मार्कण्डेय पुराण  हिन्दी देवनागरी में पढ़ें।

markandey puran, gitapres gorakhapur ka avaran prishth

'markandey puran' akar men chhota hai. isake ek sau saintis adhyayon men lagabhag nau hazar shlok hain. markandey rishi dvara isake kathan se isaka nam 'markandey puran' pada. yah puran vastut: durga charitr evn durga saptashati ke varnan ke lie prasiddh hai. isilie ise shakt sampraday ka puran kaha jata hai. puran ke sabhi lakshanon ko yah apane bhitar samete hue hai. isamen rishi ne manav kalyan hetu sabhi tarah ke naitik, samajik adhyatmik aur bhautik vishayon ka pratipadan kiya hai. is puran men bharatavarsh ka vistrit svaroop usake prakritik vaibhav aur saundary ke sath prakat kiya gaya hai.

durga devi
Durga Devi

grihasth-dharm ki upayogita

is puran men dhanoparjan ke upayon ka varnan 'padmini vidya' dvara prastut hai. sath hi rashtrahit men dhan-tyag ki prerana bhi di gee hai. ayurved ke siddhanton ke anusar sharir-vigyan ka sundar vivechan bhi isamen hai. 'mantr vidya' ke prasng men patni ko vash men karane ke upay bhi batae ge hain. 'grihasth-dharm' ki upayogita, pitaron aur atithiyon ke prati karttavyon ka nirvah, vivah ke niyamon ka vivechan, svasth evn sabhy nagarik banane ke upay, sadachar ka mahattv, satsng ki mahima, karttavy parayanata, tyag tatha purusharth par vishesh mahattv is puran men diya gaya hai.

nishkam karm

'markandey puran' men sannyas ke bajay grihasth jivan men nishkam karm par vishesh bal diya gaya hai. manushyon ko sanmarg par chalane ke lie narak ka bhay aur punarjanm ke siddhanton ka sahara liya gaya hai. karuna se prerit karm ko pooja-path aur jap-tap se shreshth bataya gaya hai. eeshvar prapti ke lie apane bhitar onkar (Om) ki sadhana par zor diya gaya hai. yadyapi is puran men 'yog sadhana' aur usase prapt hone vali asht siddhiyon ka bhi varnan kiya gaya hai, kintu 'moksh' ke lie atmatyag aur atmadarshan ko avashyak mana gaya hai. snyam dvara indriyon ko vash men karane ki anivaryata bataee gee hai. vividh kathaon aur upakhyanon dvara tap ka mahattv bhi pratipadit kiya gaya hai.

saman roop se adar

brahma
Brahma

is puran men kisi devi-devata ko alag se vishesh mahattv nahin diya gaya hai. brahma, vishnu, mahesh, soory, agni, durga, sarasvati adi sabhi ka saman roop se adar kiya gaya hai. soory ki stuti karate hue vaidikon ki paravidya, brahmavadiyon ki shashvat jyoti, jainiyon ka kaivaly, bauddhon ki bodhavagati, sankhyon ka darshan gyan, yogiyon ka prakamy, dharmashastriyon ki smriti aur yogachar ka vigyan adi sabhi ko soory bhagavan ke vibhinn roopon men svikar kiya gaya hai.

jain mastak
Head of a Jina

'markandey puran' men madalasa ke kathanak dvara jahan brahman dharm ka ullekh kiya gaya hai, vahin anek rajaon ke akhyanon dvara kshatriy rajaon ke sahas, karttavy parayanata tatha rajadharm ka sundar vivechan bhi diya gaya hai. puranakar kahata hai ki jo raja praja ki raksha nahin kar sakata, vah narakagami hota hai. madyapan ke doshon ko balaram ke prasng dvara aur krodh tatha ahnkar ke dushparinamon par vasishth evn vishvamitr ke kathanakon dvara prakash dala gaya hai.

buddh
Buddha

vistrit vyakhya ki drishti se is puran ke panch bhag kie ja sakate hain-

  • pahala bhag- pahale bhag men jaimini rishi ko mahabharat ke sambandh men char shnkaen hain, jinaka samadhan vindhyachal parvat par rahane vale dharm pakshi karate hain.
  • doosara bhag- doosare bhag men jad sumati ke madhyam se dharm pakshi sarg pratisarg arthath srishti ki utpatti, praniyon ke janm aur unake vikas ka varnan hai.
  • tisara bhag- tisare bhag men rishi markandey apane shishy kroshtuki ko puran ke mool pratipady vishay- sooryopasana aur soory dvara samast srishti ke janm ki katha batate hain.
  • chautha bhag- chauthe bhag men 'devi bhagavat puran' mh varnit 'durga charitr' aur 'durga saptashati' ki katha ka vistar se varnan hai.
  • panchavan bhag- panchaven bhag men vnshanucharit ke adhar par kuchh vishesh rajavnshon ka ullekh hai.

mahabharat

'mahabharat' ke sambandh men poochhe ge char prashnon ke uttar men dharm pakshi batate hain ki shrikrishn ke nirgun aur sagun roop men rag-dvesh se rahit vasudev ka pratiroop, tamogun se yukt shesh ka ansh, satogun se yukt pradyumn ki chhaya, rajogun se yukt aniruddh ki pragati vidyaman hai. ve samast charachar jagath ke svami hain aur adharm tatha anyay ka vinash karane ke lie sagun roop men avatar lete hain.

krishn aur arjun
Krishna And Arjuna

draupadi ke panch patiyon se sambandhit doosare prashn ke uttar men ve batate hain ki panchon pandav devaraj indr ke hi anshavatar the aur draupadi indr ki patni shachi ki anshavatar thi. at: usaka panch patiyon ko svikar karana poorvajanm ki katha se juda prasng hai. is prakar bahupatitv ke roop ko dosh rahit batane ka vishesh prayas kiya gaya hai.

tisara prashn mahabali balaram dvara tirthayatra men brahyahatya ke shap ke snbndh men tha usake vishay men dharm pakshi batate hain ki madyapan karane vala vyakti apana vivek kho baithata hai. balaram bhi madyapan ke nashe men brahmahatya kar baithe the. madyapan ka dosh sachche pashchatap se door kiya ja sakata hai aur brahmahatya ke shap se mukti mil sakati hai.

chautha prashn, dropadi ke avivahit putron ki hatya ki shnka ke uttar men dharm pakshi satyavadi raja harishchandr ki sampoorn katha ka varnan karate hain. rajatyag karake jate raja harishchandr aur unaki patni shaivya par vishvamitr ka atyachar dekhakar panchon vishvadev vishvamitr ko papi kahate hain. is par vishvamitr unako shap de dalate hain. us shap ke vashibhoot ve panchon vishvadev kuchh kal ke lie dropadi ke garbh se janm lete hain. ve shap ki avadhi poorn hote hi ashvatthama dvara mare jate hain aur pun: devatv prapt kar lete hain.

madalasa

is prasng ke dvara aur bhargav putr sumati ke prasng ke madhyam se punarjanm ke siddhant ka bada sundar chitran 'markandey puran' men kiya gaya hai. sath hi is puran men nariyon ke pativrat dharm ko bahut mahattv diya gaya hai. madalasa ka akhyan nari ke udatt charitr ko ujagar karata hai. madalasa apane tin putron ko uchch koti ki adhyatmik shiksha deti hai. ve vairagi ho jate hain. tab shavy ke lie chintit pati ke kahane par vah apane chauthe putr ko dharmacharan, satsngati, rajadharm, karttavy parayan aur ek adarsh raja ke roop men dhalati hai. is prakar usake kathanak se mata ki mahatta, adhyatm, vairagy, grihasth dharm, rajadharm, rajadharm, karttavy palan adi ki achchhi shiksha prapt hoti hai.

srishti ka vikas kram

srishti ke vikas kram men puranakar brahma dvara purush ka srijan aur usake adhe bhag se stri ka nirman tatha phir maithuni srishti se pati-patni dvara srishti ka vikas kiya jana batate hain. is puran men jamboo, plaksh, shalmali, kush, kranch, shak aur pushkar adi sapt dvipon ka sundar varnan kiya gaya hai. sari srishti ko soory se hi utpann mana gaya hai. soory putr vaivasvat manu se hi srishti ka prarambh kaha gaya hai. is puran men soory se sambandhit anek kathaen bhi hain.

durga charitr aur durga saptashati ki katha men madhu-kaitabh, mahishasur vadh, shunbh-nishunbh aur raktabij adi asuron ke vadh ke lie devi avataron ki kathaen bhi is puran men prapt hoti hain. jab-jab asuri pravrittiyan sir uthati hain, tab-tab unaka snhar karane ke lie devi-shakti ka janm hota hai. puranon ki kal ganana men manvantar ko ek ikaee mana gaya hai. brahma ka ek din chaudah manvantaron ka hota hai. is ganana ke anusar brahma ka ek din aj ki ganana ke hisab se ek karod unnis lakh atthaees hazar divy varshon ka hota hai. ek chaturyug men barah hazar divy varsh hote hain. brahma ke ek din men chaudah manu hote hain. puranon ki yah kal ganana atynt adbhut hai.

is puran men prithvi ka bhaugolik varnan nau khandon men hai. rishiyon dvara yah kal ganana, prithvi ka bhaugolik varnan tatha brahmand ki asimata goodh roop men yog sadhana ki ang hain. brahmand rachana sharir men sthit is brahmand ke laghu roop se sambandhit hi dikhaee padati hai, jo atyant gopaniy hai.


panne ki pragati avastha
adhar
prarambhik
madhyamik
poornata
shodh

snbndhit lekh

shrutiyan

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah