bharatakosh ke snsthapak/snpadak ke fesabuk laiv ke lie yahan klik karen.

संजा पर्व  हिन्दी देवनागरी में पढ़ें।

snja parv bhadrapad mah ke shukl poornima se pitrimoksh amavasya tak pitripaksh men kunari kanyaon dvara manaya jane vala parv hai. yah parv mukhy roop se malava-nimad, rajasthan, gujarat aur maharashtr adi men manaya jata hai. snja parv men shraddh ke solah hi din[1] kunvari kanyaen sham ke samay ek sthan par ekatrit hokar gobar ke mandane mandati hain aur snja ke git gati hain v snja ki arati kar prasad bantati hain. solah hi din tak kunvari kanyaen gobar ke alag-alag mandane mandati hai tatha har din ka ek alag git bhi hota hai.

snja ka nirman

ganesh visarjan ke doosare din yani poonam ko malava, nimad aur rajasthan ki kishoriyon ki sakhi-saheli snja mayake padharati hain. 'snja' yani smritiyon aur agat ke adbhut sngam ka parv. ek or purakhon ki yaden to doosari or kishoriyon ke man men vivah ki kamana. yogy var ki chahat rakhane vali kunvari kishoriyan srijan aur visarjan ke is parv ko pitripaksh ke solah dinon tak bade chav se manati hain. snja ki solah parnparik akritiyan gobar, phool, patti aur panniyon se banati hain. snja ke dinon men taje hare gobar ko dhoondhane men badi kathinaee hoti hai, par jaise hi gobar mil jata hai prasannachit ladakiyon ki khoji nigahen dhoondhati hain, chandani ke doodhiya-saphed, kaner ke pile, gulabi aur desi lal rng ke gulab ke phoolon ko. snja ke nam par kabhi mangakar, to kabhi churakar lae ge phoolon aur gobar ke milane par asali kary shuroo hota hai. ghar ki bahari divar ke kisi kone men pani chhidakakar chhote-se hisse ko gobar se lipa jata hai aur is par poonam ko patalon, bij ko bijaroo, chhath ki chhabadi, satami ko santiyo se lekar amavasya tak ke solah dinon men parnparik akritiyan banaee jati hain. antim din banata hai- 'kilakot'.

gan

gobar se ukeri aur phoolon se saji akritiyon ko dekhakar ladakiyan kisi kalakar ki tarah prasann hoti hain. unake sumadhur knthon se snja ke git phoot padate hain. gheradar ghaghara aur gulabadar sadi pahanane vali, gahanon se saji, khir-poodi khane ki shaukin, najuk saloni snja kalpana men tairati hai. snja ko poojati kishoriyan 'peli arati raee ramajhor' ka jaise hi alap leti hain to pahale se hi chaukas baithi ladakiyan ghar se bhag chhootati hain. isake sath hi samavet gan shuroo ho jata hai-

'chhoti-si gadi gudakati jae, gudakati jae,
ji men baithya snja baee, ghagharo dhamakata jae,
choodalo chhamakata jae,
bee ji ki nathadi jhola khae,
bataee do vira piyar jae.'

alag alag nam

ganesh utsav ke bad kunvari kanyaon ka tyohar ata hai 'snja'. yoon to yah bharat ke kee bhagon men manaya jata hai. lekin isaka nam alag hota hai, jaise- maharashtr men gulabaee (bhoolabaee), hariyana men 'sanjhi dhoondha', braj men 'sanjhi', rajasthan men 'sanjhaphooli' ya 'snjaya'. kvar krishn paksh ki pratipada se arnbh hokar amavasya tak sham dhalane ke sath ghar ke dalan ki divar ke kone ko taje gobar se lipakar patali-patali rekhaon par taje phool ki rng-birngi pnkhudiyan chipaka kar snja taiyar ki jati hai.

vibhinn akritiyan

ganesh, chand-sooraj, devi-devataon ke sath bijaura, katarayo pan, doodh, dahi ka vataka (katori), ladoo ghevar, ghugharo nagada, pnkha, kele ka jhad, chaupad divali jhari, banya ki dukan, bajoor, killakot hota hai. malava men 'snja' ka kram panch (pnchami) se arnbh hota hai. panch pache ya poonam patala se. doosare din inhen mitakar bijaur, tisare din ghevar, chauthe din chaupad aur pnchami ko 'panch kunvare' banae jate hain. lok kahavat ke mutabik janm se chhathe din vidhata kismat ka lekha likhate hain, jisaka pratik hai chhabadi. sataven din satya (svastik) ya asaman ke sitaron men saptrishi, athave din 'athaphool', naven din 'vriddhatithi' hone se dokara-dokari aur dasaven din vndanavar bandhate hain. gyarahaven din kele ka ped to barahaven din mor-morani ya jalebi ki jod mndati hai. terahaven din shuroo hota hai kilakot, jisamen 12 din banaee gee akritiyon ke sath nee akritiyon ka bhi samavesh hota hai.[2]

snja ko gulapati, genda, gulabas ke phoolon se sajaya jata hai. snjabaee ke kilakot men kaua behad zaroori hai, jise subah sooraj ugane ke pahale snja se hata diya jata hai. isake pichhe ki manyata hai ki kaua rat men n hatane se vah snja se vivah ke lie lalak uthata hai. pooja ke pashchath kachcha doodh, knkoo tatha kasar chhanta jata hai. prasad ke roop men kakadi-khopara bntata hai aur shuroo hote hain snja ke git-

'snja mang a haro haro gobar snja mang a haro haro gobar kase laoo bahan haro haro gobar snja saheladi bajar men hale va rajaji ki beti.'

mngalakari

'snja' shabd sndhya ka hi ek lok roop hai. kuari kanyaen ise mngaladayi devi ke roop men apane kaumary ki suraksha aur man ke anukool var ki prapti ki ichchha se manati hain. solah din solah varshon ke pratik hain. paramparagat roop se 16 varsh ki ayu hi kanya ke vivah ke lie many rahi hai. isi karan kanyaen apani sakhi snja ko solahaven din sasural ke liye vida karati hain. choonki ise pitripaksh men manaya jata hai, isaliye isamen pitri devataon ke svagat ka bhav bhi nihit hai. snja yoon to mitti ki divar par gobar se lip kar banaya jata hai, kintu ajakal pakki divaron par bhi kagaz ke bane snja chipakakar hi apani abhivyakti ki jati hai. kahin-kahin par pakke makanon ki bahari divar bhi kanyaon ke is kalakarm ke liye kenavas ban jati hai, jis par apani ruchi aur kshamatanusar ve snja mandati hain. snja bahut hi saral, sahaj aur bagair kharch ke banane vali vidya hai. isamen snja ka koee nishchit niyat nap nahin hota, phir bhi lagabhag tin phut vargakar akar ko gobar se lip kar us par tithivar akaron ka ankan kiya jata hai. is par gobar se ungaliyon dvara ubhare hue akar banaye jate hain, jinako phoolon, pattiyon, rngin kanch ki panniyon, kanch ke tukadon ityadi se sajaya jata hai. paramparagat manyata ke anusar gulatevadi ke phool sajavat ke liye upayukt samajhe jate hain. snja ki akriti ko aur jyada sundar banane ke liye haldi, kukunm, ata, jau, gehoon ka bhi prayog kiya jata hai.[3]

snja sirph ek parnpara nahin hai. snja ke mandanon tatha giton men mahilaon ke vivahit jivan se jude kee jivan sootr chhipe hote hain, jinhen bachapan men hi kunvari kanyaon ke jivan men snja parv ke dauran samajhane ka mauka milata hai. halanki badalate samay ke sath is parnpara ka hras avashy hua hai, lekin aj bhi gramin kshetron men kunvari kanyaen bahut hi utsah v umng ke sath snja parv manati hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. bhadrapad poornima se ashvin amavasya tak
  2. jivan ko abhivyakt karata snja parv (hindi). . abhigaman tithi: 16 agast, 2013.
  3. bhitti chitr parampara snja (hindi). . abhigaman tithi: 16 agast, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah