अमावास्या  हिन्दी देवनागरी में पढ़ें।

amavasya
amavasya tithi par chandrama
vivaran pnchang ke anusar 'amavasya' mah ki 30vin tatha krishn paksh ki antim tithi hai. jis tithi men chandrama aur soory sath rahate hain, vahi 'amavasya' tithi hai.
any nam amavasi, 'sinivali', 'darsh'
disha eeshan
vishesh hindoo dharm men pratyek mah ki amavasya tithi par koee n koee parv avashy manaya jata hai.
snbndhit lekh chandrama, soory, mah
any janakari 'amavasya' par soory aur chandrama ka antar shoony ho jata hai. is tithi ko kray-vikray tatha samast shubh karmon ka nishedh hai. amavasya tithi par chandrama ka aushadhiyon men vas rahata hai.

amavasya ki tithi ka hindoo dharm men bada hi mahattv bataya gaya hai. jis tithi men chandrama aur soory sath rahate hain, vahi 'amavasya' tithi hai. ise 'amavasi' bhi kaha jata hai. isake sath hi 'sinivali' ya 'darsh' nam bhi prapt hote hain. amavasya mah ki tisavin tithi hoti hai. krishn paksh ki pratipada ko krishn paksh prarambh hota hai tatha amavasya ka samapt hota hai. amavasya par soory aur chandrama ka antar shoony ho jata hai.

namakaran

amavasya ke namakaran hetu 'matsy puran' ke 14ven adhyay men ek roopak katha ati hai, jisake anusar- prachin kal men pitaron ne 'achchhod' namak ek sarovar ka nirman kiya tha. in dev pitaron ki ek manasi kanya thi, jisaka nam tha 'achchhoda'. achchhoda ne ek bar ek sahastr divy varshon tak kathin tap kiya. atah use var dene ke liye pitaragan padhare. unamen se ek atishay sundar 'amavasu' namak pitar ko dekhakar 'achchhoda' un par anurakt ho gee aur amavasu se pranay yachana karane lagi. kintu amavasu isake liye taiyar nahin huye. amavasu ke dhairy ke karan us din ki tithi pitaron ko atishay priy huee. us din krishn paksh ki pnchadashi tithi thi, jo ki tabhi se 'amavasu' ke nam par 'amavasya' kahalane lagi.

tithamavasuryasyamichchhan chakre n tan prati.
dhairyen tasy sa lokaiah amavasyeti vishruta.
pitrinan vallabha masmattasyamakshayakarakamh..

mahattv

amavasya ke svami 'pitar' hote hain. is tithi men chandrama ki solahavin kala jal men pravisht ho jati hai. chandrama ka vas amavasya ke din aushadhiyon men rahata hai, atah jal aur aushadhiyon men pravisht us amrit ka grahan gay, bail, bhains adi pashu chare evn pani ke dvara karate hain, jisase vahin amrit hamen doodh, ghi adi ke roop men prapt hota hai aur usi ghrit ki ahuti rishigan ygy ke madhyam se punah chandradi devataon tak pahunchate hain. vahi amrit phir badhakar poornima ko charam sima par pahunchata hai; jaisa ki kathan hai-

kala shodashika ya tu apah pravishate sada.
amayan tu sada somah aushadhiah pratipadyate..
tamoshadhigatn gavah pibantyambugatn ch yath.
tatkshiramamritn bhutva mantrapootn dvijatibhiah.
hutamagnishu ygyeshu punarapyayate shashi..
dine dine kala vriddhiah paurnamasyan tu pooryate..

amavasya par vrat

dharmashastron men kaha gaya hai ki amavasya ko vrat karana chahiye, arthath nirahar rahakar upavas karana chahiye. up-samip, vas-nivas arthath paramatma ke samip rahana chahiye. amavasya ke din aise hi kary karane chahiyen, jo paramatma ke pas men hi bithane vale ho. sansarik kheti-badi, vyapar adi karm to paramatma se door hatane vale hain. sndhya havan, satsng, paramatma ka smaran dhyan karm paramatma ke pas baithate hain. isalie mah men ek din upavas avashy hi karana chahiye aur vah din amavasya ka hi shreshth many hain, kyonki soory aur chandrama ye donon shaktishali grah amavasya ke din ek hi rashi men a jate hain. chandrama sury ke samane nistej ho jata hain. arthath chandr ki kiranen nasht prayah ho jati hain. snsar men bhaynkar andhakar chha jata hai. chandrama hi sabhi aushadhiyon ko ras dene vala hain. jab chandrama hi poorn prakashak nahin hoga to aushadhi bhi nistej ho jayegi. aisa nistej ann, bal, viry, buddhivardhak nahin ho sakata; kintu bal, viry, buddhi adi ko malin karane vala hi hoga. isaliye amavasya ka vrat karana chahiye. us din ann khana varjit kiya gaya hai aur vrat ka vidhan kiya gaya hai.[1]
pitri pooja (shraddh) snskar karate log

shraddh

pitaron ke nimitt amavasya tithi men shraddh v dan ka vishesh mahattv bataya gaya hai. soory ki sahasr kiranon men se ek 'ama' namak kiran pramukh hai, jisake tej se soory samast lokon ko prakashit karata hai. usi amavasya men tithi vishesh ko chandrama nivas karate hain. isi karan se dharm karyon men amavasya ko vishesh mahattv pradan kiya jata hai. pitrigan amavasya ke din vayu roop men sooryast tak ghar ke dvar par upasthit rahate hain aur apane svajanon se shraddh ki abhilasha karate hain. pitri pooja karane se manushy ayu, putr, yash kirti, pushti, bal, sukh v dhan dhany prapt karate hain.[2]

mahattvapoorn tathy

  • amavasya tithi men vanaspatiyon men som ka vas hone se us din bailon ko hal men jotane ka poornatah nishedh 'smritiyon' men kiya gaya hai. us din bailon ko poore din charane ke liye chhod dena chahiye, jisase chare ke dvara amrit kala ka pan kar ve apane sharir ko pusht kar krishi ke kary men adhik sahayog kar saken.
  • is tithi ko kray-vikray tatha samast shubh karmon ka nishedh hai.
  • amavasya ki disha eeshan hai.
  • is tithi par bhagavan shiv aur gauri ke sannidhay men hone se us din shivapoojan kiya ja sakata hai.
  • amavasya tithi ketu ki janm tithi hai.
  • is tithi men pitaron ke uddeshy se kiya gaya danadi akshay phaladayak hota hai.
  • amavasya pnchang ke anusar mah ki 30vin tithi tatha krishn paksh ki antim tithi hai.
  • is din chndrama akash men dikhaee nahin deta.
  • pratyek mah ki amavasya ko koee n koee parv avashy manaya jata hain.
  • 'varshakriyakaumudi' (9-10) men mahabharat evn puranon se uddharan hain.[3]
  • somavar, mngalavar ya brihaspativar ke din tatha anuradha, vishakha evn svati nakshatron men padane vali amavasya vishesh roop se pavitr mani jati hai.[4]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. amavasya ka vrat (hindi). . abhigaman tithi: 19 sitambar, 2013.
  2. jane pitripaksh ka mahattv (hindi). . abhigaman tithi: 19 sitambar, 2013.
  3. hemadri (kal par chaturvarg-chintamani, pri0 311-315; 643-44), kalavivek (343-44), tithitattv (163), gobhil-grihy (1|5|5) ka bhashy, purusharth-chintamani (314-345)
  4. hemadri vratakhand (2, 246-257), madhavakrit kalanirnay (309) evn vratark (334-356

any snbndhit link

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah