बालि  हिन्दी देवनागरी में पढ़ें।

snkshipt parichay
bali
Bali-Ramayana.jpg
pita vanarashreshth 'riksh'
dharm pita devaraj indr ko bhi bali ka pita bataya gaya hai.[1]
samay-kal ramayan kal
parijan sugriv, tara, angad
vivah tara
sntan angad
vidya parngat gada yuddh, mall yuddh
shasan-rajy kishkindha
sndarbh grnth ramayan
any vivaran bali ka vivah samudr mnthan ke samay nikali sundar apsaraon men se ek tara se hua tha.
mrityu bhagavan vishnu ke avatar shriram ke dvara bali ka vadh hua.
yashakirti dundubhi, mayavi adi ka vadh aur lnka ke raja ravan ko parajit kiya.
apakirti apane bhaee sugriv ki patni ko rakhana.
snbndhit lekh ram, ramayan, sugriv

bali 'ramayan' ke prasiddh patron men se ek hai. vah kishkindha ka raja aur bhagavan shriram ke mitr sugriv ka bada bhaee tha. lnka ke raja ravan ke darabar men apane kaushal tatha shakti se sabhi rakshason ko bhayabhit kar dene vala angad bali ka hi putr tha. bali ne apane bhaee sugriv ko rajy se nirvasit kar diya tha aur usaki patni rooma ko apane pas rakh liya. ram se mitrata hone aur unake adesh par sugriv ne bali se yuddh kiya. bhagavan vishnu ke avatar shriram ne bali ka vadh kiya aur sugriv ki patni ko mukt karaya. bali ke bad ram ne sugriv ko kishkindha ka raja bana diya.

parichay

bali aur sugriv ko vanarashreshth riksh raja ka putr kaha jata hai. sugriv ko indr ka putr bhi kaha gaya hai.[2] bali sugriv ka bada bhaee tha. vah pita aur bhaee ka atyadhik priy tha. pita ki mrityu ke bad bali ne rajy sambhal liya tha.

vivah

bali ka vivah vanar vaidyaraj sushen ki putri tara ke sath sampann hua tha. ek katha ke anusar samudr mnthan ke dauran chaudah maniyon men se ek apsaraen bhi thin. unhin apsaraon men se ek tara thi. bali aur sushen donon samudr manthan men devatagan ki madad kar rahe the. jab unhonne tara ko dekha to donon men use patni banane ki hod lagi. bali tara ke dahini taraf tatha sushen usake bayin taraf khade ho gaye. tab vishnu ne faisala sunaya ki vivah ke samay kanya ke dahini taraf usaka hone vala pati tatha bayin taraf kanyadan karane vala pita hota hai. atah bali tara ka pati tatha sushen usaka pita ghoshit kiye gaye.

balashali

prithvi tal ke samast vir yoddhaon ko parast karata hua lnka ka raja ravan bali se yuddh karane ke lie aya tha. us samay bali sandhya ke lie gaya hua tha. vah pratidin samast samudron ke tat par jakar sandhya karata tha. bali ke mantri tar ke bahut samajhane par bhi ravan bali se yuddh karane ki ichchha se grast raha. vah sandhya men lin bali ke pas jakar apane pushpak viman se utara tatha pichhe se jakar bali ko pakadane ki ichchha se dhire-dhire age badha. bali ne use dekh liya tha, kintu usane aisa nahin jataya tatha sandhya karata raha. ravan ki padachap se jab usane jan liya ki vah nikat hai to turnt usane ravan ko pakadakar bagal men daba liya aur akash men udane laga. bari-bari men usane sab samudron ke kinare sandhya ki. rakshason ne bhi usaka pichha kiya. ravan ne sthan-sthan par bali ko nocha aur kata, kintu bali ne use nahin chhoda. sandhya samapt karake kishkindha ke upavan men usane ravan ko chhoda tatha usake ane ka prayojan poochha. ravan bahut thak gaya tha, kintu use uthane vala bali tanik bhi shithil nahin tha. usase prabhavit hokar ravan ne agni ko sakshi banakar usase mitrata ki.[3]

mayavi ka vadh

stri ke karan hi bali ka dundubhi ke putr mayavi se bair ho gaya. ek bar ardharatri men kishkindha ke dvar par akar mayavi ne bali ko yuddh ke lie lalakara. bali tatha sugriv usase ladane ke lie gaye. donon ko ata dekhakar mayavi van ki or bhaga tatha ek bil men chhip gaya. bali sugriv ko bil ke pas khada karake svayn bil men ghus gaya. sugriv ne ek varsh tak bali ke bahar ane ki pratiksha ki. taduparant bil se ati huee rakt ki dhara dekhakar vah bhaee ko mara janakar bil ko parvat shikhar se dhakakar apane nagar men laut aya. mantriyon ke agrah par usane rajy snbhal liya. udhar bali ne mayavi ko ek varsh men dhoondh nikala. usane kutunb sahit mayavi ka vadh kiya, aur jab vah laut kar aya to bil par rakhe parvat shikhar ko dekhakar usane sugriv ko avaz di, kintu use koee uttar nahin mila. bali kisi prakar jaise-taise shikhar ko hatakar apani nagari men pahuncha. vahan usane apane bhaee sugriv ko rajy karate dekha. use nishchay ho gaya ki sugriv rajy ke lobh se use bil men bnd kar aya tha. at: usane sugriv ko rajy se nirvasit kar diya tatha usaki patni rooma ko apane pas rakh liya.[4]

sugriv se yuddh

sita haran ke pashchath ram se mitrata hone par bhi sugriv ko ram ki shakti par itana vishvas nahin tha ki vah shaktishali vanararaj bali ko mar sakenge. at: ram ne sugriv ke kahane par apane bal ki pariksha di. ek ban se ram ne ek sath hi sat sal vrikshon ko bhed diya tatha apane panv ke angoothe ki ek thokar se dundubhi ke sookhe knkal ko das yojan door phenk dikhaya. sugriv bahut prasann hua. ram ne sugriv ko bali-vadh ka ashvasan diya aur sab kishkindha ki or chal diye. ram hath men dhanush liye age-age chal rahe the. kishkindha men pahunch kar ram ek saghan kunj men thahar gaye aur sugriv ko bali se yuddh karane ke liye bheja aur kaha- "tum nirbhay ho kar yuddh karo." ram ke vachanon se utsahit hokar sugriv ne bali ko yuddh karane ke liye lalakara. sugriv ki is lalakar ko sun kar bali ke krodh ki sima n rahi. vah krodh men bhar kar bahar aya aur sugriv par toot pada. unmatt huye donon bhaee ek doosare par ghoonson aur laton se prahar karane lage. shri ramachanadr ji ne bali ko marane ki liye apana dhanush snbhala, parantu donon ka akar evn akriti ek saman hone ke karan ve sugriv aur bali men bhed n kar sake. isaliye ban chhodane men snkoch karane lage. udhar bali ki mar n sah sakane ke karan sugriv rishyamook parvat ki or bhaga. ram, lakshman any vanaron ke sath sugriv ke pas pahunche. ram ko sammukh pakar usane ulahana dete huye kaha- "mall yuddh ke liye bhej kar ap khade-khade mere pitane ka tamasha dekhate rahe. kya yahi apaki pratigya thi? yadi apako meri sahayata nahin karani thi to mujhase pahale hi spasht kah dena chahiye tha. apake bharose aj main mrityu ke munh men phns gaya tha. yadi main vahan se bhag n gaya hota to bali mujhe mar hi dalata."[5]

sugriv ki lalakar

sugriv ke kruddh shabd sun kar ramachandr ne badi namrata se kaha- "sugriv! krodh chhod kar pahale tum meri bat suno. tum donon bhaiyon ka rng-roop, akar, gati aur akritiyan is prakar ki thin ki main tum donon men antar nahin kar saka. isiliye mainne ban nahin chhoda. sambhav tha ki vah ban usake sthan par tumhen lag jata aur phir main jivan bhar kisi ko mukh dikhane layaq nahin rahata. is bar main tumhare oopar koee chihn laga doonga." ram lakshman se bole- "he vir! us pushpayukt lata ko tod kar sugriv ke gale men bandh do, jisase inhen pahachanane men mujhase koee bhool n ho." lakshman ne aisa hi kiya aur sugriv ek bar phir se bali se yuddh karane chala. is bar sugriv ne doone utsah se garjana karate huye bali ko lalakara, jise sun kar vah andhi ke veg se bahar ki or dauda.

tara ka bali se anurodh

sugriv ki lalakar ko sunakar bali ki patni tara ne bali ko rokate huye kaha- "he virashreshth! abhi ap bahar mat jaiye. sugriv ek bar mar kha kar bhag jane ke pashchath phir yuddh karane ke liye lauta hai. isase mere man men snshay ho raha hai. aisa pratit hota hai ki vah kisi ke bal par apako lalakar raha hai. aj hi mujhe angad ne bataya tha ki ayodhya ke ajey rajakumaron ram aur lakshman ke sath usaki maitri ho gee hai. sambhav hai ve hi usaki sahayata kar rahe hon. ram ke parakram ke vishay men to mainne bhi suna hai. ve shatruon ko dekhate-dekhate dharashayi kar dete hain. yadi ve svayn sugriv ki sahayata kar rahe hain to unase lad kar apaka jivit rahana kathin hai. isaliye uchit hai ki is avasar par ap bair chhod kar sugriv se mitrata kar lijiye. use yuvaraj pad de dijiye. vah apaka chhota bhee hai aur is snsar men bhaee ke saman hit koee doosara nahin hota. usase is samay maitri karane men hi apaka kalyan hai."[5]

shriram dvara vadh

bali par ban chhodate shriram

tara ke is prakar samajhane se chidh kar bali ne use jhidak kar kaha- "yah anargal pralap band karo. stri jati svabhav se hi kayar hoti hai. main sugriv ki lalakar ko sun kar kayaron ki bhanti ghar men chhip kar nahin baith sakata aur n lalakarane vale se bhayabhit hokar usake sammukh maitri ka hath hi badha sakata hoon. ramachandr ji ko main janata hoon. ve dharmatma hain. mera unase koee bair bhi nahin hai, phir ve mujh par akraman hi kyon karenge? aj main avashy sugriv ka vadh karoonga." yah kah kar bali sugriv ke pas pahunch kar usase yuddh karane laga. donon ek doosare par ghoonson aur laton se prahar karane lage. jab ram ne dekha ki sugriv durbal padata ja raha hai, tabhi unhonne ek vishaile ban ko dhanush par chadha kar bali ko lakshy karake chhod diya. ban kadakata hua bali ke vaksh men jakar laga jisase vah besudh ho kar prithvi par gir pada. bali ko prithvi par girate dekh ram aur lakshman usake pas ja kar khade ho gaye. jab bali ki chetana lauti aur usane donon bhaiyon ko apane sammukh khade dekha to vah namrata ke sath kathor shabdon men bola- "he raghav! apane chhipakar jo mujh par akraman kiya, usamen kaun-si virata thi? yadyapi tara ne sugriv ki aur apaki maitri ke vishay men mujhe bataya tha, parantu mainne apaki virata, shaury, parakram, dharmaparayanata, nyayashilata adi gunon ko dhyan men rakhate huye usaki bat nahin mani aur kaha tha ki nyayashil ram kabhi anyay nahin karenge. mera to apake sath koee bair bhi nahin tha. phir apane yah kshatriyon ko lajane vala kary kyon kiya? ap naresh hain. raja ke gun sam, dam, dand, bhed, dan, kshama, saty, dhairy aur vikram hote hain. koee raja kisi niraparadh ko dand nahin deta. phir apane mera vadh kyon kiya hai? jisane apaki stri ka haran kiya, usase apane kuchh nahin kaha, kintu mujh asavadhan par chhip kar var kiya. yadi mujhase yuddh karana hi tha to samane akar mujhase yuddh karate. apake is vyavahar se main atyant duahkhi hoon."

bali aur sugriv

ram ka kathan

bali ke in kathor vachanon ko sun kar ram ne usase kaha- "he bali! mainne tumhara vadh akaran ya vyaktigat bairabhav ke karan se nahin kiya hai. sambhavatah tum yah nahin janate ki yah sampoorn bhoomi ikshvakuon ki hai. ve hi isake ekamatr svami hain aur isiliye unhen samast papiyon ko dand dene ka adhikar hai. ikshvaku kul ke dharmatma naresh bharat is samay sare desh par shasan kar rahe hain. unaki agya se ham sare desh ka bhraman karate huye sadhuon ki raksha tatha dushton ka daman kar rahe hain. tum kamavash kumargagami ho gaye the. dharm-shastr ke anusar chhota bhaee, putr aur shishy tinon putr ke saman hote hain. tumane is dharmamarg ko chhod kar apane chhote bhaee ki stri ka haran kiya, jo dharmanusar tumhari putravadhoo huee. yah ek mahapap hai. tumhen isi mahapap ka dand diya gaya hai. aisa karana mera kartavy tha. apani bahan aur anuj vadhoo ko bhogane vala vyakti mar dalane yogy hota hai. is prakar mainne tumhen tumhare pichhale papon ka dand de kar age ke liye tumhen nishpap kar diya hai. ab tum nishpap hokar svarg jaoge. main tumhen is vishay men ek ghatana sunata hoon. "mere poorv purushon men mandhata namak ek raja the. ek shraman ne isi prakar ka dushkarm kiya tha jaisa tumane kiya hai. raja ne use bhi kathor dand diya tha. atev tumhara pashchatap karana hi vyarth hai. mainne desh ke raja ki agya ka palan kiya hai. main bhi svatantr nahin hoon. isiliye main tumhen dand dene ke liye badhy tha."[5]

ram ka tark sun bali ne hath jodakar kaha- "he raghav! apaka kathan saty hai. mujhe apani mrityu par duahkh nahin hai. mujhe keval apane putr angad ki kishoravastha par chinta hai. vah meri ekamatr santan hai. bali ne sugriv aur ram se yah vada lekar ki vah tara tatha angad ka dhyan rakhenge, sukhapoorvak deh ka tyag kiya.[6]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. valmiki ramayan, kishkindha kand, sarg 57
  2. valmiki ramayan, kishkindha kand, sarg 57
  3. valmiki ramayan, uttar kand, sarg 34
  4. valmiki ramayan, kishkindha kand, sarg 9,10
  5. 5.0 5.1 5.2 bali vadh (hindi). . abhigaman tithi: 3 mee, 2013.
  6. valmiki ramayan, kishkindha kand,sarg 11 se 18

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah