विष्णु पुराण  हिन्दी देवनागरी में पढ़ें।

vishnu puran, gitapres gorakhapur ka avaran prishth

atharah mahapuranon men 'vishnu puran' ka akar sabase chhota hai. kintu isaka mahattv prachin samay se hi bahut adhik mana gaya hai. snskrit vidvanon ki drishti men isaki bhasha oonche darje ki, sahityik, kavyamay gunon se sampann aur prasadamayi mani gee hai. is puran men bhoomandal ka svaroop, jyotish, rajavnshon ka itihas, krishn charitr adi vishayon ko bade tarkik dhng se prastut kiya gaya hai. khandan-mandan ki pravritti se yah puran mukt hai. dharmik tattvon ka saral aur subodh shaili men varnan kiya gaya hai.

bhagavan vishnu
God Vishnu

sat hazar shlok

is puran men is samay sat hazar shlok upalabdh hain. vaise kee granthon men isaki shlok snkhya teees hazar bataee jati hai. yah puran chhah bhagon men vibhakt hai.
prahlad ko god men bithakar baithi holika
pahale bhag men sarg athava srishti ki utpatti, kal ka svaroop aur dhruv, prithu tatha prahlad ki kathaen di gee hain. doosare bhag men lokon ke svaroop, prithvi ke nau khandon, grah-nakshatr, jyotish adi ka varnan hai. tisare bhag men manvantar, vedon ki shakhaon ka vistar, grihasth dharm aur shraddh-vidhi adi ka ullekh hai. chauthe bhag men soory vnsh aur chandr vnsh ke rajagan tatha unaki vnshavaliyon ka varnan hai. panchaven bhag men shrikrishn charitr aur unaki lilaon ka varnan hai jabaki chhathe bhag men pralay tatha moksh ka ullekh hai.

inhen bhi dekhen: sooryavnsh vriksh evn chandr vnsh vriksh 'vishnu puran' men puranon ke panchon lakshanon athava varny-vishayon-sarg, pratisarg, vnsh, manvantar aur vnshanucharit ka varnan hai. sabhi vishayon ka sanupatik ullekh kiya gaya hai. bich-bich men adhyatm-vivechan, kalikarm aur sadachar adi par bhi prakash dala gaya hai.

rachanakar parashar rishi

is puran ke rachanakar parashar rishi the. ye maharshi vasishth ke pautr the. is puran men prithu, dhruv aur prahlad ke prasng atyant rochak hain. 'prithu' ke varnan men dharati ko samatal karake krishi karm karane ki prerana di gee hai. krishi-vyavastha ko chust-duroost karane par zor diya gaya hai. ghar-parivar, gram, nagar, durg adi ki ninv dalakar parivaron ko suraksha pradan karane ki bat kahi gee hai. isi karan dharati ko 'prithvi' nam diya gaya . 'dhruv' ke akhyan men sansarik sukh, aishvary, dhan-sampatti adi ko kshan bhngur arthath nashavan samajhakar atmik utkarsh ki prerana di gee hai. prahlad ke prakaran men paropakar tatha snkat ke samay bhi siddhanton aur adarshon ko n tyagane ki bat kahi gee hai.

krishn charitr ka varnan

'vishnu puran' men mukhy roop se krishn charitr ka varnan hai, yadyapi snkshep men ram katha ka ullekh bhi prapt hota hai. is puran men krishn ke samaj sevi, praja premi, lok rnjak tatha lok hitay svaroop ko prakat karate hue unhen mahamanav ki sngya di gee hai.
radha-krishn, krishn janmabhoomi, mathura
Radha - Krishna, Krishna's Birth Place, Mathura
shrikrishn ne praja ko sngathan-shakti ka mahattv samajhaya aur anyay ka pratikar karane ki prerana di. adharm ke viruddh dharm-shakti ka paracham laharaya. 'mahabharat' men kauravon ka vinash aur 'kaliya dahan' men nagon ka snhar unaki lokopakari chhavi ko prastut karata hai.
thumb

krishn ke jivan ki lokopayogi ghatanaon ko alaukik roop dena us mahamanav ke prati bhakti-bhavana ki pratik hai. is puran men krishn charitr ke sath-sath bhakti aur vedant ke uttam siddhanton ka bhi pratipadan hua hai. yahan 'atma' ko janm-mrityu se rahit, nirgun aur anant bataya gaya hai. samast praniyon men usi atma ka nivas hai. eeshvar ka bhakt vahi hota hai jisaka chitt shatru aur mitr aur mitr men samabhav rakhata hai, doosaron ko kasht nahin deta, kabhi vyarth ka garv nahin karata aur sabhi men eeshvar ka vas samajhata hai. vah sadaiv saty ka palan karata hai aur kabhi asaty nahin bolata .

rajavnshon ka vrittant

is puran men prachin kal ke rajavnshon ka vrittant likhate hue kaliyugi rajaon ko chetavani di gee hai ki sadachar se hi praja ka man jita ja sakata hai, papamay acharan se nahin. jo sada saty ka palan karata hai, sabake prati maitri bhav rakhata hai aur dukh-sukh men sahayak hota hai; vahi raja shreshth hota hai. raja ka dharm praja ka hit sndhan aur raksha karana hota hai. jo raja apane svarth men doobakar praja ki upeksha karata hai aur sada bhog-vilas men dooba rahata hai, usaka vinash samay se poorv hi ho jata hai.

karttavyon ka palan

is puran men striyon, sadhuon aur shoodron ko shreshth mana gaya hai. jo stri apane tan-man se pati ki seva tatha sukh ki kamana karati hai, use koee any karmakand kie bina hi sadgati prapt ho jati hai. isi prakar shoodr bhi apane karttavyon ka palan karate hue vah sab prapt kar lete hain, jo brahmanon ko vibhinn prakar ke karmakand aur tap adi se prapt hota hai. kaha gaya hai-

shoodroshch dvijashushrushatatparaidvijasattama: .
tatha dbhistribhiranayasatpatishushruyaiv hi॥[1]

arthat shoodr brahmanon ki seva se aur striyan prati ki seva se hi dharm ki prapti kar leti hain.

adhyatmik charcha

'vishnu puran' ke antim tin adhyayon men adhyatmik charcha karate hue trividh tap, paramarth aur brahmayog ka gyan karaya gaya hai. manav-jivan ko sarvashreshth mana gaya hai. isake lie devata bhi lalayit rahate hain. jo manushy maya-moh ke jal se mukt hokar karttavy palan karata hai, use hi is jivan ka labh prapt hota hai. 'nishkam karm' aur 'gyan marg' ka upadesh bhi is puran men diya gaya hai. laukik karm karate hue bhi dharm palan kiya ja sakata hai. 'karm marg' aur 'dharm marg'- donon ka hi shreshth mana gaya hai. karttavy karate hue vyakti chahe ghar men rahe ya van men, vah eeshvar ko avashy prapt kar leta hai.

mahabharatakalin bharat ka manachitr

bharat

  • bharatavarsh ko karmabhoomi kahakar usaki mahima ka sundar bakhan karate hue puranakar kahata hai-

it: svargashch mokshashch madhyn chantashch gamyate.
n khalvanyatr martyanan karmabhoomau vidhiyate ॥[2]

arthat yahin se svarg, moksh, antariksh athava patal lok paya ja sakata hai. is desh ke atirikt kisi any bhoomi par manushyon par manushyon ke lie karm ka koee vidhan nahin hai.

  • is karmabhoomi ki bhaugolik rachana ke vishay men kaha gaya hai-

uttarn yatsamudrasy himadreshchaiv dakshinamh . varsh tadbharatn nam bharati yatr sntati ॥[3]

arthat samudr ken uttar men aur himalay ke dakshin men jo pavitr bhoobhag sthit hai, usaka nam bharatavarsh hai. usaki sntati 'bharatiy' kahalati hai.

  • is bharat bhoomi ki vandana ke lie vishnu puran ka yah pad vikhyat hai-

gayanti deva: kil gitakani dhanyastu te bharat bhoomibhage.
svargapavargaspadamargabhoote bhavanti bhooy: purusha: suratvath.
karmand snkalpit tavatphalani snnyasy vishnau paramatmabhoote.
avapy tan karmamahimanante tasminllayn ye tvamala: prayanti ॥[4]

arthat devagan nirantar yahi gan karate hain ki jinhonne svarg aur moksh ke margh par chalane ke lie bharatabhoomi men janm liya hai, ve manushy ham devataon ki apeksha adhik dhany tatha bhagyashali hain. jo log is karmabhoomi men janm lekar samast akankshaon se mukt apane karm paramatma svaroop shri vishnu ko arpan kar dete hain, ve pap rahit hokar nirmal hriday se us anant paramatm shakti men lin ho jate hain. aise log dhany hote hain.

  • 'vishnu puran' men kali yug men bhi sadacharan par bal diya gaya hai. isaka akar chhota avashy hai, parntu manaviy hit ki drishti se yah puran atyant lokapriy aur mahattvapoorn hai.

tika tippani aur sndarbh

  1. vishnu puran 6/35
  2. vishnu puran 2/3/5
  3. vishnu puran 2/3/1
  4. vishnu puran 2/3/24-25

snbndhit lekh

shrutiyan

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah