जाबालोपनिषद  हिन्दी देवनागरी में पढ़ें।

shukl yajurved ke is upanishad men kul chhah khand hain.

  1. pratham khand men bhagavan brihaspati aur rishi yagyvalky ke snvad dvara pran-vidya ka vivechan kiya gaya hai.
  2. dvitiy khand men atri muni aur yagyvalky ke snvad dvara 'avimukt' kshetr ko bhrikutiyon ke madhy bataya gaya hai.
  3. tritiy khand men rishi yagyvalky dvara moksh-prapti ka upay bataya gaya hai.
  4. chaturth khand men videharaj janak ke dvara sannyas ke vishay men poochhe gaye prashnon ka uttar yagyvalky dete hain.
  5. pncham khand men atri muni snnyasi ke ygyopavit, vastr, bhiksha adi par yagyvalky se margadarshan prapt karate hain aur
  6. shashth khand men prasiddh sannyasiyon adi ke acharan ki samiksha ki gayi hai aur digambar paramnhas ka lakshan bataya gaya hai.

pratham khand / pran-vidya ka sthan kahan hai?

yagyvalky rishi ne pran ka sthan brahmasadan ya 'avimukt' (brahmarandhr kashi) kshetr bataya hai. use hi indriyon ka devayajan kaha hai. isi brahmasadan ki upasana se 'moksh' prapt kiya ja sakata hai.

dvitiy khand / 'atma' ko kaise janen?

'atma' ko janane ke lie 'avimukt' (brahmarandhr)ki hi upasana karani chahie; kyonki vah anant, avyakt atma yahin par pratishthit hai. yah 'varana' aur 'nasi' ke madhy virajaman hai. indriyon dvara kiye samast papon ka nivaran 'varana' karati hai aur un papon ko nasht karane ka kary 'nasi' karati hai. bhrikuti aur nasika ke sandhisthal par inaka sthan hai. yahi 'dyulok' aur 'paralok' ka sngam hai. brahmavidya men 'atma' ki upasana isi sandhisthal par ki jati hai.

tritiy khand /moksh kaise prapt ho?

rishi yagyvalky ne brahmachari shishyon ko bataya ki 'shatarudriy' jap karane se 'moksh' prapt kiya ja sakata hai. isake dvara sadhak mrityu par vijay prapt kar leta hai.

chaturth khand / sannyas kya hai?

is khand men rishi raja janak ko sannyas ke vishay men batate hue 'brahmachary' ko snnyasi ke lie sarvapratham shart batate hain. brahmachary ke uparant grihasthi, usake bad vanaprasthi aur phir pravrajya grahan karake sannyas grahan karana chahie. vishayon se virakt hone ke uparant kisi bhi ashram ke uparant snnyasi bana ja sakata hai. snnyasi ko moksh mantr 'Om' ka jap har pal karana chahie. vahi 'brahm' hai aur upasana ke yogy hai.

pncham khand / brahman kaun hai? snnyasi kaun hai?

atri muni ke is prashn ka uttar dete hue rishi yagyvalky kahate hain ki brahman vahi hai, jisaka atma hi usaka ygyopavit hai. jo jal se tin bar prakshalan aur achaman kare, bhagava vastr dharan kare, aparigrahi banakar lok-mngal ke lie bhiksha-vritti se jivan-yapan kare, man aur vani se vishayon ka tyag kare, vahi snnyasi hai, lok-hitaishi hai.

shashth khand / paramahns snnyasi kaun hai?

snvartak, aruni, shvetaketu, durvasa, ribhu, nidagh, jadabharat, dattatrey aur raivatak adi paramahns snnyasi hue hain. ve sabhi sannyas ke chihnon se rahit the. ve bhitar se unmatt n hote hue bhi bahar se unmatt lagate the. aise snnyasi nishchhal aur nisprih hote hain. ve nirdvandv, aparigrahi, tattv-brahm men nirantar gatiman tatha shuddh man vale hote hain. ve jivanmukt, mamata-rahit, satvik, adhyatmanishth, shubh-ashubh karmon ko nirmool manane vale hote hain. ve paramahns hote hain.

snbndhit lekh

shrutiyan


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah