bharatakosh ke snsthapak/snpadak ke fesabuk laiv ke lie yahan klik karen.

अजा एकादशी  हिन्दी देवनागरी में पढ़ें।

aja ekadashi
bhagavan vishnu
any nam jaya ekadashi', 'kamika ekadashi'
anuyayi hindoo anuyayi
tithi bhadrapad mas, krishn paksh ki ekadashi
dharmik manyata aja ekadashi vrat karane se poorvajanm ki badhaen door ho jati hain. vyakti ko sukh-samriddhi ke sath hi hazar gaudan karane ke saman phal milata hai.
snbndhit lekh vishnu, ekadashi, bhadrapad mas, harishchandr
any janakari aja ekadashi ke din bhagavan vishnu ke 'upendr' svaroop ki pooja-aradhana ki jati hai tatha ratri jagaran kiya jata hai.

aja ekadashi ya 'kamika ekadashi' ka vrat bhadrapad ke krishn paksh ki ekadashi ko kiya jata hai. is ekadashi ke din kiya jane vala vrat samast papon aur kashton ko nasht karake har prakar ki sukh-samriddhi pradan karata hai. aja ekadashi ke vrat ko karane se poorvajanm ki badhaen door ho jati hain. is ekadashi ko 'jaya ekadashi' tatha 'kamika ekadashi' bhi kahate hain. is ekadashi ke din bhagavan vishnu ke 'upendr' svaroop ki pooja aradhana ki jati hai tatha ratri jagaran kiya jata hai. is pavitr ekadashi ke phal lok aur paralok donon men uttam kahe gaye hai. aja ekadashi vrat karane se vyakti ko hazar gaudan karane ke saman phal prapt hote hain. vyakti dvara jane-anajane men kie gaye sabhi pap samapt hote hai aur jivan men sukh-samrihddhi donon use prapti hoti hain.

katha

ek bar raja harishchandr ne svapn dekha ki unhonne apana sara rajy dan men de diya hai. raja ne svapn men jis vyakti ko apana rajy dan men diya tha, usaki akriti maharshi vishvamitr se milati-julati thi. agale din maharshi unake darabar men pahunche. tab satyavadi raja harishchandr ne svapn men diya apana sara rajy unhen saunp diya. jab raja darabar se chalane lage, tabhi vishvamitr ne raja se panch sau svarn mudraen mangi. raja ne kaha- "he rishivar! ap panch sau kya, jitani chahen mudraen le sakate hain." vishvamitr ne kaha- "tum bhool rahe ho rajan, rajy ke sath rajakosh to ap pahale hi dan kar chuke hain. kya dan ki huee vastu dakshina men dena chahate ho."

tab raja harishchandr ko bhool ka ehasas hua. phir unhonne patni tatha putr ko bechakar svarn mudraen jutaeen to sahi, parantu ve bhi poori n ho sakin. tab mudraen poori karane ke lie unhonne svayn ko bech diya. raja harishchandr ne jisake pas svayn ko becha tha, vah jati se dom tha. vah shmashan ka svami hone ke nate mritakon ke snbndhiyon se 'kar' lekar unhen shavadah ki svikriti deta tha. us dom ne raja harishchandr ko is kary ke lie tainat kar diya. unaka kary tha, jo bhi vyakti apane snbndhi ka shav lekar 'antim snskar' ke lie shmashan men ae, harishchandr usase 'kar' vasool karake use antim snskar ki svikriti den, anyatha snskar n karane diya jae. raja harishchandr ise apana kartavy samajhakar vidhivat palan karane lage.

raja harishchandr ko anek bar apani pariksha deni padi. ek din raja harishchandr ka ekadashi ka vrat tha. harishchandr arddharatri men shmashan men pahara de rahe the. tabhi vahan ek stri apane putr ka dah snskar karane ke lie aee. vah itani nirdhan thi ki usake pas shav ko dhakane ke lie kafan tak n tha. shav ko dhakane ke lie usane apani adhi sadi phadakar kafan banaya tha. raja harishchandr ne usase kar manga. parantu us avala ke pas kafan tak ke lie to paisa tha nahin, phir bhala 'kar' ada karane ke lie dhan kahan se ata? kartavyanishth maharaj ne use shavadah ki agya nahin di. bechari stri bilakh kar rone lagi. ek to putr ki mrityu ka shok, oopar se 'antim snskar' n hone par shav ki durgati hone ki ashnka. usi samay akash men ghane kale-kale badal mndarane lage. pani barasane laga. bijali chamakane lagi. bijali ke prakash men raja ne jab us stri ko dekha, to vah chaunk uthe. vah unaki patni taramati thi aur mritak balak tha, unaka ikalauta putr rohitashv, jisaka sanp ke katane se asamay hi dehant ho gaya tha.

patni tatha putr ki is din dasha ko dekhakar maharaj vichalit ho uthe. us din ekadashi thi aur maharaj ne sara din upavas rakha tha. doosare parivar ki yah durdasha dekhakar unaki ankhon men ansoo a ge. vah bhare hue netron se akash ki or dekhane lage. mano kah rahe hon- "he eeshvar! abhi aur kya-kya dikhaoge?" parantu yah to unake pariksha ki ghadi thi. unhonne bhari man se anajan banakar us stri se kaha- "devi! jis saty ki raksha ke lie ham logon ne rajabhavan ka tyag kiya, svayn ko becha, us saty ki raksha ke lie agar main is kasht ki ghadi men n rah paya to kartavyachyut hooonga. yadyapi is samay tumhari dasha atyant dayaniy hai tathapi tum meri sahayata karake meri tapasya ki raksha karo. 'kar' lie bina main tumhen putr ke antim snskar ki anumati nahin de sakata." rani ne sunakar apana dhairy nahin khoya aur jaise hi sharir par lipati huee adhi sadi men se adhi phadakar 'kar' ke roop men dene ke lie harishchandr ki or badhaee to tatkal prabhu prakat hokar bole- "harishchandr! tumane saty ko jivan men dharan karane ka uchchatam adarsh sthapit karake acharan ki siddhi ka parichay diya hai. tumhari karttavyanishtha dhany hai, tum itihas men amar rahoge." raja harishchandr ne prabhu ko pranam karake ashirvad mangate hue kaha- "bhagavan! yadi ap vastav men meri karttavyanishtha aur satyacharan se prasann hain to is dukhiya stri ke putr ko jivan dan dijie." aur phir dekhate hi dekhate eeshvar ki kripa se rohitashv jivit ho utha. bhagavan ke adesh se vishvamitr ne bhi unaka sara rajy vapas lauta diya."

vrat ki vidhi

'aja ekadashi' ka vrat karane ke lie uparokt baton ka dhyan rakhane ke bad vyakti ko ekadashi tithi ke din shighr uthana chahie. uthane ke bad nityakriya se mukt hone ke bad sare ghar ki saphaee karani chahie aur isake bad til aur mitti ke lep ka prayog karate hue, kusha se snan karana chahie. snan adi kary karane ke bad bhagavan vishnu ki pooja karani chahie. bhagavan shrivishnu ka poojan karane ke liye ek shuddh sthan par dhany rakhane chahie. dhanyon ke oopar kumbh sthapit kiya jata hai. kumbh ko lal rng ke vastr se sajaya jata hai aur sthapana karane ke bad kumbh ki pooja ki jati hai. isake pashchath kumbh ke oopar vishnu ji ki pratima ya tasvir lagaee jati hai. ab is pratima ke samane vrat ka snkalp liya jata hai. bina snkalp ke vrat karane se vrat ke poorn phal nahin milate hain. snkalp lene ke bad bhagavan ki pooja dhoop, dipak aur pushp se ki jati hai.

smaraniy tathy

'aja ekadashi' ka vrat karane ke liye dashami tithi ko vrat karane vale vyakti ko vrat snbandhi kee baton ka dhyan rakhana chahie.[1] is din vyakti ko nimn vastuon ka tyag karana chahie-

  1. vrat ki dashami tithi ke din vyakti ko mans kadapi nahin khana chahie.
  2. dashami tithi ki ratri men masoor ki dal khane se bachana chahie. isase vrat ke shubh phalon men kami hoti hai.
  3. chane nahin khane chahie.
  4. karodon ka bhojan nahin karana chahie.
  5. shak adi bhojan karane se bhi vrat ke puny phalon men kami hoti hai.
  6. is din shahad ka sevan karane se ekadashi vrat ke phal kam hote hain.
  7. vrat ke din aur vrat se pahale ke din ki ratri men kabhi bhi mang kar bhojan nahin karana chahie.
  8. isake atirikt is din doosari bar bhojan karana sahi nahin hota hai.
  9. vrat ke din aur dashami tithi ke din poorn brahmachary ka palan karana chahie.
  10. vrat ki avadhi men vyakti ko jua nahin khelana chahie.
  11. ekadashi vrat ho ya any koee vrat, vyakti ko din samayavadhi men shayan nahin karana chahie.
  12. dashami tithi ke din pan nahin khana chahie.
  13. datun nahin karana chahie. kisi ped ko katana nahin chahie.
  14. doosare ki ninda karane se bachana chahie.
  15. jhooth ka tyag karana chahie.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. aja ekadashi (hindi). . abhigaman tithi: 26 agast, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah