जाबालदर्शनोपनिषद  हिन्दी देवनागरी में पढ़ें।

ashtang yog ka vivechan

  • is samavediy upanishad men bhagavan vishnu ke avatar dattatrey ji aur unake shishy sankriti ka 'ashtangayog' ke vishay men vistrit vivechan prashnottar-rooph men vivechan kiya gaya hai. isamen kul das khand hain. is upanishad ko 'yogaparak' kaha ja sakata hai.
  • pratham khand men yog ke athon angon ka vivechan hai. ye ath ang hain-
  1. yam,
  2. niyam,
  3. asan,
  4. pranayam,
  5. pratyahar,
  6. dharana,
  7. dhyan tatha
  8. samadhi hain.
  • inamen yam ke das bhed hain-
  1. ahinsa,
  2. saty,
  3. astey,
  4. brahmachary,
  5. daya,
  6. kshama,
  7. saralata,
  8. dhriti,
  9. mitahar aur
  10. brahyabhyantar ki pavitrata. inake palan ke bina 'yog' karana vyarth hai.
  • doosare khand men das niyamon ka vistar se varnan kiya gaya hai. ye das niyam hain-
  1. tap,
  2. santosh,
  3. astikata,
  4. dan,
  5. eeshvar ki pooja,
  6. lajja,
  7. jap,
  8. mati,
  9. vrat aur
  10. siddhanton ka shravan karana.
  • tisare khand men nau prakar ke yaugik asanon ka ullekh hai. ye asan hain-
  1. svastik,
  2. gomukh,
  3. padmasan,
  4. virasan,
  5. sinhasan,
  6. muktasan,
  7. bhadrasan,
  8. mayoorasan aur
  9. sukhasan.
  • chauthe khand men nadiyon ka parichay tatha atmatirth aur 'atmgyan' ki mahima ka varnan kiya gaya hai. is manav-sharir men bahattar hazar nadiyan hain. unamen 'sushumna,' 'pingala,' 'ida,' 'sarasvati,' 'varuna,' 'poosha,' 'yashasvini,' 'hastijihva,' 'alambusha,' 'kuhoo,' 'vishvodara,' 'payasvini,' 'shnkhini' au 'gandhari', ye chaudah nadiyan pramukh mani gayi hain. inamen bhi pratham tin atyant pramukh hain.
  • panchaven khand men 'nadi-shodhan' tatha 'atm-shodhan' ka prakriya aur vidhiyon ka ullekh kiya gaya hai.
  • chhathe khand men 'pranayam' ki vidhi, usake prakar, phal tatha prayog ka varnan hai. isamen 'poorak,' 'kumbhak' aur 'rechak' dvara pranon ka snyam poorn kiya jata hai.
  • sataven khand men 'pratyahar' ke vividh prakaron tatha usake phal ka vivaran hai. manushy ko jo kuchh bhi dikhaee deta hai, vah sab brahm hi hai. is prakar samajhate hue brahm ko chitt men ekagr kar lena pratyahar kahalata hai.
  • athaven khand men 'dharana' ka varnan hai. ant: akash men bahy akash ko dharan karana.
  • naven khand men 'dhyan' ka varnan hai. rit evn saty-svaroop avinashi 'parabrahm' ko apani atma ke roop men adoorapoorvak dhyan men lana.
  • dasaven khand men 'samadhi' avastha ka varnan kiya gaya hai. paramatma' tatha 'jivatma' ke ekaki bhav ko buddhi dvara samajhana samadhi kahalata hai.

samadhi men pahuncha hua purush paramatma se ekatv prapt karake kisi bhi jiv athava prani ko apane se alag nahin dekhata. vah sampoorn vishv ko maya ka vilas matr manata hai aur paramatma men lin hokar paramanand ko prapt ho jata hai.


snbndhit lekh

shrutiyan


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah