bharatakosh ke snsthapak/snpadak ke fesabuk laiv ke lie yahan klik karen.

नरक चतुर्दशी  हिन्दी देवनागरी में पढ़ें।

narak chaturdashi
yamaraj
any nam 'chhoti dipavali', 'narak chaudas', 'roop chaudas', 'roop chaturdashi', 'nark chaturdashi', 'naraka pooja'
anuyayi hindoo
uddeshy is chaturdashi ka poojan kar akal mrityu se mukti tatha svasthy suraksha ke lie yamaraj ji ki pooja v upasana ki jati hai.
prarambh pauranik kal
tithi kartik krishn paksh chaturdashi
dharmik manyata bhagavan shrikrishn ne kartik mah men krishnapaksh ki chaturdashi ke din narakasur ka vadh karake devataon v rishiyon ko usake atnk se mukti dilavaee thi.
any janakari dipavali se ek din pahale manaee jane vali narak chaturdashi ke din sndhya ke pashchath dipak prajjavalit kie jate hain.

narak chaturdashi kartik mah ke krishn paksh ki chaturdashi ko kaha jata hai. narak chaturdashi ko 'chhoti dipavali' bhi kahate hain. isake atirikt is chaturdashi ko 'narak chaudas', 'roop chaudas', 'roop chaturdashi', 'nark chaturdashi' ya 'naraka pooja' ke nam se bhi jana jata hai. hindoo manyataon ke anusar yah mana jata hai ki kartik krishn paksh chaturdashi ke din mrityu ke devata yamaraj ki pooja ka vidhan hai. dipavali se ek din pahale manaee jane vali narak chaturdashi ke din sndhya ke pashchath dipak prajjavalit kie jate hain. is chaturdashi ka poojan kar akal mrityu se mukti tatha svasthy suraksha ke lie yamaraj ji ki pooja v upasana ki jati hai.

pauranik kathaen

is chaturdashi se judi pauranik kathaen is prakar hain-

pratham katha-

ek katha ke anusar rantidev namak ek raja hue the. vah bahut hi punyatma aur dharmatma purush the. sadaiv dharm, karm ke karyon men lage rahate the. jab unaka antim samay aya to yamaraj ke doot unhen lene ke lie aye. ve doot raja ko narak men le jane ke lie age badhe. yamadooton ko dekh kar raja ashchary chakit ho gaye aur unhonne poochha- "mainne to kabhi koee adharm ya pap nahin kiya hai to phir ap log mujhe nark men kyon bhej rahe hain. kripa kar mujhe mera aparadh bataiye, ki kis karan mujhe narak ka bhagi hona pad raha h.". raja ki karuna bhari vani sunakar yamadooton ne kaha- "he rajan ek bar tumhare dvar se ek brahman bhookha hi laut gaya tha, jis karan tumhen narak jana pad raha hai.


raja ne yamadooton se vinati karate hue kaha ki vah use ek varsh ka aur samay dene ki kripa karen. raja ka kathan sunakar yamadoot vichar karane lage aur raja ko ek varsh ki ayu pradan kar ve chale gaye. yamadooton ke jane ke bad raja is samasya ke nidan ke lie rishiyon ke pas gaya aur unhen samast vrittant bataya. rishi raja se kahate hain ki yadi rajan kartik mah ki krishn paksh ki chaturdashi ka vrat kare aur brahmanon ko bhojan karaye aur unase apane aparadhon ke lie kshama yachana kare to vah pap se mukt ho sakata hai. rishiyon ke kathan ke anusar raja kartik mah ki krishn chaturdashi ka vrat karata hai. is prakar vah pap se mukt hokar bhagavan vishnu ke vaikunth dham ko pata hai.

dvitiy katha-

ek any prasnganusar bhagavan shrikrishn ne kartik mah men krishn chaturdashi ke din narakasur ka vadh karake devataon v rishiyon ko usake atnk se mukti dilavaee thi. isake sath hi krishn bhagavan ne solah hazar kanyaon ko narakasur ke bndigrih se mukt karavaya. isi upalakshy men nagaravasiyon ne nagar ko dipon se prakashit kiya aur utsav manaya. tabhi se narak chaturdashi ka tyauhar manaya jane laga.

tritiy katha-

jab bhagavan vaman ne trayodashi se amavasya ki avadhi ke bich daityaraj bali ke rajy ko tin kadam men nap diya to raja bali jo ki param dani the, unhonne apana poora rajy bhagavan vishnu ke avatar bhagavan vaman ko dan kar diya. is par bhagavan vaman ne prasann hokar bali se var mangane ko kaha. bali ne bhagavan se kaha ki, "he prabhu ! mainne jo kuchh apako diya hai, use to main mangoonga nahin aur n hi apane lie kuchh aur mangoonga, lekin snsar ke logon ke kalyan ke lie main ek var mangata hoon. apaki shakti hai, to de dijiye." *bhagavan vaman ne kaha, "kya var mangan chahate ho rajan?”

daityaraj bali bole- "prabhu ! apane kartik krishn trayodashi se lekar amavasya ki avadhi men meri snpoorn prithvi nap li. in tin dinon men prativarsh mera rajy rahana chahie aur in tin din ki avadhi men jo vyakti mere rajy men dipavali manaye usake ghar men lakshmi ka sthayi nivas ho tatha jo vyakti chaturdashi ke din narak ke lie dipon ka dan karenge, unake sabhi pitar kabhi narak men na rahen, use yam yatana nahin honi chahie.” raja bali ki prarthana sunakar bhagavan vaman bole- "rajan ! mera varadan hai ki jo chaturdashi ke din narak ke svami yamaraj ko dipadan karenge, unake sabhi pitar log kabhi bhi narak men nahin rahenge aur jo vyakti in tin dinon men dipavali ka utsav manaenge, unhen chhodakar meri priy lakshmi kahin bhi nahin jayengi. jo in tin dinon men bali ke raj men dipavali nahin karenge, unake ghar men dipak kaise jalenge? tin din bali ke raj men jo manushy utsah nahin karate, unake ghar men sada shok rahe.” bhagavan vaman dvara bali ko diye is varadan ke bad se hi narak chaturdashi ke vrat, poojan aur dipadan ka prachalan arambh hua, jo aj tak chala a raha hai.[1]

roop chaturdashi

narak chaturdashi ko roop chaturdashi bhi kaha jata hai. aj ke din sooryoday se poorv snan avashy karana chahie. sooryoday se poorv tilli ke tel se sharir ki malish karani chahie, usake bad apamarg ka prokshan karana chahie tatha lauki ke tukade aur apamarg donon ko apane sir ke charon or sat bar ghumaen. aisa karane se narak ka bhay door hota hai. sath hi padmapuran ke mntr ka path karen.

"sitaloshthasamayuktn snkatakadalanvitam. har papamapamarg bhramyaman: pun: pun:॥"

arthath "he tumbi (lauki) he apamarg tum bar bar phirae jate hue mere papon ko door karo aur meri kubuddhi ka nash kar do.”

phir snan karen aur snan ke uparant lauki aur apamarg ko ghar ke dakshin disha men visarjit kar dena chahie. isase roop badhata hai aur sharir svasthy rahata hai. aj ke din sooryoday se poorv snan karane se manushy narak ke bhay se mukt ho jata hai.

padmapuran men likha hai ki- "jo manushy sooryoday se poorv snan karata hai, vah yamalok nahin jata hai arthath narak ka bhagi nahin hota hai."

bhavishyapuran ke anusar kartik krishn chaturdashi ko jo vyakti sooryoday ke bad snan karata hai, usake pichhale ek varsh ke samast puny kary samapt ho jate hain. is din snan se poorv tilli ke tel ki malish karani chahie, yadyapi kartik mas men tel ki malish varjit hoti hai, kintu narak chaturdashi ke din isaka vidhan hai. narak chaturdashi ko tilli ke tel men lakshmi ji tatha jal men gngaji ka nivas hota hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. narak chaturdashi (hindi) amitbehorey.com. abhigaman tithi: 29 aktoobar, 2016.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah