किष्किन्धा  हिन्दी देवनागरी में पढ़ें।

kishkindha hosapet steshan se dhaee mil doori par aur bilari se 60 mil uttar ki or ramayan men prasiddh, vanaron ki rajadhani thi. hospet steshan se do mil ki doori par anjani (hanuman ki mata) ke nam se ek parvat hai aur isake kuchh hi doori par rishyamook sthit hai, jise gherakar tungabhadra nadi bahati hai. nadi ke doosari or hnpi 16vin shati ee. ke aishvaryashali nagar vijayanagar ke vistrit khndahar sthit hain.

itihas

ramayan kal men 'kishkindha' vanar raj bali ka rajy tha. kishkindha snbhavat: 'rishyamook' ki bhanti hi parvat tha. bali ne apane bhaee sugriv ko kishkindha se mar kar bhaga diya tha aur vah rishyamook parvat par hanuman adi ke sath rahane laga tha. rishyamook par bali shrap ke karan nahin ja sakata tha.

valmiki ramayan men yah katha kishkindha kand men varnit hai. ramayan ke anusar kishkindha men bali aur taduparant sugriv ne rajy kiya tha. shri ramachandr ji ne bali ko marakar sugriv ka abhishek lakshman dvara isi nagari men karavaya tha. taduparant malyavan tatha prastravanagiri par jo kishkindha men viroopaksh ke mandir se char mil door hai, unhonne pratham varsharitu bitaee thi-[1] [2] malyavanh-parvat ke hi ek bhag ka nam pravarshan (ya prasravan) giri hai. isi sthan par shriram ne varsha ke char mas vyatit kie the- [3] pas hi sphatik shila hai, jahan par anek mandir hain.

rishyamook parvat tatha tungabhadra ke ghere ko chakratirth kahate hain. mandir ke pas hi soory, sugriv adi ki moortiyan hain. viroopaksh mandir se prayah do mil par tungabhadra nadi ke vamatat par ek gram anegundo hai, jisaka abhigyan kishkindha nagari men kiya gaya hai. par param aishvaryashali nagari ka varnan valmiki ramayan men paryapt vistar se hai. isaka ek ansh is prakar se hai- lakshman ne us vishal guha ko dekha jo ki ratnon se bhari thi aur alaukik dikh padati thi, aur usake vanon men khoob phool khile hue the, harmy prasadon se saghan, vividh ratnon se shobhit aur sadabahar vrikshon se vah nagari sampann thi. divyamala aur vastr dharan karane vale sundar devataon, gandharv putron aur ichchhanusar roop dharan karane vale vanaron se vah nagari badi bhali dikh padati thi. chandan, agaru aur kamal ki gandh se vah guha suvasit thi. mairey aur madhu se vahan ki chaudi sadaken sugandhit thin. is varnan se yah spasht hai ki kishkindha parvat ki ek vishal guha ya dari ke bhitar basi huee thi, jisase ki yah poornaroop se surakshit thi.[4]

is nagari men suraksharth yntr adi bhi lage the.[5]

pnpasar tal

kishkindha se prayah ek mil pashchim men pnpasar namak tal hai, jisake tat par ram aur lakshman kuchh samay ke lie thahare the. pas hi sthit surovan namak sthan ko shabari ka ashram mana jata hai. mahabharat sabha parv men bhi kishkindha ka ullekh hai- yahan par bhi kishkindha ko parvat-guha kaha gaya hai aur vahan vanararaj maind aur dvivid ka nivas bataya gaya hai.[6] rishyamook ka shrimadabhagavath men bhi ullekh hai- 'suhyo devagiri-rhrishyamookah shri shailo venkato mahendro varidharo vindhyah'[7]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  • aitihasik sthanavali se pej snkhya 190-192 | vijayendr kumar mathur | vaigyanik tatha takaniki shabdavali ayog | manav snsadhan vikas mntralay, bharat sarakar
  1. 'tatha s balinn hatva sugrivamabhishachy ch vasanh malyavatah prishthe ramo lakshmanabravith', valmiki. kishkindha parv 27,1.
  2. 'etadh giremalyivatah purastadavirbhavatyambar lekhishrringamh, navn payo yatr ghanairmaya ch tvaddhiprayogashru samn visrishtamh', raghuvnsh 13,26.
  3. 'abhishikte tu sugrive pravishte vanare guhamh, ajagam sahabhratra ramah prasravarn girimh, valmiki. kishkindha parv 27,1.
  4. 's tan ratnamayin divyan shrimanh pushpitakananan, ramyan ratn-samakirna dadarsh mahatin guhamh.
    harmyaprasadasnbadhan nanaratnopashobhitamh, sarvakamaphalairvrikshaiah pushpishai rupashobhitamh.
    devagndharvaputrashch vanaraiah kamaroopibhiah, divyamalyambaradharaiah shobhitan priyadarshanaiah.
    chandanagarupadyanan gnghaiah surabhigndhitan, maireyanan madhoonan ch sammoditamahapathan.
    vindhyameru giriprakhyaiah prasadairnaikabhoomibhiah, dadarsh girinadyashch vimalastatr raghavah' kishkindha parv 33,4-8
  5. kishkindha parv 14,6 ke anusar ('praptasmadhvajayntradhyan kishkindhanvalinah purimh'
  6. 'tn jitvas mahabahuah prayayau dakshinapathamh, guhamasadayamas kishkindha lokavishrutamh'. mahabharat sabha parv 21,17
  7. shrimadabhagavath 5,19,16
 

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah