai. maheshvar bharat ke un kuchh vishisht nagaron men se hai, jinaka eesvi sanh ke arnbh se adhunik kal tak ka supramanit itihas upalabdh hai, visheshgyon dvara ki gee khudaee se vibhinn snskritiyon ka pata chala hai, jo arnbhik pashan yug se 18vin shatabdi tak ke hain. arnbhik aur madhy pashan yug ke lagabhag 400 purapashan yug ke auzar yahan pae ge hain. khudaee ke adhar par ise mahakavyon men varnit mahishmati namak sthan ke roop men pahachana gaya hai. narmada nadi se qile, mndiron aur ahilyabaee ke mahal tak jate hue sidhidar ghat hain. ahilyabaee ne 1767 men maheshvar ko apani rajadhani ke roop men chuna tha. 16vin shatabdi ki ek masjid bhi aitihasik mahattv ki hai. narmada nadi ke doosare tat par navadatoli ka prachin sthal hai, jahan khudaee men mitti ke rngin bartan aur any kalashilp prapt hue hain. yah shahar krishi vipanan kendr hai, jo vyapar aur khudara bazar ke lie mahattvapoorn hai. yahan ki hathakaragha sadiyan aur pital se bane ghar men kam ane vale bartan bhi prasiddh hain.[6]

aitihasik-sahityik prishthabhoomi

hindi sahity ke yug pravartak mahakavi jayashnkar prasad ne apane natak 'chndragupt maury' men likha hai ki rajasthan ke pnvar kul ke maury nripatigan ne itihas prasiddh bade-bade kary, maury kal ke paramar kabhi ujjayini ki or to kabhi rajasthan ki or apani rajadhani banate the. usi dirghakal vyapini asthirata men maury usi tarah apani pratibha banaye the, maury kul ke maheshvar namak raja ne vikram savat ke 600 varsh bad sahastrarjun kirtik viryajun ki mahishmati ko narmata tat par phir se basaya aur usaka nam maheshvar rakha. vikramashila vishvavidyalay ujjain ke daau. harindrabhooshan jain ke anusar mahishmati ke aur bhi nam the jaise- matsy tatha palishvar tirth, musalaman granth men ise munh mohar bataya hai, jise pali bhasha men mahishmati kaha gaya hai, snskrit men mahishmati tatha maheshvari nagari aur apabhrnsh men maheshvari tatha hindi men maheshvar.
maheshvar nagar ke madhy bhag ki basahat pashan kal ke poorv ki pratit hoti hai. jaisa ki narmada taudi se prapt puratatviy vastuen darshati hain. maheshvar ka bharatiy itihas shastron men mahishmati ke roop men sndarbh milata hai, puranon men ullekh hain ki mahishmati ki sthapana raja yadu ke putr machakund ne ki thi. yahan par athavin sadi men shnkarachary ke bharat bhraman par vidya pndit mndap mishr vidooshi sharada shastri se shastrarth hua tha. sanchi ke stoop men snkalit bodh sahity sikkon evn danapatron men bhi mahishmati ka ullekh kiya gaya. varsh 1952-1954 men maheshvar kshetr men puratatv vibhag dvara ki gee khudaee se is kshetr ke basav pratiroop ke kalanukramik itihas ka nimnanusar pata chala hai:-

  1. pura pashan yug men prachalit patthar ke aujar.
  2. madhy pashan yugiy aujar.
  3. eesa ke poorv ke pratham divyayug ke poorv madhyakalin chitrit bartan (bhande).
  4. panchavi sadi ki snskriti ke sikke tatha kale evn lal rng ke bartan.
  5. 10vin sadi se 19vin sadi ke sikke.

usake uparant kuchh katipay kshetron men khudaee men ane koee puratatv avashesh upalabdh nahin ho sake. yahan paramar vnshiy evn doosare harsh vnshiy yug ke poorv athava poorv mugalakalin adivasikal ka bhi pata nahin chalata hai tatha mugalakalin chamakadar bartanon ke roop men madhyayugin muslim puravashesh yahan prapt hue hai. 17vin shatabdi men maheshvar ke bhavy qile ka nirman hua tha. mugal shasakon nen yahan adhik samay adhivas nahin kiya, yah nagar 18vin shatabdi ke poorv maratha rajaon dvara vyavasthit kar sthapit kiya gaya tha. prashasanik drishti se yah nagar mahal men samavisht tha, jise maheshvar choli ke nam se bhi jana hai. varsh 1767 se 1795 ke kalakhand maharani ahilyabaee holkar ke shasan kal men maheshvar nagar ko apani kalatmak tatha snskritik dharohar ko vikasit karane ka adbhut snrakshan prapt hua. aurngajeb ke shasan kal men nasht kiye gaye hindoo mndiron ko maharani ahilyabaee ne apane shasanakal men inaka purnanirman karaya. unaki dharmik prakriti ke karan yahan anekon mndiron ka nirman kiya gaya. unaka anukaran karate karate paravarti holkar nareshon ke aur unake sabhasadon adi ne yahan mndir, sundaraghat evn chhatariyan banavaee gee. kuchh mndir yo yahan paramar kal (10vin sadi) se poorv ke nirman hai. jinamen kaleshvar, jvaleshvar, vriddhakaleshvar, keshav mndir, chaturbhujan mndir, baneshvar tatha matargeshvar, shivalay ke nam ullekhaniy hain.

bhaugolik sthiti

maheshvar bhaugolik drishti se 22°11" uttari akshansh tatha 75°36" poorvi deshantar rekha par samudr satah se 159 mitar oonchaee par sthit hai. patit pavan man reva ke uttari tat par sthit aitihasik evn puratan maheshvar nagar, badavah-dhamanod marg par sthit hokar pashchim nimad zile ka tahasil mukhyalay hai. yah nagar dhamanod se 13 ki.mi tatha badavah se 49 ki.mi snbhagiy mukhyalay, indaur se 90 kilomitar tatha rajadhani bhopal se 289 kilomitar ki doori par sthit hai. maheshvar nagar ka rel marg dvara sampark nahin hai, kintu nagar ke madhy se dhamanod-badavah marg gujarat hai jo dhamanod men rashtriy rajamarg kramank 3 (agara-mumbee) evn badavah men rajy marg kramank 27 (khandava-indaur) ko jodata hai, jisase nagar sadak marg se sabhi pramukh nagaron se juda hua hai.

nagar pnchayat kshetr

nagar pnchayat kshetr maheshvar nagar men varsh 1983 tak nagarapalika karyarat thi. isase pashchath rajy shasan dvara varsh 1983 men vishesh kshetr vikas pradhikaran ka gathan kiya gaya tha tatha varsh 1995 men vishesh kshetr vikas pradhikar ka vighatan kar pun: nagar pnchayat ki sthapana ki gee hai. nagar pnchayat kshetr men gram limbadit ko sammilit kar 15 vardon men vibhakt kiya gaya hai, nagar pnchayat ka kul kshetraphal 1247 hekteyar hai. madhyapradesh shasan, dharmasv vibhag ki adhisoochana kramank ef 2-1/2004/6, bhopal dinank 3-2-2004 ke dvara maheshvar nagar pnchayat kshetr ko "pavitranagar" ghoshit kiya gaya hai.

bhaugolik visheshataen

maheshvar nagar ke dakshin men narmada nadi pravahit hoti hai. qile ka bhag evn nadi ka kachhar vala bhag chhodakar nagar ka sampoorn kshetr samatal hai tatha nagar ka dhalan poorv evn dakshin men maheshvari nadi evn narmada nadi ki or hai. maheshvari nadi ka dhalan narmada nadi ki or hai. nimad ghati men narmada nadi ke pravah ke karan hue katav se kee oonche tile bane hain. maheshvar nagar inhin tilon men se ek hai. nagar ke asapas bhi pahadinuma tile sthit hone se nagar ka vistar nahin ho paya, nagar ke dakshin men narmada nadi pravahit hone se is or nagar ki sima samapt ho gee hai. poorv disha men maheshvari nadi jo narmada nadi men milati hai, ke karan bhi nagar ka vikas avaruddh hua hai. vartaman men nagar ka kuchh vikas mehatavada evn dhamanod marg par hua hai, bhavishy men dhamanod marg par hua hai, bhavishy men dhamanod marg par vikas ki sambhavana adhik hai. nagar ka dhalan dakshin men narmada nadi evn poorv men maheshvari nadi ki or hone se nagar ka pradooshit jal evn varsha ka pani inhin nadiyon men visarjit hota hai. at: isake liye uchit prabndhan kiya jana avashyak hai. varshakal men peshava marg, malharagnj, bas stend adi kshetr men varsha ke pani ka phailav hota hai, atah satahi jal nikasi ki vyavastha ki jana uchit hai.

jalavayu

maheshvar, ausat roop se kam varsha vala kshetr hai. yahan samany: shit ritu disambar se pharavari, grishm ritu march se madhy joon tak, varsha ritu madhy joon se sitambar tak tatha aktoobar evn navambar men sharad ritu rahati hai. mee mah men adhikatam garmi tatha disambar-janavari mah men adhikatam thnd rahati hai. mee mah men ausat tapaman 43° sentigred tatha disambar-janavari mah men nyoonatam tapaman 9°-10° sentigred rahata hai. grishm ritu men mukhyat: aprail se joon tak nagar men andhiyan chalati hain. samanyat: vayu veg 7.4 ki.mi. prati ghanda rahata hai. adhikatam vayu veg mee tatha joon mah men tatha nyoonamat vayu veg disambar-janavari mah men rahata hai. garm havaen grishm ritu ke agaman ke sath adhik tivr ho jati hai, jisaka bahav pashchim tatha uttar-pashchim ki or se rahata hai. varsha ritu men vayu pravah ki disha mukhyat: dakshin-pashchim tatha uttar-pashchim ki or se rahati hai. shit ritu men vayu pravah ki disha uttar-poorv disha ki or se dakshin-pashchim disha ki or rahati hai.

paryatan sthal

ahilyabaee ka qila evn rajagaddi, rajarajeshvar mandir, narmada ke suramy ghat tatha sahastradhara maheshvar ke mukhy akarshan hain, jo ise ek darshaniy sthal banate hain. maheshvar ke qile ke andar rani ahilyabaee ki rajagaddi par baithi ek manohari pratima rakhi gee hai. maheshvar men ghat ke pas hi kaleshvar, rajarajeshvar, vitthaleshvar, aur ahilyeshvar mndir hain. mandaleshvar ke nikat 'vanchoo paauint' namak sthan hai, jahan indaur shahar men narmada ke jal ki apoorti karane vala kendr hai. narmada nadi ka jal vidyut pnpon dvara vanchoo paauint tak khincha jata hai. yahan se yah jal gurutv ke karan indaur tak pravahit hota hai.

ahilya ghat

ahilya ghat maheshvar ke khoobasoorat ghaton men se ek hai. yah itana sundar hai ki bas ghnton niharate rahane ka man karata hai. charon or shiv ji ke chhote aur bade mndir, har jagah shivaling hi shivaling dikhaee dete hain. samane narmada nadi apane poore tivr veg se pravahit hoti dikhaee deti hain. ghat ke as pas shiv mndir dikhaee dete hain aur pichhe ki or maheshvar ka aitihasik tatha khoobasoorat qila holkar rajavnsh tatha rani ahilyabaee ke shasan kal ki gauravagatha ka bakhan karata pratit hota hai. yah ghat poori tarah se shivamay dikhaee deta hai. poore ghat par pashan ke anaginat shivaling nirmit hain. maheshvar ki maharani devi ahilyabaee se badhakar shivabhakt adhunik kal men koee nahin hua hai.[1] unhonne poore bharat men shiv mndiron aur ghaton ka nirman tatha punaroddhar karavaya tha, jinamen pramukh hain-

  1. varanasi ka kashi vishvanath mndir
  2. elora ka ghushmeshvar jyotirling
  3. somanath ka prachin mndir
  4. maharashtr ka vaidyanath jyotirling mndir

maheshvar qila

maheshvar ka qila aj bhi poori tarah se surakshit hai tatha bahut hi sundar tariqe se banaya gaya hai. yah badi majabooti ke sath narmada nadi ke kinare par sadiyon se data hua hai. qile men pravesh ke lie ghat ke pas se hi ek chauda ghera lie bahut sari sidhiyan bani huee hain. yah qila jitana sundar bahar se hai, usase bhi zyada sundar tatha akarshak yah andar se lagata hai. itani sundar karigari, itani sundar shilpakari, itana sundar evn majaboot nirman ki aj bhi yah qila naya jaisa lagata hai. andar jakar ek taraf rajarajeshvar shiv mndir hai tatha doosari taraf ek any smarak hai. kul milakar ek bada hi sundar drishy upasthit hota hai aur kahin jane ka man hi nahin hota. aisa lagata hai ki ghnton ek hi jagah khade hokar is qile ki nakkashi tatha karigari, jharokhon, daravazon evn divaron ko bas dekhate hi rahen. qile ke andar kuchh qadamon ki doori par hi prachin rajarajeshvar shaiv mndir dikhaee deta hai. yah ek vishal shiv mndir hai, jisaka nirman qile ke andar hi ahilyabaee holkar ne karavaya tha. yah mndir bhi qile ki hi tarah poornatah surakshit hai evn kahin se bhi khndit nahin hua hai. aj bhi yahan donon samay saf-saphaee, pooja-path tatha jal abhishek vagairah anavarat jari hai. devi ahilyabaee isi mndir men rojana subah-sham pooja-path kiya karati thin.[7]

shiv mndir, maheshvar

dharmik sthal

lamba chauda narmada nadi ka tat evn us par bane anekon sundar ghat evn pashan kala ka sundar chitr dikhane vala qila, is shahar ka pramukh paryatan akarshan hai. samay-samay par is shahar ki god men manaye jane vale tij-tyauhar, utsav, parv is shahar ki rngat men char chand laga dete hain, jinamen 'shivaratri par hone vala snan, nimad utsav, lokaparv ganagaur, navaratr, gngadashmi, narmada jaynti, ahilya jaynti evn shravan mah ke antim somavar ko bhagavan kashi vishvanath ke nagar bhraman ki shahi savari pramukh hain. yahan ke peshava ghat, phanase ghat aur ahilya ghat prasiddh hain, jahan tirthayatri shanti se baithakar dhyan men doob sakate hain. narmada nadi ke baluee kinare par baithakar yatri yahan ke theth gramin jivan ke darshan kar sakate hain. pital ke bartanon men pani le jati mahilayen, ek kinare se doosare kinare par saman le jate purush evn killol karata balakon ka bachapan akarshit karata hai.

devi ahilya ka poojasthal

ahilyabaee holkar ka poojasthal

maheshvar ke mndir darshaniy hain. har mndir ke chhajje, ahate men sundar nakkashi ki gee hai. kaleshvar, rajarajeshvar, vitthaleshvar aur ahilyeshvar mndir vishesh roop se darshaniy hain. qile ke andar devi ahilya ka pooja sthal hai, jahan par anekon dhatu ke tatha patthar ke alag-alag akar ke shivaling, kee sare devi-devataon ki pratimaen aur ek sone ka bada-sa jhula hai, jo yahan ka mukhy akarshan hai, jis par bhagavan krishn ko baithakar ahilyabaee holkar jhula diya karati thin. in sari pratimaon tatha shivalingon ko ek kaksh men sngrahit karake rakha gaya hai. is kaksh men pravesh poornatah nishedh hai tatha is chhote kaksh ke lie ek surakshakarmi hamesha tainat rahata hai, kyonki yahan kee moolyavan dhatuon ki pratimaen rakhi gee hain.

hotal ahilya phort

devi ahilyabaee ke pooja ghar se kuchh kadamon ki duri par hi ek lakadi ka dvar sthit hai, jisake andar ek alishan mahal hai, jo kabhi holkar rajavnsh ke shasakon ka niji avas hua karata tha. lekin ajakal is mahal ko ek heritej hotal ka roop de diya gaya hai aur is hotal men ek achchhe tin sitara hotal ke samakaksh sabhi suvidhaen upalabdh hain. lagabhag chhah hazar se sat hazar pratidin ke hisab se bhugatan karake yahan raha ja sakata hai. is hotal ka nam hai- 'hotal ahilya phort'. yah hotal qile ki sabase oopari imarat par sthit hai aur is hotal ke malik hain 'prins richard holkar' tatha ve hi is hotal ki dekharekh tatha prabndhan ka kam dekhate hain.[8]
narmada nadi men shivaling ki pooja, maheshvar

gupt kashi

maheshvar hindoo dharm ke logon ke lie kisi dharmik sthal se kam nahin hai. apane dharmik mahattv men yah shahar kashi ke saman bhagavan shiv ki priy nagari hai. mndiron aur shivalayon ki nirman shrinkhala ke lie ise gupt kashi kaha gaya hai. apane pauranik mahattv men skndapuran, revakhnd tatha vayupuran adi ke narmada rahasy men isaka 'mahishmati' nam se ullekh milata hai.

ahilyabaee ki smritiyan

ahilyabaee holkar ki pratima, maheshvar

indaur ke bad devi ahilyabaee ne maheshvar ko hi apani sthaee rajadhani bana liya tha tatha baki ka jivan unhonne, apane ant samay tak yahan maheshvar men hi bitaya. man narmada ka kinara, kinare par sundar ghat, ghat par kee sare shivalay, ghat par bane anaginat shivaling, ghat se hi laga unaka sundar qila, qile ke andar unaka niji nivas sthan, yahi sab devi ahilya ko sukoon deta tha aur unaka man yahin ramata tha. shayad isilie indaur chhodakar ve hamesha ke lie yahin maheshvar men akar rahane lagi thin evn maheshvar ko hi apani adhikarik rajadhani bana liya tha. yahan ke log aj bhi devi ahilyabaee ko "man saheb" kah kar samman dete hain. maheshvar ke ghaton men, bazaron men, mndiron men, galiyon men, yahan ki vadiyon men yahan ki phijaon men, har taraph devi ahilyabaee ki smritiyon ki bayaren chalati hain. aj bhi maheshvar ki vadiyon men devi ahilyabaee amar hain.[7] man narmada sadiyon se ek mook darshak ki tarah apane isi ghat se devi ahilyabaee ki bhakti, unaki shakti, unaka gaurav, unaka vaibhav, unaka samrajy, unaka nyay apalak dekhati aee hain aur aj bhi man reva ka pavitr jal devi ahilyabaee ki bhakti ka sakshi hai aur man reva ki laharen jaise devi ahilya ka gaurav gan karati pratit hoti hain. 'namami devi narmade….. namami devi narmede……. namami devi narmade.'

maheshvari sadiyan

rajarajeshvar mndir ke bad qile men aur andar jane par reva sosaiti[9] ka aauphis tatha thode andar ki or ek karyashala sthit hai, jahan maheshvari hastashilp men parngat mahilaen reva sosaiti ke adhin maheshvari sadiyon tatha kapade ka hathakaraghon ki sahayata se nirman karati hain. ullekhaniy hai ki yahan par nirmit maheshvari sadiyan deshabhar men prasiddh hain. poore desh men vastr nirman tatha hathakaragha men haidarabadi bunakaron ka koee javab nahin tha. atah devi ahilyabaee ne haidarabad ke bunakaron ko apane yahan maheshvar men akar basane ke lie amntrit kiya tatha apana bunakari ka pushtaini kary yahin maheshvar men rahakar karane ka agrah kiya. antatah devi ahilya ke prayason se haidarabad se kuchh bunakar maheshvar akar bas ge tatha yahin apana kapada bunane ka kary karane lage. in bunakaron ke hath men jaise jadoo tha, ve itana sundar kapada bunate the ki log danton tale ungali daba lete the.

in bunakaron ko protsahit karane ke lie devi ahilyabaee inake dvara nirmit vastron ka ek bada hissa svayn kharid leti thin, jisase in bunakaron ko lagatar rojagar milata rahata tha. is tarah kharide vastr maharani ahilyabaee svayn ke lie, apane rishtedaron ke lie tatha door-door se unhen milane ane vale mehamanon tatha agntukon ko bhent dene men upayog karati thin. is tarah se kuchh hi varshon men maheshvar men nirmit in vastron, khasakar maheshvari sadiyon ki khyati pure bharat men phailane lagi, tatha ab maheshvari sadi apane nam se bahut door-door tak mashahoor ho gee.[8] reva sosaiti ke andar paryatakon ke lie pravesh nishedh hai, lekin jali ki khidakiyon se mahilaon ko maheshvari sadiyan bunate dekha ja sakata hai. badi hi adbhut kala hai yah. mahilayen apane kam men itani mahir hain ki unaka yah hast kaushal dekhate hi banata hai.

kapada bunane ka kary karati huee mahila, maheshvar

baaulivud se snbndh

maheshvar ka bharatiy hindi film udyog (baaulivud) se bahut gahara snbndh hai. maheshvar ke ghat tatha narmada nadi ke tat ki sundarata ko ab tak kee bar hindi filmon men dikhaya ja chuka hai. yahan par kuchh tamil filmon ki tatha ganon ki shooting bhi ho chuki hai.

  • abhineta sachin tatha sadhana sinh abhinit film 'tulasi' poori ki poori maheshvar ke ghaton tatha asapas ke parivesh men filmaee gee thi. yah apane samay ki ek hit film thi.
  • film 'ashoka' men bhi maheshvar ko filmaya gaya hai.
  • 1960 ki ek prasiddh pauranik film 'mahashivaratri' ki shooting bhi yahin huee thi tatha is film men kee sthaniy logon ko bhi adakari ka mauka diya gaya tha.
  • hema malini dvara nirmit zi tivi ke siriyal 'jhansi ki rani' ki shooting bhi maheshvar men hi huee thi aur hema malini apane siriyal ke lie yahan se dher sari maheshvari sadiyan bhi kharid kar le gee thin.
  • 1985 men bani ek aur pauranik film 'adi shnkarachary' ki bhi poori shooting yahin snpann huee thi.
  • 2011 men bani dharmendr, sani deol aur baaubi deol ki suparahit film 'yamala pagala divana' ki 50 minat ki shooting maheshvar ke vibhinn sthalon jaise bazar chauk, rajavada, ahilyabaee chhatari, ahilya ghat tatha any sthanon par snpann ki gee. yah maheshvar ka durbhagy hi raha ki film ki lagabhag adhi shooting maheshvar men huee aur qarib ek mahine tak film ki poori tim yahan hotal ahilya phort men ruki, lekin film men is jagah ko 'varanasi' ke roop men dikhaya gaya hai.[8]

janasnkhya

is shahar ki abadi san 2001 ki janaganana ke anusar 19,649 hai tatha nagar pnchayat is shahar ka rakharakhav karati hai.[10] yah ek tahasil mukhyalay bhi hai. anuvibhag mukhyalay mandaleshvar yahan se 10 ki.mi. ki doori par hai, jahan par kharagaun zile ka nyayik mukhyalay sthit hai. ye donon shahar ek prakar se judavan shaharon jaise hi hain. mandaleshvar men ek pramukh jal vidyut pariyojana, narmada nadi par nirmanadhin hai.

kab jaen

julaee se lekar march tak ka samay maheshvar paryatan ke lie upayukt hai. yahan thaharane ke lie kee gest haus, rest haus tatha dharmashalaen hain.

kaise pahunchen

vayu seva - maheshvar ke lie nikatatam havaeeadda indaur hai, jo 91 kilomitar ki duri par hai tatha munbee, dilli, bhopal tatha gvaliyar se sidhi viman seva se juda hua hai.

rel seva - maheshvar ke lie badavah (39 kilomitar) nikatatam relave steshan hai. pashchimi relave ke badavah, khndava, indaur se bhi yahan tak pahuncha ja sakata hai.

sadak marg - badavah, khndava, indaur, dhar aur dhamanod se maheshvar ke lie bas seva upalabdh hai.


panne ki pragati avastha
adhar
prarambhik
madhyamik
poornata
shodh

chitr vithika

karyashala men kapada bunane ka kary karati huee mahilaen, maheshvar
karyashala men kapada bunane ka kary karati huee mahilaen, maheshvar (vihngam drishy)

tika tippani aur sndarbh

  1. 1.0 1.1 maheshvar-ek din devi ahilya ke nagari men:bhag-1 (hindi) ghumakkad. abhigaman tithi: 31 agast, 2014.
  2. pali 'mahissati'
  3. aitihasik sthanavali |lekhak: vijayendr kumar mathur |prakashak: rajasthan hindi grnth akadami, jayapur |prishth snkhya: 742 |
  4. mahabharat, sabhaparv 32,21
  5. raghuvnsh 6,43
  6. pustak- bharat gyanakosh khnd-4| ensaiklopidiya britainika (indiya) |prishth-336
  7. 7.0 7.1 maheshvar-narmada ka har knkar hai shnkar, namami devi narmade, bhag-2 (hindi) ghumakkad. abhigaman tithi: 31 agast, 2014.
  8. 8.0 8.1 8.2 maheshvar kila-patthar ki divaron men kaid yaden, bhag-3 (hindi) ghumakkad. abhigaman tithi: 31 agast, 2014.
  9. maheshvari sadi ke hastashilp ke nirman tatha vipanan ke lie jimmedar snstha
  10. maheshvar shahar (hindi) zile ki adhikarik vebasait. abhigaman tithi: 20 navambar, 2012.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah