प्रह्लाद  हिन्दी देवनागरी में पढ़ें।

snkshipt parichay
prahlad
prahlad ko god men lekar baithi holika
kul daity
pita hiranyakashipu
mata kayadhu
janm vivaran kayadhu ne hiranyakashipu se chalakipoorvak 108 bar 'narayan-narayan' kahalava liya tha, isake prabhav se hi kayadhu ke garbh men vishnu ke bhakt prahlad ka bijaropan hua tha.
parijan hiranyakashipu, kayadhu, holika
guru shukrachary, dattatrey, shnd tatha mark
sntan 'ayushman', 'shivi', 'vashkal' aur 'virochan'
yashakirti prahlad param vishnu bhakt the. pita dvara anekon yatanaen dene par bhi vah bhakti marg se nahin dige aur prasiddh vishnubhakt bane.
snbndhit lekh holika, holika dahan, holi
any janakari indr dvara kayadhu ka apaharan karane ke bad devarshi narad use apane ashram men le ae the. narad unhen bhagavad bhakti ka path padhate the. unhonne jo upadesh die ve sabhi prahlad ne mata ke garbh men hi sun lie the.

prahlad hindoo dharm ke puranon men varnit hiranyakashipu aur kayadhu danavi ka putr tha.[1] daityaraj ka putr hote hue bhi vah bachapan se hi bada bhagavadavakta tha.[2] dattatrey, shnd tatha mark usake shikshak the. hiranyakashipu ne prahlad ko har prakar se eeshvar bhakti se vichalit karane ke lie anek upay kie tatha usako nana prakar ki yatanaen din, kintu vah apane path par dridh raha. ant men prahlad ki raksha karane hetu bhagavan vishnu ne nrisinh avatar liya aur prahlad ki raksha ki.[3] 'ayushman', 'shivi', 'vashkal' aur 'virochan' isake putr[4] tatha bali pautr tha. yah eeshvar bhakti ke karan daityon aur danavon ka adhipati ho gaya tha.[5]

vishnu bhakti

kayadhu ne hiranyakashipu se chalakipoorvak 108 bar 'narayan-narayan' kahalava liya tha, isake prabhav se hi kayadhu ke garbh men vishnu ke bhakt prahlad ka bijaropan hua. daity hote hue bhi prahlad bhagavan vishnu ka param bhakt tha. usaki prabhu bhakti ke karan hiranyakashipu ki chinta badhati ja rahi thi. usane prahlad ko daityaguru shukrachary ke ashram men shiksha ke lie bheja. vahan usane sabhi kuchh sikh liya, lekin phir bhi prabhu bhakti ke atirikt usaka man kahin nahin lagata tha. prahlad any daityakumaron ko apane pas bulakar unhen sadachar ka path padhata aur bhagavan ka dhyan karane ko kahata. ve usaki baten dhyan se sunate aur usase poochhate- "prahlad! rakshason ke kul men janm lene ke bad bhi tumhen eeshvariy gyan ki baten kaise maloom hueen?" tab prahlad batata- "mere chacha hiranyaksh ki mrityu ke bad amarata ka varadan prapt karane ke lie mere pita tapasya men lin ho ge. devataon ko yah bat gyat huee to unhonne uchit avasar janakar daityapuri par akraman kar diya aur daityon ko mar bhagaya. mahal men keval meri mata kayadhu rah geen.

devaraj indr ne meri mata ko bndi bana liya aur unhen svarg men le jane lage. us samay meri mata garbhavati thin. marg men unhen devarshi narad mile. unhonne indr se meri mata ko chhod dene ka anurodh kiya. lekin indr ne yah kahate hue naradaji ki bat manane se inkar kar diya ki ‘isake garbh men daityaraj ka putr hai. jab vah janm lega to ve use mar denge.’ tab naradaji ne unhen samajhaya ki kayadhu ke garbh men koee sadharan balak nahin hai. vah bhagavan shrihari ka param bhakt hoga, jo snsar men bhakt prahlad ke nam se prasiddh hoga. tum isaka tanik bhi nukasan nahin kar sakate.

narad muni prahlad ko ashirvad dete hue

naradaji ki bat sunakar devaraj indr ne meri mata kayadhu ki parikrama kar garbh ko pranam kiya aur vahan se chale ge. tab devarshi narad meri mata ko apane ashram men lakar unaka putriroop men palan karane lage. meri mata ashram men rahane lagin. devarshi narad unhen bhagavad bhakti ka path padhate. unhonne jo upadesh die ve mainne garbh men hi sun lie the. meri mata to un upadeshon ko bhool geen. lekin devarshi narad ki kripa se mujhe ve sabhi yad rahe aur vahin main tum sab logon ko sunata hoon.” is prakar prahlad ne apani mata ke garbh men hi sabhi upadesh sune aur yad rakhe. apani bhakti ke karan age chalakar vah bhagavan vishnu ke priy bhakt ke roop men vikhyat hua.[6]

pita dvara prahlad vadh ki yojana

prahlad ka pita hiranyakashipu svayn ko hi eeshvar manata tha. usane samast praja se kah rakha tha ki sabhi usaki hi pooja karenge, vishnu ki nahin. usane tapasya karake brahma se varadan pa liya tha ki snsar ka koee bhi jiv-jantu, devi-devata, rakshas ya manushy use n mar sake. n hi vah rat men mare, n din men; n prithvi par, n akash men; n ghar men, n bahar. yahan tak ki koee astr-shastr bhi use n mar pae. aisa varadan pakar vah atynt nirnkush ban baitha tha. prahlad ki vishnubhakti se tng akar vah use kee prakar se samapt karane ke prayatn kar chuka tha, kintu bhagavan vishnu ne har bar prahlad ki raksha ki. hiranyakashipu ki bahan holika ko agni se bachane ka varadan tha. usako varadan men ek aisi chadar mili huee thi, jise odhakar yadi agnisnan kiya jae to agni use jala nahin sakati thi. hiranyakashipu ne apani bahan holika ki sahayata se prahlad ko ag men jalakar marane ki yojana banaee.

holika apane bhatije balak prahlad ko god men lekar use jalakar mar dalane ke uddeshy se chadar odhakar dhoon-dhoon kar jalati huee agni men ja baithi. prabhu-kripa se vah chadar vayu ke veg se udakar balak prahlad par ja padi aur chadar n hone par holika jal kar vahin bhasm ho gee. is prakar prahlad ko marane ke prayas men holika ki mrityu ho gee. tatpashchath hiranyakashipu ko marane ke lie bhagavan vishnu ne 'nrisinh avatar' men khnbhe se nikal kar godhooli ke samay men daravaze ki chaukhat par baithakar atyachari hiranyakashyap ko mar dala. tabhi se 'holi' ka tyohar manaya jane laga.

chyavan rishi se bhent

hiranyakashipu ke vadh ke uparant prahlad abhishikt hua. nrisinh ne use patal men sthapit kiya. bhrigu ke putr chyavan reva nadi men snan karane lage. achanak ek bhayanak sarp ne unhen grahan kar liya tatha patal men le gaya. vishnu ka smaran karane ke karan chyavan par usake dnshan ka koee prabhav nahin hua. sarp ne unake prabhav ko janakar shap ke bhay se unhen chhod diya. ek din prahlad ne unhen dekha to atithy karake unase vibhinn tirthon ke vishay men poochha. prahlad unaki prerana se naimisharany gaya. vahan tapasyarat nar-narayan se vivad hone ke karan prahlad ne unase yuddh kiya. ant men narayan ke darshan prapt kar unase nar-narayan ke vastavik roop ko jana. vishnu ne use un donon se vivad n karane ka adesh diya tatha bataya ki donon unhin ke ansh hain.

prahlad aur indr

prachin bharatiy sahity men prahlad ki katha ati hai, jo isaka mahattv batati hai. daityaraj prahlad ke putr ka nam 'virochan' tha. keshini namak ek kanya ki prapti ke lie usaka angira ke putr sudhanva se vivad chhid gaya. donon ne prahlad se poochha ki unamen kaun shreshth hai. prahlad dharmasnkat men pad gaye, ve maun rahe. unhonne kashyap se jakar poochha. kashyap ne kaha ki saty ko janate hue maun rahane se asaty kahane ka pap lagata hai, at: prahlad ne vyavastha di ki sudhanva shreshth hai. sudhanva ne is bat se prasann hokar ki unhonne apane putr ki paravah nahin ki aur saty kaha, unake putr ko sau varsh tak jivit rahane ka varadan diya.

indr par vijay

rakshasaraj prahlad ne apani tapasya evn achchhe karyon ke bal par devataon ke raja indr ko gaddi se hata diya aur svayn raja ban gaya. indr pareshan hokar devataon ke guru achary brihaspati ke pas gaye aur unhen apani samasya batayi. brihaspati ne kaha ki prahlad ko taqat ke bal par to haraya nahin ja sakata. isake lie koee aur upay karana padega. upay yah hai ki prahlad pratidin prat:kal dan dete hain. us samay vah kisi yachak ko khali hath nahin lautate. unake is gun ka upayog kar hi unhen parajit kiya ja sakata hai. indr dvara jigyasa karane par achary brihaspati ne age bataya ki prat:kal dan-puny ke is samay men tum ek bhikshuk ka roop lekar jao. jab tumhara mangane ka kram aye, to tum unase unaka charitr mang lena. bas tumhara kam ho jaega. indr ne aisa hi kiya.

charitr ka dan

jab unhonne prahlad se unaka shil manga, to prahlad chaunk gaye. unhonne poochha- kya mere shil se tumhara kam ban jaega ? indr ne han men sir hila diya. prahlad ne apane shil arthath charitr ko apane sharir se jane ko kah diya. aisa kahate hi ek tejasvi akriti prahlad ke sharir se nikali aur bhikshuk ke sharir men sama gayi. poochhane par usane kaha- 'main apaka charitr hoon. apake kahane par hi apako chhodakar ja raha hoon.' kuchh samay bad prahlad ke sharir se pahale se bhi adhik tejasvi ek akriti aur nikali. prahlad ke poochhane par usane bataya ki 'main apaka shaury hoon. main sada se shil vale vyakti ke sath hi rahata hoon, choonki apane shil ko chhod diya hai, isalie ab mera bhi yahan rahana snbhav nahin hai.' prahlad kuchh soch hi rahe the ki itane men ek akriti aur unake sharir ko chhodakar jane lagi. poochhane par usane svayn ko vaibhav bataya aur kaha ki 'shil ke bina mera rahana snbhav nahin hai. isalie main bhi ja raha hoon.'

isi prakar ek-ek kar prahlad ke sharir se anek jyotipunj nikalakar bhikshuk ke sharir men sama gaye. prahlad nidhal hokar dharati par gir gaye. sabase ant men ek bahut hi prakashaman punj nikala. prahlad ne chaunkakar usaki or dekha, to vah bola- 'main apaki rajyashri hoon. chnki ab apake pas n shil hai n shaury; n vaibhav hai n tap; n pratishtha hai n sampada. isalie ab mere yahan rahane ka bhi koee labh nahin hai. at: main bhi apako chhod rahi hoon.' is prakar indr ne keval shil lekar hi prahlad ka sab kuchh le liya.[7]

rajy ka tyag

prahlad apane pita ke shatru devataon ko pidit karata rahata tha. yadyapi vah vishnubhakt tha. ek bar devataon se ghor yuddh hone par shokagrast prahlad ne rajyabhar svayn tyagakar bali ko saunp diya tatha svayn gndhamadan parvat par tapasya ke nimitt chala gaya. danav devataon se trast hokar apane guru shukr ki sharan men pahunche. shukr ne unase nitipoorvak maitri banaye rakhane ko kaha aur svayn shiv ki tapasya karake devataon ke vinash ke nimitt mntr grahan karane chale gaye. prahlad ke netritv men unhonne devataon ke sammukh shanti ka prastav rakha. taduparant shukr shiv ki aradhana ke lie chale gaye taki ve devataon ke vinash ke lie mntragrahan kar saken.[8]


inhen bhi dekhen: holi, holika evn holika dahan


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. bhagavatapuran 6.18.12, 13; 7.1.41; brahmandapuran 3.5.33; 8.6; matsyapuran 6.9; vayupuran 67.70; vishnupuran 1.15.142
  2. bhagavatapuran 1.3.11; 12.25; 4.21.29; 5.18.7; 6.18.10, 16; 7.1.41-43; 10.39.54; 63.47-9; vishnupuran 1.15.143-52
  3. bhagavatapuran 7.5.550; adhya. 6-9 poora; 10.1-24, 32-4; 4.21.29, 47; matsyapuran 162.2, 14
  4. bhagavatapuran 6.18.15.16; matsyapuran 6.9
  5. vishnupuran 1.21.14; 22.4; 4.9.5
  6. eeshvar ka bhakt prahlad (hindi) haaut taaupiks. abhigaman tithi: 04 march, 2015.
  7. bharatiy mithak kosh (193-194) * mahabharat sabhaparv, 68 . 65 se 87 * shantiparv, 124 .
  8. bharatiy snskriti kosh (193-194) * devi bhagavat 4,7-11

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah