वसु (निषाद)  हिन्दी देवनागरी में पढ़ें।

Disamb2.jpg vasu ek bahuvikalpi shabd hai any arthon ke lie dekhen:- vasu (bahuvikalpi)

vasu namak ek nishad ka ullekh puranon men milata hai, jo shyamakavan (sanva ke jngal) ki raksha karata tha. vah sanva ke chavalon ka bhat banakar, usamen madhu milakar shridevi tatha bhoodevi sahit vishnu ko bhog lagata tha aur prasad pata tha. chitravati nam ki patni se isaka 'vir' namak putr tha, jisake karan nishad vasu ko bhagavan vishnu ka darshan hua tha.[1][2]

bhagavan ka bhakt

poorv kal men venkatachal (dakshin bharat) par ek nishad rahata tha. usaka nam tha- 'vasu'. vah bhagavan ka bada bhakt tha. pratidin svamipushkarini men snan karake shrinivas ki pooja karata aur shyamak (savan) ke bhat men madhu milakar vahi bhoodeviyon sahit unhen bhog ke liye nivedan karata tha. bhagavan ke us prasad ko hi vah patni ke sath svayn pata tha. yahi usaka nity ka niyam tha. bhagavan shrinivas use pratyaksh darshan dete aur usase vartalap karate the. usake aur bhagavan ke bich men yogamaya ka parda nahin rah gaya tha. us parvat ke ek bhag men savan ka jngal tha. vasu usaki sada rakhavali kiya karata tha, isaliye ki usi ka chaval usake pranadhar prabhu ke bhog men kam ata tha. vasu ki patni ka nam 'chitravati' tha. vah badi pativrata thi. donon bhagavan ki aradhana men snlagn rahakar unake sannidhy ka divy sukh loot rahe the.[3]

putr ki prapti

kuchh kal ke bad chitravati ke garbh se ek sundar balak utpann hua. vasu ne usaka nam 'vir' rakha. vir yathanam-tathagunah tha. usake man par shaishav kal se hi mata-pita ke bhagavachchintan ka gahara prabhav padane laga. jab vah kuchh bada hua, tab pratyek kary men pita ka hath bntane laga. usake antahkaran men bhagavan ke prati anany bhakti ka bhav bhi jag chuka tha.

madhu ki khoj

bhagavan bhakton ke sath bhanti-bhanti ke khel khelate aur unake prem evn nishtha ki pariksha bhi lete hain. ek din vasu ko gyat hua ki ghar men madhu nahin hain. bhagavan ke bhog ke liye bhat ban chuka tha. vasu ne socha- "madhu ke bina mere prabhu achchhi tarah bhojan nahin kar sakenge." atah vah vir ko savan ke jngal aur ghar ki rakhavali ka kam saunp kar patni ke sath madhu ki khoj men chal diya. bahut vilamb ke bad door ke jngal men madhu ka chhatta dikhayi diya. vasu bada prasann hua. usane yukti se madhu nikala aur ghar ki aur prasthan kiya. idhar nishad kumar vir ne yah sochakar ki- "bhagavan ke bhog men vilamb ho raha hai", taiyar kiye hue bhat ko ek patr men nikala. usamen se kuchh agni men dal diya aur shesh sab bhat vriksh ki jad men sthapit karake bhagavan ka avahan kiya. bhagavan ne pratyaksh prakat hokar usaka diya hua bhog svikar kiya. tatpashchath prabhu ka prasad pakar balak vir mata-pita ke ane ki bat dekhane laga.[3]

vasu ka krodh

vasu apani patni ke sath jab ghar pahuncha, tab dekhata hai ki vir ne bhat men se kuchh ansh nikalakar kha liya hai. isase use bada duahkh hua. "prabhu ke liye jo bhog taiyar kiya gaya tha, use is nadan balak ne uchchhisht kar diya! yah isaka akshabhy aparadh hai." yah sochakar vasu kupit ho utha. usane talavar khinch li aur vir ka mastak katane ke liye hath ooncha kiya.

bhagavan ka prakaty

itane men hi kisi ne pichhe se akar vasu ka hath pakad liya. vasu ne pichhe vriksh ki or ghoomakar dekha to bhakt vatsal bhagavan svayn usaka hath pakade khade the. unaka adha ang vriksh ke sahare tika hua tha. hathon men shnkh, chakr aur gada sushobhit thi. mastak par kirit, kanon men makarakriti kundal, adharon par mand-mand muskan aur gale men kaustubh mani ki chhata chha rahi thi. charon or divy prakash-sa umad pada tha. vasu talavar phenk kar bhagavan ke charanon men gir pada aur bola- "devadeveshvar! ap kyon mujhe rok rahe hain? vir ne akshamy aparadh kiya hai." bhagavan apani madhur vani se kanon men amrit udelate hue bole- "vasu! tum utavali n karo. tumhara putr mera anany bhakt hai. yah mujhe tumase bhi adhik priy hai. isiliye mainne ise pratyaksh darshan diya hai. isaki drishti men main sarvatr hoon, kintu tumhari drishti men keval svamipushkarani ke tat par hi mera nivas hain." bhagavan ka yah vachan sunakar vasu bada prasann hua. vir aur chitravati bhi prabhu ke charanon men lot gaye. unaki durlabh kripa, prasad pakar yah nishad parivar dhany ho gaya.[3]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. skndapuran vaishnav. bhoomibarah khnd
  2. pauranik kosh |prakashak: gyanamandal limited, varanasi |snpadan: rana prasad sharma |prishth snkhya: 458 |
  3. 3.0 3.1 3.2 bhakt nishad vasu aur usaka putr (hindi). . abhigaman tithi: 20 sitambar, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah