सकट चौथ  हिन्दी देवनागरी में पढ़ें।

sakat chauth
sakat chauth
vivaran 'sakat chauth' hinduon dvara manaya jane vala vrat hai. is vrat men bhagavan ganesh tatha chndrama ki pooja ka vishesh mahattv hai aur unhin ke nimitt vrat rakha jata hai.
any nam til chauth, mahi chauth, vakratundi chaturthi, tilakuta chauth.
tithi magh mah, krishn paksh, chaturthi
anuyayi hindoo
devata ganesh tatha chndrama
snbndhit lekh shiv, ganesh, kartikey, snkashti chaturthi
any janakari sakat chauth ka upavas jo bhi bhakt snpoorn shraddha v vishvas ke sath karata hai, usaki buddhi aur riddhi-siddhi ki prapti hone ke sath-sath jivan men ane vali vighn badhaon ka bhi nash hota hai.

sakat chauth ka vrat magh mah men krishn paksh ki chaturthi tithi ke din kiya jata hai. ise 'til chauth' ya 'mahi chauth' ke nam se bhi jana jata hai. 'sakat' shabd snkat ka apabhrnsh hai. ganesh ji ne is din devataon ki madad karake unaka snkat door kiya tha. tab shiv ne prasann hokar ganesh ko ashirvad dekar kaha ki aj ke din ko log snkat mochan ke roop men manaenge. jo bhi is din vrat karega, usake sab snkat is vrat ke prabhav se door ho jaenge. 'vakratundi chaturthi', 'mahi chauth' athava 'tilakuta chauth' sakat chauth ke hi any nam hain. is din vidya-buddhi-varidhi, snkat haran ganesh tatha chndrama ka poojan kiya jata hai. yah vrat snkaton tatha dukhon ko door karane vala tatha pranimatr ki sabhi ichchhaen v manokamanaen poori karane vala hai. inhen bhi dekhen: snkashti chaturthi

vrat vidhi

is din striyan nirjal vrat karati hain. ek patare par mitti ki dali ko ganesh ji ke roop men rakhakar unaki pooja ki jati hai aur katha sunane ke bad lote men bhara jal chndrama ko ardhy dekar hi vrat khola jata hai. ratri ko chndrama ko ardhy dene ke bad hi mahilaen bhojan karati hai. sakat chauth ke din til ko bhoonakar gud ke sath kootakar tilakuta arthat tilakut ka pahad banaya jata hai. kahin-kahin tilakut ka bakara bhi banaya jata hai. usaki pooja karake ghar ka koee bachcha usaki gardan katata hai, phir sabako prasad diya jata hai.

tilakute se hi ganesh ji ka poojan kiya jata hai tatha isaka hi bayana nikalate hain aur tilakut ko bhojan ke sath khate bhi hain. jis ghar men ladake ki shadi ya ladaka hua ho, us varsh sakat chauth ko sava kilo tilon ko sava kilo shakkar ya gud ke sath kootakar isake terah laddoo banae jate hain. in laddooon ko bahoo bayane ke roop men sas ko deti hai. kahin-kahin is din vrat rahane ke bad saynkal chndrama ko doodh ka ardhy dekar pooja ki jati hai. gauri-ganesh ki sthapana kar unaka poojan tatha varshabhar unhen ghar men rakha jata hai. til, eekh, gnji, bhanta, amarood, gud, ghi se chndrama ganesh ka bhog lagaya jata hai. yah naivedy rat bhar daliya se dhakakar rakh diya jata hai, jise 'pahar' kahate hain. putravati mataen putr tatha pati ki sukh-samriddhi ke lie yah vrat karati hain. us dhake hue 'pahar' ko putr hi kholata hai tatha use bhaee-bndhuon men banta jata hai.

mahattv

sakat chauth ka upavas jo bhi bhakt snpoorn shraddha v vishvas ke sath karata hai, usaki buddhi aur riddhi-siddhi ki prapti hone ke sath-sath jivan men ane vali vighn badhaon ka bhi nash hota hai. sabhi tithiyon men chaturthi tithi shri ganesh ko sabase adhik priy hai.

katha

ek bar vipadagrast devata bhagavan shnkar ke pas ge. us samay bhagavan shiv ke pas svami kartikey tatha ganesh bhi virajaman the. shiv ji ne donon balakon se poochha- 'tum men se kaun aisa vir hai jo devataon ka kasht nivaran kare?' tab kartikey ne svayn ko devataon ka senapati pramanit karate hue dev raksha yogy tatha sarvochch dev pad milane ka adhikari siddh kiya. yah bat sunakar shiv ne ganesh ki ichchha janani chahi. tab ganesh ne vinamr bhav se kaha- 'pitaji! apaki agya ho to main bina senapati bane hi sab snkat door kar sakata hoon.'

yah sunakar hnsate hue shiv ne donon ladakon ko prithvi ki parikrama karane ko kaha tatha yah shart rakhi- 'jo sabase pahale poori prithvi ki parikrama karake a jaega vahi vir tatha sarvashreshth devata ghoshit kiya jaega.' yah sunate hi kartikey bade garv se apane vahan mor par chadhakar prithvi ki parikrama karane chal die. ganesh ne socha ki choohe ke bal par to poori prithvi ka chakkar lagana atynt kathin hai, isalie unhonne ek yukti sochi. ve 7 bar apane mata-pita ki parikrama karake baith ge. raste men kartikey ko poore prithvi mandal men unake age choohe ke pad chihn dikhaee die. parikrama karake lautane par nirnay ki bari aee. kartikey ji ganesh par kichad uchhalane lage tatha svayn ko poore bhoomandal ka ekamatr paryatak bataya. is par ganesh ne shiv se kaha- 'mata-pita men hi samast tirth nihit hain, isalie mainne apaki 7 bar parikramaen ki hain.'

ganesh ki bat sunakar samast devataon tatha kartikey ne sir jhuka liya. tab shnkar ji ne unmukt kanth se ganesh ki prashnsa ki tatha ashirvad diya- 'trilok men sarvapratham tumhari pooja hogi.' tab ganesh ne pita ki agyanusar jakar devataon ka snkat door kiya.

yah shubh samachar janakar bhagavan shnkar ne apane chndrama ko yah bataya ki chauth ke din chndrama tumhare mastak ka sehara (taj) banakar poore vishv ko shitalata pradan karega. jo stri-purush is tithi par tumhara poojan tatha chndr ardhyadan dega. usaka trividhi tap (daihik, daivik, bhautik) door hoga aur eshvary, putr, saubhagy ko prapt karega. yah sunakar devagan harshatirek men pranam kar antardhan ho ge.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah