संतान सप्तमी  हिन्दी देवनागरी में पढ़ें।

sntan saptami
ardhanarishvar
any nam muktabharan
anuyayi hindoo
uddeshy 'sntan saptami' ke din vrat adi karane se uttam sntan prapt hoti hai.
tithi bhadrapad ke shukl paksh ki saptami
snbndhit lekh shiv, parvati
any janakari jo koee bhi is vrat ko karata hai aur bhagavan shnkar evn parvati ki sachche man se aradhana karata hai, nishchay hi amar pad prapt karake ant men shivalok ko jata hai.

sntan saptami bhadrapad mas ke shukl paksh par padane vali saptami ko kaha jata hai. is din bhagavan shnkar tatha mata parvati ki aradhana ka vidhan bataya gaya hai. sntan saptami ke din vrat karane se uttam sntan ki prapti hoti hai. yah vrat vishesh roop se striyon ke lie kalyanakari hai, parantu purushon ke lie bhi yah saman roop se phaladayak hai. santan sukh dene vala papon ka nash karane vala yah uttam vrat hai. niyam poorvak jo koee bhi sntan saptami vrat ko karata hai aur bhagavan shnkar evn parvati ki sachche man se aradhana karata hai, nishchay hi amar pad prapt karake ant men shivalok ko jata hai.

katha

ek bar shrikrishn ne yudhishthir ko bataya ki kisi samay mathura men lomash rishi ae the. mere mata-pita devaki tatha vasudev ne bhaktipoorvak unaki seva ki to rishi ne unhen kns dvara mare ge putron ke shok se ubarane ke lie adesh diya- "he devaki! kns ne tumhare kee putron ko paida hote hi marakar tumhen putr shok diya hai. is duahkh se mukt hone ke lie tum 'sntan saptami' ka vrat karo. raja nahush ki rani chndramukhi ne bhi yah vrat kiya tha. tab usake bhi putr nahin mare. yah vrat tumhen bhi putr shok se mukt karega. tab devaki ne poochha- "he dev! mujhe vrat ka poora vidhi-vidhan batane ki kripa karen, taki main vidhipoorvak vrat sampann kar sakoon. lomash rishi ne unhen vrat ka poojan-vidhan batakar vrat katha bhi bataee.[1]

chndramukhi v roopavati ki mitrata

nahush ayodhya ka pratapi raja tha. usaki patni ka nam chndramukhi tha. usake rajy men hi vishnudatt namak ek brahman rahata tha. usaki patni ka nam roopavati tha. rani chndramukhi tatha roopavati men paraspar ghanishth prem tha. ek din ve donon sarayoo nadi men snan karane geen. vahan any striyan bhi snan kar rahi thin. un striyon ne vahin parvati-shiv ki pratima banakar vidhipoorvak unaka poojan kiya. tab rani chndramukhi tatha roopavati ne un striyon se poojan ka nam tatha vidhi poochhi. un striyon men se ek ne bataya- "hamane parvati sahit shiv ki pooja ki hai. bhagavan shiv ka dora bandhakar hamane snkalp kiya hai ki jab tak jivit rahengi, tab tak yah vrat karati rahengi. yah 'muktabharan vrat' sukh tatha sntan dene vala hai.

vrat ka snkalp

us vrat ki bat sunakar un donon sakhiyon ne bhi jivan-paryant is vrat ko karane ka snkalp karake shivaji ke nam ka dora bandh liya. kintu ghar pahunchane par ve snkalp ko bhool geen. phalatah mrityu ke pashchath rani vanari tatha brahmani murgi ki yoni men paida hueen. kalantar men donon pashu yoni chhodakar punah manushy yoni men aeen. chndramukhi mathura ke raja prithvinath ki rani bani tatha roopavati ne phir ek brahman ke ghar janm liya. is janm men rani ka nam eeshvari tatha brahmani ka nam bhooshana tha. bhooshana ka vivah rajapurohit agnimukhi ke sath hua. is janm men bhi un donon men bada prem ho gaya. vrat bhoolane ke karan hi rani is janm men bhi sntan sukh se vnchit rahin. praudhavastha men usane ek goonga tatha bahara putr janma, magar vah bhi nau varsh ka hokar mar gaya. bhooshana ne vrat ko yad rakha tha. isalie usake garbh se sundar tatha svasth ath putron ne janm liya.[1]

rani eeshvari ki eershya

rani eeshvari ke putr shok ki snvedana ke lie ek din bhooshana usase milane gee. use dekhate hi rani ke man men dah paida huee. usane bhooshana ko vida karake usake putron ko bhojan ke lie bulaya aur bhojan men vish mila diya. parantu bhooshana ke vrat ke prabhav se unaka bal bhi banka n hua. isase rani ko aur bhi adhik krodh aya. usane apane naukaron ko agya di ki bhooshana ke putron ko pooja ke bahane yamuna ke kinare le jakar gahare jal men dhakel diya jae. kintu bhagavan shiv aur mata parvati ki kripa se is bar bhi bhooshana ke balak vrat ke prabhav se bach ge. parinamatah rani ne jalladon ko bulakar agya di ki brahman balakon ko vadh-sthal par le jakar mar dalo, kintu jalladon dvara behad prayas karane par bhi balak n mar sake. yah samachar sunakar rani ko ashchary hua. usane bhooshana ko bulakar sari bat bataee aur phir kshama yachana karake usase poochha- "kis karan tumhare bachche nahin mar pae?"

bhooshana boli- "kya apako poorvajanm ki bat smaran nahin hai? rani ne ashchary se kaha- "nahin, mujhe to kuchh yad nahin hai?" tab bhooshana ne kaha- "suno, poorvajanm men tum raja nahush ki rani thin aur main tumhari sakhi. ham donon ne ek bar bhagavan shiv ka dora bandhakar snkalp kiya tha ki jivan-paryant 'sntan saptami' ka vrat kiya karengi. kintu durbhagyavash ham bhool geen aur vrat ki avahelana hone ke karan vibhinn yoniyon men janm leti hueen, ab phir manushy janm ko prapt huee hain. ab mujhe us vrat ki yad ho aee thi, isalie mainne vrat kiya. usi ke prabhav se ap mere putron ko chahakar bhi n marava sakin." yah sab sunakar rani eeshvari ne bhi vidhipoorvak sntan sukh dene vala yah muktabharan vrat rakha. tab vrat ke prabhav se rani punah garbhavati huee aur ek sundar balak ko janm diya. usi samay se putr-prapti aur sntan ki raksha ke lie yah vrat prachalit hai.[1]

vrat poojan

yah vrat putr prapti, putr raksha tatha putr abhyuday ke lie bhadrapad mas ke shukl paksh ki saptami ko kiya jata hai. is vrat ka vidhan dopahar tak rahata hai. is din jambavati ke sath shyamasundar tatha unake bachche samb ki pooja bhi ki jati hai. mataen bhagavan shiv parvati ka poojan karake putr prapti tatha usake abhyuday ka varadan mangati hain. is vrat ko 'muktabharan' bhi kahate hain.

vidhi

  • vrat karane vale ko pratah kal snan adi se nivritt hokar svachchh vastr dharan karana chahie.
  • dopahar ke samay chauk poor kar chndan, akshat, dhoop, dip, naivedy, supari tatha nariyal adi se shiv-parvati ki pooja kare.
  • is din naivedy bhog ke lie khir-poori tatha gud ke pue rakhen.
  • raksha ke lie shivaji ko dora bhi arpit karen. dore ko shivaji ke varadan ke roop men lekar use dharan karake vrat katha ka shravan karana chahie.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 sntan saptami vrat poojan, katha (hindi). . abhigaman tithi: 02 agast, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah