शबरी  हिन्दी देवनागरी में पढ़ें।

shabari

shabari ka ullekh ramayan men bhagavan shri ram ke van-gaman ke samay milata hai. shabari ko shri ram ke pramukh bhakton men gina jata hai. apani vriddhavastha men shabari hamesha shri ram ke ane ki pratiksha karati rahati thi. ram usaki kutiya men ayenge, isi bat ko dhyan men rakhate hue vah apani kutiya ko sadaiv saph-suthara rakha karati thi. 'prabhu ayenge', ye vani sada hi usake kanon men goonja karati thi. sita ki khoj karate hue jab ram aur lakshman shabari ki kutiya men aye, tab shabari ne ber khilakar unaka adar-satkar kiya. yah sochakar ki ber khatte aur kadave to nahin hain, isilie pahale vah svayn ber chakhakar dekhati aur phir ram aur lakshman ko khane ko deti. shabari ki is sachchi bhakti, nishta aur sahridayata se ram ne use svarg prapti ka varadan diya. svayn ko yogagni men bhasm karake shabari sada ke liye shri ram ke charanon men lin ho gayi.

palayan

shabari ka vastavik nam 'shramana' tha aur vah bhil samuday ki 'shabari' jati se snbndh rakhati thi. shabari ke pita bhilon ke raja the. shabari jab vivah ke yogy huee to usake pita ne ek doosare bhil kumar se usaka vivah pakka kiya. vivah ke din nikat aye. saikadon bakare-bhainse balidan ke liye ikatthe kiye gaye. is par shabari ne apane pita se poochha- 'ye sab janavar kyon ikatthe kiye gaye hain?' pita ne kaha- 'tumhare vivah ke upalaksh men in sab ki bali di jayegi.' yah sunakar balika shabari ka sir chakarane laga ki yah kis prakar ka vivah hai, jisamen itane praniyon ka vadh hoga. isase to vivah n karana hi achchha hai. aisa sochakar vah ratri men uthakar jngal men bhag gee.[1]

matng ka ashray

dndakarany men hazaron rishi-muni tapasya kiya karate the. shabari hin jati ki aur ashikshit balika thi. usamen snsar ki drishti men bhajan karane yogy koee gun nahin tha, kintu usake hriday men prabhu ke liye sachchi chah thi, jisake hone se sabhi gun svat: hi a jate hain. vah ratri men jaldi uthakar, jidhar se rishi nikalate, us raste ko nadi tak saf karati. knkarili zamin men baloo bichha ati. jngal men jakar lakadi katakar dal ati. in sab kamon ko vah itani tatparata se chhipakar karati ki koee rishi dekh n le. yah kary vah kee varshon tak karati rahi. ant men matng rishi ne us par kripa ki. maharshi matng ne samajik bahishkar svikar kiya, kintu sharanagata shabari ka tyag nahin kiya. maharshi ka ant nikat tha. unake viyog ki kalpana matr se hi shabari vyakul ho gayi. maharshi ne use nikat bulakar samajhaya- 'beti! dhairy se kasht sahan karati huee sadhana men lagi rahanan. prabhu ram ek din teri kutiya men avashy ayenge. prabhu ki drishti men koee din-hin aur asprishy nahin hai. ve to bhav ke bhookhe hain aur antar ki priti par rijhate hain.' shabari ka man apratyashit anand se bhar gaya aur maharshi ki jivan-lila samapt ho gayi.

ram ka satkar

shabari ab vriddha ho gayi thi. 'prabhu ayenge' gurudev ki yah vani usake kanon men goonjati rahati thi aur isi vishvas par vah karmakandi rishiyon ke anachar shanti se sahati huee apani sadhana men lagi rahi. vah nity bhagavan ke darshan ki lalasa se apani kutiya ko saf karati, unake bhog ke liye phal lakar rakhati. akhir shabari ki pratiksha poori huee. abhi vah bhagavan ke bhog ke liye mithe-mithe phalon ka chakhakar aur unhen dhokar donon men saza hi rahi thi ki achanak ek vriddh ne use soochana di- 'shabari! tere ram bhrata sahit a rahe hain.' vriddh ke shabdon ne shabari men navin chetana ka snchar kar diya. vah bina lakut liye hadabadi men bhagi. shri ram ko dekhate hi vah nihal ho gayi aur unake charanon men lot gayi. deh ki sudh bhoolakar vah shri ram ke charanon ko apane ashrujal se dhone lagi. kisi tarah bhagavan shri ram ne use uthaya. ab vah age-age unhen marg dikhati apani kutiya ki or chalane lagi. kutiya men pahunchakar usane bhagavan ka charan dhokar unhen asan par bithaya. phalon ke done unake samane rakhakar vah snehasikt vani men boli- 'prabhu! main apako apane hathon se phal khilaoongi. khaoge n bhilani ke hath ke phal? vaise to nari jati hi adham hai aur main to antyaj, moodh aur gnvar hoon.' kahate-kahate shabari ki vani rook gayi aur usake netron se ashrujal chhalak pade.

moksh prapti

shri ram ne kaha-'boodhi man! main to ek bhakti ka hi nata manata hoon. jati-pati, kul, dharm sab mere samane gaun hain. mujhe bhookh lag rahi hai, jaldi se mujhe phal khilakar tript kar do.' shabari bhagavan ko phal khilati jati thi aur ve bar-bar mangakar khate jate the. maharshi matng ki vani aj saty ho gayi aur poorn ho gayi shabari ki sadhana. usane bhagavan ko sita ki khoj ke liye sugriv se mitrata karane ki salah di aur svayn ko yogagni men bhasm karake sada ke liye shri ram ke charanon men lin ho gee aur moksh ko prapt kiya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. mata shabari (hindi) (ech.ti.em.el.). . abhigaman tithi: 11 aprail, 2012.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah