मधु कैटभ  हिन्दी देवनागरी में पढ़ें।

Disamb2.jpg madhu ek bahuvikalpi shabd hai any arthon ke lie dekhen:- madhu (bahuvikalpi)
bhagavan vishnu dvara madhu aur kaitabh ka janghon par vadh

katha

prachin samay ki bat hai. charon or jal-hi-jal tha, keval bhagavan vishnu sheshanag ki shaiyya par soye hue the. unake kan ki mail se madhu aur kaitabh nam ke do mahaparakrami danav utpann hue. ve sochane lage ki hamari utpatti ka karan kya hai? kaitabh ne kaha- 'bhaiya madhu! is jal men hamari satta ko qayam rakhane vali bhagavati mahashakti hi hain. unamen apar bal hai. unhonne hi is jalatattv ki rachana ki hai. ve hi param aradhya shakti hamari utpatti ki karan hai.' itane men hi akash men goonjata hua sundar 'vagbij' sunayi pada. un donon ne socha ki yahi bhagavati ka mahamantr hai. ab ve usi mantr ka dhyan aur jap karane lage. ann aur jal ka tyag karake unhonne ek hazar varsh tak badi kathin tapasya ki. bhagavati mahashakti un par prasann ho gayin. ant men akashavani huee- daityo! tumhari tapasya se main prasann hoon. ichchhanusar var mango!'


akashavani sunakar madhu aur kaitabh ne kaha- 'sundar vrat ka palan karane vali devi! tum hamen svechchhamaran ka var dene ki kripa karo.' devi ne kaha- 'daityo! meri kripa se ichchha karane par hi maut tumhen mar sakegi. devata aur danav koee bhi tum donon bhaiyon ko parajit nahin kar sakenge.' devi ke var dene par madhu aur kaitabh ko atyant abhiman ho gaya. ve samudr men jalachar jivon ke sath krida karane lage. ek din achanak prajapati brahmaji par unaki drishti padi. brahma ji kamal ke asan par virajaman the. un daityon ne brahma ji se kaha-'suvrat! tum hamare sath yuddh karo. yadi ladana nahin chahate to isi kshan yahan se chale jao, kyonki yadi tumhare andar shakti nahin hai to is uttam asan par baithane ka tumhen koee adhikar nahin hai.' madhu aur kaitabh ki bat sunakar brahma ji ko atyant chinta huee. unaka sara samay tap men bita tha. yuddh karana unake svabhav ke pratikool tha. bhayabhit hokar ve bhagavan vishnu ki sharan men gaye. us samay bhagavan vishnu yoganidra men nimagn the. brahma ji ke bahut prayas karane par bhi unaki nidra nahin tooti. ant men unhonne bhagavati yoganidra ki stuti karate hue kaha-'bhagavati! main madhu aur kaitabh ke bhay se bhayabhit hokar tumhari sharan men aya hoon. bhagavan vishnu tumhari maya se achet pade hain. tum sampoorn jagath ki mata ho. sabhi ka manorath poorn karana tumhara svabhav hai. tumane hi mujhe jagatasrashta banaya hai. yadi main daityon ke hath se mara gaya to tumhari badi apakirti hogi. at: tum bhagavan vishnu ko jagakar meri raksha karo.'


brahma ji ki prarthana sunakar bhagavati bhagavan vishnu ke netr, mukh, nasika, bahu aur hriday se nikal kar akash men sthit ho gayin aur bhagavan uthakar baith gaye. tadanantar unaka madhu aur kaitabh se panch hazar varshon tak ghor yuddh hua, phir bhi ve unhen parast karane men asaphal rahe. vichar karane par bhagavan ko gyat hua ki in donon daityon ko bhagavati ne ichchhamrityu ka var diya hai. bhagavati ki kripa ke bina inako marana asambhav hain itane men hi unhen bhagavati yoganidra ke darshan hue. bhagavan ne rahasyapoorn shabdon men bhagavati ki stuti ki. bhagavati ne prasann hokar kaha-'vishnu! tum devataon ke svami ho. main in daityon ko maya se mohit kar doongi, tab tum inhen mar dalana.' bhagavati ka abhipray samajhakar bhagavan ne daityon se kaha ki tum donon ke yuddh se main param prasann hoon. at: mujhase ichchhanusar var mango. daity bhagavati ki maya se mohit ho chuke the. unhonne kaha- 'vishno! ham yachak nahin hain, data hain. tumhen jo mangana ho ham se prarthana karo. ham dene ke liye taiyar hain.' bhagavan bole- 'yadi dena hi chahate ho to mere hathon se mrityu svikar karo.' bhagavati ki kripa se mohit hokar madhu aur kaitabh apani hi baton se thage gaye. bhagavan vishnu ne daityon ke mastakon ko apane janghon par rakhavakar sudarshan chakr se kat dala. is prakar madhu aur kaitabh ka ant hua.


any vivaran ke anusar madhu-kaitabh asuron ke poorvaj puran prasiddh rakshasadvay. inaki utpatti kalpant tak sote hue vishnu ke kanon ki mail[1] athava pasine[2] ya kramash: rajogun aur tamogun[3] se huee thi. jab ye brahma ko marane daude to vishnu ne inaka vadh kar diya. tabhi se vishnu 'madhusoodan' aur 'kaitabhajith‌' kahalae. 'markandey puran' ke anusar uma ne kaitabh ko mara tha, jisase ve 'kaitabha' kahalaeen. mahabharat aur harivnsh puran ka mat hai ki in asuron ke meda ke dher ke karan prithvi ka nam 'medini' pada tha. padmapuran ke anusar devasur sngram men ye hiranyaksh ki or the. [4]


panne ki pragati avastha
adhar
prarambhik
madhyamik
poornata
shodh

tika tippani aur sandarbh

  1. mahabharat, shantiparv, 355/22; de. bha. 1-4
  2. vishnu dharmasar. 1-15
  3. mahabharat, shantiparv, 355/22; padmapuran sri., 40
  4. madhukaitabh (hindi) bharatakhoj. abhigaman tithi: 12 sitambar, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah