शक्तिपीठ हिन्दी देवनागरी में पढ़ें।
shaktipith
| |
 | |
| vivaran | hindoo dharm ke puranon ke anusar jahan-jahan sati ke ang ke tukade, dharan kie vastr ya abhooshan gire, vahan-vahan shaktipith astitv men aya. ye atynt pavan tirth kahalaye. ye tirth poore bharatiy upamahadvip par phaile hue hain. |
| shaktipithon ki snkhya | devi puran men 51 shaktipithon ka varnan hai. halanki devi bhagavat men jahan 108 aur devi gita men 72 shaktipithon ka zikr milata hai, vahin tantrachoodamani men 52 shaktipith batae ge hain. |
| dharmik manyata | devi bhagavat ke anusar shaktipithon ki sthapana ke lie shiv svayn bhoo-lok men ae the. danavon se shaktipindon ki raksha ke lie apane vibhinn roodr avataron ko jimma diya. |
| snbndhit lekh | shiv, sati, parvati, daksh |
| any janakari | gyatavy hai ki in 51 shaktipithon men bharat-vibhajan ke bad 5 aur bhi kam ho ge aur aj ke bharat men 42 shaktipith rah ge hai. 1 shaktipith pakistan men chala gaya aur 4 bangladesh men. shesh 4 pithon men 1 shrilnka men, 1 tibbat men tatha 2 nepal men hai. |
hindoo dharm ke puranon ke anusar jahan-jahan sati ke ang ke tukade, dharan kie vastr ya abhooshan gire, vahan-vahan shaktipith astitv men aya. ye atynt pavan tirth kahalaye. ye tirth poore bharatiy upamahadvip par phaile hue hain. devi puran men 51 shaktipithon ka varnan hai. halanki devi bhagavat men jahan 108 aur devi gita men 72 shaktipithon ka zikr milata hai, vahin tantrachoodamani men 52 shaktipith batae ge hain. devi puran men zaroor 51 shaktipithon ki hi charcha ki gee hai. in 51 shaktipithon men se kuchh videsh men bhi hain aur pooja-archana dvara pratishthit hain. gyatavy hai ki in 51 shaktipithon men bharat-vibhajan ke bad 5 aur bhi kam ho ge aur aj ke bharat men 42 shaktipith rah ge hai. 1 shaktipith pakistan men chala gaya aur 4 bangladesh men. shesh 4 pithon men 1 shrilnka men, 1 tibbat men tatha 2 nepal men hai. devi bhagavat ke anusar shaktipithon ki sthapana ke lie shiv svayn bhoo-lok men ae the. danavon se shaktipindon ki raksha ke lie apane vibhinn roodr avataron ko jimma diya. yahi karan hai ki sabhi 51 shaktipithon men adishakti ka moorti svaroop nahin hai, in pithon men pindiyon ki aradhana ki jati hai. sath hi sabhi pithon men shiv roodr bhairav ke roopon ki bhi pooja hoti hai. in pithon men kuchh tntr sadhana ke mukhy kendr hain.
shakti
shakti ka ullekh prachin grnthon men kee sndarbhon men ata hai. tantrik aur shakt kisi pith ki adhishthatri ko shakti manate hain. puranon ke anusar vibhinn devataon ki shaktiyan hoti hain. vishnu ki shaktiyan kirti, kanti, pushti, shanti, priti adi kahalati hain. rudr ki shaktiyon ke nam hain- gunodari, lambodari, khechari, mnjari, gaumukhi, jvalamukhi adi. devi bhagavat ke anusar tin shaktiyan hain- gyan, kriya aur arth. mahakali, mahalakshmi aur mahasarasvati adyashakti kahalati hain. shakti ko devi parvati ka avatar mana jata hai. puranon men shaktiyon ki snkhya 51 bataee gee hai. inake sthan ‘shaktipith’ kahalate hain. jab shiv sati ki pranahin deh lekar unmatton ki tarah ghoom rahe the, vishnu ne unaka avesh samapt karane ke lie chakr se sati ki deh ke tukade-tukade karake unhen vibhinn sthanon men gira diya. ye tukade aur abhooshan jin 51 sthanon par gire, ve 51 shaktipith ban ge.[1]
- shakton ki ek tntrokt devi, jo kisi pith ki adhishthatri hoti hai.
- purananusar bhinn-bhinn devataon ki bhinn-bhinn shaktiyan. yatha- vishnu ki kirti, kanti, tushti, shanti, priti adi; rudr ki gunodari, gaumukhi, jvalamukhi, lambodari, khechari, mnjari adi shaktiyan. devi ki indrani, vaishnavi, brahmani, kaumari, varahi, maheshvari aur sarvamngala adi.[2]
pauranik sndarbh
atharvaved ke chaturth kand ke 30ven sookt men mahashakti ka nimnankit kathan hai:
“main sabhi rudron aur vasuon ke sath sncharan karati hoon. isi prakar sabhi adityon aur sabhi devon ke sath, adi.“
upanishadon men bhi shakti ki kalpana ka vikas dikhaee padata hai. kenopanishad men is bat ka varnan hai ki uma haimavati (parvati ka ek poorv nam) ne mahashakti ke roop men prakat hokar brahm ka upadesh kiya. atharvashirsh, shrisookt, devisookt adi men shaktiyan ki stutiyan bhari padi hain. naigam (vaidik) shakton ke anusar pramukh das upanishadon men das mahavidyaon (shaktiyon) ka hi varnan hai. puranon men markandey puran, devi puran, kalika puran, devi bhagavat men shakti ka vishesh roop se varnan hai. ramayan aur mahabharat donon men devi ki stutiyan paee jati hain. adbhut ramayan men sitaji ka varnan paratpara shakti ke roop men hai.[3]
shaktipith ke sandarbh men katha
desh-videsh men sthit in 51 shaktipithon ke sandarbh men jo katha hai, vah yah hai ki raja prajapati daksh ki putri ke roop men mata jagadambika ne sati ke roop men janm liya tha aur bhagavan shiv se vivah kiya. ek bar muniyon ka ek samooh ygy karava raha tha. ygy men sabhi devataon ko bulaya gaya tha. jab raja daksh ae to sabhi log khade ho ge lekin bhagavan shiv khade nahin hue. bhagavan shiv daksh ke damad the. yah dekh kar raja daksh behad krodhit hue. daksh apane damad shiv ko hamesha niradar bhav se dekhate the. sati ke pita raja prajapati daksh ne kanakhal (haridvar) men 'brihaspati sarv / brihasani' namak ygy ka ayojan kiya tha. us ygy men brahma, vishnu, indr aur any devi-devataon ko amntrit kiya gaya, lekin jan-boojhakar apane jamata aur sati ke pati bhagavan shiv ko is ygy men shamil hone ke lie nimantran nahin bheja tha. jisase bhagavan shiv is ygy men shamil nahin hue. narad ji se sati ko pata chala ki unake pita ke yahan ygy ho raha hai lekin unhen nimntrit nahin kiya gaya hai. ise janakar ve krodhit ho uthin. narad ne unhen salah di ki pita ke yahan jane ke lie bulave ki zaroorat nahin hoti hai. jab sati apane pita ke ghar jane lagin tab bhagavan shiv ne mana kar diya. lekin sati pita dvara n bulae jane par aur shiv ji ke rokane par bhi jid kar ygy men shamil hone chali geen. ygy-sthal par sati ne apane pita daksh se shiv ji ko amntrit n karane ka karan poochha aur pita se ugr virodh prakat kiya. is par daksh ne bhagavan shiv ke vishay men sati ke samane hi apamanajanak baten karane lage. is apaman se pidit huee sati ko yah sab bardasht nahin hua aur vahin ygy-agni kund men koodakar apani pranahuti de di. bhagavan shiv ko jab is ghatana ka pata chala to krodh se unaka tisara netr khul gaya. sarvatr pralay-sa hahakar mach gaya. bhagavan shiv ke adesh par virabhadr ne daksh ka sir kat diya aur any devataon ko shiv ninda sunane ki bhi saza di aur unake ganon ke ugr kop se bhayabhit sare devata aur rishigan ygysthal se bhag gaye. tab bhagavan shiv ne sati ke viyog men ygykund se sati ke parthiv sharir ko nikal kndhe par utha liya aur duahkhi hue sampoorn bhoomandal par bhraman karane lage. bhagavati sati ne antariksh men shiv ko darshan diya aur unase kaha ki jis-jis sthan par unake sharir ke khand vibhakt hokar girenge, vahan mahashaktipith ka uday hoga. sati ka shav lekar shiv prithvi par vicharan karate hue tandav nrity bhi karane lage, jisase prithvi par pralay ki sthiti utpann hone lagi. prithvi samet tinon lokon ko vyakul dekhakar aur devon ke anunay-vinay par bhagavan vishnu sudarshan chakr se sati ke sharir ko khand-khand kar dharati par girate ge. jab-jab shiv nrity mudra men pair patakate, vishnu apane chakr se sharir ka koee ang katakar usake tukade prithvi par gira dete. 'tntr-choodamani' ke anusar is prakar jahan-jahan sati ke ang ke tukade, dharan kie vastr ya abhooshan gire, vahan-vahan shaktipith astitv men aya. is tarah kul 51 sthanon men mata ki shaktipithon ka nirman hua. agale janm men sati ne himavan raja ke ghar parvati ke roop men janm liya aur ghor tapasya kar shiv ko pun: pati roop men prapt kiya.
51 shaktipithon ka snkshipt vivaran
| kram | shaktipith ka nam | snkshipt vivaran | chitr |
|---|---|---|---|
| 1. | kirit shaktipith | pashchim bngal ke hugali nadi ke tat lalabag kot par sthit hai kirit shaktipith, jahan sati mata ka kirit yani shirabhooshan ya mukut gira tha. yahan ki shakti vimala athava bhuvaneshvari tatha bhairav snvart hain. is sthan par sati ke 'kirit (shirobhooshan ya mukut)' ka nipat hua tha. kuchh vidvan mukut ka nipat kanapur ke mukteshvari mndir men manate hain. |  |
| 2. | katyayani pith vrindavan | vrindavan, mathura men sthit hai katyayani vrindavan shaktipith jahan sati ka keshapash gira tha. yahan ki shakti devi katyayani hain. yahan mata sati 'uma' tatha bhagavan shnkar 'bhootesh' ke nam se jane jate hai. |  |
| 3. | karavir shaktipith | maharashtr ke kolhapur men sthit 'mahalakshmi' athava 'ambaeeka mndir' hi yah shaktipith hai. yahan mata ka trinetr gira tha. yahan ki shakti 'mahishamardini' tatha bhairav krodhashish hain. yahan mahalakshmi ka nij nivas mana jata hai. |  |
| 4. | shri parvat shaktipith | yahan ki shakti shri sundari evn bhairav sundaranand hain. kuchh vidvan ise laddakh (kashmir) men manate hain, to kuchh asam ke silahat se 4 ki.mi. dakshin-pashchim (nairityakon) men jaunapur men manate hain. yahan sati ke 'dakshin talp' (kanapati) ka nipat hua tha. |  |
| 5. | vishalakshi shaktipith | uttar pradesh, varanasi ke miraghat par sthit hai shaktipith jahan mata sati ke dahine kan ke mani gire the. yahan ki shakti vishalakshi tatha bhairav kal bhairav hain. yahan mata sati ka 'karnamani'[5] giri thi. yahan mata sati ko 'vishalakshi' tatha bhagavan shiv ko 'kal bhairav' kahate hai. |  |
| 6. | godavari tat shaktipith | andhr pradesh ke kabboor men godavari tat par sthit hai yah shaktipith, jahan mata ka vamagand yani bayan kapol gira tha. yahan ki shakti vishveshvari ya rukmani tatha bhairav dandapani hain. godavari tat shaktipith andhr pradesh devalayon ke lie prakhyat hai. vahan shiv, vishnu, ganesh tatha kartikey (subrahmanyam) adi ki upasana hoti hai tatha anek pith yahan par hain. yahan par sati ke 'vamagand'[6] ka nipat hua tha. |  |
| 7. | shuchindram shaktipith | tamilanadu men kanyakumari ke triasagar sngam sthal par sthit hai yah shuchindram shaktipith, jahan sati ke oordhvadnt (matantar se prishth bhagaddh gire the. yahan ki shakti narayani tatha bhairav snhar ya snkoor hain. yahan mata sati ke 'oordhvadnt'[7] gire the. yahan mata sati ko 'narayani' aur bhagavan shnkar ko 'snhar' ya 'snkoor' kahate hai. tamilanadu men tin mahasagar ke sngam-sthal kanyakumari se 13 kimi door 'shuchindram' men syanu shiv ka mndir hai. usi mndir men ye shaktipith hai. |  |
| 8. | pnch sagar shaktipith | is shaktipith ka koee nishchit sthan gyat nahin hai lekin yahan mata ke niche ke dant gire the. yahan ki shakti varahi tatha bhairav maharudr hain. pnch sagar shaktipith men sati ke 'adhodant'[8] gire the. yahan sati 'varahi' tatha shiv 'maharudr' hain. | |
| 9. | jvalamukhi shaktipith | himachal pradesh ke kangada men sthit hai yah shaktipith, jahan sati ka jihva giri thi. yahan ki shakti siddhida v bhairav unmatt hain. yah jvalamukhi rod relave steshan se lagabhag 21 kimi door bas marg par sthit hai. yahan mata sati 'siddhida' ambika tatha bhagavan shiv 'unmatt' roop men virajit hai. mndir men ag ke roop men har samay jvala dhadhakati rahati hai. |  |
| 10. | harasiddhi shaktipith (ujjayini shaktipith) | is shaktipith ki sthiti ko lekar vidvanon men matabhed hain. kuchh ujjain ke nikat shipra nadi ke tat par sthit bhairavaparvat ko, to kuchh gujarat ke giranar parvat ke sannikat bhairavaparvat ko vastavik shaktipith manate hain. at: donon hi sthanon par shaktipith ki manyata hai. ujjain ke is sthan par sati ki kohani ka patan hua tha. atah yahan kohani ki pooja hoti hai. |  |
| 11. | attahas shaktipith | attahas shaktipith pashchim bngal ke labapur (lamapur) relave steshan vardhaman se lagabhag 95 kilomitar age katava-ahamadapur relave lain par hai, jahan sati ka 'niche ka hoth'[9] gira tha. ise attahas shaktipith kaha jata hai, jo lamapur steshan se najadik hi thodi door par hai. |  |
| 12. | janasthan shaktipith | maharashtr ke nasik men pnchavati men sthit hai janasthan shaktipith jahan mata ka thuddi giri thi. yahan ki shakti bhramari tatha bhairav vikritaksh hain. madhy relave ke mumbee-dilli mukhy rel marg par nasik rod steshan se lagabhag 8 ki.mi. door pnchavati namak sthan par sthit bhadrakali mndir hi shaktipith hai. yahan ki shakti 'bhramari' tatha bhairav 'vikritaksh' hain- 'chibuke bhramari devi vikritaksh janasthale'.[10] at: yahan chibuk hi shaktiroop men prakat hua. is mndir men shikhar nahin hai. sinhasan par navadurgaon ki moortiyan hain, jisake bich men bhadrakali ki oonchi moorti hai. |  |
| 13. | kashmir shaktipith | kashmir men amaranath gufa ke bhitar 'him' shaktipith hai. yahan mata sati ka 'knth' gira tha. yahan sati 'mahamaya' tatha shiv 'trisndhyeshvar' kahalate hai. shravan poornima ko amaranath ke darshan ke sath yah shaktipith bhi dikhata hai. |  |
| 14. | nandipur shaktipith | pashchim bngal ke bolapur (shanti niketan) se 33 kimi door sainthiya relave jnkshan se agnikon men, thodi door relave lain ke nikat hi ek vatavriksh ke niche devi mandir hai, yah 51 shaktipithon men se ek hai. yahan devi ke deh se 'kanthahar' gira tha. |  |
| 15. | shri shail shaktipith | andhr pradesh ki rajadhani haidarabad se 250 ki.mi. door kurnool ke pas 'shri shailam' hai, jahan sati ki 'griva' ka patan hua tha. yahan ki sati 'mahalakshmi' tatha shiv 'snvarannd' athava 'eeshvarannd' hain. |  |
| 16. | nalahati shaktipith | pashchim bngal ke bolapur men hai nalahari shaktipith, jahan mata ka udaranali giri thi. yahan ki shakti kalika tatha bhairav yogish hain. yahan sati ki 'udar nali' ka patan hua tha.[11] yahan ki sati 'kalika' tatha bhairav 'yogish' hain. |  |
| 17. | mithila shaktipith | yahan mata sati ka 'vam skandh' gira tha. yahan sati 'uma' ya 'mahadevi' tatha shiv 'mahodar' kahalate hain. is shaktipith ka nishchit sthan batana kuchh kathin hai. sthan ko lekar kee mat-matantar hain. tin sthanon par 'mithila shaktipith' ko mana jata hai. ek janakapur (nepal) se 51 kimi door poorv disha men 'uchchaith' namak sthan par 'van durga' ka mndir hai. doosara bihar ke samastipur aur saharasa steshan ke pas 'ugratara' ka mndir hai. tisara samastipur se poorv 61 kimi door salauna relave steshan se 9 kimi door 'jayamngala' devi ka mndir hai. ukt tinon mndir ko vidvajan shaktipith manate hai. |  |
| 18. | ratnavali shaktipith | ratnavali shaktipith ka nishchitt sthan agyat hai, kintu bngal pnjika ke anusar yah tamilanadu ke madras[12] men kahin hai. yahan sati ka 'dayan kandha' gira tha. yahan ki shakti kumari tatha bhairav shiv hain. | |
| 19. | ambaji shaktipith | yahan mata sati ka 'udar' gira tha. gujarat, guna gadh ke giranar parvat ke prathat shikhar par man amba ji ka mndir hi shaktipith hai. yahan mata sati ko 'chndrabhaga' aur bhagavan shiv ko 'vakratund' ke nam se jana jata hai. aisi bhi manyata hai ki girinar parvat ke nikat hi sati ka urddhavoshth gira tha, jahan ki shakti avanti tatha bhairav lnbakarn hai. |  |
| 20. | jalndhar shaktipith | yahan mata sati ka 'bayan stan' gira tha. yahan sati ko 'tripuramalini' aur shiv ko 'bhishan' ke roop men jana jata hai. yah shaktipith pnjab ke jalndhar men sthit hai. ise tripuramalini shaktipith bhi kahate hain. |  |
| 21. | ramagiri shaktipith | ramagiri shaktipith ki sthiti ko lekar matantar hai. kuchh maihar, madhy pradesh ke 'sharada mndir' ko shaktipith manate hain, to kuchh chitrakoot ke sharada mndir ko shaktipith manate hain. donon hi sthan madhy pradesh men hain tatha tirth hain. ramagiri parvat chitrakoot men hai. yahan devi ke 'daen stan' ka nipat hua tha. |  |
| 22. | vaidyanath ka hard shaktipith | shiv tatha sati ke aiky ka pratik jharakhand ke giridih janapad men sthit vaidyanath ka 'hard' ya 'hriday pith' hai aur shiv ka 'vaidyanath jyotirling' bhi yahin hai. yah sthan chitabhoomi men hai. yahan sati ka 'hriday' gira tha. yahan ki shakti 'jayadurga' tatha shiv 'vaidyanath' hain. | |
| 23. | vaktreshvar shaktipith | mata ka yah shaktipith pashchim bngal ke sainthaya men sthit hai jahan mata ka man gira tha. yahan ki shakti mahishasuramadini tatha bhairav vaktranath hain. yahan ka mukhy mndir vaktreshvar shiv mndir hai. |  |
| 24. | kanyakumari shaktipith | yahan mata sati ki 'pith' giri thi. mata sati ko yahan 'sharvani ya narayani' tatha bhagavan shiv ko 'nimish ya sthanu' kaha jata hai. tamilanadu men tin sagaron hind mahasagar, arab sagar tatha bngal ki khadi ke sngam sthal par kanyakumari ka mndir hai. us mndir men hi bhadrakali ka mndir shaktipith hai. |  |
| 25. | bahula shaktipith | pashchim bngal ke havada se 145 kilomitar door poorvi relave ke navadvip dham se 41 ki.mi. door katava jnkshan se pashchim ki or ketugram ya ketu brahm ganv men sthit hai-'bahula shaktipith', jahan sati ke 'vam bahu' ka patan hua tha. yahan ki sati 'bahula' tatha shiv 'bhiruk' hain. |  |
| 26. | bhairavaparvat shaktipith | yah shaktipith bhi 51 shaktipithon men se ek hai. yahan mata sati ke kuhani ki pooja hoti hai. is shaktipith ki sthiti ko lekar vidvanon men matabhed hai. kuchh ujjain ke nikat shipra nadi tat sthit bhairavaparvat ko, to kuchh gujarat ke giranar parvat ke sannikat bhairavaparvat ko vastavik shaktipith manate hain. |  |
| 27. | manivedika shaktipith | rajasthan men ajamer se 11 kilomitar door pushkar ek mahattvapoorn tirth sthan hai. pushkar sarovar ke ek or parvat ki choti par sthit hai- 'savitri mndir', jisamen man ki abhayukt, tejasvi pratima hai tatha doosari or sthit hai 'gayatri mndir' aur yahi shaktipith hai. jahan sati ke 'manibndh'[13] ka patan hua tha. | |
| 28. | prayag shaktipith | tirtharaj prayag men mata sati ke hath ki 'anguli' giri thi. yahan tinon shaktipith ki mata sati 'lalita devi' evn bhagavan shiv ko 'bhav' kaha jata hai. uttar pradesh ke ilahabad men sthit hai. lekin sthanon ko lekar matabhed ise yahan akshayavat, mirapur aur alopi sthanon men gira mana jata hai. lalita devi ke mndir ko vidvan shaktipith manate hai. shahar men ek aur alopi mata lalita devi ka mndir hai. ise bhi shaktipith mana jata hai. nishchit nishkarsh par pahunchana kathin hai. |  |
| 29. | viraja shaktipith | utkal (udisa) men mata sati ki 'nabhi' giri thi. yahan mata sati ko 'vimala' tatha bhagavan shiv ko 'jagat' ke nam se jana jata hai. utkal shaktipith udisa ke puri aur yajapur men mana jata hai. puri men jagannath ji ke mndir ke prangan men hi vimala devi ka mndir hai. yahi mndir shaktipith hai. | |
| 30. | kanchi shaktipith | yahan mata sati ka 'knkal' gira tha. devi yahan 'devagarma' aur bhagavan shiv ka 'roodr' roop hai. tamilanadu ke kanchipuram men saptapuriyon men ek kashi hai. vahan ka kali mndir hi shaktipith hai. |  |
| 31. | kalamadhav shaktipith | kalamadhav men sati ke 'vam nitamb' ka nipat hua tha. is shaktipith ke bare koee nishchit sthan gyat nahin hai. parantu, yahan mata ka 'vam nitamb' ka nipat hua tha. yahan ki shakti kali tatha bhairav asitang hain.yahan ki sati 'kali' tatha shiv 'asitang' hain. |  |
| 32. | shon shaktipith | madhy pradesh ke amarakantak ke narmada mndir men sati ke 'dakshini nitamb' ka nipat hua tha aur vahan ke isi mndir ko shaktipith kaha jata hai. yahan mata sati 'narmada' ya 'shonakshi' aur bhagavan shiv 'bhadrasen' kahalate hain. | |
| 33. | kamakhya shaktipith | yahan mata sati ki 'yoni' giri thi. asam ke kamaroop janapad men asam ke pramukh nagar guvahati (gauhati) ke pashchim bhag men nilachal parvat/kamagiri parvat par yah shaktipith 'kamakhya' ke nam se suvikhyat hai. yahan mata sati ko 'kamakhya' aur bhagavan shiv ko 'umannd' kahate hai. jinaka mndir brahmaputr nadi ke madhy umannd dvip par sthit hai. |  |
| 34. | jaynti shaktipith | bharat ke poorviy bhag men sthit meghalay ek parvatiy rajy hai aur gari, khasi, jayntiya yahan ki mukhy pahadiyan hain. sampoorn meghalay parvaton ka prant hai. yahan ki jayntiya pahadi par hi 'jaynti shaktipith' hai, jahan sati ke 'vam jngh' ka nipat hua tha. | |
| 35. | magadh shaktipith | bihar ki rajadhani patana men sthit pataneshvari devi ko hi shaktipith mana jata hai jahan mata ka dahina jngha gira tha. yahan ki shakti sarvanandakari tatha bhairav vyomakesh hain. yah mndir patana siti chauk se lagabhag 5 ki.mi. pashchim men maharaj gnj (devaghar) men sthit hai. | |
| 36. | tristota shaktipith | yahan ke boda ilake ke shalavadi ganv men tista nadi ke tat par 'tristota shaktipith' hai, jahan sati ke 'vam-charan' ka patan hua tha. yahan ki sati 'bhramari' tatha shiv 'eeshvar' hain. | |
| 37. | tripur sundari shaktipith | tripura men mata sati ka 'dakshin pad' gira tha. yahan mata sati 'tripurasundari' tatha bhagavan shiv 'tripuresh' kahe jate hain. tripura rajy ke radha kishorapur gram se 2 kimi door dakshin-poorv ke kon par, parvat ke oopar yah shaktipith sthit hai. |  |
| 38. | vibhash shaktipith | yahan mata sati ka 'bayan takhana'[14] gira tha. yahan mata sati 'kapalini' arthat 'bhimaroopa' aur bhagavan shiv 'sarvanand' kapali hai. pashchim bngal ke pasakuda steshan se 24 kimi door midanapur men tamalook steshan hai. vahan ka kali mndir hi yah shaktipith hai. | |
| 39. | devikoop shaktipith | yahan mata sati ka 'dahina takhana' gira tha. yahan mata sati ko 'savitri' tatha bhagavan shiv ko 'syanu mahadev' kaha jata hai. hariyana rajy ke kurukshetr nagar men 'dvaipayan sarovar' ke pas kurukshetr shaktipith sthit hai, jise 'shridevikoop bhadrakali pith' ke nam se jana jata hai. |  |
| 40. | yugadya shaktipith | 'yugadya shaktipith' bngal ke poorvi relave ke vardhaman jnkshan se 39 kilomitar uttar-pashchim men tatha katava se 21 kimi. dakshin-pashchim men mahakumar-mngalakot thanantargat kshiragram men sthit hai- yugadya shaktipith, jahan ki adhishthatri devi hain- 'yugadya' tatha 'bhairav' hain- kshir kantak. tntr choodamani ke anusar yahan mata sati ke 'dahine charan ka angootha' gira tha. | |
| 41. | virat shaktipith | yah shaktipith rajasthan ki rajadhani gulabi nagari jayapur se uttar men mahabharatakalin virat nagar ke prachin dhvnsavashesh ke nikat ek gupha hai, jise 'bhim ki gupha' kahate hain. yahin ke vairat ganv men shaktipith sthit hai, jahan sati ke 'dayen panv ki ungaliyan' giri thin. |  |
| 42. | kalighat kali mndir | yahan mata sati ki 'shesh ungaliyan'[15] giri thi. yahan mata sati ko 'kalika' tatha bhagavan shiv ko 'nakulesh' kaha jata hai. pashchim bngal, kalakatta ke kalighat men kali mata ka suvikhyat mndir hi yah shaktipith hai. |  |
| 43. | manas shaktipith | yahan mata sati ki 'dahini hatheli' giri thi. yahan mata sati ko 'dakshayani' tatha bhagavan shiv ko 'amar' kaha jata hai. yah shaktipith tibbat men manasarovar ke tat par sthit hai. | |
| 44. | lnka shaktipith | shrilnka men, jahan sati ka 'noopur' gira tha. yahan ki shakti indrakshi tatha bhairav rakshaseshvar hain. lekin, us sthan gyat nahin hai ki shrilnka ke kis sthan par gire the. | |
| 45. | gandaki shaktipith | nepal men gandaki nadi ke udgamasthal par 'gandaki shaktipith' men sati ke 'dakshinagand'[16] ka patan hua tha. yahan shakti `gandaki´ tatha bhairav `chakrapani´ hain. |  |
| 46. | guhyeshvari shaktipith | nepal men 'pashupatinath mndir' se thodi door bagamati nadi ki doosari or 'guhyeshvari shaktipith' hai. yah nepal ki adhishthatri devi hain. mndir men ek chhidr se nirntar jal bahata rahata hai. yahan ki shakti 'mahamaya' aur shiv 'kapal' hain. |  |
| 47. | hingalaj shaktipith | yahan mata sati ka 'brahmarndhr' gira tha. yahan mata sati ko 'bhairavi/kotatari' tatha bhagavan shiv ko 'bhimalochan' kaha jata hai. yahan shaktipith pakistan ke baloochistan prant ke hingalaj men hai. hingalaj karachi se 144 kimi door uttar-pashchim disha men hingos nadi ke tat par hai. yahi ek gupha ke bhitar jane par man adishakti ke jyoti roop ke darshan hote hai. |  |
| 48. | sungadha shaktipith | bangladesh ke barisal se 21 kilomitar uttar men shikarapur gram men 'sungadha'[17] nadi ke tat par sthit 'ugratara devi' ka mndir hi shaktipith mana jata hai. is sthan par sati ki 'nasika'[18] ka nipat hua tha. |  |
| 49. | karatoyaghat shaktipith | yahan mata sati ka 'vam talp' gira tha. yahan mata 'aparna' tatha bhagavan shiv 'vaman' roop men sthapit hai. yah sthal bangladesh men hai. bogada steshan se 32 kimi door dakshin-pashchim kon men bhavanipur gram ke begada men karatoya nadi ke tat par yah shaktipith sthit hai. | |
| 50. | chattal shaktipith | chattal men mata sati ki 'dakshin bahu'[19] giri thi. yahan mata sati ko 'bhavani' tatha bhagavan shiv ko 'chndrashekhar' kaha jata hai. bngladesh men chataganv se 38 kimi door sitakund steshan ke pas chndrashekhar parvat par bhavani mndir hai. yahi 'bhavani mndir' shaktipith hai. | |
| 51. | yashor shaktipith | yah shaktipith vartaman bangladesh men khulana zile ke jaisor namak nagar men sthit hai. yahan sati ki 'vam'[20] ka nipat hua tha. | |
18 mahashaktipith
| kramank | shaktipith ka nam | sthan | ang ya abhooshan | shakti |
|---|---|---|---|---|
| 1. | lnka shaktipith | trinkomeli, shrilnka | kamar | shnkari devi |
| 2. | kanchi kamakodi shaktipith | kanchi, tamilanadu | pichhala bhag | kamakshi devi |
| 3 | pradyumn shaktipith | pndua, pashchim bngal | pet | shrigala devi |
| 4. | kraunj shaktipith | maisoor, karnatak | bal | chamundeshvari devi |
| 5. | yogini shaktipith | alamapur, telngana | oopar ke dant | yogamba devi |
| 6. | shri shail shaktipith | shrishailam, andhr pradesh | gale ka bhag | bhramaramba devi |
| 7. | shri shaktipith | kolhapur, maharashtr | ankh | mahalakshmi devi |
| 8. | renuka shaktipith | mahur, maharashtr | bayan hath | renuka devi |
| 9. | ujjayini shaktipith | ujjain, madhy pradesh | jibh | mahakali devi |
| 10. | pushakarani shaktipith | pitapuram, andhr pradesh | pichhala bhag | puruhutika devi |
| 11. | oddiyana shaktipith | jajapur, udisa | koolhe ki haddi | biraja devi |
| 12. | draksharam shaktipith | draksharamam, andhr pradesh | nabhi | manikyamba devi |
| 13. | kamarup shaktipith | guvahati, asam | yoni | kamarupa devi |
| 14. | prayag shaktipith | prayag, uttar pradesh | ungaliyan | madhaveshvari devi |
| 15. | jvalamukhi shaktipith | kangada, himachal pradesh | sir ka bhag | vaishnavi devi |
| 16. | gaya shaktipith | gaya, bihar | vaksh | sarvamngala devi |
| 17. | varanasi shaktipith | varanasi, uttar pradesh | pair ka angootha | vishalakshi devi |
| 18. | sharada shaktipith | kashmir | dayan hath | sarasvati devi |
|
|
|
|
|
|
tika tippani aur sndarbh
- ↑ pustak- bharatiy snskriti kosh | lekhak- liladhar sharma ‘parvatiy’ | prishth snkhya- 878
- ↑ pustak- pauranik kosh | lekhak- rana prasad sharma | prishth snkhya -485
- ↑ pustak- hindoo dharmakosh | sampadak- rajabali pandey | prishth snkhya- 623
- ↑ pustak- mahashaktiyan aur unake 51 shaktipith | lekhak- gopalaji gupt | prishth snkhya- 75
- ↑ kan ki mani
- ↑ bayan gal
- ↑ oopar ke dant
- ↑ niche ke dant
- ↑ adharoshth
- ↑ tntr choodamani.
- ↑ matantar se shironali ka nipat
- ↑ vartaman chennee
- ↑ (kalaiyon)
- ↑ edi ke oopar ki haddi ki ganth
- ↑ daen panv ki angootha chhod 4 any anguliyan
- ↑ kapol
- ↑ sunnda nadi
- ↑ nak
- ↑ dahini bhuja
- ↑ bayin hatheli
- ↑ Ashta Dasa Shakthi Peetha Stotram (angrezi) hindupedia. abhigaman tithi: 27 sitambar, 2014.
