bharatakosh ke snsthapak/snpadak ke fesabuk laiv ke lie yahan klik karen.

आमलक्य एकादशी  हिन्दी देवनागरी में पढ़ें।

amalaky ekadashi
bhagavan vishnu ki pratima
vivaran 'amalaky ekadashi' ka vrat hindoo dharm men vishesh mahattv ka hai. yah ekadashi vrat hinduon men bada hi pavitr mana gaya hai.
dharm hindoo dharm
mah phalgun
tithi ekadashi
devata bhagavan vishnu
any janakari 'amalaki' ka arth 'anvala' hota hai, jise hindoo dharm shastron men gnga ke saman shreshth bataya gaya hai. 'padm puran' ke anusar amalaki ya anvala ka vriksh bhagavan vishnu ko behad priy hai.

amalaky ekadashi athava amalaki ekadashi phalgun mah ke shukl paksh men ekadashi tithi ko manaee jati hai. hindoo dharm men is tithi ko bada hi pavitr tatha mahattv ka bataya gaya hai. yah tithi bhagavan vishnu ko samarpit hai aur unhin ke nimitt is tithi par vrat, bhajan-kirtan adi kiya jata hai. amalak vriksh (anvala), jisamen hari evn lakshmi ji ka vas hota hai, ke niche shrihari ki pooja ki jati hai.[1] hemadri vratakhand[2], smritikaustubh[3] men amalaki vriksh ke niche damodar evn radha ki pooja ka varnan hai.

pauranik katha

brahmand puran men mandhata aaur vashishth snvad men phalgun mas ke shukl paksh ki 'amalaki ekadashi' ka mahatmy is prakar varnit hua hai-

ek bar mandhata ji ne vashishth ji se prarthana ki- "he rishivar! yadi ap mujh par prasann hain, mujh par yadi apaki kripa hai to ap kripa karake mujhe aisa vrat batalaie jisaka palan karane se mujhe vastavik kalyan ki prapti ho." isake uttar men vashishth ji ne prasannachit hokar kaha- "he rajanh! main apako shastr ke ek gopaniy, rahasyapoorn tatha bade hi kalyanakari vrat ki katha sunata hoon, jo ki samast prakar ke mngal ko dene vali hai. he rajanh! is vrat ka nam amalaki ekadashi vrat hai. yah vrat bade se bade papon ka nash karane vala, ek hajar gay dan ke puny ka phal dene vala evn moksh pradata hai.[4]

purane samay ke vaidish nam ke nagar men brahman, kshatriy, vaishy tatha shoodr varn ke log bade hi sukhapoorvak nivas karate the. vahan ke log svabhavik roop se svasth tatha hasht-pusht the. he rajanh! us nagar men koee bhi manushy, papatma athava nastik nahin tha. is nagar men jahan tahan vaidik karm ka anushthan hua karata tha. ved dhvani se yah nagar goonjata hi rahata tha. us nagar men chndravnshi raja raj karate the. isi chndravnshiy rajavnsh men ek chaitrarath nam ke dharmatma evn sadachara raja ne janm liya. yah raja bada parakrami, shooravir, dhanavan, bhagyavan tatha shastrgy bhi tha. is raja ke rajy men praja ko bada hi sukh tha. sara vatavaran hi anukool tha. yahan ki sari praja vishnu bhakti parayan thi. sabhi log ekadashi ka vrat karate the. is rajy men koee bhi daridr athava kripan nahin dekha jata tha. is prakar praja ke sath raja, anekon varshon tak sukhapoorvak raj karate rahe. ek bar phalgun shukl pakshiy dvadashi snyukta amalaki ekadashi a gee. yah ekadashi mahaphal dene vali hai, aisa janakar nagar ke balak, vriddh, yuva, stri v purush tatha svayn raja ne bhi saparivar is ekadashi ka vrat ka poore niyamon ke sath palan kiya. ekadashi vale din raja prat: kal nadi men snan adi samapt kar samast praja ke sath usi nadi ke kinare par bane bhagavan shrivishnu ke mndir men ja pahunche. unhonne vahan divy gndh suvasit jalapoorn kalash chhatr, vastr, paduka adi pncharatmon ke dvara susajjit karake bhagavan ki sthapana ki. isake bad dhoop-dip prajvalit karake amalaki arthath anvale ke sath parashuram ki pooja ki aaur ant men prarthana ki- "he parashuram! he renuka ke sukhavardhak! he mukti pradata! aapako namaskar hai. he amalaki! he brahmaputri! he dhatri! he papanishani! ap ko namaskar. ap meri pooja svikar karen."

is prakar raja ne apani praja ke vyaktiyon ke sath bhagavan shrivishnu evn bhagavan shriparashuram ji ki pavitr charitr gatha shravan, kirtan v smaran karate hue tatha ekadashi ki mahima sunate hue ratri jagaran bhi kiya. usi sham ek shikari shikar karata hua vahin a pahuncha. jivon ki hatya karake hi vah din vyatit karata tha. dipamalaaon se susajjit tatha bahut se logon dvara ikatthe hokar hari kirtan karate hue ratri jagaran karate dekh kar shikari sochane laga ki yah sab kya ho raha hai? shikari ke pichhale janm ke puny ka uday hone par hi vahan ekadashi vrat karate hue bhakt janon ka usane darshan kiya. kalash ke oopar virajaman bhagavan shridamodar ji ka usane darshan kiya tatha vahan baithakar bhagavan shrihari ki charitr gatha shravan karane laga. bhookha pyasa hone par bhi ekagr man se ekadashi vrat ke mahatmy ki katha tatha bhagavan shrihari ki mahima shravan karate hue usane bhi ratri jagaran kiya. prat: hone par raja apani praja ke sath apane nagar ko chala gaya tatha shikari bhi apane ghar vapas a gaya aaur samay par usane bhojan kiya.[4]

kuchh samay bad jab us shikari ki mrityu ho gee to anayas ekadashi vrat palan karane tatha ekadashi tithi men ratri jagaran karane ke prabhav se us shikari ne doosare janm men vishal dhan snpada, sena, samnt, hathi, ghode, rathon se poorn jaynti nam ki nagari ke vidoorath namak raja ke yahan putr ke roop men janm liya. vah soory ke saman parakrami, prithvi ke saman kshamashil, dharmanishth, satyanishth evn anekon sadgunon se yukt hokar bhagavan vishnu ki bhakti karata hua tatha ek lakh ganvon ka adhpaty karata hua jivan bitane laga. vah bada dani bhi tha. is janm men isaka nam vasurath tha. ek bar vah shikar karane ke lie van men gaya aaur marg bhatak gaya. van men ghoomate-ghoomate thaka hara, pyas se vyakul hokar apani bahon ka takiya banakar jngal men so gaya. usi samay parvaton me rahane vale malechchh yavan soe hue raja ke pas akar, raja ki hatya ki cheshta karane lage. ve raja ko shatru manakar unaki hatya karane par tule the. unhen kuchh aisa bhram ho gaya tha ki ye vahi vyakti hai jisane hamare mata-pita, putr-pautr adi ko mara tha tatha isi ke karan ham jngal men khak chhan rahe hain. kintu ashchary ki bat ki un logon dvara phenke ge astr shastr raja ko n lagakar usake ird-gird hi girate ge. raja ko kharonch tak nahin aee. jab un logon ke astr shastr samapt ho ge to ve sabhi bhayabhit ho ge tatha ek kadam bhi age nahin badha sake. tab sabhi ne dekha ki usi samay raja ke sharir se divy gndh yukt, anekon abhooshanon se abhoosht ek param sundari devi prakat huee. vah bhishan bhrikutiyukta, krodhitanetra devi krodh se lal-pili ho rahi thi. us devi ka yah svaroop dekhakar sabhi yavan idhar-udhar daudane lage, parntu us devi ne hath men chakr lekar ek kshan men hi sabhi malechchhon ka vadh kar dala.

jab raja ki nind khuli tatha usane yah bhayanak hatyakand dekha to vah ashcharyachakit ho gaya. sath hi bhayabhit bhi ho gaya. un bhishan akar vale malechchhon ko mara dekhakar raja vismay ke sath sochane laga ki mere in shatruaon ko mar kar meri raksha kisane ki? yahan mera aisa kaun hitaishi mitr hai? jo bhi ho, main usake is mahanh kary ke lie usaka bahut-bahut dhanyavad gyapan karata hoon. usi samay akashavani huee ki bhagavan keshav ko chhodakar bhala sharanagat ki raksha karane vala aaur hai hi kaun? at: sharanagat rakshak, sharanagat palak shrihari ne hi tumhari raksha ki hai. raja us akashavani ko sunakar prasann to hua hi, sath hi bhagavan shrihari ke charanon men ati kritgy hokar bhagavan ka bhajan karate hue apane rajy men vapas a gaya aaur nishtnk rajy karane laga. vashishth kahate hain- "he rajan! jo manushy is amalaki ekadashi vrat ka palan karate hain, vah nishchit hi vishnulok ki prapti kar lete hain."[4]

vrat vidhi

'amalaki' yani anvala ko shastron men shreshth sthan prapt hai. vishnu ne jab srishti ki rachana ke lie brahma ko janm diya, usi samay unhonne anvale ke vriksh ko janm diya. anvale ko bhagavan vishnu ne adi vriksh ke roop men pratishthit kiya hai. isake har ang men eeshvar ka sthan mana gaya hai. amalaki ekadashi vrat ke pahale din vrati ko dashami ki ratri men ekadashi vrat ke sath bhagavan vishnu ka dhyan karate hue sona chahie tatha amalaki ekadashi ke din subah snan karake bhagavan vishnu ki pratima ke samaksh hath men til, kush, mudra aur jal lekar snkalp karen ki main bhagavan vishnu ki prasannata evn moksh ki kamana se amalaki ekadashi ka vrat rakhata hoon. mera yah vrat saphalatapoorvak poora ho. isake lie shrihari mujhe apani sharan men rakhen. tatpashchath 'mam kayikavachikamanasik sansargikapatakopapatakadurit kshayapoorvak shrutismritipuranokt phal praptayai shri parameshvarapriti kamanayai amalaki ekadashi vratamahn karishye' is mntr se snkalp lene ke pashchath shodshopachar sahit bhagavan ki pooja karen. bhagavan ki pooja ke pashchath poojan samagri lekar anvale ke vriksh ki pooja karen. sabase pahale vriksh ke charon ki bhoomi ko saph karen aur use gay ke gobar se pavitr karen.

ped ki jad men ek vedi banakar us par kalash sthapit karen. is kalash men devataon, tirthon evn sagar ko amntrit karen. kalash men sugndhi aur pnch ratn rakhen. isake oopar pnch pallav rakhen. phir dip jalakar rakhen. kalash par shrikhnd chndan ka lep karen aur vastr pahanaen. ant men kalash ke oopar shrivishnu ke chhathe avatar parashuram ki svarn moorti sthapit karen aur vidhivat roop se parashuram ji ki pooja karen. ratri men bhagavat katha v bhajan kirtan karate hue prabhu ka smaran karen. dvadashi ke din subah brahman ko bhojan karava kar dakshina den, sath hi parashuram ki moorti sahit kalash brahman ko bhent karen. in kriyaon ke pashchath parayan karake ann jal grahan karen. bhagavan vishnu ne kaha hai- "jo prani svarg aur moksh prapti ki kamana rakhate hain, unake lie phalgun shukl paksh men jo pushy nakshatr men ekadashi ati hai, us ekadashi ka vrat atynt shreshth hai. is ekadashi ko amalaki ekadashi ke nam se jana jata hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. padm puran (6|47|33);
  2. hemadri vratakhand 1, 1155-1156)
  3. smritikaustubh 516
  4. 4.0 4.1 4.2 amalaki ekadashi vrat katha (hindi) punjabkesari.in. abhigaman tithi: 2017, .

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah