शुकरहस्योपनिषद  हिन्दी देवनागरी में पढ़ें।

is krishn yajurvediy upanishad men maharshi vyas ji ke agrah par bhagavan shiv unake putr shukadev ko char mahavakyon ka upadesh 'brahm rahasy' ke roop men dete hain. ve char mahavaky- #Om prgyann brahm,

  1. Om ahn brahmasmi,
  2. Om tattvamasi aur
  3. Om ayamatma brahm hain.

Om prgyann brahm

is mahavaky ka arth hai- 'prakat gyan brahm hai.' vah gyan-svaroop brahm janane yogy hai aur gyan gamyata se pare bhi hai. vah vishuddh-roop, buddhi-roop, mukt-roop aur avinashi roop hai. vahi saty, gyan aur sachchidanand-svaroop dhyan karane yogy hai. us mahatejasvi dev ka dhyan karake hi ham 'moksh' ko prapt kar sakate hain. vah paramatma sabhi praniyon men jiv-roop men vidyaman hai. vah sarvatr akhand vigrah-roop hai. vah hamare chit aur ahnkar par sadaiv niyantran karane vala hai. jisake dvara prani dekhata, sunata, soonghata, bolata aur svad-asvad ka anubhav karata hai, vah prgyan hai. vah sabhi men samaya hua hai. vahi 'brahm' hai.

Om ahn brahmaasmi

is mahavaky ka arth hai- 'main brahm hoon.' yahan 'asmi' shabd se brahm aur jiv ki ekata ka bodh hota hai. jab jiv paramatma ka anubhav kar leta hai, tab vah usi ka roop ho jata hai. donon ke madhy ka dvait bhav nasht ho jata hai. usi samay vah 'ahn brahmasmi' kah uthata hai.

Om tattvamasi

is mahavaky ka arth hai-'vah brahm tumhin ho.' srishti ke janm se poorv, dvait ke astittv se rahit, nam aur roop se rahit, ek matr saty-svaroop, advitiy 'brahm' hi tha. vahi brahm aj bhi vidyaman hai. usi brahm ko 'tattvamasi' kaha gaya hai. vah sharir aur indriyon men rahate hue bhi, unase pare hai. atma men usaka ansh matr hai. usi se usaka anubhav hota hai, kintu vah ansh paramatma nahin hai. vah usase door hai. vah sampoorn jagat men pratibhasit hote hue bhi usase door hai.

Om ayamatma brahm

is mahavaky ka arth hai- 'yah atma brahm hai.' us svaprakashit paroksh (pratyaksh sharir se pare) tattv ko 'ayn' pad ke dvara pratipadit kiya gaya hai. ahnkar se lekar sharir tak ko jivit rakhane vali apratyaksh shakti hi 'atma' hai. vah atma hi parabrahm ke roop men samast praniyon men vidyaman hai. sampoorn char-achar jagat men tattv-roop men vah snvyapt hai. vahi brahm hai. vahi atmatattv ke roop men svayn prakashit 'atmatattv' hai.

  • ant men bhagavan shiv shukadev se kahate hain-'he shukadev! is sachchidanand- svaroop 'brahm' ko, jo tap aur dhyan dvara prapt karata hai, vah jivan-maran ke bandhan se mukt ho jata hai.'
  • bhagavan shiv ke upadesh ko sunakar muni shukadev sampoorn jagat ke svaroop parameshvar men tanmay hokar virakt ho gaye. unhonne bhagavan ko pranam kiya aur sampoorn prarigrah ka tyag karake tapovan ki or chale gaye.


snbndhit lekh

shrutiyan


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah