सामविधान ब्राह्मण  हिन्दी देवनागरी में पढ़ें।

samavidhan brahman ka vaishishtay-samavediy brahmanon ke madhy isaka tritiy sthan hai. tandy brahman aur shadavinsh brahman shakhantariy brahmanon ke saman apane ko shrautayagon ke vivechan tak hi simit rakhate hain. isake viparit samavidhan brahman jadoo-tone se sambaddh samagri ka bhi prastavak hai. isamen pratipadit vishay adhikanshataya dharmashastr ke kshetr men a jate hain. tatpary yah hai ki samavidhan brahman men shrautayagon ke sath hi prayashchitt-prayog, krichchhradi vrat, kamyayag tatha vibhinn laukik prayojananuvartit abhichar karmadi bhi niroopit hain. is prakar vishay-vastu ki drishti se is brahman ka phalak bahut vyapak hai. brahmanagranthon ke madhy isake vaishishty ke nimnanikat pramukh karan hain-

  • ygyvishayak drishtikon ke vikas-binduon ko isamen saralata se parilakshit kiya ja sakata hai. ygy ka dravyatmak roop, jisake anushthan men prachur samay evn dhan ki avashyakata hoti hai, shanai:shanai: saral svaroop dikhaee deta hai. japaygy evn svadhyay-ygy ke roop men ygy ka jo uttarottar vistrit vikasit roop aranyakon evn upanishadon men ubhara hai, usake moolabindu samavidhan brahman men nihit hai. shrautayagon ke saman hi isamen svadhyay evn jap-tap ko bhi mahattv pradan kiya gaya hai. samavidhan brahman men un laukik kamanaon ki poorti ke lie matr sam-gan

ka vidhan kiya gaya hai, anyatr jinake lie bahuvyay aur dirghakalasadhy yag vihit hain.

  • sam-gan ko isamen srishti ke lie jivan-sadhan ke roop men batalaya gaya hai-'s va idn vishvn bhootamasrijat. tasy samopajivann prayachchhath'.[1]
  • devashastriy drishti se is brahman men anek navin tathy upalabdh hote hain. ek sthal par udak-tarpan ke sandarbh men mantr diya gaya hai- 'namoahamay mohamay mahnmay namo nam:'.[2] isake devata ke vishay men sayan tak ne apani asamarthata prakat ki hai- 'yadyapyatr devatavishesh: spashto n pratiyate.' tatpary yah hai ki uparyukt mantr men aye aham, moham aur mnham sadrish dev-nam devon ki paramparik namavali se bhinn hain. dhanvantari, jo puranon men samudr mnthan se udbhoot batalaye gaye hain aur ayurved ke pravartak mane gaye hain, unhen is brahman men varun ke sath vishesh roop se samikrit kiya gaya hai-'varunay dhanvantaraye'.[3] sayan ke anusar 'dhanv' ka abhipray jalarahit sthan hai, use vrishti ke jal se tript karane ke karan varun ka 'dhanvantari' nam sarthak hai. 'vinayak' aur 'skand' ka devon ke madhy ullekh bhi ullekhaniy hai.[4] inake atirikt bhashashastriy evn sanskritik drishti se bhi is brahman ka vishesh mahattv hai. sarvadhik mahattv hai sam-ganon ki prastuti ke sandarbh men, kyonki isamen katipay aise mantr-pratik aye hain, jinaki vartaman samaved-snhita se pahachan nahin ho pati.

vibhag, chayan, kram evn pratipady vishay

sampoorn samavidhan brahman tin prapathakon aur 25 anuvakon men vibhakt hai. prapathak-kram se vishay-vastu ka vivaran is prakar hai-

  • pratham prapathak ke pratham anuvak men prajapati ki utpatti aur unake dvara bhautik srishti, sam-prashnsa aur nirvachan, samasvaron ke devata, devon ke nimitt ygy aur ygy ke anadhikariyon ke lie svadhyay tatha tap ka vidhan hai. dvitiy anuvak men krichchhr aur atikrichchhr vraton ka svaroop tatha phal ullikhit hai. tritiy anuvak men svadhyay aur agnyadhey ke samany niyam, pavaman darshapoornamas, agnihotr, pancharatrik-prayog, pashubandh aur sautramani-prayogon ka ullekh hai. chaturth anuvak men katipay shrautayagon ke sath rudradi ki priti ke sadhanasvaroop sam-gan vihit hai. pncham se ashtamaparyant anuvakon men ashlil-bhashan, chori, agamyagaman, agrahy-grahanadi vishayak prayashchitt diye hue hain.
  • sampoorn dvitiy prapathak aur tritiy prapathak ke tin anuvakon men kamy, rogadijanyabhayashamanarth, kshemarth aur vashikaran hetu vibhinn prayog ullikhit hain. chaturth se ashtam paryant anuvakon men vaividhyapoorn samagri hai, jisamen abhisht ki siddhi athava asiddhi-vishayini pariksha, rajyabhishek-prayog, adbhut-abhichar-shanti, yuddhavijay ke nimitt prayog tatha pishachon ke vashikaranarth, pitaron aur gandharvon ke darshanarth, guptanidhi ki prapti ke nimitt tatha any bahut se kamy-prayog diye gaye hain. navam prapathak ke ant men tin vishayon-samasampraday-pravartak acharyon ka anukram, adhyayan ke adhikariyon tatha upadhyay ki dakshina ka niroopan karake granth ka samapan ho jata hai.

is prakar shraut evn tantrik vidhi-vidhanon ke samanvay ke sandarbh men samavediy brahmanagranthon ke madhy isaka svatantr vaishishty hai. is par ab tak sayan tatha bharatasvami ke bhashy mudrit hue hain. 13vin shati ee. ke bharatasvami ki vyakhya men un sthalon par bhi prakash dala gaya hai, jinhen sayan ne avyakhyat roop men chhod diya tha.


tika tippani aur sndarbh

  1. samavidhan brahman, 1.1.6
  2. samavidhan brahman 1.2.7
  3. samavidhan brahman, 1.3.8
  4. samavidhan brahman, 1.4.19-20

snbndhit lekh

shrutiyan


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah