शारदा देवी मंदिर  हिन्दी देवनागरी में पढ़ें।

sharada devi mndir
sharada devi mndir, maihar, madhy pradesh
vivaran 'sharada devi mndir' madhy pradesh ke pramukh dharmik sthalon men se ek hai. is mndir ko mata ke shaktipithon men se ek mana jata hai.
rajy madhy pradesh
zila satana
snbndhit lekh madhy pradesh, shaktipith
any janakari man sharada devi ke mndir tak pahunchane ke lie 1063 sidhiyan chadhani padati hain. itihas prasiddh mahavir alha-udal ko varadan dene vali man sharada devi ko poore desh men maihar ki sharada mata ke nam se jana jata hai.

sharada devi mndir madhy pradesh ke satana zile men maihar shahar men sthit hai. is mndir ko mata ke shaktipithon men se ek mana jata hai. maihar shahar ki lagabhag 600 phut ki oonchaee vali trikuta pahadi par man durga ke sharadiy roop shraddhey devi man sharada ka mndir sthit hai, jo 'maihar devi mata' ke nam se bhi suprasiddh hain. yahan shraddhalu mata ka darshan kar ashirvad lene usi tarah pahunchate hain, jaise jammoo men man vaishno devi ka darshan karane jate hain. man maihar devi ke mndir tak pahunchane ke lie 1063 sidhiyan chadhani padati hain. mana jata hai ki gond shasakon ne is mndir ka nirman karavaya tha. itihas prasiddh mahavir alha-udal ko varadan dene vali man sharada devi ko poore desh men maihar ki sharada mata ke nam se jana jata hai. ab yahan ropave ban jane se darshan ke lie ane vale bhaktajanon ki kathinaeeyan kafi had tak hal ho gee hain.

pauranik katha

pauranik kathanusar daksh prajapati ki putri sati, bhagavan shiv se vivah karana chahati thi, lekin raja daksh shiv ko bhagavan nahin, bhooton aur aghoriyon ka sathi manate the aur is vivah ke paksh men nahin the. phir bhi sati ne apane pita ki ichchha ke viruddh jakar bhagavan shiv se vivah kar liya. ek bar raja daksh ne 'brihaspati sarv' namak ygy rachaya. us ygy men brahma, vishnu, indr aur any devi-devataon ko amntrit kiya, lekin jan-boojhakar apane jamata bhagavan mahadev ko nahin bulaya. mahadev ki patni aur daksh ki putri sati isase bahut ahat hueen. ygy-sthal par jakar sati ne apane pita daksh se bhagavan shiv ko amntrit n karane ka karan poochha. is par daksh prajapati ne bhare samaj men bhagavan shiv ke bare men apashabd kahe. tab is apaman se pidit hokar sati maun ho uttar disha ki or munh karake baith gayin aur bhagavan shnkar ke charanon men apana dhyan laga kar yog marg ke dvara vayu tatha agni tatv ko dharan karake apane sharir ko apane hi tej se bhasm kar diya.

bhagavan shnkar ko jab is durghatana ka pata chala to krodh se unaka tisara netr khul gaya aur ygy ka nash ho gaya. bhagavan shnkar ne mata sati ke parthiv sharir ko kndhe par utha liya aur gusse men tandav karane lage. brahmand ki bhalaee ke lie bhagavan vishnu ne apane sudarshan chakr se sati ke ang ko bavan bhagon men vibhajit kar diya. jahan-jahan sati ke shav ke vibhinn ang aur abhooshan adi gire, vahan shaktipith astitv men aye. unhin men se ek shaktipith hai maihar devi ka mndir, jahan man sati ka har gira tha. maihar ka matalab hai- man ka har, isi vajah se is sthal ka nam maihar pada. agale janm men sati ne himalayaraj ke ghar parvati ke roop men janm liya aur ghor tapasya kar shivaji ko phir se pati roop men prapt kiya.[1]

dantakatha

is tirth sthal ke sandarbh men ek dantakatha bhi prachalit hai. kaha jata hai ki aj se 200 sal pahale maihar men maharaj durjan sinh judev rajy karate the. unhin ken rajy ka ek gvala gay charane ke lie jngal men aya karata tha. is ghanaghor bhayavah jngal men din men bhi rat jaisa andhera chhaya rahata tha.
mndir men sharada devi ki pratima
tarah-tarah ki daravani avajen aya karati thin. ek din usane dekha ki unhin gayon ke sath ek sunahari gay kahan se a gee aur sham hote hi vah gay achanak kahin chali gee. doosare din jab vah is pahadi par gay lekar aya to dekha ki phir vahi gay in gayon ke sath milakar ghas char rahi hai. tab usane nishchay kiya ki sham ko jab yah gay vapas jaegi, tab usake pichhe-pichhe jaega. gay ka pichha karate hue usane dekha ki vah oopar pahadi ki choti men sthit ek gufa men chali gee aur usake andar jate hi gufa ka dvar bnd ho gaya. vah vahin gufa ke dvar par baith gaya. use pata nahin ki kitani der ke bad gufa ka dvar khula. lekin use vahan ek boodhi man ke darshan hue. tab gvale ne us boodhi mahila se kaha- "maee main apaki gay ko charata hoon, isalie mujhe pet ke vaste kuchh mil jae. main isi ichchha se apake dvar aya hoon." boodhi mata andar gee aur lakadi ke soop men jau ke dane us gvale ko die aur kaha- "ab too is bhayanak jngal men akele n aya kar." vah bola- "mata mera to jngal-jngal gay charana hi kam hai. lekin man ap is bhayanak jngal men akeli rahati hain? apako dar nahin lagata." to boodhi mata ne us gvale se hnsakar kaha- "beta yah jngal, oonche parvat-pahad hi mera ghar hain, men yahin nivas karati hoon." itana kah kar vah gayab ho gee. gvale ne ghar vapas akar jab us jau ke dane vali gathari ko kholi, to vah hairan ho gaya. jau ki jagah hire-moti chamak rahe the. usane socha main isaka kya karoonga. subah hote hi maharaja ke darabar men pesh karoonga aur unhen ap biti kahani sunaoonga.[1]

doosare din bhare darabar men vah gvala apani phariyad lekar pahuncha aur maharaja ke samane poori apabiti sunaee. us gvale ki kahani sunakar raja ne doosare din vahan jane ka ailan kiya aur apane mahal men sone chala gaya. rat men raja ko svapn men gvale dvara bataee boodhi mata ke darshan hue aur abhas hua ki adi shakti man sharada hain. svapn men mata ne raja ko vahan moorti sthapit karane ki agya di aur kaha ki mere darshan matr se sabhi ki manokamanaen poori hongi. subah hote hi raja ne mata ke adeshanusar sare karm poore karava die. shighr hi is sthan ki mahima charon or phail gee. mata ke darshanon ke lie shraddhalu door-door se yahan par ane lage aur unaki manovanchhit manokamana poori hoti gee. isake pashchath mata ke bhakton ne man sharada ka sundar bhavy tatha vishal mndir banava diya.

itihas

mndir ke pas men ek prachin shilalekh hai. vahan sharada devi ke sath bhagavan narasinh ki ek moorti hai. in moortiyon ko nupula deva dvara shak 424 chaitr krishn paksh par 14 mngalavar, vikram snvat 559 arthat 502 ee. men sthapit kiya gaya tha. devanagari lipi men char pnktiyon vala yah shilalekh "3.5" se 15 akar ka hai. mata sharada ki moorti ki sthapana vikram snvat 559 ko ki gee hai. moorti par devanagari lipi men shilalekh bhi ankit hai. isamen bataya gaya hai ki sarasvati ke putr damodar hi kaliyug ke vyas muni kahe jaenge. duniya ke jane mane itihasakar kaningham ne is mndir par vistar men shodh kiya tha. is mndir men prachin kal se hi bali dene ki pratha chali a rahi thi, lekin 1922 men satana ke raja brajanath joodev ne pashu bali ko poori tarah se pratibndhit kar diya. yah ek bahut hi prachin evn prasiddh mndir hai.[2]

alha-udal se sambandh

is prasiddh tirth sthal ke sandarbh men ek any dantakatha yah bhi prachalit hai ki do vir bhaee alha aur udal, jinhonne prithviraj chauhan ke sath bhi yuddh kiya tha, ve bhi sharada mata ke bade bhakt hua karate the. inhin donon ne sabase pahale jngalon ke bich sharada devi ke is mndir ki khoj ki thi. isake bad alha ne is mndir men barah salon tak tapasya kar devi ko prasann kiya tha. mata ne unhen amaratv ka ashirvad diya tha. kahate hain ki donon bhaiyon ne bhakti-bhav se apani jibh sharada ko arpan kar di thi, jise man sharada ne usi kshan vapas kar diya tha. alha mata ko 'sharada maee' kah kar pukara karata tha aur tabhi se ye mndir bhi 'mata sharada maee' ke nam se prasiddh ho gaya. aj bhi ye manyata hai ki mata sharada ke darshan har din sabase pahale alha aur udal hi karate hain. mndir ke pichhe pahadon ke niche ek talab hai, jise 'alha talab' kaha jata hai. yahi nahin talab se do kilomitar aur age jane par ek akhada milata hai, jisake bare men kaha jata hai ki yahan alha aur udal kushti lada karate the.[1]


panne ki pragati avastha
adhar
prarambhik
madhyamik
poornata
shodh

maihar gharane

                                                      Alauddin.jpg

maihar ka hindustani sngit ki ek gharane ke janmasthan ke roop men bharatiy shastriy sngit men ek pramukh sthan hai. bharatiy shastriy sngit ustad alauddin khan jinaki 1972 men mrityu ho gee, ki sabase badi diggaj lnbe samay ke lie yahan rahate the aur maihar ke maharaja pailes ke darabari sngitakar the | unake chhatron men shrimati annapoorna (alauddin khan ki beti) devi, ustad ali akabar khan (alauddin khan ke putr), pndit ravi shnkar, ustad ashish khan (alauddin khan ke pote), ustad dhyanesh khan (alauddin khan ke doosare pote), ustad pranesh khan (alauddin khan ke tisare pote), ustad bahadur khan (alauddin khan ke bhatije), timir baran bhattachary (alauddin khan ke pahale chhatr) pn. indranil bhattachary (timir baran bhattachary ke putr) , vasnt ray pndit pannalal ghosh, pndit nikhil banarji (alauddin khan ke antim chhatr)

                                          Ustad Allaudin.jpg

tika tippani aur sndarbh

  1. 1.0 1.1 1.2 maihar ki mata sharada (hindi). . abhigaman tithi: 23 agast, 2013.
  2. sharada devi mandir maihar (hindi). . abhigaman tithi: 23 agast, 2013.

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah