भृगु  हिन्दी देवनागरी में पढ़ें।

maharshi bhrigu

  • bhagavan vishnu ke hriday-desh men sthit maharshi bhrigu ka pad-chihn upasakon men sada ke liye shraddhaspad ho gaya.
  • pauranik katha hai ki ek bar muniyon ki ichchha yah janane ki huee ki brahma, vishnu tatha shiv- in tinon devon men sarvashreshth kaun hai? parntu aise mahanh devon ki pariksha ki samarthy kaun kare? usi muni mandali men maharshi bhrigu bhi vidyaman the. sabhi muniyon ki drishti maharshi bhrigu par jakar tik gayi, kyonki ve maharshi ke buddhibal, kaushal, asim samarthy tatha adhyatm-mantrgyan se suparichit the. ab to bhrigu tridevon ke parikshak ban gaye. sarvapratham bhrigu apane pita brahma ke pas gaye aur unhen pranam nahin kiya, maryada ka ullnghan dekhakar brahma rusht ho gaye. bhrigu ne dekha ki inamen krodh adi ka pravesh hai, at: ve vahan se laut aye aur mahadev ke pas ja pahunche, kintu vahan bhi maharshi bhrigu ko sntosh n hua. ab ve vishnu ke pas gaye. dekha ki bhagavan narayan sheshashayya par shayan kar rahe hain aur mata lakshmi unaki charan seva men nirat hain. ni:shnk bhav se bhagavan ke samip jakar mahamuni ne unake vaksh:sthal par tivr veg se lat mari, par yah kya? bhagavan jag pade aur muskarane lage. bhrigu ji ne dekha ki yah to krodh ka avasar tha, pariksha ke liye mainne aise darun karm kiya tha, lekin yahan to kuchh bhi asar nahin hai. bhagavan narayan ne prasanntapoorvak muni ko pranam kiya aur unake charan ko dhire-dhire apana madhur sparsh dete hue ve kahane lage- 'munivar! kahin apake pair men chot to nahin lagi? brahman devata apane mujh par badi kripa ki. aj apaka yah charan-chihn mere vaksh:sthal par sada ke liye ankit ho jayaga.' bhagavan vishnu ki aisi vishal sahridayata dekhakar bhrigu ji ne yah nishchay kiya ki devon ke dev devendr narayan hi hain.
  • ye maharshi bhrigu brahma ji ke nau manas putron men anyatam hain. ek prajapati bhi hain aur saptarshiyon men inaki ganana hai. suprasiddh maharshi chyavan inhin ke putr hain prajapati daksh ki kanya khyati devi ko maharshi bhrigu ne patni roop men svikar kiya, jinase inaki putr-pautr parampara ka vistar hua.
  • maharshi bhrigu ke vnshaj 'bhargav' kahalate hain. maharshi bhrigu tatha unake vnshadhar anek mantron ke drishta hain. rigved[1] men ullekh aya hai ki kavi ushana (shukrachary) bhargav kahalate hain. kavi ushana bhi vaidik mantradrashta rishi hain. rigved ke navam mandal ke 47 se 49 tatha 75 se 79 tak ke sookton ke rishi bhrigu putr ushana hi hai. isi prakar bhargav ven, somahuti, syoomarashmi, bhargav, arvi adi bhriguvnshi rishi anek mantron ke drashta rishi hain. rigved men poorvokt varnit maharshi bhrigu ki katha to prapt nahin hoti, kintu inaka tatha inake vnshadharon ka mantradrashta rishiyon ke roop men khyapan hua hai. yah sab maharshi bhrigu ki mahima ka hi vistar hai.
  • bhrigu vaidik granthon men bahucharchit ek prachin rishi hai. ve varun ke putr [2] kahalate hain tatha pitribodhak 'varuni' upadhi dharan karate hain.[3]
  • bahuvachan (bhrigav:) men bhriguon ko agni ka upasak bataya gaya hai. spashtat: yah prachin kal ke purohiton ka ek aisa samuday tha jo sabhi vastuon ko bhrigu nam se abhihit karate the. kuchh sandarbhon men inhen ek aitihasik parivar bataya gaya hai.[4] yah spasht nahin hai ki 'dasharagy yuddh' men bhrigu purohit the ya yoddha. paravarti sahity men bhrigu vastavik parivar hai jisake anek vibhajan hue hai. bhrigu log kee prakar ke yagyik avasaron par purohit hue hain, jaise agnisthapan tatha dashapey kratu ke avasar par. kee sthalon par ve angirason se sambandhit hain.

tika tippani aur sndarbh

  1. rigved(5.31.8
  2. shatapath brahman 11.6.1,1; taittiriy aranyak 9.1
  3. aitarey brahman 3.34
  4. ­rigved 7.18,6; 8.3.9,6,18


snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah