वसिष्ठ  हिन्दी देवनागरी में पढ़ें।

snkshipt parichay
vasishth
maharshi vasishth
janm vivaran maharshi vasishth ki utpatti ka varnan puranon men vibhinn roopon men prapt hota hai. kahin ye brahma ke manas putr, kahin mitravarun ke putr aur kahin agniputr kahe gaye hain.
vivah arundhati
rachanaen yogavasishth ramayan, vasishth dharmasootr, vasishth snhita, vasishth puran, dhanurved
snbndhit lekh kamadhenu, saptarshi
any janakari bhagavan shriram ke van gaman se lautane ke bad inhin ke dvara unaka rajyabhishek hua. guru vasishth ne shriram ke rajyakary men sahayog ke sath unase anek ygy karavaye.

vasishth vaidik kal ke vikhyat rishi the. vasishth ek saptarshi hain. unaki patni arundhati hai. vah yog-vasishth men ram ke guru aur raja dasharath ke rajakul guru bhi the. vasishth arthat aryon ki puratan ojasvi snskriti ke srashtaon men se ek apoorv srashta. 'vas' dhatu shreshthatv ka soochak hai. vasishth ka arth hai sabase prakashavan, sabase utkrisht, sabamen shreshth aur mahimavnt. adi vasishth ko brahma ka manas putr, prajapatiyon men ek kaha gaya hai. svaynbhoo manvntar men ve brahma ki pranavayu se utpann hue the. bad ke vaivasvat manvntar men brahma ke manas putr ke roop men agni ke madhy bhag se utpann hue. ygy ke ritvij pad ko lekar nimiraja ke sath shatrag hua, donon ne ek doosare ko shrap diya, parinamasvaroop donon ki atma sharir tyag kar brahmalok men gayi. vasishth ka tisara janm, mitravarun ne urvashi ko dekha aur unaka jo viryaskhalan hua, usase hua.

pauranik ullekh

ved, itihas, puranon men vasishth ke anaginat karyon ka ullekh kiya gaya hai. maharshi vasishth ki utpatti ka varnan puranon men vibhinn roopon men prapt hota hai. kahin ye brahma ke manas putr, kahin mitravarun ke putr aur kahin agniputr kahe gaye hain. inaki patni ka nam arundhati devi tha. jab inake pita brahma ji ne inhen mrityulok men jakar srishti ka vistar karane tatha sooryavnsh ka paurohity karm karane ki agya di, tab inhonne paurohity karm ko atyant nindit manakar use karane men apani asamarthata vyakt ki. brahma ji ne inase kaha- 'isi vnsh men age chalakar maryada purushottam bhagavan shriram avatar grahan karenge aur yah paurohity karm hi tumhari mukti ka marg prashast karega.' phir inhonne is dharadham par manav-sharir men ana svikar kiya.

ikshvaku vnsh ke purohit

nimi raja ke vivah ke bad vasishth ne soory vnsh ki doosari shakhaon ka purohit karm chhodakar keval ikshvaku vnsh ke rajaguru purohit ke roop men kary kiya. dasharath se putreshti ygy karaya jisase ram adi char putr hue. anek bar apatti ka prasng ane par tapobal se unhonne raja praja ki raksha ki. ram ko shastr shastr ki shiksha di. vasishth ke karan hi 'ramarajy' ki sthapana snbhav huee.

maharshi vasishth ne sooryavnsh ka paurohity karate hue anek lok-kalyanakari karyon ko sampann kiya. inhin ke upadesh ke bal par bhagirath ne prayatn karake gnga-jaisi lok kalyanakarini nadi ko ham logon ke liye sulabh karaya. dilip ko nandini ki seva ki shiksha dekar raghu-jaise putr pradan karane vale tatha maharaj dasharath ki nirasha men asha ka snchar karane vale maharshi vasishth hi the. inhin ki sammati se maharaj dasharath ne putreshti-ygy sampann kiya aur bhagavan shri ram ka avatar hua. bhagavan shri ram ko shishy roop men prapt kar maharshi vasishth ka purohit-jivan saphal ho gaya. bhagavan shri ram ke van gaman se lautane ke bad inhin ke dvara unaka rajyabhishek hua. guru vasishth ne shri ram ke rajyakary men sahayog ke sath unase anek ygy karavaye.

vasishth aur vishvamitr

maharshi vasishth kshama ki pratipoorti the. ek bar shri vishvamitr unake atithi hue. maharshi vasishth ne kamadhenu ke sahayog se unaka rajochit satkar kiya. kamadhenu ki alaukik kshamata ko dekhakar vishvamitr ke man men lobh utpann ho gaya. unhonne is gau ko vasishth se lene ki ichchha prakat ki. kamadhenu vasishth ji ke liye avashyak avashyakataon ki poorti hetu mahattvapoorn sadhan thi, at: inhonne use dene men asamarthata vyakt ki. vishvamitr ne kamadhenu ko balapoorvak le jana chaha. vasishth ji ke snket par kamadhenu ne apar sena ki srishti kar di. vishvamitr ko apani sena ke sath bhag jane par vivash hona pada. dvesh-bhavana se prerit hokar vishvamitr ne bhagavan shnkar ki tapasya ki aur unase divyastr prapt karake unhonne maharshi vasishth par pun: akraman kar diya, kintu maharshi vasishth ke brahmadand ke samane unake sare divyastr viphal ho gaye aur unhen kshatriy bal ko dhikkar kar brahmanatv labhi ke liye tapasya hetu van jana pada.

vishvamitr ki apoorv tapasya se sabhi log chamatkrit ho gaye. sab logon ne unhen brahmarshi man liya, kintu maharshi vasishth ke brahmarshi kahe bina ve brahmarshi nahin kahala sakate the. vasishth vishvamitr ke bich ke sngharsh ki kathaen suvidit hain. vasishth kshatriy raja vishvamitr ko 'rajarshi' kah kar sambodhit karate the. vishvamitr ki ichchha thi ki vasishth unhen 'maharshi' kahakar sambodhit karen. ek bar rat men chhip kar vishvamitr vasishth ko marane ke lie aye. ekant men vasishth aur arundhati ke bich ho rahi bat unhonne suni. vasishth kah rahe the, 'aha, aisa poornima ke chandrama saman nirmal tap to kathor tapasvi vishvamitr ke atirikt bhala kis ka ho sakata hai? unake jaisa is samay doosara koee tapasvi nahin.' ekant men shatru ki prashnsa karane vale mahapurush ke prati dvesh rakhane ke karan vishvamitr ko pashchatap hua. shastr hath se phenk kar ve vasishth ke charanon men gir pade. vasishth ne vishvamitr ko hriday se laga kar 'maharshi' kahakar unaka svagat kiya. is prakar donon ke bich shatruta ka ant hua.

vyaktitv

vasishth maha tejasvi, trikaladarshi, poorngyani, mahatapasvi, shastr shastr ke gyata aur yogi the. brahmashakti ke moortiman svaroop the, mntr ygy vidya ke ve janakar the. logon ki vritti badalavakar rashtron ka nav nirman karane vale the. unaki kary shakti alaukik thi.

vasishth ke grnth

  • rigved ke sataven mndal ke drishta vasishth hain. is mndal men 104 sookton men 841richaen hain. unhonne agni, indr, usha, varun, marut, savita, sarasvati adi aryon ke poojy devi devataon ki stuti madhur evn ojasvi vani men ki hai.
  • yogavasishth maharamayan - ram vasishth ke snvad ke roop men is grnth ke chh: prakaran hain. vairagy, mumukshutv, utpatti, sthiti, upasham aur nirvan. kul milakar is grnth men 32 hazar shlok hain. advait vedant ke grnthon men is grnth ka vishisht sthan hai. grnth men kaha hai - manavata poorvak jivan jie, vahi sachcha manav hai.
  • vasishth dharmasootr ( vasishth smriti) - is grnth men 30 adhyay hain. varn ashram ke dharm, snskar, striyon snatakon ke dharm, sadachar, rajadharm, vaidik sahity ki mahima, prayashchit, dan ka puny adi vishayon ka isamen samavesh hai. mahattvapoorn vaky : dharm se raho, adharm se nahin; saty bolo, asaty nahi; drishti dirgh rakho, snkirn nahin aur ' pashyati naparam parn'. isamen karm ka mahattv aur acharan ka adarsh prastut kiya hai.
  • vasishth snhita- yah shakt grnth hai. shanti, jay, hom, bali, dan adi vishayon ke uparant is grnth men jyotish ke vishayon par vichar kiya gaya hai. grnth men 45 adhyay hain.
  • vasishth rachit dhanurved ka ek grnth kuchh pahale prapt hua hai.
  • vasishth puran, vasishth shraddhakalp, vasishth shiksha, vasishth hom vidhi, vasishth tntr adi any grnthon men unake pahale ke vyakaranakaron ke namon men vasishth ka nam bhi hai.
  • vasishth ne hindoo dharm ka suyash vistrit kiya, sanskritik parampara nirman ki, saptarshi men sthan prapt karane vale is adarsh 'brahmarshi' ki bharatiy snskriti sadaiv rini rahegi.

itihas-puranon men maharshi vasishth ke charitr ka vistrit varnan milata hai. ye aj bhi saptarshiyon men rahakar jagat ka kalyan karate rahate hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bharatiy snskriti ke sarjak, pej n. (23)

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah