अमरनाथ  हिन्दी देवनागरी में पढ़ें।

amaranath
sheshanag jhil, amaranath
vivaran amaranath bhagavan shiv ke pramukh dharmik sthalon men se ek hai. amaranath ko tirthon ka tirth kaha jata hai kyonki yahin par bhagavan shiv ne man parvati ko amaratv ka rahasy bataya tha.
rajy jammoo evn kashmir
marg sthiti shrinagar shahar ke uttar-poorv men 141 kilomitar door samudr tal se 3,888 mitar (12,756 phut) ki oonchaee par sthit hai.
prasiddhi yahan ki pramukh visheshata pavitr gufa men barf se prakritik shivaling ka nirmit hona hai. prakritik him se nirmit hone ke karan ise 'svaynbhoo himani shivaling' bhi kahate hain.
kab jaen kabhi bhi ja sakate hain
yatayat bas, kar, aauto adi
snbndhit lekh himalay, vaishno devi
any janakari baba amaranath ke darshan ka mahattv puranon men bhi milata hai. puranon ke anusar kashi men ling darshan aur poojan se das guna, prayag se sau guna aur naimisharany se hazar guna puny dene vale amaranath ke darshan hai.
adyatan‎

amaranath hinduon ka ek pramukh tirthasthal hai. yah jammoo - kashmir rajy ke shrinagar shahar ke uttar-poorv men 141 kilomitar door samudr tal se 3,888 mitar (12756 phut) ki oonchaee par sthit hai. is gufa ki lnbaee (bhitar ki or gaharaee) 19 mitar aur chaudaee 16 mitar hai. yah gufa lagabhag 150 phit kshetr men phaili hai aur gufa 11 mitar oonchi hai tatha isamen hazaron shraddhalu sama sakate hain. prakriti ka adbhut vaibhav amaranath gufa, bhagavan shiv ke pramukh dharmik sthalon men se ek hai. amaranath ko tirthon ka tirth kaha jata hai. ek pauranik gatha ke anusar bhagavan shiv ne parvati ko amaratv ka rahasy (jivan aur mrityu ke rahasy) batane ke lie is gufa ko chuna tha. mrityu ko jitane vale mrityunjay shiv amar hain, isalie 'amareshvar' bhi kahalate hain. janasadharan 'amareshvar' ko hi amaranath kahakar pukarate hain.[1]

itihas

amaranath yatra ke udgam ke bare men itihasakaron ke alag-alag vichar hain. kuchh logon ka vichar hai ki yah aitihasik samay se snkshipt vyavadhan ke sath chali a rahi hai jabaki any logon ka kahana hai ki yah 18vin tatha 19vin shatabdi men malikon ya muslim gadariyon dvara pavitr gufa ka pata lagane ke bad shuroo huee. aj bhi chauthaee chadhava us musalaman gadarie ke vnshajon ko milata hai. itihasakaron ka vichar hai ki amaranath yatra hazaron varshon se vidyaman hai. tatha baba amaranath darshan ka mahattv puranon men bhi milata hai. puran anusar kashi men ling darshan aur poojan se das guna, prayag se sau guna aur naimisharany se hazar guna puny dene vale shri amaranath ke darshan hai. bringesh sahinta, nilamat puran, kalhan ki rajatarngini adi men is ka barabar ullekh milata hai. bringesh snhita men kuchh mahattvapoorn sthanon ka ullekh hai jahan tirthayatriyon ko shri amaranath gufa ki or jate samay dharmik anushthan karane padate the. unamen anantanaya (anantanag), mach bhavan (mattan), ganeshabal (ganeshapur), mamaleshvar (mamal), chndanavadi (2,811 mitar), susharamanagar (sheshanag) 3454 mitar, pnchatarngini (pnchatarani) 3845 mitar aur amaravati shamil hain.
kalhan ki 'rajatarngini tarng dvitiy' men kashmir ke shasak samadimat (34 eepoo-17vin eesvi) ka ek akhyan hai. vah shiv ka ek bada bhakt tha jo vanon men barf ke shivaling ki pooja kiya karata tha. barf ka shivaling kashmir ko chhodakar vishv men kahin bhi nahin milata. kashmir men bhi yah anandamay grishm kal men prakat hota hai. kalhan ne yah bhi ullekh kiya hai ki areshvara (amaranath) ane vale tirthayatriyon ko susharam nag (sheshanag) aj tak dikhaee deta hai. nilamat puran men amareshvara ke bare men die ge ullekh se pata chalata hai ki is tirth ke bare men chhathi-satavin shatabdi men bhi janakari thi.

kashmir ke mahanh shasakon men se ek tha 'jainulabuddin' (1420-70 eesvi), jise kashmiri log pyar se badashah kahate the, usane amaranath gufa ki yatra ki thi. is bare men usake itihasakar jonaraj ne ullekh kiya hai. akabar ke itihasakar abul fajal (16vin shatabdi) ne aina-e-akabari men ullekh kiya hai ki amaranath ek pavitr tirthasthal hai. gufa men barf ka ek bulabula banata hai. jo thoda-thoda karake 15 din tak rojana badhata rahata hai aur do gaj se adhik ooncha ho jata hai. chandrama ke ghatane ke sath-sath vah bhi ghatana shuroo kar deta hai aur jab chand lupt ho jata hai to shivaling bhi vilupt ho jata hai.

aauksaford men bharatiy itihas ke lekhak visent e smith ne baraniyar ki pustak ke doosare snskaran ka sampadan karate samay tippani ki thi ki amaranath gufa ashcharyajanak jamav se paripoorn hai jahan chhat se pani boond-boond karake girata rahata hai aur jamakar barf ke khnd ka roop le leta hai. isi ki hindoo shiv ki pratima ke roop men pooja karate hain. svami vivekanand ne 1898 men 8 agast ko amaranath gufa ki yatra ki thi aur bad men unhonne ullekh kiya ki mainne socha ki barf ka ling svayn shiv hain. mainne aisi sundar, itani preranadayak koee chiz nahin dekhi aur n hi kisi dharmik sthal ka itana anand liya hai.[2] larens apani pustak 'vaili aauf kashmir' men kahate hain ki mattan ke brahman amaranath ke tirth yatriyon men shamil ho ge aur bad men batakut men malikon ne zimmedari snbhal li kyonki marg ko banae rakhana unaki zimmedari hai, ve hi gaid ke roop men kary karate hain aur bimaron, vriddhon ki sahayata karate hain. sath hi ve tirth yatriyon ki jan v mal ki suraksha bhi sunishchit karate hain. isake lie unhen dharmasthal ke chadhave ka ek tihaee hissa milata hai. jammoo kashmir men hinduon ke vibhinn mndiron ka rakh-rakhav karane vale dhamarth nyas ki zimmedari snbhalane vale mattan ke brahman aur amritasar ke giri mahnt jo kashmir men sikkhon ki satta shuroo hone ke samay se aj tak mukhyatirth yatra ke agrani ke roop men 'chhadi mubarak' le jate hain, chadhave ka shesh hissa lete hain.

sheshanag kaimp amaranath

amaranath tirthayatriyon ki aitihasikata ka samarthan karane vale itihasakaron ka kahana hai ki kashmir ghati par videshi akramanon aur hinduon ke vahan se chale jane se utpann ashanti ke karan 14vin shatabdi ke madhy se lagabhag tin sau varsh ki avadhi ke lie yatra badhit rahi. kuchh itihasakaron ka kahana hai ki 1869 ke grishm kal men gufa ki phir se khoj ki gee aur pavitr gufa ki pahali aupacharik tirth yatra tin sal bad 1872 men ayojit ki gee thi. is tirthayatra men malik bhi sath the.

shivaling

yahan ki pramukh visheshata pavitr gufa men barf se prakritik shivaling ka nirmit hona hai. prakritik him se nirmit hone ke karan is 'svaynbhoo himani shivaling' bhi kahate hain. ashadh poornima se shuroo hokar rakshabndhan tak poore savan mahine men hone vale pavitr himaling darshan ke lie lakhon log yahan ate hain. gufa ki paridhi lagabhag dedh sau phut hai aur isamen oopar se barf ke pani ki boonde jagah - jagah tapakati rahati hai. yahi par ek aisi jagah hai, jisamen tapakane vali him boondon se lagabhag 12-18 phut lnba shivaling banata hai. yah boonde itani thndi hoti hai ki niche girate hi barf ka roop lekar thos ho jati hai. chandrama ke ghatane-badhane ke sath-sath is barf ka akar bhi ghatata-badhata rahata hai. shravan poornima ko yah apane poore akar men a jata hai aur amavasya tak dhire-dhire chhota hota jata hai. ashchary ki bat yahi hai ki yah shivaling thos barf ka bana hota hai, jabaki gufa men amataur par kachchi barf hi hoti hai jo hath men lete hi bhurabhura jae. mool amaranath shivaling se kee phut door ganesh, bhairav aur parvati ke vaise hi alag alag himakhnd hai.[1] gufa men amarakund ka jal prasad ke roop men grahan kiya jata hai. gufa men tapakata boond-boond jal bhakton ke lie shiv ka ashirvad hota hai. is him shivaling ko lekar har ek ke man men jigyasavash prashr uthata hai ki akhir itani oonchaee par sthit gufa men itana ooncha barf ka shivaling kaise banata hai. jin prakritik sthitiyon men is shivaling ka nirman hota hai vah vigyan ke tathyon se viparit hai. yahi bat sabase zyada achnbhit karati hai. vigyan ke anusar barf ko jamane ke lie qarib shoony digri tapaman zaroori hai. kintu amaranath yatra har sal joon-julaee men shuroo hoti hai. tab itana kam tapaman snbhav nahin hota. is bare men vigyan ke tark hai ki amaranath gufa ke asapas aur usaki divaron men maujood darare ya chhote-chhote chhidron men se shital hava ki avazahi hoti hai. isase gufa men aur usake as-pas barf jamakar ling ka akar le leti hai. kintu is tathy ki koee pushti nahin huee hai.
dharm men astha rakhane vale manate hain ki aisa hone par bahut se shivaling is prakar banane chahie. sath hi is gufa men aur shivaling ke as-pas kachchi barf paee jati hai, jo chhoone par bikhar jati hai. jabaki him shivaling ka nirman pakki barf se hota hai. dharm ko manane valon ke lie yahi adbhoot baten astha paida karati hai. barf se bani shivaling ko lekar ek manyata yah bhi hai ki isaki oonchaee chndrama ki kalaon ke sath ghatati-badhati hai. halanki pichhale kuchh varshon men baba amaranath gufa ke darshan ke lie ane vale shraddhaluon ki asthavash ki gee bhoolon se shivaling poora akar n le saka, kyonki har shraddhalu baba ke darshan pakar bhav-vibhor ho jata hai, jisase vah shivaling ko chhoo kar, dhoop, dipak jalakar apani shraddha pragat karata hai. snbhavat: adhik shraddhaluon ke gufa men pravesh ke karan aur unake dvara dipak ya agarabatti adi jalane se, tapaman ke badhane ko hi shivaling ke poorn svaroop nahin lene ka karan mana gaya. isalie ab amaranath bord dvara bhi bhakton ki astha ko dhyan men rakhate hue shivaling ke door se darshan aur upasana snbndhi savadhaniyon ke sakht niyamon ka palan karaya jata hai. is prakar baba amaranath ka yah divy shivaling jahan bhakton ki dharm men astha ko oonchaeeyan deta hai, vahin vigyan ko achnbhit karata hai.

amaranath yatra shivir

janashrutiyan

janashruti prachalit hai ki isi gufa men mata parvati ko bhagavan shiv ne amarakatha sunaee thi, jise sunakar sadyojat shuk – shishu shukadev rishi ke roop men amar ho ge.[3] katha amaranath ki manyata hai ki satayug men ek bar devi parvati ne shiv se prashn kiya ki apake amar hone ki kya katha hai? tatha anurodh kiya ki vah manav ko amarata pradan banane vala mntr unhen sikhaen. mahadev nahin chahate the ki us gyan ko koee parvati ke siva nashvar prani sune, par vah parvati ka anurodh bhi tal nahin sakate the. isake lie unhonne amaranath ki gufa ko chuna, jahan koee prani n pahunch sake. vahan unhonne parvati ji ko sari katha sunaee. par kabootar ke do ande, jo vahan pahale se vidyaman the, us amar mntr ko sunate sunate vayask hokar amaratv pa ge. yah bhi kaha jata hai ki ye mahadev ke hi do sevak the, jo vahan kuru - kuru kah kar shor kar rahe the, isalie shiv ne unhen kabootar ban jane ka shap diya, kintu mntr sun lene ke karan ve amar bhi ho ge. shiv bhakt manate hain ki aj bhi gufa men ve donon kabootar dikhaee padate hain, jinhen shraddhalu amar pakshi batate hain. aisi manyata bhi hai ki jin shraddhaluon ko kabootaron ka joda dikhaee deta hai, unhen shiv parvati apane pratyaksh darshanon se nihal karake us prani ko mukti pradan karate hain. yah bhi mana jata hai ki bhagavan shiv ne arddhangini parvati ko is gufa men ek aisi katha sunaee thi, jisamen amaranath ki yatra aur usake marg men ane vale anek sthalon ka varnan tha. yah katha kalantar men amarakatha nam se vikhyat huee. kuchh vidvanon ka mat hai ki bhagavan shnkar jab parvati ko amar katha sunane le ja rahe the, to unhonne sarvapratham bail ko chhoda vah sthan bailagam, jo kalantar men 'pahalagam' ban gaya, chhote – chhote annt nagon ko 'anntanag' men chhoda, mathe ke chndan ko chndanabadi men utara, gngaji ko pnchatarani ka nam mila, any pissuon ko 'pissoo taaup' par aur gale ke sheshanag ko sheshanag namak sthal par chhoda tha. ye tamam sthal ab bhi amaranath yatra men ate hain. ashchary ki bat yah hai ki amaranath gufa ek nahin hai. amaravati nadi ke path par age badhate samay aur bhi kee chhoti - badi gufaen dikhati hain. ve sabhi barf se dhaki hain.

amaranath yatra ki udgam

khoj judi katha--
  • lok manyata hai ki bhagavan shnkar ki is pavitr gufa ki khoj ka shrey ek gujjar yani gadariye buta malik ko jata hai. ek bar buta malik pashuon ko charata hua oonchi pahadi par nikal gaya. vahan usaki mulakat ek snt se huee. us snt ne gadariye ko koyale se bhara thaila diya. vah thaila lekar gadariya ghar pahuncha. jab usane vah thaila khola to vah yah dekhakar achnbhit ho gaya ki us thaile men bhare koyale ke tukade sone ke sikkon men badal ge. vah gadariya bahut khush hua. vah gadariya turnt hi us divy snt ka abhar prakat karane ke lie usi sthan par pahuncha. lekin usane vahan par snt ko n pakar us sthan par ek pavitr gufa aur adbhut him shivaling ke darshan kie. jise dekhakar vah abhibhoot ho gaya. usane pun: ganv pahunchakar yah sari ghatana ganvavalon ko bataee. sabhi gramavasi us gufa aur shivaling ke darshan ke lie vahan ae. mana jata hai ki tab se hi is tirthayatra ki parnpara shuroo ho gee.[4]
  • isi prakar pauranik manyata hai ki ek bar kashmir ki ghati jalamagn ho gee. usane ek badi jhil ka roop le liya. jagath ke praniyon ki raksha ke uddeshy se rishi kashyap ne is jal ko anek nadiyon aur chhote-chhote jalasroton ke dvara baha diya. usi samay bhrigu rishi pavitr himalay parvat ki yatra ke dauran vahan se gujare. tab jal star kam hone par himalay ki parvat shrrikhnlaon men sabase pahale bhrigu rishi ne amaranath ki pavitr gufa aur barphani shivaling ko dekha. manyata hai ki tab se hi yah sthan shiv aradhana ka pramukh devasthan ban gaya aur anaginat tirthayatri shiv ke adbhut svaroop ke darshan ke lie is durgam yatra ki sabhi kasht aur pidaon ko sahan kar lete hain. yahan akar vah shashvat aur annt adhyatmik sukh ko pate hain.
amaranath yatra ka manachitr

amaranath yatra

amaranath yatra ko uttar bharat ka sabase pavitr tirthayatra mana jata hai. yatra ke dauran bharat ki vividh parnparaon, dharmon aur snskritiyon ki jhalak dekhi ja sakati hai. amaranath yatra men shiv bhakton ko kadi kathinaeeyon ka samana karana padata hai. raste ubad - khabad hai, raste men kabhi barf girane lag jati hai, kabhi barish hone lagati hai to kabhi barphili havaen chalane lagati hai. phir bhi bhakton ki astha aur bhakti itani mazaboot hoti hai ki yah sare kasht mahasoos nahin hote aur baba amaranath ke darshanon ke lie ek adrishy shakti se khinche chale ate hain. yah mana jata hai ki agar tirthayatri is yatra ko sachchi shraddha se poora kar to vah bhagavan shiv ke sakshat darshan pa sakate hain.

pahalagam se amaranath

amaranath ki gufa tak pahunchane ke lie tirthayatri jammoo se pahalagam / pahalaganv jate hain. yah doori sadak marg se pahalagam jammoo se 365 kilomitar ki doori par hai. yah vikhyat paryatan sthal bhi hai aur yah parvaton se ghira kshetr hai aur sundar prakritik drishyon ke lie vishvaprasiddh hai. yah liddar nadi ke kinare basa hai. pahalagam tak jane ke lie jammoo – kashmir paryatan kendr se sarakari bas upalabdh rahati hai. yadi ap shrinagar ke havaee adde par utarate hain, to lagabhag 96 ki.mi. ki sadak - yatra kar pahalagam pahunch sakate hain. pahalagam men thaharane ke lie samajik - dharmik sngathanon ki or se avasiy vyavastha hai. pahalagam aur gair sarakari snsthaon ki or se lngar ki vyavastha ki jati hai. pahalagam se ek ki.mi. niche hi ‘nunavan’ men yatri bes kaimp par pahala padav hota hai. tirthayatriyon ki paidal yatra yahin se arnbh hoti hai.[1]

amaranath jane ka rasta
chndanabadi

pahalagam ke bad pahala padav chndanabadi hai, jo pahalagam se 16 kilomitar ki doori par hai. yah sthan samudratal se 9500 phit ki oonchaee par sthit hai. pahali rat tirthayatri yahin bitate hain. yahan ratri nivas ke lie kainp lagae jate hain. isake thik doosare din pissu ghati ki chadhaee shuroo hoti hai. liddar nadi ke kinare se is padav ki yatra asan hoti hai. yah rasta vahanon dvara bhi poora kiya ja sakata hai. yahan se age jane ke lie ghodon, palakiyon athava pitthuon ki suvidha mil jati hai. chndanabadi se pissutaaup jate hue raste men barf ka pul ata hai. yah ghati sarpakar hai.

pissoo tap

chndanavadi se 3 kimi chadhaee karane ke bad apako raste men pissoo tap pahadi milegi. janashrutiyan hain ki pissu ghati par devataon aur rakshason ke bich ghamasan ladaee huee, jisamen devataon ne kee danavon ko mar giraya tha. danavon ke knkal ek hi sthan par ekatrit hone ke karan yah pahadi ban gee. amaranath yatra men pissu ghati kafi jokhim bhara sthal hai. pissu ghati samudratal se 11,120 phut ki oonchaee par hai. liddar nadi ke kinare - kinare pahale charan ki yah yatra zyada kathin nahin hai. pissoo ghati ki sidhi chadhaee chadhate hain jo sheshanag nadi ke kinare chalati hai. 12 ki. mi. ka lamba nadi ka kinara sheshanag jhil par jakar samapt hota hai. yahi to nadi ka udagam sthal hai. (yahi nadi pahalagam se niche jakar jhelam dariya men mil jati hai)

sheshanag

pissoo tap se 12 ki.mi. door 11,730 phit ki oonchaee par sheshanag parvat hai, jisake saton shikhar sheshanag ke saman lagate hain. yah marg khadi chadhaee vala aur khataranak hai. yahan tak ki yatra tay karane men 4-5 ghnte lagate hain. yahin par pissu ghati ke darshan hote hain. yatri sheshanag pahunch kar tnboo / kainp lagakar apana doosara padav dalate hain. yahan parvatamalaon ke bich nile pani ki khoobasoorat jhil hai. jise sheshanag jhil kahate hain. is jhil men jhank kar yah bhram ho uthata hai ki kahin asaman to is jhil men nahin utar aya. yah jhil qarib dedh kilomitar lnbaee men phaili hai. kinvadntiyon ke mutabik sheshanag jhil men sheshanag ka vas hai aur chaubis ghnton ke andar sheshanag ek bar jhil ke bahar darshan dete hain, lekin yah darshan khushanasibon ko hi nasib hote hain. tirthayatri yahan ratri vishram karate hai aur yahin se tisare din ki yatra shuroo karate hain. sheshanag aur isase age ki yatra bahut kathin hai. yahan barphili havaen chalati rahati hain. sheshanag se poshapatri tatha phir pnchatarani ki doori chhah kilomitar hai. poshapatri namak yah sthan 12500 phit ki oonchaee par sthit hai. poshapatri men vishal bhndare ka ayojan hota hai. yahan bhojan, avas, chikitsa suvidha, aauksijan salaindar adi ki suvidha upalabdh rahati hai.

pnchatarani
pahalagam nadi amaranath

sheshanag se pnchatarani ath mil ke phasale par hai. marg men baivavail taaup aur mahagunas darre ko par karana padata hai, jinaki samudr tal se oonchaee kramash: 13,500 phut v 14,500 phut hai. is sthan par anek jharanen, jal prapat aur chashmen aur manoram prakritik drishy dikhaee dete hain. mahagunas choti se niche utarate hue 9.4 ki.mi. ki doori tay karake pnchatarini pahuncha ja sakata hai. yahan panch chhoti – chhoti saritaen bahane ke karan hi is sthal ka nam pnchatarani pada hai. pnchatarani 12,500 phit ki oonchaee par sthit hai. yah bhairav parvat ki talahati men basa hai. yah sthan charon taraph se pahadon ki oonchi – oonchi chotiyon se dhaka hai. oonchaee ki vajah se thnd bhi zyada hoti hai. aksijan ki kami ki vajah se tirthayatriyon ko yahan suraksha ke intazam karane padate hain. age ki yatra men bhairav parvat milata hai. isaki talahati men pnchatarini nadi hai, jahan se panch dharaen nikalati hain. manyata hai ki panchon dharaon ki utpatti shivaji ki jataon se huee hai. shri amaranath ke darshan se poorv ka yah tisara aur antim padav hai. pnchatarini se 3 ki.mi. chalane par 'amaragnga' aur 'pnchatarini' ka sngam sthal milata hai. yahan se shri amaranath ki pavitr gufa lagabhag 3 ki.mi. door hai aur raste men barf hi barf jami rahati hai. amaragnga ek barf ki patali si dhara hai, isi men snan karake bhakt jan hath men nariyal adi ka chadhava le shri amaranath ji ke darshan karate hain . isamen pahale 3 ki.mi. ke raste ko ‘snt sing ki paudi’ kahate hain. yah aisi pagadndi numa rasta hai, jisake ek or pahad v doosari or gahari khaee hai. yah rasta bhi kafi jokhim bhara hai. him nadi ko par karate hi mukhy gufa ke darshan hote hain. isi din gufa ke najadik pahunch kar padav dal rat bita sakate hain aur doosare din subah pooja archana kar pnchatarani lauta ja sakata hai. kuchh yatri sham tak sheshanag tak vapas pahunch jate hain. yah rasta kafi kathin hai, lekin amaranath ki pavitr gufa men pahunchate ki saphar ki sari thakan pal bhar men chhoo-mntar ho jati hai aur adbhut atmik annd ki anubhooti hoti hai.

samudr tal se lagabhag 13,000 phit ki oonchaee par sthit is gufa men pravesh karane par ham him / barf se bane shivaling ka darshan karate hain. isake alava, hamen barf ki bani do aur akriti dikhaee deti hai, jinhen parvati aur ganapati ka svaroop mana jata hai. gufa men boond-boond karake jal tapakata rahata hai. aisi manyata hai ki gufa ke oopar parvat par shri ram kund hai. isi ka jal gufa men tapakata rahata hai. kuchh vidvanh gufa men parvati ki moorti ko sakshat jagadamba ka svaroop manate hain aur is sthan ko shaktipith ke roop men manyata dete hain. pavitr gufa men vany kabootar bhi dikhaee dete hain, jinaki snkhya samay - samay par badalati rahati hai. safed kabootar ke jode ko dekhakar tirthayatri amaranath ki katha ko yad kar romanchit ho uthate hain.

balatal se amaranath

jammoo se balatal ki doori 400 kilomitar hai. yah marg thoda kathin hai, is raste men jokhim bhi zyada hain. is marg ki lnbaee 15 kilomitar hai. jammoo se udhamapur ke raste balatal ke lie jammoo kashmir paryatak svagat kendr ki basen asani se mil jati hai. balatal kainp se tirthayatri ek din men amaranath gufa ki yatra kar vapas kainp laut sakate hain. vapasi men balatal hokar shrinagar ki sundar vadiyon ka annd liya ja sakata hai. balatal se pavitr gufa tak helikaauptar dvara bhi pahuncha ja sakata hai. amaranath yatra ka marg chahe kathin aur jokhim bhara ho, lekin yah rasta prakritik drishyon se bharapoor hai. yah yatra karake nishchit roop se ham bhagavan shiv ki mahima se abhibhoot ho jate hain.

amritasar sthit amaranath gufa ka namoona

darshan ka samay

poornamasi samanyat bhagavan shiv se snbndhit nahin hai, lekin barf ke poori tarah vikasit shivaling ke darshanon ke karan shravan poornamasi (julaee - agast) ka amaranath yatra ke sath snbndh hai aur parvaton se gujarate hue gufa tak pahunchane ke lie is avadhi ke dauran mausam kafi had tak anukool rahata hai. isalie baba amaranath ke darshan ke lie tirthayatri amooman 'madhy joon, julaee aur agast ( ashadh poornima se shuroo hokar raksha bndhan tak poore savan mahine)' men ate hain. julaee-agast mah men maaunasoon ke agaman ke dauran poori kashmir vadi men har taraph hariyali hi hariyali hi dikhati hai. yah hariyali yahan ki prakritik sundarata men char chand lagati hai. yatra ke shuroo aur bnd hone ki ghoshana shri amaranath shrain bord karati hai. is yatra ke sath matr hinduon ki hi nahin balki muslim aur any dharm ki shraddhaluon ki bhi astha judi hai.

chhadi mubarak

rakshabndhan ke din pavitr amaranath dham men bhagavan shiv ka vidhivat poojan kashmir ke sadhu samaj ke pramukh aur gufa ke mukhy pujari karate hain. kuchh varsh pahale tak sadhuon ki toli ke sath yatra ki pratik chhadi mubarak ko shrinagar se bijabehara, pahalagam, chndanabadi, sheshanag, pnjatarani ke raste se amaranath laya jata tha. par ab chhadi mubarak ki yah yatra jammoo se shuroo hokar parnparagat marg se hote hue sidhe pahalagam tak hoti hai. is marg par am yatri rajy parivahan ki bason dvara ek din men jammoo se 270 kilomitar oopar nunavan kainp (pahalagam) men pahunch jate hain. usase age 16 kilomitar chndanavadi tak ka saphar taiksiyon aur sthaniy mini bason dvara hota hai. age chndanabadi se amaranath tak 32 kilomitar paidal jane aur utana hi paidal ane ka saphar char dinon men tay hota hai.

yatriyon ki suvidha ke lie jammoo - kashmir sarakar ka paryatan vibhag arakshan adi ki vyavastha bhi karata hai. ratri vishram ke lie taint, bistar, fon ityadi ki bhi achchhi vyavastha hain. is pavitr kshetr men tarah-tarah ki upayogi jadi bootiyan bahutayat men ugati hain.

mobail seva ka shubharnbh

bharat sarakar ne brihaspativar ko pavitr amaranath gufa par bharat snchar nigam limited (biesenel) ki mobail seva ka adhikarik taur par shubharnbh kiya. biesenel ne 13,500 phut oonchaee par sthit pavitr gufa par mobail seva shuroo karane ke lie balatal, nunavan, lakipora, betab ghati, sngam / pavitr gufa, pnjatarani, chndanavadi v chndanavadi bes kainp men kul 11 tavar lagae hain. isase varshik amaranath yatra par ane vale 4 lakh se adhik shraddhaluon ko labh hoga aur ve yatra ke dauran apane ghar par parivar ke sath lagatar snpark men rah sakenge.

prakritik shivaling, amaranath gufa



panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 amaranath yatra (hindi) (ech.ti.em.el) ghamasan. abhigaman tithi: 28 disnbar, 2010.
  2. amaranath yatra - ekata ki adbhut misal (hindi) (ech.ti.em.el) star nyuz aijensi. abhigaman tithi: 28 disnbar, 2010.
  3. pavitr amaranath mandir aur aur pauranik kahaniyan (hindi) (ech.ti.em.el) chintan. abhigaman tithi: 21 disnbar, 2010.
  4. kisane kie pahale darshan baba amaranath ke (hindi) (ech.ti.em.el) dainik bhaskar. abhigaman tithi: 21 disnbar, 2010.

snbndhit lekh


suvyavasthit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah