कान्हा राष्ट्रीय उद्यान  हिन्दी देवनागरी में पढ़ें।

kanha rashtriy udyan
kanha rashtriy udyan
vivaran 'kanha rashtriy udyan' madhy pradesh rajy men sthit mukhyat: ek bagh abhayarany hai. is abhayarany men durlabh barahasinga bhi paya jata hai, jo sampoorn vishv men aur kahin nahin milata.
rajy madhy pradesh
zila mndala aur balaghat
sthapana 1935
kab jaen 16 aktoobar se 30 joon
havaee adda jabalapur aur nagapur
relave steshan jabalapur
snbndhit lekh madhy pradesh, bagh, barahasinga
any janakari abhayarany ke paryatan kshetr men sooryoday aur sooryast ke bich paryatakon ko anumati di jati hai. manasoon ke mausam men 1 julaee se 15 aktoobar tak yah udyan band rakha jata hai.

kanha rashtriy udyan bharat ke madhy pradesh rajy men sthit hai. yah mukhyat: ek bagh abhayarany hai, jo 2051.74 varg kilomitar kshetr men phaila hua hai. is abhayarany ka moolyankan eshiya ke sabase achchhe udyan ke roop men hota . 'kanha abhayarany' men ghas ke maidan, sal ke ped aur bans ke jngal, vanyajivan ke lie mano svarg hain. is rashtriy udyan men bagh ka mukt snchar hai, jo abhayarany ke uddeshy ko saphal sabit karata hai. is abhayarany men durlabh barahasinga bhi paya jata hai, jo sampoorn vishv men aur kahin nahin milata. vany jivon ke sath-sath is abhayarany men pakshiyon ki 300 se bhi adhik prajatiyan paee jati hain.

sthiti

vany jivan ki sabhi ashcharyajanak vividhata ke sath 'kanha rashtriy udyan' bagh ke nivas ke lie vishesh roop men jana jata hai. madhy bharat me oonchaeen par basa yah sabase khoobasoorat sthan mndala aur balaghat zilon men sthit hai. san 1935 se aj tak desh ke sabase purane abhayaranyon men se ek hone ke sath is sthan ke vany jivan ke snrakshan ka ek lnba itihas raha hai, jo vastav men garv ki bat hai. vishv paryatan ke nakshe par is rashtriy udyan ne apani ek jagah bana li hai. baghon ke sath barasinga bhi yahan ka anamol ratn hai. kisi samay vilupt hone ki dahalij par khada durlabh barahasinga ab kanha rashtriy udyan men apane prakritik nivas sthan men prachur matra men paya jata hai.[1]

vanamndal

is abhayarany ke do vanamndal hain-

  1. kor kshetr
  2. bafar kshetr

'kanha rashtriy udyan' ka yah bagh abhayarany 2051.74 varg ki.mi. par phaila hai, jisamen 917.43 varg ki.mi. kor, 1134.31 varg ki.mi. bafar jon aur 110.74 varg ki.mi. upagrah minikor kshetr shamil hain. bagh abhayarany ke kor kshetr men manavi gatividhiyan pratibndhit ki gee hain aur yahan bagh ko ajad mahaul men ghoomate hue dekha ja sakata hai. 'kanha rashtriy udyan' rekhansh 80 26 10 se 81 4 40 ke bich aur akshansh 80 1 5 se 81 27 48 ke bich sthit hai.

jiv-jntu

is rashtriy udyan se bnjar aur helaaun nadiyan bahati hain, jinamen se helaaun barahamasi hai. yahan banaee gee kee tnkiyan aur bandh bhi vany jivan ke lie pani ki apoorti ke pramukh srot hain. udyan ke andar phaila hua van pramukhata se ushn katibndhiy nam parnapati prakar ka hai. kanha men stanadhariyon ki 22 prajatiyan hai. yahan ke any nivasiyon men chital, sanbhar, bhaunkane vale hiran, barahasinga, kale hiran, nil gay aur gaur jaisi hiran aur mrig ki prajatiyan payi jati hain. any nivasiyon men sust bhaloo tatha jngali kutten, siyar aur dharidar lakadabagghen jaise shikari shamil hain.[1]

pakshi

yahan pakshiyon ki 300 prajatiyan paee jati hain, jinamen mor, igret (ek prakar ke kale pakshi), gane vale pakshi, hare kabootar, garud, baz, ped paee adi shamil hai. jal pakshiyon ko udyan men kee nale aur poolon ke pas dekha ja sakata hai. yah udyan 16 aktoobar se 30 joon tak khula rahata hai. faravari aur joon ke bich ki avadhi kanha ki yatra ka adarsh samay hota hai. manasoon ke mausam men 1 julaee se 15 aktoobar tak yah udyan band rakha jata hai.

kaise pahunchen

mndala aur jabalapur shahar se sadak marg dvara 'kanha rashtriy udyan' tak pahuncha ja sakata hai. is bagh abhayarany men pravesh ke lie khatiyan (kisali se 3 ki.mi. aur mndala se 68 ki.mi.); mndala aur mukki ki or (balaghat se 82 ki.mi.); tatha balaghat aur sarhi ki or (jabalapur se 150 ki.mi.) yah tin pravesh dvar hain. sath hi jabalapur ek suvidhajanak rel sthanak rahega. jabalapur aur nagapur men nikatatam havaee adde sthit hain. jabalapur se kisali aur mukki tak tatha vahan se vapasi ke lie dainik bas seva upalabdh hai. abhayarany ke paryatan kshetr men sooryoday aur sooryast ke bich paryatakon ko anumati di jati hai.[1]


panne ki pragati avastha
adhar
prarambhik
madhyamik
poornata
shodh

vithika

tika tippani aur sndarbh

  1. 1.0 1.1 1.2 kanha bagh abhayarany (hindi). . abhigaman tithi: 24 julaee, 2013.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah