शरद पूर्णिमा  हिन्दी देवनागरी में पढ़ें।

sharad poornima
rasalila
any nam ras poornima
anuyayi hindoo
prarambh pauranik
tithi ashvin shukl paksh poornima
dharmik manyata is din shrikrishn ko 'kartik snan' karate samay svayn (krishn) ko pati roop men prapt karane ki kamana se devi poojan karane vali kumariyon ko chir haran ke avasar par die varadan ki yad aee thi aur unhonne murali vadan karake yamuna ke tat par gopiyon ke sng ras rachaya tha.
vishesh dharmashastron men is din 'kojagar vrat' mana gaya hai. isi ko 'kaumudi vrat' bhi kahate hain.
any janakari is din shiv-parvati aur kartikey ki bhi pooja ki jati hai. yahi poornima kartik snan ke sath, radha-damodar poojan vrat dharan karane ka bhi din hai.

sharad poornima (angrezi: Sharad Poornima) ashvin mas ke shukl paksh ki poornima ko kahate hain. ise 'ras poornima' bhi kahate hain. jyotish vigyan ki manyata hai ki snpoorn varsh men keval isi din chndrama shodash kalaon ka hota hai. dharmashastron men is din 'kojagar vrat' mana gaya hai. isi ko 'kaumudi vrat' bhi kahate hain. rasotsav ka yah din vastav men bhagavan krishn ne jagat ki bhalaee ke lie nirdharit kiya hai, kyonki kaha jata hai is ratri ko chndrama ki kiranon se sudha jharati hai. is din shrikrishn ko 'kartik snan' karate samay svayn (krishn) ko pati roop men prapt karane ki kamana se devi poojan karane vali kumariyon ko chir haran ke avasar par die varadan ki yad aee thi aur unhonne murali vadan karake yamuna ke tat par gopiyon ke sng ras rachaya tha. is din mndiron men vishesh seva-poojan kiya jata hai.

dharmik manyata

sharad poornima se hi snan aur vrat prarambh ho jata hai. mataen apani sntan ki mngal kamana se devi-devataon ka poojan karati hain. is din chndrama prithvi ke atynt samip a jata hai. kartik ka vrat bhi sharad poornima se hi prarambh hota hai. vivah hone ke bad poornima (poornamasi) ke vrat ka niyam sharad poornima se lena chahie. sharad ritu men mausam ekadam saf rahata hai. is din akash men n to badal hote hain aur n hi dhool-gubar. is ratri men bhraman aur chndrakiranon ka sharir par padana bahut hi shubh mana jata hai. prati poornima ko vrat karane vale is din bhi chndrama ka poojan karake bhojan karate hain. is din shiv-parvati aur kartikey ki bhi pooja ki jati hai. yahi poornima kartik snan ke sath, radha-damodar poojan vrat dharan karane ka bhi din hai.

kaise manaen

  1. is din prat: kal snan karake aradhy dev ko sundar vastrabhooshanon se sushobhit karake avahan, asan, achaman, vastr, gndh, akshat, pushp, dhoop, dip, naivedy, tambool, supari, dakshina adi se unaka poojan karana chahie.
  2. ratri ke samay gaudugdh (gay ke doodh) se bani khir men ghi tatha chini milakar arddharatri ke samay bhagavan ko arpan (bhog lagana) karana chahie.
  3. poorn chndrama ke akash ke madhy sthit hone par unaka poojan karen tatha khir ka naivedy arpan karake, rat ko khir se bhara bartan khuli chandani men rakhakar doosare din usaka bhojan karen tatha sabako usaka prasad den.
  4. poornima ka vrat karake katha sunani chahie. katha sunane se pahale ek lote men jal tatha gilas men gehoon, patte ke donon men roli tatha chaval rakhakar kalash ki vndana karake dakshina chadhaen. phir tilak karane ke bad gehoon ke 13 dane hath men lekar katha sunen. phir gehoon ke gilas par hath pherakar mishrani ke panv sparsh karake gehoon ka gilas unhen de den. lote ke jal ka rat ko chndrama ko ardhy den.

sharad poornima ki katha

ek sahookar ki do putriyan thin. ve donon poornamasi ka vrat karati thin. badi bahan to poora vrat karati thi par chhoti bahan adhoora. chhoti bahan ke jo bhi sntan hoti, vah janm lete hi mar jati. parantu badi bahan ki sari sntanen jivit rahatin. ek din chhoti bahan ne bade-bade panditon ko bulakar apana du:kh bataya tatha unase karan poochha. panditon ne bataya- 'tum poornima ka adhoora vrat karati ho, isilie tumhari sntanon ki akal mrityu ho jati hai. poornima ka vidhipoorvak poorn vrat karane se tumhari sntanen jivit rahengi.' tab usane panditon ki agya manakar vidhi-vidhan se poornamasi ka vrat kiya. kuchh samay bad usake ladaka hua, lekin vah bhi shighr hi mar gaya. tab usane ladake ko pidhe par letakar usake oopar kapada dhak diya. phir usane apani badi bahan ko bulaya aur use vahi pidha baithane ko de diya. jab badi bahan baithane lagi to usake vastr bachche se chhoote hi ladaka jivit hokar rone laga. tab krodhit hokar badi bahan boli- 'too mujh par kalnk lagana chahati thi. yadi main baith jati to ladaka mar jata.' tab chhoti bahan boli- 'yah to pahale se hi mara hua tha. tere bhagy se jivit hua hai. ham donon bahanen poornima ka vrat karati hain too poora karati hai aur main adhoora, jisake dosh se meri sntanen mar jati hain. lekin tere puny se yah balak jivit hua hai.' isake bad usane poore nagar men dhindhora pitava diya ki aj se sabhi poornima ka poora vrat karen, yah sntan sukh dene vala hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah