होली  हिन्दी देवनागरी में पढ़ें।

holi
Kolaz-Holi.jpg
any nam dol yatra ya dol poornima (pashchim bngal), kaman podigee (tamilanadu), hola mohalla (pnjab), kamana habba (karnatak), phagua (bihar), rngapnchami (maharashtr), shimago (gova), dhulendi (hariyana), govinda holi (gujarat), yosang holi (manipur) adi.
anuyayi hindoo, bharatiy, bharatiy pravasi
uddeshy dharmik nishtha, samajik ekata, manornjan
prarambh pauranik kal
tithi phalgun poornima
utsav rng khelana, hudadng, mauj-masti
anushthan holika dahan
prasiddhi latthamar holi (barasana)
snbndhit lekh braj men holi, holika, holika dahan, krishn, radha, gopi, hiranyakashipu, prahlad, gulal, daooji ka hurnga, phalen ki holi, rngabharani ekadashi adi.
varsh 2018 1 march ko holika dahan evn 2 march ko holi (dhulendi)
adyatan‎

holi (angrezi: Holi) bharat ka pramukh tyohar hai. holi jahan ek or samajik evn dharmik tyohar hai, vahin rngon ka bhi tyohar hai. bal-vriddh, nar-nari sabhi ise bade utsah se manate hain. isamen jatibhed-varnabhed ka koee sthan nahin hota. is avasar par lakadiyon tatha kndon adi ka dher lagakar holikapoojan kiya jata hai phir usamen ag lagayi jati hai. poojan ke samay mntr uchcharan kiya jata hai. inhen bhi dekhen: holi mahotsav, braj, holashtak evn holika dahan

itihas

prachalit manyata ke anusar yah tyohar hiranyakashipu ki bahan holika ke mare jane ki smriti men manaya jata hai. puranon men varnit hai ki hiranyakashipu ki bahan holika varadan ke prabhav se nity agni snan karati thi aur jalati nahin thi. hiranyakashipu ne apani bahan holika se prahlad ko god men lekar agni snan karane ko kaha. usane samajha ki aisa karane se prahlad agni men jal jaega tatha holika bach jaegi. holika ne aisa hi kiya, kintu holika jal gayi, prahlad bach gaye. holika ko yah smaran hi nahin raha ki agni snan vah akele hi kar sakati hai. tabhi se is tyohar ke manane ki pratha chal padi.
bazar men vibhinn rngon ka drishy

prachin shabdaroop

yah bahut prachin utsav hai. isaka arambhik shabdaroop holaka tha.[1] bharat men poorvi bhagon men yah shabd prachalit tha. jaimini evn shabar ka kathan hai ki 'holaka' sabhi aryo dvara sampadit hona chahie. kathakagrihy[2] men ek sootr hai 'raka hola ke', jisaki vyakhya tikakar devapal ne yon ki hai- 'hola ek karm-vishesh hai jo striyon ke saubhagy ke lie sampadit hota hai, us krity men raka[3] devata hai.'[4] any tikakaron ne isaki vyakhya any roopon men ki hai. 'holaka' un bis kridaon men ek hai jo sampoorn bharat men prachalit hain. isaka ullekh vatsyayan ke kamasootr[5] men bhi hua hai jisaka arth tikakar jayamngal ne kiya hai. phalgun ki poornima par log shrring se ek-doosare par rngin jal chhodate hain aur sugndhit choorn bikherate hain. hemadri[6] ne brihadyam ka ek shlok udbhrit kiya hai. jisamen holika-poornima ko hutashani[7] kaha gaya hai. ling puran men aya hai- 'phalgun poornima ko 'phalgunika' kaha jata hai, yah bal-kridaon se poorn hai aur logon ko vibhooti, aishvary dene vali hai.' varah puran men aya hai ki yah 'patavas-vilasini' [8] hai. [9]

shatabdiyon poorv se holika utsav

bazar men pichakariyan

jaimini evn kathakagrihy men varnit hone ke karan yah kaha ja sakata hai ki eesa ki kee shatabdiyon poorv se 'holaka' ka utsav prachalit tha. kamasootr evn bhavishyottar puran ise vasant se snyukt karate hain, at: yah utsav poornimant ganana ke anusar varsh ke ant men hota tha. at: holika hemant ya patajhad ke ant ki soochak hai aur vasant ki kam-premamay lilaon ki dyotak hai. masti bhare gane, nrity evn sngit vasantagaman ke ullasapoorn kshanon ke parichayak hain. vasant ki anandabhivyakti rngin jal evn lal rng, abir-gulal ke parasparik adan-pradan se prakat hoti hai. kuchh pradeshon men yah rng yukt vatavaran 'holika ke din' hi hota hai, kintu dakshin men yah holika ke panchaven din (rng-pnchami) manayi jati hai. kahin-kahin rngon ke khel pahale se arambh kar diye jate hain aur bahut dinon tak chalate rahate hain; holika ke poorv hi 'pahunee' men aye hue log ek-doosare par pnk (kichad) bhi phenkate hain.[10] kahin-kahin do-tin dinon tak mitti, rng, gan adi se log matavale hokar dal bana kar holi ka hudadng machate hain, sadaken lal ho jati hain. vastav men yah utsav prem karane se sambandhit hai, kintu shishtajanon ki nariyan in dinon bahar nahin nikal patin, kyonki unhen bhay rahata hai ki log bhaddi galiyan n de baithen. shri gupte ne apane lekh[11] men prakat kiya hai ki yah utsav eejipt, misr ya gris, yoonan se liya gaya hai. kintu yah bhramak drishtikon hai. lagata hai, unhonne bharatiy prachin granthon ka avalokan nahin kiya hai, doosare, ve is vishay men bhi nishchit nahin hain ki is utsav ka udgam mistr se hai ya yoonan se. unaki dharana ko gambhirata se nahin lena chahie.

holika

hemadri[12] ne bhavishyottar[13] se uddharan dekar ek katha di hai. yudhishthir ne krishn se poochha ki phalgun-poornima ko pratyek ganv evn nagar men ek utsav kyon hota hai, pratyek ghar men bachche kyon kridamay ho jate hain aur 'holaka' kyon jalate hain, usamen kis devata ki pooja hoti hai, kisane is utsav ka prachar kiya, isamen kya hota hai aur yah 'adada' kyon kahi jati hai.
prahlad ko god men bithakar baithi holika
krishn ne yudhishthir se raja raghu ke vishay men ek kinvadnti kahi. raja raghu ke pas log yah kahane ke lie gaye ki 'dhondha' namak ek rakshasi hai jise shiv ne varadan diya hai ki use dev, manav adi nahin mar sakate hain aur n vah astr shastr ya jada ya garmi ya varsha se mar sakati hai, kintu shiv ne itana kah diya hai ki vah kridayukt bachchon se bhay kha sakati hai. purohit ne yah bhi bataya ki phalgun ki poornima ko jade ki ritu samapt hoti hai aur grishm ritu ka agaman hota hai, tab log hnsen evn anand manayen, bachche lakadi ke tukade lekar bahar prasannatapoorvak nikal paden, lakadiyan evn ghas ekatr karen, rakshoghn mantron ke sath usamen ag lagayen, taliyan bajayen, agni ki tin bar pradakshina karen, hnsen aur prachalit bhasha men bhadde evn ashlil gane gayen, isi shoragul evn attahas se tatha hom se vah rakshasi maregi. jab raja ne yah sab kiya to rakshasi mar gayi aur vah din 'adada' ya 'holika' kaha gaya. age aya hai ki doosare din chaitr ki pratipada par logon ko holikabhasm ko pranam karana chahie, mantrochcharan karana chahie, ghar ke prangan men vargakar sthal ke madhy men kam-pooja karani chahie. kam-pratima par sundar nari dvara chandan-lep lagana chahie aur pooja karane vale ko chandan-lep se mishrit amr-baur khana chahie. isake uparant yathashakti brahmanon, bhaton adi ko dan dena chahie aur 'kam devata mujh par prasann hon' aisa kahana chahie. isake age puran men aya hai- 'jab shukl paksh ki 15vin tithi par patajhad samapt ho jata hai aur vasant ritu ka prat: agaman hota hai to jo vyakti chandan-lep ke sath amr-mnjari khata hai vah anand se rahata hai.'[14]

holika dahan

holika dahan poorn chndrama (phalgun poornima) ke din hi prarnbh hota hai. is din saynkal ko holi jalaee jati hai. isake ek mah poorv arthath magh poornima ko 'ernd' ya goolar vriksh ki tahani ko ganv ke bahar kisi sthan par gad diya jata hai, aur us par lakadiyan, sookhe upale, khar-patavar adi charon se ekatr kiya jata hai aur phalgun poornima ki rat ya saynkal ise jalaya jata hai. parnpara ke anusar sabhi log alav ke charon or ekatrit hote hain.
radha-krishn ki chhavi men brajavasi, barasana
isi alav ko 'holi' kaha jata hai. holi ki agni men sookhi pattiyan, tahaniyan v sookhi lakadiyan dali jati hain tatha log isi agni ke charon or nrity v sngit ka anand lete hain.

holi aur radha-krishn ki katha

bhagavan shrikrishn to sanvale the, parntu unaki atmik sakhi radha gauravarn ki thi. isalie balakrishn prakriti ke is anyay ki shikayat apani man yashoda se karate tatha isaka karan janane ka prayatn karate. ek din yashoda ne shrikrishn ko yah sujhav diya ki ve radha ke mukh par vahi rng laga den, jisaki unhen ichchha ho. natakhat shrikrishn yahi kary karane chal pade. ap chitron v any bhakti akritiyon men shrikrishn ke isi krity ko jisamen ve radha v any gopiyon par rng dal rahe hain, dekh sakate hain. yah premamayi shararat shighr hi logon men prachalit ho gee tatha holi ki parnpara ke roop men sthapit huee. isi ritu men log radha v krishn ke chitron ko sajakar sadakon par ghoomate hain. mathura ki holi ka vishesh mahattv hai, kyonki mathura men hi krishn ka janm hua tha.

mathura holi ke vibhinn drishy

holi, krishn janmabhoomi, mathura holi, krishn janmabhoomi, mathura holi, dvarikadhish mandir, mathura holi, krishn janmabhoomi, mathura holi, holi daravaza, mathura holi, holi daravaza, mathura holi, holi daravaza, mathura holi, krishn janmabhoomi, mathura holi, holi daravaza, mathura holi, krishn janmabhoomi, mathura holi, holi daravaza, mathura holi, krishn janmabhoomi, mathura

holi aur dhundhi ki katha

bhavishy puran men varnit hai ki satyayug men raja raghu ke rajy men mali namak daity ki putri dhondha ya dhundhi thi. usane shiv ki ugr tapasya ki. shiv ne var mangane ko kaha. usane var manga- prabho! devata, daity, manushy adi mujhe mar n saken tatha astr-shastr adi se bhi mera vadh n ho. sath hi din men, ratri men, shitakal men, ushnakal tatha varshakal men, bhitar-bahar kahin bhi mujhe kisi se bhay nahin ho.' shiv ne tathastu kaha tatha yah bhi chetavani di ki tumhen unmatt balakon se bhay hoga. vahi dhondha namak rakshasi balakon v praja ko pidit karane lagi. 'adada' mntr ka uchcharan karane par vah shant ho jati thi. isi se use 'adada' bhi kahate hain. is prakar bhagavan shiv ke abhishap vash vah gramin balakon ki shararat, galiyon v chillane ke age vivash thi. aisa vishvas kiya jata hai ki holi ke din hi sabhi balakon ne apani ekata ke bal par age badhakar dhundhi ko ganv se bahar dhakela tha. ve zor-zor se chillate hue tatha chalaki se usaki or badhate hi gaye. yahi karan hai ki is din navayuvak kuchh ashisht bhasha men hnsi majak kar lete hain, parntu koee unaki bat ka bura nahin manata.

inhen bhi dekhen: daooji ka hurnga

holi ki prachin kathaen

  • ek kahani yah bhi hai ki kns ke nirdesh par jab rakshasi pootana shrikrishn ko marane ke lie unako vishapoorn dugdhapan karana shuroo kiya lekin shrikrishn ne doodh pite-pite use hi mar dala. kahate hain ki usaka sharir bhi lupt ho gaya to ganv valon ne pootana ka putala bana kar dahan kiya aur khushiyan manaeen. tabhi se mathura me holi manane ki parnpara hai.[15]
Holi-14.jpg
  • ek any mukhy dharana hai ki himalay putri parvati bhagavan shiv se vivah karana chahati thin. choonki shnkar ji tapasya men lin the isalie kamadev parvati ki madad ke lie ae. kamadev ne apana premaban chalaya jisase bhagavan shiv ki tapasya bhng ho gee. shivashnkar ne krodh men akar apani tisara netr khol diya. jisase bhagavan shiv ki krodhagni men jalakar kamadev bhasm ho ge. phir shnkar ji ki nazar parvati ji par gee. shivaji ne parvati ji ko apani patni bana liya aur shiv ji ko pati ke roop men pane ki parvati ji ki aradhana saphal ho gee. holi ke agni men vasanatmak akarshan ko pratikatmak roop se jalakar sachche prem ke vijay ke roop men yah tyohar vijayotsav ke roop men manaya jata hai.[15]
  • manusmriti men isi din manu ke janm ka ullekh hai. kaha jata hai manu hi is prithvi par ane vale sarvapratham manav the. isi din 'nar-narayan' ke janm ka bhi varnan hai jinhen bhagavan vishnu ka chautha avatar mana jata hai.[15]
  • satayug men bhavishyotarapooran nagar men chhote se lekar badon ko sardi-jukam jaisi bimariyan lag gee. vahan ke log ise dyundha nam ki rakshasi ka prabhav man rahe the. isase raksha ke lie ve log ag ke pas rahate the. samany taur par mausam parivartan ke samay logon ko is tarah ki bimariyan ho jati hain, jisamen agni rahat pahunchati hai. ‘shami’ ka ped jise agni-shakti ka pratik mana gaya tha, use jalaya gaya aur agale din satyayugin raja raghu ne holi manayi.[15]

is tarah dekhate hain ki holi vibhinn yugon men tarah-tarah se aur anek namon se manayi gayi aur aj bhi manaee ja rahi hai. is tarah kah sakate hain ki asaty par saty ki ya buraee par achchhaee par jit ki khushi ke roop men holi manayi jati hai. isake rngon men rng kar ham tamam khushiyon ko atmasat kar lete hain.

sahity men holi ki jhalak

prachin kal ke snskrit sahity men holi ke anek roopon ka vistrit varnan hai. shrimadbhagavat mahapuran men rason ke samooh ras ka varnan hai. any rachanaon men 'rng' namak utsav ka varnan hai jinamen harsh ki priyadarshika v ratnavali tatha kalidas ki kumarasnbhavamh tatha malavikagnimitramh shamil hain. kalidas rachit ritusnhar men poora ek sarg hi 'vasantotsav' ko arpit hai. bharavi, magh aur any kee snskrit kaviyon ne vasant ki khoob charcha ki hai. chndabaradaee dvara rachit hindi ke pahale mahakavy prithviraj raso men holi ka varnan hai. bhaktikal aur ritikal ke hindi sahity men holi aur phalgun mah ka vishisht mahatv raha hai. adikalin kavi vidyapati se lekar bhaktikalin sooradas, rahim, rasakhan, padmakar, malik muhammad jayasi, mirabaee, kabir aur ritikalin bihari, keshav, ghanannd adi anek kaviyon ko yah vishay priy raha hai. mahakavi sooradas ne basant evn holi par 78 pad likhe hain. padmakar ne bhi holi vishayak prachur rachanaen ki hain.[16]soofi snt hazarat nizamuddin auliya, amir khusaro aur bahadurashah zafar jaise muslim snpraday ka palan karane vale kaviyon ne bhi holi par sundar rachanaen likhi hain jo aj bhi jan samany men lokapriy hain. adhunik hindi kahaniyon premachnd ki raja haradol, prabhu joshi ki alag alag tiliyan, tejendr sharma ki ek bar phir holi, om prakash avasthi ki holi mngalamay ho tatha svadesh rana ki ho li men holi ke alag alag roop dekhane ko milate hain.
snskrit shabd 'holakka' se holi shabd ka janm hua hai. vaidik yug men 'holakka' ko aisa ann mana jata tha, jo devon ka mukhy roop se khady-padarth tha. bngal men holi ko dol yatra ya jhoolan parv, dakshin bharat men kamathanam, madhy pradesh ke chhattisagadh men ’gol badhedo’ nam se utsav manaya jata hai aur uttaranchal men lok sngit v shastriy sngit ki pradhanata hai. 'priyadarshika', 'ratnavali', 'kumar sambhav' sabhi men rng ka varnan aya hai. kalidas rachit 'ritusnhar' men poora ek sarg hi 'vasantotsav' ko arpit hai. 'bharavi', 'magh' jaise snskrit kaviyon ne bhi vasant aur holi parv ka ullekh apani rachanaon men kiya hai. 'prithviraj raso' men holi ka varnan hai. padmakar ne bhi holi ko lekar kee masti bhare pad likhe hain jinamen prakriti aur dharati mata ke holi khelane ke bhavon ko prakat kiya gaya hai.[17]

urdoo sahity men holi

holi, krishn janmabhoomi, mathura
holi, krishn janmabhoomi, mathura
holi, krishn janmabhoomi, mathura
holi, krishn janmabhoomi, mathura
krishn holi lila
krishn holi lila
holi, raman reti, mahavan
holi, raman reti, mahavan

mugal kal men rache ge urdoo sahity men dag dehalavi, hatim, mir, kuli kutubashah, mahazoor, bahadur shah zafar, nazir, atish, khvaja haidar ali 'atish', insha aur tanba jaise kee nami shayaron ne holi ki masti aur radha krishn ke nishchchhal pyar ko apani shayari men bahut khoobasoorati se piroya hai. urdoo ke jane mane shayar nazir akabarabadi par urdoo adab ke bharat ki snskriti aur parnparaon ka zabardast asar tha. 150 sal pahale likhi gee unaki rachanaen 'nazir ki bani' ke nam se prasiddh hai. unhonne jis masti ke sath holi ka varnan kiya hai. usako padhakar hi us daur men kheli jane vali holi ki masti ki mahak madamast kar deti hai.

urdoo ke jane mane shayar nazir akabarabadi ki ek kavita

jab phagun rng jhamakate hon tab dekh baharen holi ki.
aur daf ke shor khadakate hon tab dekh baharen holi ki.
pariyon ke rng damakate hon tab dekh baharen holi ki.
kham shish-e-jam chhalakate hon tab dekh baharen holi ki.
mahaboob nashe men chhakate hon tab dekh baharen holi ki.[18]

amir khusaro ne holi ko apane soofi andaz men kuchh aise dekha hai-

daiyya re mohe bhijoya ri, shah nijam ke rng men
kapade rng ke kuchh n hot hai, ya rng men tan ko duboya ri.[19]

antim mugal badashah bahadur shah zafar ke shabdon men holi ki masti ka rng kuchh is tarah dikhaee deta hai

kyon mo pe rng ki mari pichakari
dekho kunvaraji doongi main gari...[19]

bhakti kal men holi

  • bhaktikal ke mahakavi ghanannd ne holi ki masti ko apane shabdon men kuchh yon piroya hai-

priy deh achheh bhari duti deh, diyai tarunaee ke teh tuli.
ati hi gati dhir samir lagai, mridu hemalata jimi jati duli.
ghanannd khel ulail datai, bil sain, khul sain lat bhoomi jhuli.
sudhi sundar bhal pai maunhani bich, gulal ki kaisi khuli tikuli.[19]

phag ki mir amirani jyon, gahi govind lai gee bhitar gori,
may kari man ki padmakar, oopar nay abir ki jhori.
chhin pitnbar kammar te, subida dee mid kapolan rori,
nain nachay muskay kahen, lala phir aiyo khelan hori.[19]

  • bharatenduji bhi to 'phaguniya' jate hain aur phir gate bhi hain-

gale mujhako laga lo ai mere diladar holi men,
bujhe dil ki lagi meri bhi e yar holi men.[19]

braj men phag utsav

phalgun ke mah rngabharani ekadashi se sabhi mandiron men phag utsav prarambh hote hain jo dauj tak chalate hain. dauj ko baldev (daooji) men hurnga hota hai. barasana, nandaganv, jav, bathain, jatipura, anyaur adi men bhi holi kheli jati hai . yah braj ka vishesh tyohar hai. yon to puranon ke anusar isaka sambandh puran kathaon se hai aur braj men bhi holi isi din jalaee jati hai. isamen ygy roop men navin ann ki balen bhooni jati hain. prahlad ki katha ki prerana isase milati hain. holi dahan ke din kosi ke nikat phalain ganv men 'prahlad kund' ke pas 'bhakt prahlad ka mela' lagata hai. yahan tez jalati huee holi men se nnge badan aur nnge panv panda nikalata hai.

latthamar holi, barasana

shrikrishn radha aur gopiyon–gvalon ke bich ki holi ke roop men gulal, rng, kesar ki pichakari se khoob khelate hain. holi ka arambh phalgun shukl navami barasana se hota hai. vahan ki lathamar holi vishv prasiddh hai. dashami ko aisi hi holi nandaganv men hoti hai. isi ke sath poore braj men holi ki dhoom machati hai. dhoolendi ko pray: holi poorn ho jati hai, isake pahale hurnge chalate hain, jinamen mahilayen rngon ke sath lathiyon, kodon adi se purushon ko gherati hain. yah sab dharmik vatavaran hota hai. holi ya holika anand evn ullas ka aisa utsav hai jo sampoorn desh men manaya jata hai. utsav manane ke dhng men kahin-kahin antar paya jata hai. pashchim bngal ko chhodakar holika-dahan sarvatr dekha jata hai. bngal men phalgun poornima par 'krishn-pratima ka jhoola' prachalit hai kintu yah bharat ke adhikansh sthanon men nahin dikhaee padata. is utsav ki avadhi vibhinn pranton men vibhinn hai. is avasar par log bans ya dhatu ki pichakari se rngin jal chhodate hain ya abir-gulal lagate hain. kahin-kahin ashlil gane bhi gaye jate hain. isamen jo dharmik tattv hai vah hai bngal men krishn-pooja karana tatha kuchh pradeshon men purohit dvara holika ki pooja karavana. log holika dahan ke samay parikrama karate hain, agni men nariyal phenkate hain, gehoon, jau adi ke dnthal phenkate hain aur inake adhajale ansh ka prasad banate hain. kahin-kahin log hatheli se mukh-svar utpann karate hain.

barasana holi ke vibhinn drishy

holi, barasana holi, barasana holi, barasana holi, barasana holi, barasana holi, barasana holi, barasana holi, barasana holi, barasana holi, barasana holi, barasana

dulendi

yah tyohar holi ke agale din, rng divas ke roop men manaya jata hai. is parv par kishor-kishoriyan, vayask v vriddh sabhi ek-doosare par gulal barasate hain tatha pichakariyon se gile rng lagate hain. parnparik roop se keval prakritik v jadi-bootiyon se nirmit rngon ka prayog hota hai, parntu aj kal kritrim rngon ne inaka sthan le liya hai. ajakal to log jis-kisi ke sath bhi shararat ya majak karana chahate hain. usi par rngile jhag v rngon se bhare gubbare marate hain. prem se bhare yah - narngi, lal, hare, nile, baingani tatha kale rng sabhi ke man se katuta v vaimanasy ko dho dete hain tatha samudayik mel-jol ko badhate hain. is din sabhi ke ghar pakavan v mishthan banate hain. log ek- doosare ke ghar jakar gale milate hain aur pakavan khate hain.

svadisht vynjan

mishthan is parv ki visheshata hain. uttar bharat men ap 'gujhiya' ka anand le sakate hain v pashchim men, maharashtr men 'pooranapoli' ka. thndaee [20]bhang [21] parntu is mishran se savadhan hi rahana chahie, kyonki yah pey holi par prayah sabhi jagah banaya v vitarit kiya jata hai. isaka nasha shighr utarata nahin aur bhookh badhati hi jati hai, isake pine se dimag par bura prabhav padata hai.

filmon men holi git

sndhya ray, git- are ja re hat natakhat..., film- navarng rajesh khanna aur asha parekh, git- aj n chhodenge..., film- kati patng hema malini,  git- holi ke din..., film- shole amitabh bachchan aur rekha, git- rng barase..., film- silasila amitabh bachchan aur hema malini, git- holi khele raghubira..., film- bagaban akshay kumar aur priynka chopada, git- doo mi e phevar..., film- vaqt ranabir kapoor aur dipika padukon, git- balam pichakari..., film- ye javani hai divani

holi rngon, annd aur ullas ka tyohar hai. baaulivud ke holi git isi annd aur ullas se bhare hote hain. 'holi aee re kanhaee'[22], 'are ja re hat natakhat' [23], 'aj na chhodenge bas hamajoli'[24], 'holi ke din'[25], 'rng barase' [26], 'mal de gulal mohe, aee holi aee re'[27], 'ang se ang lagana sajan'[28] aur 'holi khelen raghuvira'[29] holi ke kuchh lokapriy git hain. isake alava 'holi ke rng men', 'rng barase bhige chunar vali' aur 'holi khelen raghuvira...' hindi filmon ke kuchh aise lokapriy git hain jo rngon ke tyohar holi ki bhavana ko bade parde par jivnt karate hain, lekin aj holi ke giton ka abhav dekha ja raha hai aur aise men log purane giton men hi holi ka maja lene ko majaboor hain. hindi filmon men aya holi ka ek prasiddh git 'doo mi e phevar.. lets ple holi' hai. film 'vakt-res angenst taim', 2005 ka yah git akshay kumar aur priynka chopada par filmaya gaya hai. is git men holi ke rng, oorja sahit sab kuchh hai.[30]hindi filmon men aya antim holi prasiddh git film 'ye javani hai divani' ka 'balam pichakari...' hai jisamen ranabir kapoor aur dipika padukon ne abhinay kiya hai.

vibhinn pranton men holi

anandollas se paripoorn evn gan-nrityon men lin log jab any pranton men holika ka utsav manate hain tab pashchim bngal men dol yatra ka utsav hota hai.[31] yah utsav panch ya tin dinon tak chalata hai. poornima ke poorv chaturdashi ko sandhya ke samay mandap ke poorv men agni ke samman men ek utsav hota hai. govind ki pratima ka nirman hota hai. ek vedika par 16 khambhon se yukt mandap men pratima rakhi jati hai. ise pnchamrit se nahalaya jata hai, kee prakar ke krity kiye jate hain, moorti ya pratima ko idhar-udhar sat bar dolaya jata hai. pratham din ki prajvalit agni utsav ke ant tak rakhi jati hai. ant men pratima 21 bar dolaee ya jhulaee jati hai. aisa aya hai ki indradyumn raja ne vrindavan men is jhoole ka utsav arambh kiya tha. is utsav ke karane se vyakti sabhi papon se mukt ho jata hai. shoolapani ne isaki tithi, prahar, nakshatr adi ke vishay men vivechan kar nishkarsh nikala hai ki dolayatra poornima tithi ki upasthiti men hi honi chahie, chahe uttaraphalguni nakshatr ho ya n ho. desh ke kee alag-alag pranton men holi ko alag alag namon se jana jata hai aur bade hi nirale andazon men manaya jata hai. holi bharat hi nahin balki poore vishv ke kone kone men manaee jati hai, bas dhng alag hai. bharat ke pranton men holi ke dhng alag-alag hain.[32]

andhr pradesh ki holi

holi ka annd uthate log
holi ka annd uthate bachche
holi ka annd uthate log
holi ka annd uthate log
holi ka annd uthate log
holi ka annd uthate log
holi ka annd uthate log
holi ka annd uthate log
holi, barasana

vaise to dakshin bharat men uttar bharat ki tarah ki rngon bhari holi nahin manaee jati hai phir bhi sabhi log harshollas men shamil rahate hain. uttar bharat se itar dakshin men navayuvak sham ko ekatrit ho kar gulal se holi khelate hain aur badon ka ashirvad lete hain. andhr pradesh ke bnjara janajatiyon ka holi manane ka apana nirala tariqa hai. yah log apane vishisht andaz men manoram nrity prastut karate hain.

tamilanadu ki holi

isi prakar tamilanadu men holi ko 'kamavilas', 'kaman pndigaee' evn 'kam-dahan' ke nam se jana jata hai, yahan ke logon ka manana hai ki kamadev ke tir ke karan hi shiv ko parvati se prem hua tha aur bhagavan shiv ka vivah devi parvati se hua tha, magar tir lagane se krodhit shiv ji ne kamadev ko bhasm kar diya tha tab rati ke agrah par devi parvati ne unhen punarjivit kiya aur jis din kamadev punarjivit hue us din ko holi ke roop men manate hain. isilie tamilanadu men holi ko kam pndigaee ke nam se jana jata hai. yahan holi ko prem ke parv ke roop men manaya jata hai.[32]

uttar pradesh ki holi

uttar pradesh men holi ka tyohar bade hi harsh aur ullas se manaya jata hai. uttar pradesh ke kone kone men holi ki dhoom dekhate hi banati hai. holi ke din kya bade aur kya chhote sabhi ko har prakar ke majakabazi ki poorn chhoot hoti hai aur log isaka jamakar luft bhi uthate hain. chhed-chhad, chuhalabazi, git sngit yahan tak ki gali galauj tak ko bhi jayaz mana jata hai. yahan holi par rng aur gulal ke alava tarah tarah ke vynjan ka bhi bolabala rahata hai. gujhiya, dahi vade, mathari aur in sab se badh kar thndaee aur usake sath bhang, rngon ke suroor ko doguna kar deti hai. rat ko holika dahan ke bad agale din subah rngon ke sath gili holi kheli jati hai aur sham ko abir aur gulal se saman sarabor hota hai. uttar pradesh men vrindavan aur mathura ki holi ka apana hi mahattv hai. is tyohar ko kisanon dvara phasal katane ke utsav ek roop men bhi manaya jata hai. gehoon ki baliyon ko ag men rakh kar bhoona jata hai aur phir use khate hain. holi ki agni jalane ke pashchath bachi rakh ko rog pratirodhak bhi mana jata hai. in sab ke alava uttar pradesh ke mathura, vrindavan kshetron ki holi to vishvaprasiddh hai. mathura men barasane ki holi prasiddh hai. barasana radha ji ka ganv hai jo mathura shahar se qarib 42 kimi andar hai. yahan ek anokhi holi kheli jati hai jisaka nam hai latthamar holi. barasane men aisi parnpara hain ki shri krishn ke ganv nndaganv ke purush barasane men ghusane aur radha ji ke mndir men dhvaj phaharane ki koshish karate hain aur barasane ki mahilaen unhen aisa karane se rokati hain aur dndon se pitati hain aur agar koee mard pakad jaye to use mahilaon ki tarah shrringar karana hota hai aur sab ke sammukh nrity karana padata hai, phir isake agale din barasane ke purush nndaganv ja kar vahan ki mahilaon par rng dalane ki koshish karate hain. yah holi utsav qarib sat dinon tak chalata hai. isake alava ek aur ullas bhari holi hoti hai, vo hai vrindavan ki holi yahan banke bihari mndir ki holi aur 'gulal kund ki holi' bahut mahattvapoorn hai. vrindavan ki holi men poora saman pyar ki khushi se sugandhit ho uthata hai kyonki aisi manyata hai ki holi par rng khelane ki parnpara radhaji v krishn ji dvara hi shuroo ki gee thi.[32]

bngal aur udisa ki holi

bngal men holi ko 'dol yatra' v 'dol poornima' kahate hain aur holi ke din radha aur krishn ki pratimaon ko doli men baithakar poore shahar men ghumate hain aur auraten usake age nrity karati hain. yah bhi apane ap men ek anoothi holi hai. bngal men holi ko 'basnt parv' bhi kahate hain. isaki shuruat ravindr nath taigor ne shanti niketan men ki thi. udisa men bhi holi ko 'dol poornima' kahate hain aur bhagavan jagannath ji ki doli nikali jati hai.

rajasthan ki holi

yahan mukhyat: tin prakar ki holi hoti hai. mali holi- isamen mali jat ke mard, auraton par pani dalate hain aur badale men auraten mardon ki lathiyon se pitaee karati hai. isake alava godaji ki gair holi aur bikaner ki dolachi holi bhi behad khoobasoorat hoti hai. [32]

pnjab ki holi

pnjab men holi ko 'hola mohalla' kahate hain aur ise nihng sikh manate hain. is mauke par ghudasavari, talavarabazi adi ka ayojan hota hai.

hariyana ki holi

hariyana ki holi bhi barasane ki latthamar holi jaisi hi hoti hai. bas farq sirf itana hai ki yahan devar, bhabhi ko rngane ki koshish karate hain aur badale men bhabhi devar ki lathiyon se pitaee karati hai. yahan holi ko 'dulhndi' bhi kahate hain.

dilli valon ki dilavali holi

dilli ki holi to sabase nirali hai kyonki rajadhani hone ki vajah se yahan par sabhi jagah ke log apane dhng holi manate hain jo apasi samarasata aur sauhard ka svaroop hai. vaise dilli men netaon ki holi ki bhi khoob dhoom hoti hai.[32]

karnatak men holi samaroh

karnatak men yah tyohar kamana habba ke roop men manaya jata hai. is din bhagavan shiv ne kamadev ko apane tisare netr se jala diya tha. is din kooda-karakat phate vastr, ek khuli jagah ekatrit kie jate hain tatha inhen agni ko samarpit kiya jata hai. as-pas ke sabhi padosi is utsav ko dekhane ate hain.
isake alava bihar ki phagua holi, maharashtr ki rngapnchami, gova ki shimago[33], gujarat ki govinda holi, aur pashchimi poorv ki 'bihi janajati ki holi' ki dhoom bhi nirali hai.

prem ka tyohar

Holi-17.jpg

holi basnt v prem-pranav ka parv hai tatha dharm ki adharm par vijay ka pratik hai. yah rngon ka, has-parihas ka bhi parv hai. yah vah tyohar hai, jisamen log 'kya karana hai, tatha kya nahin karana' ke jal se alag hokar svayn ko svatntr mahasoos karate hain. yah vah parv hai, jisamen ap poorn roop se svachchhnd ho, apani pasnd ka kary karate hain, chahe yah kisi ko chhedana ho ya azanabi ke sath bhi thodi shararat karani ho. in sabaka sarvottam roop yah hai ki sabhi katuta, krodh v niradar bura n mano holi hai ki oonchi dhvani men doobakar ghul-mil jata hai. bura n mano holi hai ki karatal dhvani holi ki lnbi parampara ka abhinn ang hai.

madanotsav

dashakumar charit men holi ka ullekh 'madanotsav' ke nam se kiya gaya hai. vasnt kam ka sahachar hai, isilie vasnt ritu men madanotsav manane ka vidhan hai. hamare yahan kam ko daivi svaroop pradan kar use kamadev ke roop men manyata di gee hai. yadi kam itana vikrit hota to bhagavan shiv apani krodhagni men 'kam' ko bhasm karane ke bad use 'anng' roop men phir se kyon jivit karate? isaka arth yah hai ki 'kam' ka sahachary utsav manane yogy hai. jab tak vah maryada men rahata hai, use bhagavan ki vibhooti mana jata hai. lekin jab vah maryada chhod deta hai to atmaghati ban jata hai, shiv ka tisara netr (vivek) use bhasm kar deta hai. bhagavan shiv dvara kiya gaya kam-snhar hamen yahi samajhata hai. tyohar hamari sanskritik chetana ke pratik hain. ve asha, akanksha, utsah evn umng ke pradata hain tatha manornjan, ullas evn annd de kar ve hamare jivan ko saras banate hain. tyohar yugon se chali a rahi hamari sanskritik dharoharon, parnparaon, manyataon evn samajik moolyon ka moort pratibinb hain, jo hamari snskriti ka antarasparshi darshan karate hain. tyoharon ki is pratha ne hi bharat ko manavabhoomi se devabhoomi bana diya hai. kalidas ne manav ko utsav premi bataya hai- utsavapriya khalu manushya:! utsav manav jivan men ullas evn annd ki srishti karate hain. sath, chit, annd roopi trigunatmak brahma ka ek tatv hai- annd. annd-ullas manav ke jivan men mngal evn saubhagy ko amntrit karate hain. holi vasnt ritu ka yauvanakal hai, grishm ke agaman ka soochak! yah 'navannaveshti ygy' bhi kahalata hai. phalgun shukl poornima ke din prachin aryajan ne gehoon aur jau ki baliyon se agnihotr ka prarnbh karate the. karmakand parnpara men ise 'yav grahan ygy' ka nam diya gaya. anaj ki baliyon ko snskrit men 'holak' kahate hain. desh ke uttari bhag men aj bhi chane ki bhuni baliyon ko hola kahate hain. vasnt men soory dakshinayan se uttarayan men a jata hai. phal-phoolon ki nee srishti ke sath ritu bhi 'amrit pran' ho jati hai. isalie holi ke parv ko 'manvantaranbh' bhi kaha gaya hai. holi ke sath anek kathaen judi hain. pahali katha prahlad evn holika se snbndhit hai. prahlad ka pita hiranyakashipu nastik tha. usane apane rajy men eeshvar ki pooja karane par pratibndh laga rakha tha. kintu usaka putr prahlad eeshvar bhakt tha. anek kasht sahakar bhi usane eeshvar bhakti nahin chhodi. mahadevi varma ne isaki vyakhya is tarah ki hai ki 'prahlad ka arth hai param ahlad athava param annd. kisan ke lie ne ann se adhik annd aur kya ho sakata hai?' apani phasal pakar aur mausam ki pratikoolataon se mukt ho kar atmavibhor kisan nachata hai, gata hai aur agni devata ko navann ki ahuti deta hai. doosari pauranik katha ke anusar dhoonda namak ek rakshasi bachchon ko bahut pida pahunchati thi aur unhen mar dalati thi. ek bar vah pakadi gee aur logon ne krodh men akar use jivit jala diya. isi ghatana ki smriti men holi jalaee jati hai. holi ki agni men balakon ki alay-balay ka samarpan kar unaki sukh shanti ki kamana ki jati hai. yadi dhoonda ko ap thnd namak rakshasi man len to bachchon ke kasht aur rakshasi ke jane ki khushi ki bat bahut achchhi tarah samajh men a jati hai. holi se agale din dhulaindi hoti hai. rng men sarabor hokar phag khela jata hai. rngabhari holi jivan ki rngini prakat karati hai. parivarik holi ke apane hi rng hain. krishn gopiyon ki holi to adbhut hai. holi ke shil aur sauhard bhare rivajon men aj anek vikritiyon ka samavesh ho gaya hai. holi ke avasar par uchcharit hone vale vedamntron ka sthan ashlil aur asabhy vachanon ne le liya hai aur rng-birnge gulal ki jagah rasayanik rng a ge hain. isane holi ki dhaval phalguni poornima par grahan ki kali chhaya dal di hai, jisane parv ki pavitrata aur anubhooti ko tirohit kar diya hai. vastav men atma ke madhuratam aur priyatam bhavon ka anubhav kie bina holi ke avasar par prakat hone vale anurag ko anubhav nahin kiya ja sakata.[34] inhen bhi dekhen: mathura holi chitr vithika, barasana holi chitr vithika evn baladev holi chitr vithika

baladev holi ke vibhinn drishy

holi, daooji mandir, baladev holi, daooji mandir, baladev holi, dvarikadhish mandir, mathura holi, daooji mandir, baladev holi, daooji mandir, baladev holi, daooji mandir, baladev holi, daooji mandir, baladev holi, daooji mandir, baladev holi, daooji mandir, baladev holi, daooji mandir, baladev holi, daooji mandir, baladev

vithika

panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. jaimini, 1.3.15-16
  2. kathakagrihy, 73,1
  3. poornachandr
  4. raka holake. kathakagrihy (73.1). is par devapal ki tika yon hai: 'hola karmavishesh: saubhagyay strinan prataranushthiyate. tatr hola ke raka devata. yaste rake subhatay ityadi.'
  5. kamasootr, 1.4.42
  6. kal, pri. 106
  7. alakaj ki bhanti
  8. choorn se yukt kridaon vali
  9. lingapurane. phalgune paurnamasi ch sada balavikasini. gyeya phalgunika sa ch gyeya lokarvibhootaye..
    varahapurane. phalgune paurnimasyan tu patavasavilasini. gyeya sa phalguni loke karya lokasamriddhaye॥ hemadri (kal, pri. 642).
    isamen pratham ka.vi. (pri. 352) men bhi aya hai jisaka arth is prakar hai-balavajjanavilasinyamityarth:
  10. varshakrityadipak (pri0 301) men nimn shlok aye hain-
    'prabhate bimale jate hynge bhasm ch karayeth. sarvage ch lalate ch kriditavyn pishachavath॥
    sindarai: kunkumaishchaiv dhoolibhirdhoosaro bhaveth. gitn vadyn ch nrityn ch kriryadrathyopasarpanamh ॥
    brahmanai: kshatriyairvaishyai: shoodraishchanyaishch jatibhi:. ekibhooy prakartavya krida ya phalgune sada. balakai: vah gantavyn phalgunyan ch yudhishthir ॥'
  11. hindoo haaulidej evn serimanij'(pri. 92
  12. vrat, bhag 2, pri. 174-190
  13. bhavishyottar, 132.1.51
  14. pustak- dharmashastr ka itihas-4 | lekhak- pandurng vaman kane | prakashak- uttar pradesh hindi snsthan
  15. 15.0 15.1 15.2 15.3 holi ki prachin kathaen (hindi) (pi.ech.pi) hindi midiya daaut in. abhigaman tithi: 10 march, 2011.
  16. snskrit sahity men holi (hindi) shabdam. abhigaman tithi: 3 march, 2015.
  17. bharatiy sahity, snskriti aur parnpara men holi (hindi) (pi.ech.pi) hindi midiya daaut in. abhigaman tithi: 10 march, 2011.
  18. dekh baharen holi ki -nazir akabarabadi (bharatakosh), yoo-tyoob par sunen
  19. 19.0 19.1 19.2 19.3 19.4 urdoo sahity men holi (hindi) (pi.ech.pi) hindi midiya daaut in. abhigaman tithi: 10 march, 2011.
  20. shital pey jise doodh, bhang, badam milakar ghotakar banaya jata hai
  21. yah ek nashile paudhe ki pattiyon ka ghol hai
  22. film- madar indiya
  23. film- navarng
  24. film- kati patng
  25. film- shole
  26. film- silasila
  27. film- kamachor
  28. film- dar
  29. film- bagaban
  30. ajakal nahin milate holi ke git (hindi) (ech.ti.em.el) laiv hindustan daaut kaaum. abhigaman tithi: 4 march, 2011.
  31. shoolapanikrit 'dolayatravivek.'
  32. 32.0 32.1 32.2 32.3 32.4 har jagah holi sirf holi hai (hindi) (ech.ti.em.el) visfot.com. abhigaman tithi: 10 march, 2011.
  33. darasal konkani boli men holi ko shimago kahate hain
  34. bhooshan, lalit. umng aur ullas se bhara yahi to hai madanotsav (hindi) Speaking tree.in. abhigaman tithi: 1 joon, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah