मृदगलोपनिषद  हिन्दी देवनागरी में पढ़ें।

is upanishad men char khand hain. pratham khand men yajurvedokt purush sookt ke solah mantr hain. doosare khand men bhagavan dvara sharanagat indr ko diye gaye upadesh hain. isi men usake aniruddh purush dvara brahmaji ko apani kaya ko havy manakar vyakt purush ko agni men havan karane ka nirdesh hai. tisare khand men vibhinn yoniyon ke sadhakon dvara vibhinn roopon men us purush ki upasana ki gayi hai. chauthe khand men ukt purush ki vilakshanata tatha usake prakat hone ke vividh ghatakon ka varnan karate hue sadhana dvara purush-roop ho jane ka kathan hai. ant men is goodh gyan ko prakat karane ke anushasan ka ullekh hai.

pratham khand

'purush sookt' ke pratham mantr men bhagavan vishnu ki sarvavyapi vibhooti ka vishad varnan hai. shesh mantron men bhi lokanayak vishnu ki shashvat upasthiti ka ullekh milata hai. unhen sarvakalavyapi kaha gaya hai. vishnu moksh ke dene vale hain. unaka svaroop chaturvyooh hai. yah charachar prakriti unake adhin hai. jivan ke sath prakriti (maya) ka gahara sambandh hai. sampoorn jagath ki utpatti shrihari vishnu dvara hi huee hai. jo sadhak is 'purush sookt' ko gyan dvara atmasat karata hai, vah nishchit roop se mukti prapt karata hai.

doosara khand

  • pratham khand ke 'purush sookt' men jis vishisht vaibhav ka varnan kiya gaya hai, use upadesh dvara vasudev ne indr ko pradan kiya tha. is khand men pun: do khandon dvara us param kalyanakari rahasy ko bhagavan ne indr ko diya.
  • vah purush (paramatma) nam-roop aur gyan se pare hone ke karan vishv ke samast praniyon ke lie agamy hai. phir bhi apane anek roopon dvara vah samast lokon men prakat hota hai. vah purush-roop men avatar lekar sabhi kalon men 'narayan' ke roop men abhivyakt hota hai aur jivon ka kalyan karata hai. vah sarvashaktiman hai. usaka chaturbhuj svaroop paramadham vaikunth men sadaiv nivas karata hai. usi ne prakriti ka pradurbhav kiya. is khand men jiv aur atma ke milan dvara 'moksh' ki prapti ka varnan hai.

tisara khand

is khand men paramatma ke ajanme svaroop ka varnan hai, jo vibhinn roopon men apane ansh ko prakat karata rahata hai. us virat purush ki upasana sabhi sadhakon ne agnidev ke roop men ki hai. yajurvediy yagyik use 'yah yaju hai' aisa manate hain aur use sabhi ygyiy karmon men niyojit karate hain. devagan use 'amrit' ke roop men grahan karate hain aur asur 'maya' ke roop men janate hain. jo bhi jis-jis bhavana se usaki upasana karata hai, vah paramatattv usake lie usi bhav ka ho jata hai. brahmgyani use 'ahamh brahmasmi' ke roop men svikar karate hain. is bhav se vah unhin ke anuroop ho jata hai.

chautha khand

  • vah brahm tinon tapon, chhah koshon, chhah urmiyon aur sabhi prakar ke vikaron se rahit vilakshan hain ye tin tap 'adhyatmik', 'adhibhautik' aur 'adhidaivik' hain. vah unase pare hai.
  • chhah kosh, charm, mans, asthi, snayu, rakt au majja kahe gaye hain. kam, krodh, lobh, moh, mad aur matsary, chhah shatru hain. annamay, pranamay, manomay, vigyanamay aur anandamay- ye panch sharir ke kosh hain.
  • isi prakar chhah bhav vikar kramash: priy hona, pradurbhoot hona, varddhit hona, parivartit hona, kshay tatha vinash hona bataye gaye hain.
  • chhah urmiyan- kshudha, pipasa, shok, moh, vriddhavastha aur mrityu ko kaha gaya hai.
  • chhah bhram— kul, gotr, jati, varn, ashram aur roop hain.
  • vah paramatma in sabhi ke yog se jiv ke sharir men pravesh karata hai aur in sabhi bhavon se tatasth bhi rahata hai. aisi samarthy kisi any men nahin hai. jo vyakti pratidin is upanishad ka parayan karata hai, vah agni ki bhanti pavitr ho jata hai tatha vayu ki bhanti shuddh ho jata hain vah adity ke saman prakhar hota hai. vah sabhi rogon se rahit ho jata hai. vah shri-sampann aur putr-pautradi se samriddh ho jata hai. vah sabhi vikaron se mukt ho jata hai. aisa gyan prapt karane vala guru aur shishy, donon hi isi janm men poorn purush ka pad prapt karane men saphal ho jate hain.



snbndhit lekh

shrutiyan


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah