याज्ञवल्क्य और मैत्रियी की कथा  हिन्दी देवनागरी में पढ़ें।

maharshi yagyvalky vaidik yug men ek atyant vidvanh vyakti hue hain. ve brahmgyani the. unaki do patniyan thin. ek ka nam katyayani tatha doosari ka maitriyi tha . katyayani samany striyon ke saman thin, vah ghar grihasthi men hi vyast rahati thi. sansarik bhogon men usaki adhik ruchi thi. susvadi bhojan, sundar vastr aur vibhinn prakar ke abhooshano men hi vah khoee rahati thi. yagyvalky jaise prasiddh maharshi ki patni hote hue bhi usaka dharm men use koee akarshan nahin dikhaee deta tha. vah poori tarah apane snsar men mohit thi. jabaki maitriyi apane pati ke sath pratyek dharmik kary men lagi rahati thi. unake pratyek karmakand men sahayata dena tatha pratyek avashyak vastu upalabdh karane men use anand ata tha. adhyatm men usaki gahari ruchi thi tatha apane pati ke sath adhik samay bitane ke karan adhyatmik jagath men usaki gahari paith thi. vah prayah maharshi yagyvalky ke upadeshon ko sunati, unake dharmik kriya-kalapon men sahayog deti tatha svny bhi chintan-manan men lagi rahati thi. saty ko janane ki usamen tivr jigyasa thi.

ek bar maharshi yagyvalky ne grihasth tyagakar sannyas lene ka nishchay kiya. unhonne apani donon patniyon ko apane samip bulaya aur unase bole, 'he meri priy dharmapatniyon, main grihasth tyagakar sannyas le raha hoon. main chahata hoon ki mere pashchath tum donon men kisi prakar ka vivad n ho. isalie meri jo bhi dhan-sampatti hai tatha ghar men jo bhi saman hai, use tum donon men adha-adha bant dena chahata hoon.' katyayani tunrat taiyar ho gee lekin maitriyi sochane lagi ki aisi kya vastu hai jo grihasth se bhi adhik sukh, satonsh dene vali hai aur jise prapt karane ke lie maharshi grihasth ka tyag kar rahe hain. vah boli, 'bhagavan ap jis sthiti ko prapt karane ke lie grihasth ka tyag kar rahe hain, kya vah is grihasth jivan se adhik moolyavan hai?' maharshi ne uttar diya, 'maitriyi vah amrit hai, yah snsar nashavan hai. isaka sukh kshanik hai, vah sthayi anand hai. usi ki khoj men main apana shesh jivan vyatit kar dena chahata hoon.' maitriyi phir boli, 'bhagavan yadi dhan-dhany se poorn yah samast prithvi mujhe mil jae to kya mrityu mera pichha chhod degi, main amar ho jaoongi.' maharshi yagyvalky ne kaha, 'priy maitriyi, dhan se to sansarik vastuon ka hi prabndh kiya ja sakata hai. yah to sharirik avashyakataon ki poorti, bhog-vilas tatha vaibhav ka hi sadhan hai. isase amaratv ka koee sambndh nahin hai.' tab maitriyi ne kaha, 'yadi aisa hai to ap mujhe isase kyon bahala rahe hain. mujhen isaki avashyakata nahin hai. mujhe to ap us tattv ka upadesh dijie jisamen main sada rahane vala sukh pa sakoon. use jan sakoon jise janane ke pashchath kuchh bhi janana shesh nahin rahata tatha is avagaman ke chakr se muft hokar sada-sada ke lie amar ho jaoon.'

maharshi apani patni ki saty ke prati jigyasa ko janakar atyant prasann hue aur unhonne apani patni ki prashnsa karate hue kaha, 'he maitriyi, tumhari is sachchi lagan ko dekhakar main pahale bhi tumase prasann tha aur tumhen pyar karata tha, ab tumhari baten sunakar main tumase bahut adhik prasann hoon, ao, mere pas baitho, main tumhen vah gyan doonga jisase vastav men tumhari atma ka kalyan hoga aur tum snsar ke maya-moh se sada ke lie muft ho jaogi.' aur aisa hi hua, maitriyi ne apane pati ke dvara gyan prapt karake, eeshvar ko pa liya aur usaka man sthayi shanti tatha anand se paripoorn ho gaya.

gyatva shivn shantimatyanmeti[1].
us kalyanakari paramatma ko janakar hi bhakt atyant shanti (moksh) ko prapt karata hai.


tika tippani aur sndarbh

  1. shvetashvataropinashad 4/14

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah