गणगौर  हिन्दी देवनागरी में पढ़ें।

ganagaur
eeshar aur gaur, ganagaur
anuyayi bharatiy, hindoo
uddeshy yah vrat vivahita ladakiyon ke lie pati ka anurag utpann karane vala aur kumariyon ko uttam pati dene vala hai. isase suhaginon ka suhag akhnd rahata hai.
prarambh pauranik kal
tithi chaitr shukl paksh tritiya
utsav holi ke doosare din se hi ganagaur ka tyohar arnbh ho jata hai jo poore solah din tak lagatar chalata rahata hai.
dharmik manyata is din bhagavan shiv ne parvati ji ko tatha parvati ji ne samast stri samaj ko saubhagy ka varadan diya tha. suhaginen vrat dharan karane se pahale renuka (mitti) ki gauri ki sthapana karati hai evn unaka poojan karati hain.
any janakari rajasthani men kahavat hai 'tij tinvara bavadi le doobi ganagaur' arth hai ki savan ki tij se tyoharon ka agaman shuroo ho jata hai aur ganagaur ke visarjan ke sath hi tyoharon par char mahine ka viram a jata hai.

ganagaur ek tyohar hai jo chaitr shukl paksh ki tritiya ko manaya jata hai. holi ke doosare din (chaitr krishn pratipada) se jo navavivahitaen pratidin ganagaur poojati hain, ve chaitr shukl dvitiya ke din kisi nadi, talab ya sarovar par jakar apani pooji huee ganagauron ko pani pilati hain aur doosare din saynkal ke samay unaka visarjan kar deti hain. yah vrat vivahita ladakiyon ke lie pati ka anurag utpann karane vala aur kumariyon ko uttam pati dene vala hai. isase suhaginon ka suhag akhnd rahata hai.

ganagaur poojan kab aur kyon

navaratr ke tisare din yani ki chaitr mas ke shukl paksh ki tij ko ganagaur mata (man parvati) ki pooja ki jati hai. parvati ke avatar ke roop men ganagaur mata v bhagavan shnkar ke avatar ke roop men eeshar ji ki pooja ki jati hai. prachin samay men parvati ne shnkar bhagavan ko pati (var) roop men pane ke lie vrat aur tapasya ki. shnkar bhagavan tapasya se prasann ho ge aur varadan mangane ke lie kaha. parvati ne unhen hi var ke roop men pane ki abhilasha ki. parvati ki manokamana poori huee aur parvati ji ki shiv ji se shadi ho gayi. tabhi se kunvari ladakiyan ichchhit var pane ke lie eeshar aur ganagaur ki pooja karati hai. suhagin stri pati ki lambi ayu ke lie yah pooja karati hai. ganagaur pooja chaitr mas ke krishn paksh ki tritiya tithi se arambh ki jati hai. solah din tak subah jaldi uth kar bagiche men jati hain, doob v phool chun kar lati hai. doob lekar ghar ati hai us doob se doodh ke chhinte mitti ki bani huee ganagaur mata ko deti hai. thali men dahi pani supari aur chandi ka chhalla adi samagri se ganagaur mata ki pooja ki jati hai.

athaven din eeshar ji patni (ganagaur) ke sath apani sasural ate hain. us din sabhi ladakiyan kumhar ke yahan jati hain aur vahan se mitti ke bartan aur ganagaur ki moorti banane ke lie mitti lekar ati hai. us mitti se eeshar ji, ganagaur mata, malin adi ki chhoti chhoti moortiyan banati hain. jahan pooja ki jati hai us sthan ko ganagaur ka pihar aur jahan visarjan kiya jata hai vah sthan sasural mana jata hai.

rajasthan ka atynt vishisht tyohar

rajasthan ka to yah atynt vishisht tyohar hai. is din bhagavan shiv ne parvati ko tatha parvati ne samast stri samaj ko saubhagy ka varadan diya tha. ganagaur mata ki poore rajasthan men pooja ki jati hai. rajasthan se lage braj ke simavarti sthanon par bhi yah tyohar dhoomadham se manaya jata hai. chaitr mas ki tij ko ganagaur mata ko choorame ka bhog lagaya jata hai. dopahar bad ganagaur mata ko sasural vida kiya jata hai, yani ki visarjit kiya jata hai. visarjan ka sthan ganv ka kuan ya talab hota hai. kuchh striyan jo vivahit hoti hain vo yadi is vrat ki palana karane se nivriti chahati hain vo isaka ajoona karati hai (udyapan karati hain) jisamen solah suhagan striyon ko samast solah shrringar ki vastuen dekar bhojan karavati hain. is din bhagavan shiv ne parvati ji ko tatha parvati ji ne samast stri samaj ko saubhagy ka varadan diya tha. suhaginen vrat dharan se pahale renuka (mitti) ki gauri ki sthapana karati hai evn unaka poojan kiya jata hai. isake pashchath gauri ji ki katha kahi jati hai.katha ke bad gauri ji par chadhae hue sindoor se striyan apani mang bharati hain. isake pashchath keval ek bar bhojan karake vrat ka paran kiya jata hai. ganagaur ka prasad purushon ke lie varjit hai.

utsav aur anushthan

gauri mata

gauri poojan ka yah tyohar bharat ke sabhi pranton men thode-bahut nam bhed se poorn dhoomadham ke sath manaya jata hain. is din striyan sundar vastr au abhooshan dharan karati hain. is din suhaginen dopahar tak vrat rakhati hain. vrat dharan karane se poorv renuka gauri ki sthapana karati hain. isake lie ghar ke kisi kamare men ek pavitr sthan par chaubis angul chaudi aur chaubis angul lambi vargakar vedi banakar haldi, chndan, kapoor, kesar adi se us par chauk poora jata hai. phir us par baloo se gauri arthath parvati banakar (sthapana karake) is sthapana par suhag ki vastuen- kanch ki choodiyan, mahavar, sindoor, roli, menhadi, tika, bindi, kngha, shisha, kajal adi chadhaya jata hai.
chndan, akshat, dhoop, dip, naivedy adi se gauri ka vidhipoorvak poojan karake suhag ki is samagri ka arpan kiya jata hai. phir bhog lagane ke bad gauri ji ki katha kahi jati hai. katha ke bad gauriji par chadhae hue sindoor se mahilaen apani mang bharati hain. gauriji ka poojan dopahar ko hota hai. isake pashchath keval ek bar bhojan karake vrat ka paran kiya jata hai. ganagaur ka prasad purushon ke lie nishiddh hai. ganagaur par vishesh roop se maida ke gune banae jate hain. ladaki ki shadi ke bad ladaki pahali bar ganagaur apane mayake men manati hai aur in gunon tatha sas ke kapado ka bayana nikalakar sasural men bhejati hai. yah vivah ke pratham varsh men hi hota hai, bad men prativarsh ganagaur ladaki apani sasural men hi manati hai. sasural men bhi vah ganagaur ka udyapan karati hai aur apani sas ko bayana, kapade tatha suhag ka sara saman deti hai. sath hi solah suhagin striyon ko bhojan karakar pratyek ko sampoorn shrringar ki vastuen aur dakshin di jati hai. ganagaur poojan ke samay striyan gauriji ki katha bhi kahati hain.

masti ka parv

holi ke doosare din se hi ganagaur ka tyohar arnbh ho jata hai jo poore solah din tak lagatar chalata rahata hai. ganagaur ke tyohar ko umng, utsah aur josh se manaya jata hai. yah utsav masti ka parv hai. isamen kanyaen aur vivahit striyan mitti ke eeshar aur gaur banati hai. aur unako sundar poshak pahanati hai aur unaka shrringar karati hain. striyan aur kanyaen bhi is din gahane aur kapadon se saji-dhaji rahati hain. aur ganagaur ke din kunari kanyaen ek khel bhi khelati hai jisamen ek ladaki doolha aur doosari doolhan banati hain. jinhen ve eeshar aur gaur kahate hain aur unake sath sakhiyan git gati huee un donon ko lekar apane ghar se nikalati hai aur sab milakar ek bagiche par jati hai vahan pipal ke ped ke jo isar aur gaur bane hote hai vo donon phere lete hain. jab phere poore ho jate hai tab ye sab nachati aur gati hai. usake bad ye ghar jakar unaka poojan karati hain, aur bhog lagati hain aur sham ko unhen pani pilati hain. agale din ve un mitti ke isar aur gaur ko le jakar kisi bhi nadi men unaka visarjan kar deti hain.

jodhapur ka mela

ganagaur, jodhapur, rajasthan

jodhapur men lotiyon ka mela lagata hai. vastr aur abhooshanon se saji-dhaji, kalapoorn lotiyon ki minar ko sir par rakhe, hazaron ki snkhya men gati huee nariyon ke svar se jodhapur ka poora bazar goonj uthata hai. rajagharanon men raniyan aur rajakumariyan pratidin gavar ki pooja karati hain. chitrakar poojan ke sthan par divar par eesar aur gavari ke bhavy chitr ankit kar deta hai. kele ke ped ke pas eesar aur gavari chaupad khelate hue ankit kie jate hain. eesar ke samane gavari hath jode baithi rahati hain. eesaraji kali dadhi aur rajasi poshak men tejasvi purush ke roop men ankit kie jate hain. mitti ki pindiyon ki pooja kar divar par gavari ke chitr ke niche solah kunkum aur kajal ki bindiya lagakar hari doob se poojati hain. sath hi ichchha prapti ke git gati hain. ek bujurg aurat phir panch kahani sunati hai. ye hoti hain shnkar-parvati ke prem ki, dampaty jivan ki madhur jhalakiyon ki. ganagaur mata ki poore rajasthan men jagah jagah savari nikali jati hai jisamen eesharadas jiv ganagaur mata ki adam qad moohrtiyan hoti hai. udayapur ki dhinga, bikaner ki chandamal ganagaur prasiddh hain. rajasthani men kahavat bhi hai tij tinvara bavadi le doobi ganagaur arth hai ki savan ki tij se tyoharon ka agaman shuroo ho jata hai aur ganagaur ke visarjan ke sath hi tyoharon par char mahine ka viram a jata hai.

katha

bhagavan shnkar tatha parvati ji narad ji ke sath bhraman ko nikale. chalate-chalate ve chaitr shukl tritiya ke din ek ganv men pahunch ge. unake agaman ka samachar sunakar ganv ki shreshth kulin striyan unake svagat ke lie svadisht bhojan banane lagin. bhojan banate-banate unhen kafi vilnb ho gaya kintu sadharan kul ki striyan shreshth kul ki striyon se pahale hi thaliyon men haldi tatha akshat lekar poojan hetu pahunch geen. parvati ji ne unake pooja bhav ko svikar karake sara suhag ras un par chhidak diya. ve atal suhag prapti ka varadan pakar lautin. bad men uchch kul ki striyan bhanti bhanti ke pakavan lekar gauri ji aur shnkar ji ki pooja karane pahunchin. unhen dekhakar bhagavan shnkar ne parvati ji se kaha, 'tumane sara suhag ras to sadharan kul ki striyon ko hi de diya. ab inhen kya dogi?'

parvat ji ne uttar diya, 'prananath, ap isaki chinta mat kijie. un striyon ko mainne keval oopari padarthon se bana ras diya hai. parntu main in uchch kul ki striyon ko apani ungali chirakar apane rakt ka suhagaras doongi. yah suhagaras jisake bhagy men padega, vah tan-man se mujh jaisi saubhagyashalini ho jaegi.'

jab striyon ne poojan samapt kar diya, tab parvati ji ne apani ungali chirakar un par chhidak diya, jis jis par jaisa chhinta pada, usane vaisa hi suhag pa liya. akhnd saubhagy ke lie prachinakal se hi striyan is vrat ko karati a rahi hain.

ganagaur, jodhapur, rajasthan

isake bad bhagavan shiv ki agya se parvati ji ne nadi tat par snan kiya aur baloo ke mahadev banakar unaka poojan karane lagin. poojan ke bad baloo ke hi pakavan banakar shivaji ko bhog lagaya. isake bad pradakshina karake, nadi tat ki mitti ke mathe par tika lagakar, baloo ke do kanon ka prasad paya aur shiv ji ke pas vapas laut aeen.

is sab poojan adi men parvati ji ko nadi kinare bahut der ho gee thi. at: mahadev ji ne unase deri se ane ka karan poochha. is par parvati ji ne kaha- 'vahan mere bhaee-bhavaj adi mayake vale mil ge the, unhin se baten karane men deri ho gee.'

parantu bhagavan to akhir bhagavan the. ve shayad kuchh aur hi lila rachana chahate the. at: unhonne poochha- 'tumane poojan karake kis chiz ka bhog lagaya aur kya prasad paya?'

parvati ji ne uttar diya- 'meri bhavaj ne mujhe doodh-bhat khilaya. use hi khakar main sidhi yahan chali a rahi hoon.' yah sunakar shiv ji bhi doodh-bhat khane ke lalach men nadi-tat ki or chal pade. parvati ji duvidha men pad geen. unhonne socha ki ab sari pol khul jaegi. at: unhonne maun-bhav se shiv ji ka dhyan karake prarthana ki, 'he prabhu! yadi main apaki anany dasi hoon to ap hi is samay meri laj rakhie.'

is prakar prarthana karate hue parvati ji bhi shnkar ji ke pichhe-pichhe chalane lagin. abhi ve kuchh hi door chale the ki unhen nadi ke tat par ek sundar maya mahal dikhaee diya. jab ve us mahal ke bhitar pahunche to vahan dekhate hain ki shiv ji ke sale aur salahaj adi saparivar maujood hain. unhonne shnkar-parvati ka bade prem se svagat kiya.

ganagaur ghat, udayapur

ve do din tak vahan rahe aur unaki khoob mehamanadari hoti rahi. tisare din jab parvati ji ne shnkar ji se chalane ke lie kaha to ve taiyar n hue. ve abhi aur rukana chahate the. parvati ji roothakar akeli hi chal din. tab majaboor hokar shnkar ji ko parvati ke sath chalana pada. narad ji bhi sath men chal die. tinon chalate-chalate bahut door nikal ge. saynkal hone ke karan bhagavan bhaskar apane dham ko padhar rahe the. tab shiv ji achanak parvati se bole- 'main tumhare mayake men apani mala bhool aya hoon.'

parvati ji bolin -'thik hai, main le ati hoon.' kintu shiv ji ne unhen jane ki agya nahin di. is kary ke lie unhonne brahma putr narad ji ko vahan bhej diya. narad ji ne vahan jakar dekha to unhen mahal ka namonishan tak n dikha. vahan to door-door tak ghor jngal hi jngal tha.

is andhakarapoorn daravane vatavaran ko dekh narad ji bahut hi ashcharyachakit hue. narad ji vahan bhatakane lage aur sochane lage ki kahin vah kisi galat sthan par to nahin a ge? sahasa bijali chamaki aur narad ji ko mala ek ped par tngi huee dikhaee di. narad ji ne mala utar li aur use lekar bhayatur avastha men shighr hi shiv ji ke pas ae aur shiv ji ko apani vipatti ka vivaran kah sunaya.

is prasng ko sunakar shiv ji ne hnsate hue kaha- 'he muni! apane jo kuchh drishy dekha vah parvati ki anokhi maya hai. ve apane parthiv poojan ki bat ko apase gupt rakhana chahati thin, isalie unhonne jhooth bola tha. phir us ko saty siddh karane ke lie unhonne apane pativrat dharm ki shakti se maya mahal ki rachana ki. at: sachaee ko ubharane ke lie hi mainne bhi mala lane ke lie tumhen dubara us sthan par bheja tha.'

is par parvatiji bolin- 'main kis yogy hoon.'

tab narad ji ne sir jhukakar kaha- 'mata! ap pativrataon men sarvashreshth hain. ap saubhagyavati adishakti hain. yah sab apake pativrat dharm ka hi prabhav hai. snsar ki striyan apake nam ka smaran karane matr se hi atal saubhagy prapt kar sakati hain aur samast siddhiyon ko bana tatha mita sakati hain. tab apake lie yah karm kaun-si badi bat hai?

he mata! gopaniy poojan adhik shaktishali tatha arthak hota hai. jahan tak inake pativrat prabhav se utpann ghatana ko chhipane ka saval hai. vah bhi uchit hi jan padati hai kyonki pooja chhipakar hi karani chahie. apaki bhavana tatha chamatkarapoorn shakti ko dekhakar mujhe bahut prasannata huee hai.

mera yah ashirvachan hai- 'jo striyan is tarah gupt roop se pati ka poojan karake mngal kamana karengi unhen mahadev ji ki kripa se dirghayu pati ka snsarg milega tatha usaki samast manokamanaon ki poorti hogi. phir aj ke din apaki bhaktibhav se pooja-aradhana karane vali striyon ko atal saubhagy prapt hoga hi.'

yah kahakar narad ji to pranam karake devalok chale ge aur shiv ji-parvati ji kailash ki or chal pade. choonki parvati ji ne is vrat ko chhipakar kiya tha, usi parampara ke anusar aj bhi striyan is vrat ko purushon se chhipakar karati hain. yahi karan hai ki akhand saubhagy ke lie prachin kal se hi striyan is vrat ko karati a rahi hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah